Kinderwunsch 22/23

[Mama21]

@aacinr1124
nice, das mit der gerbärdensprache joah wenn man nichts sagen kann / darf... hatte mal eine heftige kehlkopfentzündung. war ein lustiges telefonat, als ich der arztpraxis anrief und praktisch kein ton raus kam

unsere tochter ist seit paar tagen auch wieder fit. kein fieber mehr, husten nur noch sporadisch aber nicht mehr extrem, klebt nicht mehr die ganze zeit an mir, etc.. bin froh, meine "alte" tochter wieder zu haben

[Serrali86]

@beanieboo: Oh herzlichen Glückwusch zu den tollen News!!! das ist doch mal ein wunderschöner Wochenstart.

@aacinr1124:das ist aber eine schöne idee direkt gebärdensprache zu lernen. ihr macht den anschein, dass ihr au allem etwas gutes abgewinnen könnt.

@mama21: schön zu hören dass er deiner kleinen wieder besser geht. husten ist doch irgendwie immer so langwierig, ob alt oder jung.

[beanieboo]

Viel dank für die Glückwünsche

Mir gehts so durchwachsen. .

Ich habe mir sehr ein 3. kind gewünscht. Da es jetzt sehr lange nicht geklappt hat. Habe ich mich gedanklich schon daran gewöhnt das es 2 bleiben. (Ich 37jahr, wollte auch kein riesen Abstand)

Irgendwie freue ich mich schon. Und irgendwie au voll die panik ob ich das mit 3 dann schaffe .

Mein mann weiss noch nichts ..

[Mama21]

@beanieboo
wie alt sind die zwei anderen kinder?
du wirst das schaffen und du bist ja nicht alleine. du hast ja auch einen mann an deiner seite, der dich unterstützt. und wenn es einmal zu viel wird, gibt es sicher ansprechspartner, die du kontaktieren kannst.

weisst du schon wie dus deinem mann sagen wirst?

[beanieboo]

@mama21 1.kind 3.19. 2. kind 12.20

Ich weiss noni wie säge. Er denkt es seg nüt gsi de monet. Ich ha pms gha so 14.15.16 nov. . Ha ihm scho gseit es heg weder ned klaped

[Mama21]

i demfall statt pms sinds doch früheni ss-ahzeiche gsi
hmm wennd ihn wotsch überrasche, denn viellicht mitem erste ultraschall bild so à la es het klaaappet

[Mama21]

Guete Morge, i hoffe ihr hend ahgnemeri nächt gha als ich.
bin vom 03:15 bis öppe halbi 5i wachglege. und das mol usnahmswiis nöd weg de chline. die het fridlich zwüsche min fründ und mir pfuset. i bi eifach wach gsi und es sind so viel froge i mim chopf gsi. natürlich hauptsächlich öbs klappt het oder nöd. irgendwenn bini den wieder ihgschlofe und mis unterbewusstsii het mir natürlich möse d fust is gsichg haue: hab eifach träumt, dassi positiv testet han im traum ine bini den mega emotional worde und irgendwenn het mich de wecker wieder id realität zrugg beförderet...
da es mir den au hüt morge relativ übel gsi isch, hanis natürlich nöd chöne siiloh und nomel testet... und ooh wunder, isch es natürlich negativ gsi. wär au no ca. 2 täg z frühe gsi, aber jo. i glaub i muess nüme erwähne wie ungeduldig und dumm ich bin han mir eifach wenigstens en fiiine schwache zweite strich gwünscht.

aktuell bini mental echt amene punkt woni muess sege, dass i mi wieder z viel i di sache und ahzeiche mich inesteigere.
i versuech mich z entspanne aber es goht eifach nöd. i glaub es ligt au drah, dass i unbedingt während de kündigungsfrist no wott schwanger werde und nöd erst denoch.
i versuech rational z denke, aber mis buchgfühl stellt sich immer in wäg.
bin sit gester au am mittag fast am ihpenne, obwohl d nächt trotz em zahne vo de chline guet sind. mir isch hüt morge richtig übel gsi, aber den frog i mi, öb i mir das nur ihbilde? ZS produktion het sich au wieder meh bildet, obwohls ide letschte täg zrug gange isch. ich esse sit zwei täg immer wieder was, obwohl ich das währed pms nöd mache. allgemein hani eher weniger pms symptome.
jedes chlinste ding, sei es au mini aktuell spannendi / juckendi brüst, hinterfrogi mi öbs pms isch (obwohl i seb sust nie gspür, oder verdrengt ha) oder doch es ahzeiche isch.

ich hoff so sehr, dass die nöchste 2-3 täg, oder au besser gseit de nöchsti ziistig, so schnell wie möglich verbi gönd.

sorry, für de viellicht längeri text voller "mimimi"..

[Serrali86]

Hoi zema
Puh miar gohts gra ni so guat. Gester het üsi kli a zahunfall kah. Lippabändli grissa und dschufla wacklen. Ez müamer 2 wucha brei geh ubd kei nuggi und kei schoppa. Wasser au nu usam becher. Somit entfallt alles wo si beruhigt.dementsprchend isch dnacht gsi. Ihra gohts sowit guat, und isch munter. I bin schlimmer dra. Dur das das no mini mens koh isch bini mega emotional. Han vor johra a angststörig kah und in so situationa kunnt dia immer füra. Bin gra total überforderet. Han si ez ni zum schlofa brocht, zum glück kunnt dr papa amigs hei am mittag.

@mama21:jo an dina träum gseht ma wia dr ganz kinderwunsch eim tüf beschäftigt. Sin den amigs kei schöni moment. Probiar di ez so guat wias goht zum ablenka. So lang gohts ez jo nüma bis dr test sött "funktioniara" vur zit her.

@beanieboo: zack isch ma schwanger und schu kömmen anderi ängst. Aber iar hen das schu mit 2 gschafft, do werden iar das au no mima 3 packa, do bini miar sicher. Aber jo au dia gedanka ghören dazua,leider. Tuan doch au dina maa iweiha, den wirds sicher au biz eifacher. Hesch den am FA schu aglüta?

[Mama21]

@serrali86
auu sch... das isch heftig... i wüsst i dere situation glaub au nöd was mache.. hoffe, i dene zwei wuche verheilt sich alles bi ihre.. und au dass du wieder besser zwäg si wirsch.

jo i mach de nöchsti test glaub frühestens am fritig. ha etzt mol eine vo clearblue mit wuchebestimmig kauft. no nie demit testet. bi de tochter ischs en andere vo clearblue gsi, wo do positiv zeiget gha het. und de kassesturz het jo das johr mol en guete test usebrocht gha

[Serrali86]

Jo dia kli macht das super. Bin froh. Also i bin schlimmer dra als si. Aber han ez schu angst si ins bett bringa. As fehlt eifach was zur beruhigung. Essa tuat si zum glück guat, nu trinka ni so. Si het immer ihres fläschli kah wo ez au ni goht. Wasi biz doof finda, dasmer erst am 20.12. Wieder zum zahnarzt müan. Wüsst eigentli gera noch dena zwei wucha wias isch. Au ob mer den wieder schoppa geh töfften. Aber han ez schu angst uf normal essa und so den umstiga, kei ahnig wenn dr richtig zitpunkt den isch.

Jo han dazumol au eina vu clearblue kah wo eifach positiv ageh het. Aber ez bisch jo eigentli guat usgrüstet. Und je nöcher and da tag kusch wod mens koh wür, desto sicherer zeigens den jo au a

[Mama21]

Und en andere zahnarzt oder spitol chans nöd ahluege i zwei wuche? finds au chli ger lang bis fast vor wiehnachte chan dini angst voll nohvollzieh... heti i dere situation au angst..

[beanieboo]

@ mami21. Weiss noni. Ich öberlegge mir mol no öpis. Bi mim gyn gids nur digital föteli.

@serrali86. Ich hoff ihr sind scho besser zwäg.

Ich ha im fa noni tel. Bin hüt erst 28 täg schwanger (ha nur no 24 täg zyklus gha) er werd e erst so 8 wuche termin welle mache. Kennes jo vom de 2 andere kids.
Aber ich bin mir eh am überlegge öbi sell nur die 2 haupt untersüech mache und dusch zur hebamme. Susch werd das mega stressig immer öpper z finde gür mini kids und de ma cha au ned ständig frei mache. (Mir hend kei Familie im rucke)

Jo mol luege.

[Mama21]

@beanieboo
jo verstoh di. wennd kei grossi beschwerde hesch und e gueti schwangerschaft dörfsch gnüsse, würi das au eso überlegge.
dur d ss-diabetes und faktor v leiden bini eh scho abgstämpflet und dör regelmässig uf züri is trombosezenter und sicher wieder zur diabetologin

[Mama21]

guuuuete mooorgeee

ich han hüt en test mit wuchebestimmig gmacht vo clearblue und ... 1-2 !!! bin grad überwältigt... ich hetis nie denkt bim erste mol...

[Serrali86]

@Mama21: Herzlicha Glückwünsch. sooooo schöni News!! i gratuliara vu Herza. Das het ez eifach sölla si und du hesch dina Körper schu richtig gspürt.

[Mama21]

@serrali86
danke joo jetzt weissi warum i so krassi fressattakene han i hoffe es blibt und gedeit guet also vo de übelkeit her merki jetzt scho meh als do bi de tochter

[aacinr1124]

Whooohooo, @Mami21 ganz herzliche Gratulation auch von mir, das sind ja schöne News

[Mama21]

daankeschön realisier es no gar nöd richtig

[Serrali86]

Hesch dr Maa schu igweiht? wia muasch den du ez vorgoh mit dinera Vorgschicht?
Aber Übelkeit isch jo eigentlich a guats Zeicha.

[Mama21]

jo hanen am halbi 7ni gweckt und gseit, dassi schwanger segi denoch isch er halbe wieder ihgschlofe. isch ihm glaube au chli zu heftig gsi am morge frühe freu mi scho spöter nochem schaffe dihei zsi und s gnüsse

jo i warte jetzt mol no bis nöchst wuche, denn werdi de ärztin ahlüte und vermuetlich uf di 7. / 8. ssw en termin abmache. denn wird sie am termin au d überwiisig uf züri is trombosezenter mache. vo dört us werdi den de erst termin döt becho. und das denn alli 4 wuche.

und ss-diabetes wird wo wieder erst spöter untersuecht.