märzli 2021😍

Moderator: Züri Mami

Antworten
sara_89
Junior Member
Beiträge: 54
Registriert: Sa 28. Okt 2017, 17:38

Re: märzli 2021😍

Beitrag von sara_89 »

Bi mir wird d'übelkeit au langsam besser. Grad am Obig fühli mi au immer so ufbläht.

@patricia89 i beweg mi au im Alltag eher viel. I de letschte Schwangerschaft bini öppe ab de 25 SSW is Schwangerschaftsyoga gange und has guet gfunde, zum mir chli Zit zneh und chli abschalte vom alltag und natürlich au weg de Bewegig. I wird wenn bir nöchschte Kontrolle als guet isch sicher wieder luege obs es Agebot (Schwangerschaftsyoga oder Schwangerschaftspilates) ir Region git, wo für mi zitlich passt und mi denn au grad amelde, weni öppis find. (ir letschte Schwangerschaft hani glich äs paar Wuche müese warte, bis Platz gha hät)

I wohne ir Region Burgdorf
Mai 18, erstes Kind
* Januar 20, 12.SSW
ET 23. März 21

Ponymaus
Member
Beiträge: 154
Registriert: Sa 25. Mai 2019, 11:21
Geschlecht: weiblich

Re: märzli 2021😍

Beitrag von Ponymaus »

@FräuleinS
Mir gohts mittlerwiile au besser.. dMüedigkeit isch praktisch guet, Übelkeit nur wenn i no nüt g esse han oder öpis "falsches" (bines paar Sache wirds mer schlecht devo), Kopfweh isch au fascht guet.

@Patricia89
I beweg mi im Alltag au scho relativ vill.. han au zwei Ponys wo Beschäftigung bruched. Jogge hani aber vode Lischte gstriche 😉 für das hani kei Energie meh.
ÜZ 14 Test positiv Juni 2020

mii_99
Newbie
Beiträge: 6
Registriert: Mo 31. Aug 2020, 21:06
Geschlecht: weiblich

Re: märzli 2021😍

Beitrag von mii_99 »

Hallo zäme,
Ich bin neu in diesem Forum hier. Gem. FA ist der ET am 31.03.2021. Da mich mein Arzt nicht aufgeklärt hat wegen einer Spritze (welche ich schon seit längerem regelmässig für meine Gelenke erhalte) bin ich nun schwanger geworden. Es war nicht geplant aber wir freuen uns trotzdem riesig! 😍
Der nächste Termin beim FA ist erst am 5.Oktober, anschliessend habe ich zwei Wochen Ferien.
Deshalb frage ich mich momentan, wie und wann es am besten ist meine Vorgesetzte zu informieren. Ich bin auch erst seit Nov. 2019 im Unternehmen. Ich mache noch eine Weiterbildung und die Prüfungen sind Ende März, die Firma unterstützt mich da finanziell. Daher wäre ich auch noch 2 Jahre dannach verpflichtet zu bleiben. Deshalb fällt es mir auch schwer den ersten Schritt zu wagen und auf meine Vorgesetzte zuzugehen.
Was waren eure Erfahrungen? :-)
Liiebe Grüsse🤗

Benutzeravatar
Würmli92
Newbie
Beiträge: 21
Registriert: Sa 11. Jul 2020, 12:20
Geschlecht: weiblich

Re: märzli 2021😍

Beitrag von Würmli92 »

@mii99 Gratulation und herzlich Wilkommen!
Ich würde generell die 3 Monatskontrolle abwarten, aber da du ja anschliessend Ferien hast würde ich es evt. kurz vorher schon sagen. Meine Erfahrungen wahren das wen man es früher sagt das sie glücklicher sind darüber, dann haben sie mehr Zeit um eine Vertrettung zu suchen. Bei meiner Schwiegermutter wahr es erst gerade so, das ihre Angestellte es erst ende 4 Monat gesagt hat und sie somit in der kurzen Zeit keine Vertrettung gefunden haben und dadurch jetzt alle Überstunden machen müssen.

Liebe grüsse Würmli

Patricia89
Newbie
Beiträge: 10
Registriert: Mi 5. Aug 2020, 13:32
Geschlecht: weiblich

Re: märzli 2021😍

Beitrag von Patricia89 »

Danke für eui Antworte :) das hilft mir scho chli wiiter. ich glaub ich mäld mi jetzt scho ah für de Yoga-Kurs. Ich han zwar en Hund und en Garte, da bewegt mer sich ja automatisch es bitzli :) aber es wär au eifach chli ziit für mich und ich würd anderi Lüt kännelerne.

Ich wohne in Pfäffikon ZH.

@ mii_99, Herzlichi Gratulation! Ich würds nach dim Gfühl mache, aber au lieber nöd zu spat. je nach dem muess e Verträttig gsuecht werde oder öper wo Teilziit chunt, au falls dänn det bliibsch und mitem Pensum abegasch. Aber das chunt viellicht au uf de Job druf ah. Prüefige im März.. schaffsch ide Buechhaltig?

Liebi Grüess und en schöne Tag eui Allne

shakra
Newbie
Beiträge: 34
Registriert: Do 29. Mär 2018, 16:24
Geschlecht: weiblich

Re: märzli 2021😍

Beitrag von shakra »

Hoi zäme, chume au wieder mol zum schribe :-) Hend letscht Wuche au ETT gha, zum Glück alles wunderbar usgseh. Übelkeit au dütlich besser sit rund 2 Wuche, Müedigkeit gaht aber nur langsam weg, chönnt immer no jede Tag am 8i mit dä Chind is Bett, hoffe das besseret no ;-)
Wägem Sport: ich bin susch relativ sportlich, han au bis jetzt i beidne SS bis fasch am Schluss no relativ vill gmacht gha. Das Mal hani meh Müeh (v.a. wäg dä Müedigkeit), probiere aber trotzdem regelmässig Bewegig izbaue. Am beschte gahts, wennis grad am Morge chan erledige, aber das isch mit Chind, schaffe usw. leider meischtens nur am Papi-Tag möglich ;-) SS-Yoga hani i dä erschte SS usprobiert gha, leider gar nöd mis, aber kenne vieli wo das super finded.
@Patricia89: Denn bisch du fasch us minere Region, ich wohne zBubikon ;-)

Bim schaffe hanis nonig gseit, tue mi schwer, mich schissed die blöde KOmmentär chli a will s'dritte nöd unbedingt plant gsi isch bi üs ;-) Aber lang chanis nüm verheimliche, allei scho will dä Buch i dä 3. SS gfühlt förmlich explodiert, haha ;-)

Liebe Gruess a alli

mii_99
Newbie
Beiträge: 6
Registriert: Mo 31. Aug 2020, 21:06
Geschlecht: weiblich

Re: märzli 2021😍

Beitrag von mii_99 »

@Würmli92 danke für t'Ufnahm!😊Ja genau, i wetts so früech wie möglech ar Vorgsetzti mitteile. Da ig aber am 5.10 dr Termin ha u genau den Ferie ha müessti fasch ide Ferie mit ihre e Termin mache.😃Und i denke oh, wenis früech mitteile, dass me aues besser cha organisiere.

@Patricia89 Ja genau, schaffe i dr Buechhaltig und mache no dr Sachbearbeiter RW. Ize bini de gspannt wi ds mite Prüefige funktioniert und vorauem wie de ds isch, da ig mi ja für 2 Jahr verpflichtet ha.🙈

I ha oh es schlechts Gfüeu ds mitzteile, da bi üs fasch niemer schaffet wo bereits Chind het. Und es si oh sehr viu Karrierefroue, wasi ja guet finde, aber chas haut nid ischetze wie t reaktion wird si.

Wünsche aune e schöne Abe.
Liebs Grüessli

Puffin1
Newbie
Beiträge: 43
Registriert: Do 3. Jan 2019, 19:28
Geschlecht: weiblich

Re: märzli 2021😍

Beitrag von Puffin1 »

Hallo mitenand.
I chum au wieder mol zum schriebe. Es isch i letschter zit sehr streng und recht heftig gsi bi mir..
D Übelkeit isch bi mir extrem gsi, 24h am tag und das extrem heftig. Ha mehrmols am tag erbroche und bi dur da au extrem schwach gsi...etz bessereds langsam endli wieder. 😉
Mir hend am 11. August de erste Termin gha und es isch alles guet. Üsers fröschli isch zu dem ziitpunkt 2cm gsi. Innere wuche hemer scho de nägste termin. Wo min maa und üsern 1-jöhrige Sohn beidi döred mitcho. 😊

Wüsse tönds bi üs eigentli alli, bi sonere übelkeit ischs schwer gsi zums verheimliche..
Bi üserm Sohn hemer dazmol nachem 1. US s Bild grahmed und hend de lüüt s Bild zeiged und gseit das mer schwanger sind.

Mir hend i 2 wuche no ä hochziitsfest vom beste kolleg vo mim maa. I wür au gern go, aber bi dem Coronazüg mit ca 100 lüüt inen festsaal hocke über stunde hinweg bini mir nöd so sicher..wie mached/handhabed ihr so fester zurziit?

I bi usem kt. SG im rheintal.

Ponymaus
Member
Beiträge: 154
Registriert: Sa 25. Mai 2019, 11:21
Geschlecht: weiblich

Re: märzli 2021😍

Beitrag von Ponymaus »

@Puffin1

Freut mi, dass es dir wiidr besser goht. I chan s mir guet vorstelle, dass sone extremi Übelkeit mega astrengend isch.

I wür uf dis Buuchgfühl lose. Wennd gern willsch go, denn gosch und süscht losch es si. I selber gsehs aber nöd so eng wegm Corona.. klar luegi dass i dHygienemassnahme möglichscht ihalte und au kei Händ geh und so. I go aber allgemein nöd gern uf so Fester, drum wär das e super Usred 😉 Was meint denn din Maa dezue? Will wenn er sowieso goht, chasch du au go (vo mir usgseh isch denn s Asteckigsrisiko ähnlich höch.. will er würs jo denn sVirus eifach dihei wiitrgeh).


I han nöchscht Wuche min nöchschte Untersuech. Weiss öper vo eu, uf was so normalerwiis ide 17.ssw glueged wird? Gits denn wiidr en Ultraschall?
ÜZ 14 Test positiv Juni 2020

sara_89
Junior Member
Beiträge: 54
Registriert: Sa 28. Okt 2017, 17:38

Re: märzli 2021😍

Beitrag von sara_89 »

Hallo zäme
I chume au wieder mal zum schriibe. Hüt hani wieder mol en Untersuech gha. So wiit gseht alles guet us. ETT hemmer nid gmacht. Di wiitere Untersüech wird i jetzt nur no bi mire Hebamme mache.
I lueg au eifach so wiit als möglich uf Hygienemassnahme, gsehs susch aber au nöd so eng. Ha bim Schaffe au immer no viel Kontakt mit Lüt und wett momentan au nöd is Homeoffice. Würd drum au anes Fest gah, wenns mir wichtig isch.
Mai 18, erstes Kind
* Januar 20, 12.SSW
ET 23. März 21

Benutzeravatar
Riane
Newbie
Beiträge: 9
Registriert: Mi 1. Jan 2020, 16:44
Geschlecht: weiblich

Re: märzli 2021😍

Beitrag von Riane »

Hallo mitenand
Ich freu mi, au no zu eu zstosse! De ET vo üsem erste Chind isch am 21.3.21 und bisher schiint sichs guet z'entwickle. Leider isch bi mir dÜbelkeit no gar nöd verschwunde und i mues mi immerno zum Esse überwinde. Dezue verwachi no jedi Nacht zwüsche 3 und 4, mues ufs WC und cha denn lang nüm ischlofe. Es heisst doch immer, szweit Drittel seg so schön - ich hoff, das fangt bi mir au no aa :)

Au wenns sersti Chind isch, gsehtmer bi mir scho zimli sBüüchli und i mues wohl zimli bald min Arbeitgeber informiere. Was hend ihr do für Erfahrige gmacht? sBlöde isch, dasi erst grad anere neue Stell agfange ha schaffe und ich sogar no ide Probezyt (bi mir isch die 3 Mönet) bin :oops: ha eifach nöd denkt, dases grad so schnell klappet. sTeam wird au nöd begeisteret sii, will ich mit allne recht eng zemeschaff und sie sich sicher ufe längeri Zemearbeit igstellt hend.

Wege Corona bini mir au vielfach unsicher, wasi söll. I chum im Alltag mit extrem viel Lüüt/Chind in Kontakt, Homeoffice isch nöd möglich und mich isoliere magi au nöd. E Chorprob hani aber abgseit - bim Singe segi sAsteckigsrisiko extrem höch. I mue sege, dasi meh Angst ha vorere Toxoplasmose oder Cytomegalie-Infektion!

Ich wohne übrigens im Kanton SG und hoffe, ich cha denn im Geburtshuus gebäre.
Wünsche eu allne witerhin e gueti Schwangerschaft!

Ponymaus
Member
Beiträge: 154
Registriert: Sa 25. Mai 2019, 11:21
Geschlecht: weiblich

Re: märzli 2021😍

Beitrag von Ponymaus »

@Riane
Gratuliere 🙂 druck dir Duume, dass es dir bald besser goht.

Min Arbetgeber het ganz guet reagiert. Er freut sich für mi. I bi aber au scho lang döt und wohrschindli isch es nöd ganz unerwartet gsi. Willsch bzw chasch du nochene döt wiitrschaffä?

Benutzeravatar
Riane
Newbie
Beiträge: 9
Registriert: Mi 1. Jan 2020, 16:44
Geschlecht: weiblich

Re: märzli 2021😍

Beitrag von Riane »

@Ponymaus
Danke vielmol und ich gratuliere ebefalls :D

Jo, i möcht nochher ime chlinere Pensum (ca. 50% statt wie bis anhin 100%) döt witerschaffe. Das chönt ihri Reaktion allefalls beiflusse, gell? Ich hoffs jedefalls..und werds bim Gspröch betone

Patricia89
Newbie
Beiträge: 10
Registriert: Mi 5. Aug 2020, 13:32
Geschlecht: weiblich

Re: märzli 2021😍

Beitrag von Patricia89 »

Hallo zäme, bin scho lang nüme zum schribe cho.

@mii_99, das hani mir dänkt. Ich bin schaffe au ide Buechhaltig und Büro allg. Han Mitti August d Fachuswiisprüefig gha, die isch verschobe worde vom März uf August. Ich dänke dini Prüefig wird uf jedefall au chli anderst sii als dass sie ohni Corona gsi wär.

@Puffin1, ich wett mir gar nöd vorstelle, was du duregmacht häsch mit dere Übelkeit. Guet besserets jetzt langsam. ich han zum Glück praktisch kei Übelkeit gha. beträffend Fäscht bin ich au eher vorsichtig. Es chunt aber au ufd Lüt und alles drufah. Und wänn din Maa würd gah, dänn chunts au nöd druf ah, chönd eu ja au so versueche chli usem gröbschte useznäh und d Distanze iizhalte.

Mir händ nächst Wuche de ETT und hoffed, dass alles guet isch mit eusem "Pancake". :)

Liebi Grüess und en schöne, sunnige Tag

Benutzeravatar
Würmli92
Newbie
Beiträge: 21
Registriert: Sa 11. Jul 2020, 12:20
Geschlecht: weiblich

Re: märzli 2021😍

Beitrag von Würmli92 »

@Ponymaus: I meina das sie den en ultraschall machend zum luagä ob alli Organ da sind.
@Riane: Herzli Willkomme und Gratuliera!

Mi het letscht nacht üses würmli wachghalte, es het sich so fescht gägä buchwand drückt das es sogar min Ma gspührt het und das sicher en viertel stund lang an verschiedene Ort 😍 Es isch sooo schön, denn mein i z'wüsse das es em guat geit.

Liebi grüass und en guatä Start in die nächsti summerlichi Wucha

Ponymaus
Member
Beiträge: 154
Registriert: Sa 25. Mai 2019, 11:21
Geschlecht: weiblich

Re: märzli 2021😍

Beitrag von Ponymaus »

@Würmli92
Jo si het en Ultraschall gmacht.. aber eifach glueged ob s Herzli schlot. Isch alles guet gsi 🙂 snöchschtmol wird de gross Organ Ultraschall denn gmacht.

Gspürsch es du demfall scho?


Wiä gohts de anderne so?
ÜZ 14 Test positiv Juni 2020

Benutzeravatar
Würmli92
Newbie
Beiträge: 21
Registriert: Sa 11. Jul 2020, 12:20
Geschlecht: weiblich

Re: märzli 2021😍

Beitrag von Würmli92 »

@Ponymaus
Schön das freut mi das alles gzat gsi isch 😀
Han min nächscht termin erst in dä 20. Wuchä und den luagt sie d'organ an. Werde wen alles guat isch nu all 8 wucha Untersuach han wie bi dä letschtä Schwangerschaft.

Gspürs nu selte und den eifach wens sich gägä buchwand druckt, nit es zablä oder chleini bewegigä seb wird deich i no en moment gan.

Benutzeravatar
Würmli92
Newbie
Beiträge: 21
Registriert: Sa 11. Jul 2020, 12:20
Geschlecht: weiblich

Re: märzli 2021😍

Beitrag von Würmli92 »

Hallo ihr liebä wie geits eu so?

Isch im moment sehr ruhig da dina....
Han am wuchanend en fiisi magedarmgrippa kann wo mi recht gschwächt het. Etz bin i zum Glück widr fit.
Ünsches Würmli hani während dr grippa gar nüm gspührt, was mi echli beunruhigt het, drfür turnets etz fascht all Tag umä das is gspühre 😍

Gspührt eswer vo eu eures Wunder au scho?

Liebi grüass

Patricia89
Newbie
Beiträge: 10
Registriert: Mi 5. Aug 2020, 13:32
Geschlecht: weiblich

Re: märzli 2021😍

Beitrag von Patricia89 »

hoi ier Liebe

@Würmli92, ohjee so öpis ähnlichs hani vorere Wuche au gha. mir gahts sust sehr guet. bin aber immerno rächt müed und ab und zue fühli mi liecht ufbläht. Büchli wachst au scho fliessig :) mir händ vor einere Wuche de ETT gha und händ euses Chline zum erste mal richtig gseh, mit Chöpfli, Ärmli und Beinli. So unglaublich gsi das zgseh, wies sich bewegt. isch au alles guet gsi bim ETT.
Ich spüre glaub no nüt. bin jetzt ide 15. Wuche, das isch ja glaub nochli früeh zum öpis gspühre, vorallem wänns di erst SS isch.
Wie wiet bisch dänn du?

und no zu ere alte Nachricht vo dir, min Bürgerort isch Grüsch ;) du bisch ja vom Prättigau häsch gseit.


und wie wiet sind eigentlich alli andere? gahts eu guet?

Liebei Grüess

Benutzeravatar
Würmli92
Newbie
Beiträge: 21
Registriert: Sa 11. Jul 2020, 12:20
Geschlecht: weiblich

Re: märzli 2021😍

Beitrag von Würmli92 »

@Patricia89, i bin etz ende 16 wuchä, isch aber au scho mini 3. SS und lut FÄ gspührt mrs bi jederä früahner will Gebährmuatterwand weicher isch.

So lässig den simmer ja fascht näbänand 😀 i bin vo Pusserein.

Liebi grüass

Antworten