Maichäferli 2021

[Nöi-Mami-91]

Hoi zäme

Merci för üchi liebe Röckmäudige..
E ha am Friti no notfallmässig zu mire FA chöne. E Eilleiter-Schwangerschaft hed si def. chöne usschliesse wöu me scho es Blötterli ir Gebärmuetter hed xe. Jez chani am 25.09.2020 no i mi normal veribarti Termin wo mer aues zäme chöi aluege. Theoretisch set me denn ou s Härzli scho xe schloh.

E sösch eiglech nie so Magechrämpf gha. Abr do eg scho ohni Schwangerschaft zu Verstopfig neige, hed se s Gfühl dases me jez so rechtig verstopft hed ond eg drom so Magechrämpf ha. Ond me cha auso tatsächlech verstopft si ond trotzdäm Dorchfau ah.

Ou weni emerno sehr liide, gods mer vöu besser wöui weiss das im Momänt aues guet usxed.

E hoffe üch gods ou aune guet?
Was heit der so för Beschwerde im Momänt?

[Fanki]

Nöi Mami: das freut mi sehr dass iz da gwüssheit hesch
Hoffe di chrämpf vergö gli. Hesch de no angeri beschwärde?

Mir geits ganz guet. Ussert dasi chli müed bi us mir mängisch chli flau u mängisch merki d bänder aber süsch hani bis iz kener beschwärde, darf so blibe

[Bänzli21]

Nöi-Mami: ah de esch guet hesch chöne notfallmässig goh, das beruhigt eim haut scho. E ha ou scho paar Telefon gmacht und nochegfrogt wenns bi mer zwickt und do het

letzt wuche eschs mer vor allem am morge recht schlecht gsi, e cha veli sache nömm esse. aber die Woche esches ergendwie besser. müed beni ou emmer mol weder ond roggeweh hani. söst gotsmer guet
osser dassi mer natürli glich emmer weder Sorge mache obs guet chont, obwohl me scho s härzli het chöne gseh schloh..

wie gots üch so?

[Rex89]

ich han ide letste nacht plötzlich frischbluet verlore - han den eich gmeint dases das gsi isch.. bi hüt notfallmässig zum gyni - det hetmer bereits e fruchthöhli gseh und en dottersack.. au en embryo hetmer scho gseh, aber no kein herzschlag definitiv! aber ich bi irgendwie 6+0.. glaubs nochli zfrüe.. ez wetti si mi am fritig namal gseh - den weissi meh!!
ez bini e wuche chrankgschribe, ich söllmi schoone —— hahahaahhaaa, mitme jährige bueb, ehm wird schwierig
mir isches schlecht, aber ich kenns leider au vode erste ss - mir hilft itinerol am beste!

[Nöi-Mami-91]

@Rex89:
Schön, esch aues guet xi ber Gyn...

@ Fanki:
Jo, e ha gloub zemli aues wome cha ha.. E be totau müed ond erschöpft, när hani Röggeweh, Übelkeit zwöschedore ond die starke Buuchchrämpf med Verstopfig.. :-/
Aber es esch okay, e be super haaaappy dasi darf schwanger si.

Eifach bem Schaffe fauts mer teilwiis scho schwär dasi mer nüt loh lo amerke. E schaffe zwar scho "nor" im Büro 100% abr mer hei ufgrund vo Corona sehr, sehr sträng ond e be meistens 12 Stond zom Huus us.

Wie gods üch so? Ond wie möchet ders so bem Schaffe?

[YaYaMa]

Hoi Zämme

Mir bechömme mitti Mai unser zweits Kind.

ich wür gärn ind FB gruppe aber chum
nid ganz druss wie ich döt ihne chum. cha mir öper hälfe?

[kimS]

Hoi alli Neue

@Nöi-Mami: Wie gahts dir? Mir gahts ganz guet. Ich bin eifach vill müed und amel hani chli es flaus Gfühl im Mage oder es Zieh im UL.

@Rex: Wie gahts bi dir?

[kimS]

@yayama: d Mom3257 wird dir wahrschindlich i dä nächste Täg e privati Nachricht mache. Mer muess e chli me Biiträg ha, dass mer chan Nachrichte verschicke...

[Maggi]

Hi Zusammen,
darf ich mich hier einklinken? Habe eben erfahren, dass ich 4. Woche bin und 19. Mai der errechnete Geburtstermin ist

[Rex89]

ja mir gahts so lala, bin extrem dünnhütig und erbrich jede morge mehrmals.. aber kenn das leider scho vode erste SS! Morn chani namal zum Gyni id Kontrolle, hoffe mer gseht den es pöpperlihärz
wie gahts oi?

[Fanki]

Hoi zäme

Herzlich Willkomme YaYaMa u Maggi.

Mir geits ganz guet, o chli emotional u d Bänder merki rächt starch, mit übelkeit geits bis iz sehr guet aber bi ersch ir 6. ssw cha no ändere.. E FÄ termin hani no nid, mini macht eh ersch ir 9./10.ssw e kontroue, da muesi eh no chli warte..

[Mom3257]

Herzlich willkomme u gratulation aune nöii-schwangere
@rex89 wie ischs hüt gloffe bim FA? Hoffe isch geng no aues guet!!

[nyany]

Hallo Fraue.
Ich hänk mich da mal dri. Han ned alles glese

Gids scho en FB Gruppe für d Mailies21? Würd mich freue, det dri zcho. Gahtmer eifacher als im Forum

Kurz zu Mir. Ich bin nach 2 Jahr probiere endlich mit eusem zweite Wunder Schwanger s erste esch im Juni 3i worde.

Vorussichtlichi ET wär 6.Mai. D ss esch scho recht anderscht. Mir hend recht früeh d Brüscht weh to und han nix meh verlitte. Sit Wuchene kämpfi scho mit de Übelkeit und au d Müedigkeit stresstmi mir hend grad 2 Wuche Ferie gha und bin gspannt, wies usechund bim schaffe. Ich schaffe im Verkauf. Imne Chliinere Lebensmittellade.

Ich bin bereits 3x bim FA ghocket vor 2 Wuche welli Bluetige gha han (nur bitz Schmierbluetig) denn am 16.9. De erst normal ultraschall, s Herz hemer scho gseh gha. Denn 4 Tag im Schwarzwald gsi. Hends mega gnosse und am DI denn en "Abgang" gha. Esch recht strub gsi. Ich bin voll überzügt gsi, dass es weg esch. Am MI hani denn am 4i chönne go luege und siehe da. Es herzli hed gschlage

Esch also recht en positive schock gsi. D Vermuetig esch, dass es zwei gsi wäret. Aber erfahre werdemers halt nümm. Sind gottefroh, schlaht det drinn no es Herz

Freumi uf die kommende Wuche und euch mitschwangere chli kennezlerne

[sile]

Hallo zäme
So, i chume o no derzue.
I bi scho chli ne alte Has, da ig mit üsem 4te Baby schwanger bi. Es isch nid ganz so planet gsi, aber mir fröie üs natürlech glich.
Baby söt öppe Mitti Mai uf Wäut cho, obwohl ig immer chli übertrage. Die Grosse 3 si: 7ni, 5i u 3.
Zur FA wirde ig erste Mal ir 12 SSW ga. I gseh das Ganze unkompliziert.
Beschwärde ha ig abgseh vo emene komische Buchgfüehu nid gross. Muess eifach immer öppis zÄsse derbi ha. Isch nid grad eifach, da ig no bis im Oktober im ne humanitäre Isatz im Usland bi u Arbeit mängisch i der Hitz rächt sträng isch u ig nid immer wieder cha Pouse mache. Aber bis itz geits immer irgendwie. WC hie si eifach so grusig u i muess immer ufpasse, dass mir nid aues ufechunnt.

Wünsche öich e schöne Sunntig u fröie mi uf e Ustusch

[Rex89]

herzlich willkomme allne noiie!

ja mir sind letst fritig naml bide gyni gsi, s herzli hetmer gseh schlah es isch alles i bester ornig gsii!! sither hani au kei bluetige meh gha, mal abwarte wie sich ez alles no entwickled! ich bi zimli vode übelkeit plaged, und au immer das durende Erbreche nervt mii!!
sinder scho aktiv uf facebook? gits au e whats app gruppe?

[damaris]

Hoi zemma
I ha vor kurze erfahra dass i schwanger bi, min termin ish im Mai aber miar wüssend no ned genau wenn, ha ultraschall kah am 28.9 und do het ma d fruchthöhli und dottersack, ha nomol as termin in 10 täg!
Ha an sohn und er ish 7ni

[Mom3257]

Härzlech wiukommen ir gruppe u gratuliation! e fruchthöhli u e dottersack tönt doch scho mou sehr guet! De isches eue wük no gad z früeh gsi. Wie geits dir schüsch? Scho irgendwelchi symptom?

[damaris]

Es goth miar guat, i ha sush kai beschwerda, hani bi mis ersta schwangerschaft au ned kah, as zieha im buuch und gespnnti brüste!
I ha halt sehr unregelmässige ziklus, einmol 31 täg, einmol 29täg, dennamol 34 täg! Ish nia gliich!

[Chalcedone]

Hallo zäme

I ha au dörfe positiv teste und ha ET am 4. Mai 21. Sisch mini 2. Schwangerschaft und mir sind mega glücklich die Entscheidig troffe z ha. Eigentli hemmer immer dänkt eis isch gnueg (bin au lang chrank gsi), aber nochem Lockdown isch dä Wunsch nochme 2. Chind so gross worde und mir hend d Verhüetig abgsetzt. Het ned dänkt, dasses so schnell klappet, do ich gäg di 38gi gone.
Mir isch hüfig schlecht und bin extrem dünnhütig. Ha au recht Angst voreme Abort. Däzue chunt au, dass ich Angst dävor ha, s minere Chefin z säge... Bi dä letschte Mitarbeiterin wo schwanger worde isch, het sie mega blöd do. (Ja i weiss, cha mir egal si, isches aber ned. Chas ned usschalte)
I wünsche eu ganz en gueti und agnehmi Schwangerschaft und hoffe uf ganz viel Mai-Chäferlis.

[HallieB]

Hallo ihr Liebe

Ich bin schwanger mit eusem 3. Chind und wür mich sehr über vill Ustuusch mit eu freue allerdings am liebschte i de gheime Facebook Gruppe. Gern erklär ich eu deet, warum ich lieber nöd so öffentlich über mis Privatlebe und miini Schwangerschaft schriibe.

Ich wünsche allne zeme en wunderschöni Kugelziit und bi gspannt, vo euch z lese.