Frühlings-Kinderwünsche - wir haben's geschafft

[black_key]

@gerbera: ah ok, nei ich han de nächschti termin wieder normal bi ihre nach mine ferie denn.
mier gönd denn im juni i die zwei spitäler wo für eus in frag chömed an info abig, chan mer ächt das det luege wäg de hebamme? oder söll ich mier besser jetzt scho sälber en frei sueche?
sorry für die viele frage...

[black_key]

ich mälde mi jetz bi de spitäler für d infoverastaltig a und frage grad wie das isch mit de hebamme. öbi jetz scho muess luege oder ob das vo ihne abote wird.
danke vill mal für euchi hilf!

[gerbera]

@black_key: kennsch niemer i dire umgäbig, wo scho es chind het, und dr e hebamme cha empfähle? das macht de amigs no sinn… u mir isch e ganz nätti im Nachbardorf empfohle worde…

u so wis d gerbera macht ischs auso ou total normal… me muess bi de voruntersuechige no nid zur hebamme. i findes eifach nid unbedingt nötig, immer zum fa ds ga, wüu die eh nur 3 Ultraschalle macht… aber weisch was, wenn du e US bechunnsch, de gsehsch de villecht scho, wases git

[black_key]

@gerbera: nei ebe ned würklich.... aber ich due nomal umelose, mini schwöschter hed par kolleginne wo ersch grad früsch muetter worde sind

[gerbera]

@hunny: das isch villecht ou chli e anderi situation bi dir, bi mir geits eifach ja nur um ds härztönli lose, und was si de süsch gnau wei mache bi däm termin weissi gar nid… aber i bi ja ou sit ig schwanger worde bi nur 2 mau bim fa gsi, wüu alles so unkompliziert isch. Und du hesch eifach e ganz anderi gschicht hinder dir, u bruchsch ja villecht ou ängmaschigeri kontrollene, wo meh gmacht wird. kenne aber ou froue, wo absolut unproblematischi schwangerschafte hei, und glich öppe 10 mau si gultraschallet worde… u das wär eifach nüt für mi, solang alles guet isch, dänke ig, dassi so wenig wi nur nötig zum fa ga… ha di aber gar nid wöue blöd häre steue!

[wolke7]

Hebamme/fa: also min fa het schoni de erste total onkomplizierte ss bi jedem termin en ultraschall gmacht (esch bo en chline technikfreak ) ond ich ben ehrlich...hans no schön gfonde mkni chli all paar woche z'gseh! Mer händ eus jo lo öberrasche met em gschlächt ond drom beni velecht lm so meh gspannt gsi wies usgseht?! Ond ergendwie hets mi au beruhigt will er au diagnostisch en mega guete esch, dass mer allefalls au bi jedem termin grad gseh heti wenn öpis wär- aber ehr känned jo mini hypochondrischi art feng en hebamma hani weder i de ss no im wochenett gha...han eifach ned s'bedörfnis gha will ich mich bi ärzt grondsätzlich besser ufghobe fühle ond wenn ich onsecher gsi wär i de erste täg dihei wäri zum kinderarzt. Ohni hebamme dörf mer eifach wörkli erst nach 3 täg s'spitol verloh! Ben au nie zu de müettereberotig... Han vo so vellne ghört das die onnötig die frösche müettere tüend veronsechere dasi da grad ganz sie gloh han.

[black_key]

@wolke: danke für dini ufklärig ich ha im moment au ned s bedürfnis nachere hebamme, im moment gahts mier guet und ich ha kei frage, und wenn öpis isch chan ich jederzit minere FA alüüte. mini FA duet ja ned im spital praktiziere, d.h. sie wird denn bi de geburt ned debi si. aber mier isch das ehrlich gsäit alles ned so wichtig. guet vilicht gsehnis de im nachhinein anderscht ich ha mich au no absolut ned mit dem befasst, wie mer ja merkt

[Awe]

Hoi zäme

@Hebamme: Also sovell ich weiss muess mer en belegshebamme relativ früeh sueche. Sie esch denn au bi de geburt debii, macht nochher au wochebettkontrolle ond do findi esches vo vorteil wenn mer met ehre scho während de schwangerschaft kontakt hed. I mim spital hed mer aber ned metere belegshebamme chöne gebäre aber das hani au gar nie welle. Mer esch do absolut egal gsi weli hebamme jetzt do debi esch bi de geburt. Förs wochebett hani vorgängig au kei hebamme "organisiert" ond wos mich im spital gfrogt händ öbi en hebamme ha för nochher hani gseit nei aber ich wär froh um en kontakt. Ha mi am afang eifach unsicher gfühlt met dere ganz neue ufgab. Sie hed mer de es kärtli vo einere geh ond die frau schaffet au teilziit im spital ond ich ha sie chöne kännelerne, wel sie einisch nachtdienst gha hed woni det gsi bin. Ond sie esch mer so sympathisch gsi dasi ehre grad aglüte ha ond sie au grad zuegseit hed. Sie esch mich dehei jetzt 5 mol go bsueche ond ich bi soo froh drum. Han sie alles chöne froge woni ned secher gsi bi ond sie hed mer vell sache zeigt ond tipps geh wieni was muess mache. Grad au wägem stille hed sie mer chöne tipps geh woni wichtig gfunde ha. Sie hed de chlii au emmer agluegt ond gwoge ond mer dsicherheit geh ond mich au globt das ich das alles toll mache ond min chliine fit esch ond wonderbar gedeiht. Das hed mer enorm vell brocht. Morn chunt jetzt öpper vo de müettereberotig verbii sich eifach go vorstelle. Det chani jo denn verbii go wenni möcht oder ich noimets unsicher bin, etc. Das esch jo alles freiwillig. Zum kinderarzt goht mer am afang jo sowieso regelmässig ond er dued jo au emmer alles kontolliere.

[Gini]

@Hebamme: Han ich wider die glich wie letscht mol. Si isch eher Chili en ruehigi ond das gfallt mir sehr guet.
Bin au id Müettereberatig ond wirde au dasmol wider goh. Findes no beruehigend ame z wüsse, wies mitem Gwicht usgseht. Mängisch het si au Sache gseit, woni ned so iverstande gsi bin, hans de halt so gmacht wies für öis gstumme het. Zb het si gfunde, nach emne Johr selli unbedingt abstille, aber mer hend so en schöni Stillbeziehig gha, denn sinds halt guet 16 Mönet worde.

@Me: Chli stressig i de letschte Täg. Es liesst sich wie en komischi Actionstory, aber isch tatsächlich so gsi.
Min Vater isch i Notfall cho wägem Herz, ond ergendwie isch für mis Mami alles z vill gsi. Si isch doch tatsächlich im Spital wosi ihn isch go bsueche 2 Tag später zämebroche, de Hend si si grad müesse dert bhalte. Wär i de letschte Täg irgendwie gar ned frei gsi im Kopf zum Gebähre, aber langsam chunnt wider Normalität. Mängisch chunnt würkli eifach alles zäme.

LG
Gini

[gerbera]

@gini: du hesch ja würklech grad e sehr bewegti zit! hoffe dim Mami geits wieder besser? bi uf jede Fall i Gedanke bi dir! Und wi geits dim Vater?

[black_key]

hallo ier liebe ich hoffe es gaht eu allne guet?

@wolke: ich druck der fescht düme für de termin morn. duesch eus denn brichte, bi sicher es isch alles guet

@hunny: hender no en lösig gfunde wägem hochzit und de taufi?

@me: bin irgendwie grad rächt gnervt im gschäft.... aber susch gahts guet, bin froh wenni endlich ferie han

[wolke7]

@gini: wönsche der ond dinere familie das es bald weder berg uf goht...heb der sorg!

@hunny & black_key: jo dörf morn weder goh, leider erst am nomittag ben mega nervös ond han schess! D'bluetige werded weniger, meistens nor no so bluetige schliem 1x am tag ond höt bis jetzt no gar nüt...das sött mich eigendlech beruhige aber die 13 ssw schient trotzdem no so wiet weg (als wenn den nüt me chönt passiere ) gebe bscheid sobald ich dezue chome!

[black_key]

@wolke: mer chönd alli guet verstoh das du nervös bisch und angscht hesch. aber mer dänked fescht a dich, es isch sicher alles guet. s herzli schlaht ja scho

@hunny: beides ich reagier sicher empfindlicher uf par sache als vorher... aber geschter hani mi rächt agriffe gfühlt obwohl ich die person de ganz tag unterstützt ha woni ha chönne. aber ich glaub sie heds ned so gmeint. naja isch ziit dasi ferie han
hey so schön! a dem tag hüratet au de brüeder vo mim maa zivil, das isch es tolls datum

[gerbera]

@black_key: geit mir genau glich, bi ou empfindlecher als vorhär. aber nid grad so wi d Kollegin, wo het gseit si heig alli nur no agschnouzt…

@wolke: drücke dr fescht d düüme, aber das wird alles guet si, muesch luege! Aber i bi ou so wahnsinnig nervös gsi vor de erschte untersuechige, wos quasi um d wurscht gange isch… i welere wuche bisch de ize?

@hunny: de tüet dr de gar nümme ir chile, u machet eifach nur d toufi? um das ischs ja gange, oder?

@me: ha geschter nami e ganze sack chips gfrässe, und när isch mr dr ganz abe schlächt gsi, und znacht hani ämu grad nümme chönne ässe, derbi hani so feine salat igchouft gha… Gscheht mr auso rächt! Morn chani zur Hebamme, scho dr nächscht untersuech. aber dismau bini gar nid nervös

[Gini]

Guete Tag zäme

Freut mi z ghöre, dass es bi allne sowit guet usgseht!!!

Bi öis het sich alles wider beruhigt, sind beidi wider deheime ond müend sich jetzt usruehe.
De Plan, das öisi Gross zu ihrne Grosseltere goht isch jetzt gänderet worde ond es isch eigentlich ganz ok. Mir verbringe ganz gmüetlichi Täg zäme, ond weni halt mol s Gfühl ha i müess jetzt es Päusli ha de darf si halt au mau im Ipad Biene Maja luege oder Pippi Langstrumpf. Si findet das natürlich toll.

Bis gli

Am Sonntig hani ET...Wett gärn i Kaffisatz luege oder d Glaskugele befroge, öbs de scho do isch oder nonig. hihi

[Gini]

Guete Tag zäme

Freut mi z ghöre, dass es bi allne sowit guet usgseht!!!

Bi öis het sich alles wider beruhigt, sind beidi wider deheime ond müend sich jetzt usruehe.
De Plan, das öisi Gross zu ihrne Grosseltere goht isch jetzt gänderet worde ond es isch eigentlich ganz ok. Mir verbringe ganz gmüetlichi Täg zäme, ond weni halt mol s Gfühl ha i müess jetzt es Päusli ha de darf si halt au mau im Ipad Biene Maja luege oder Pippi Langstrumpf. Si findet das natürlich toll.

Bis gli

Am Sonntig hani ET...Wett gärn i Kaffisatz luege oder d Glaskugele befroge, öbs de scho do isch oder nonig. hihi

[gerbera]

@black_key: geit mir genau glich, bi ou empfindlecher als vorhär. aber nid grad so wi d Kollegin, wo het gseit si heig alli nur no agschnouzt…

@wolke: drücke dr fescht d düüme, aber das wird alles guet si, muesch luege! Aber i bi ou so wahnsinnig nervös gsi vor de erschte untersuechige, wos quasi um d wurscht gange isch… i welere wuche bisch de ize?

@hunny: de tüet dr de gar nümme ir chile, u machet eifach nur d toufi? um das ischs ja gange, oder?

@me: ha geschter nami e ganze sack chips gfrässe, und när isch mr dr ganz abe schlächt gsi, und znacht hani ämu grad nümme chönne ässe, derbi hani so feine salat igchouft gha… Gscheht mr auso rächt! Morn chani zur Hebamme, scho dr nächscht untersuech. aber dismau bini gar nid nervös

[black_key]

@gerbera: ja ich dänke das isch au normal, mit all dene hormon und allgemein die neu situation. ich möcht ned anderscht behandlet werde aber ich find bitz rücksicht dörf mer trotzdem neh...

haha das mit de chips känni nur all zu guet

bin gspannt was vo de hebamme duesch brichte. wenn hesch de nächscht FA termin?

@me: ha mi ja geschter chli gnervt im gschäft wäg de arbetskollegin... aber hüt morge isch wider guet gsi. jetzt wott sie aber hüt mit mier go zmittag ässe. so wie sie gredt hed isches gschäftlich oder sie wott susch öpis mit mier bespräche... jetzt bini sehr gspannt was da chunnt, ha irgendwie s gfühl es isch nüt positivs. aber abwarte....
mier hends susch super zäme, au privat. hmm bi grad chli nervös....

[gerbera]

@black_key: das chunnt sicher guet, bi gspannt was du ds verzelle hesch. Ja, morn chani nech de gnau säge, was so e hebamme macht. Verzellsch de wi ds Zmittagässe gsi isch?

[black_key]

aso es isch nüt schlimms gsi. ich mach mer immer z vill gedanke im vorus....
sie hed mier gsäit das de chef ihre gsäit hed, es par hend sich bim chef "beschwert" das ich nüm motiviert bin und mich glaub aschisst z schaffe. werum das öper (oder mehreri) gsäit hend weiss aber de chef au ned, er hed gsäit er isch immer no sehr z fride mit minere arbet und cha nüt negativs säge. d arbetskollegin hed denn au gmeint churz vor de ferie isch mer vilicht mal nüm so motiviert und sie hed au ned s gfühl das ich anderscht schaffe als susch. sie hed mier das eifach welle säge.
janu aso mier isch eigentli egal was anderi hinedure am chef gönd go säge. solang er z fride isch und ich zu minere abglieferete arbet chan stah isch alles guet.