Juhu auch wir legen los Teil 4...

[missre85]

@jeyjey ah ok,denn esch ja guet,met däm chani läbe!
Oh jeh,tuet mer leid,dass de das so schwär troffe het!
Hesches scho biz chöne verarbeite?

[JeyJey]

@missre: Ja, chli scho, danke. Ich bi eifach dauernd am Google zum usefinde, werums chönnt passiert sii, voooooll doof, ich weiss. Ich ha mega Angscht, grad wieder ss z'werde und s'Gliiche grad nomol z'erläbe gliichziitig versuechi mi nöd z'stresse und positiv fürez'luege.

[sabigleinchen]

@missre: Jo i weiss halt ned öb min agnohne ES denn äu wörkli gsi esch . Darom esches ebe trotzdem chli schwer abzschätze. Paar Tag muesi sowieso no Geduld ha, so oder so.

Heieiei ha ich gester ond hött miesi Luhne gha... rechtig schlemm. Mini Hormon möche met mer was sie wänd . Jetzt am spötere Obe donktsmi langsam weder guet. Eifach grondlos voll agressiv ond agspannt. Das benimer garned gwöhnt. Aber lostigerwiis d Arbetskollegin genau glich (ond die cha ned schwanger si, falls der euch das öberlegged ).

[Peanut88]

hallo mitenand!

phu, endli chumi au wieder mal zum schriebe..isch privat und bim schaffe so viel los gsi..aber has gnosse

wie gahts eu?wo stönder grad so? ich ha die wuche die "heiss" phase. allerdings denki, de monet wird nix. will mir gsehnd eus chum (arbeitsbedingt). hend ein abig zäme. aber das isch absolut ok. versuechmer bewusst de stress usezneh. ha au letscht mal, nachdems ned klapped het, entschiede, dassi immer irgendwas mache, woni als schwangeri denn nüm cha. drum bini zb letscht weekend dick go fiire und tanze

liebi grüess und bi gspannt, vo eu zghöre!

[sabigleinchen]

Sali zäme

Be mer esch TR of Bsuech, esch also äu nüüt worde metem Baby. Ich hätt so gärn es Juli-Chend gha. Schad hets ned klappet. I be ned am Bode zerstört, aber es esch scho chli trurig.

Es esch ganz komisch gloffe met de TR. Vo Fritig Obe spot bes Samstig Obe hani liechti Schmierbluetige gha. Das hani sösch nie. Ond denn ide Nacht ofe Sonntig beni met starke Rögge- ond Buchschmärze verwachet ond ab denn esch TR rechtig do gsi. Total komisch. Be dene Schmierbluetige hani natürlech no Hoffnig gha. Zodem hami total fit ond guet gfühlt. Ond denn esch d Erkenntnis met voller Wocht cho. Na danke äu . Mer händs jo dervo gha, dass d Pille äu vell negativi Näbewerkige het. Aber derför hani die Regelschmärze nömme gha. Muesmi zersch weder chli dra gwöhne. Hoffentli ned z lang .

@Peanut88: Tolli Istellig, bravo. Hoffe du hesch es tolls Wochenänd gha . Gnüssed euche Obe so oder so. Hauptsach ehr händ chli Ziit för euch wennder euch scho so wenig gsähnd die Woche.

[Peanut88]

oje sabi!tuetmer leid zghöre! ja, ischmer glich gange. aber bitz enttüscht ischmer wohl immer oh nei du armi wege dene schmerze!ich ha ja scho länger kei hormon meh, aber muess sege, ha max 1tag schmerze (starchs zieh) und denn isch alles wieder guet. ich hasse d wuche vorher mit ufbläht fühle (fühl mi 10kg schwerer und uf de waag bini 2kg schwerer) und so unfröhlich (aka zickig) wenni dihei bi (bim schaffe muessi mi zàmeneh )
ja s party mache het spass gmacht. aber zwei täg nachenand alkohol und fiire, da hani gmerkt, dassi nüm 16 bi has also trotz viel schlaf no id wuche inne gspürt
für hüt hani min gg bete, wenni hei chume, paar cherze parat zstelle ubd uf mi zwarte (schaffe no bis am 22+30min heiweg). und denn am mi werdi ihn überrasche. aber ebe, alles sehr nüchtern/realistisch de monet
sabi, hoffe d tr gaht gli verbi& hedvh ned zviel nebewürkige! glg

[Peanut88]

lool nix mit cherze..gg schlaft guet nacht mitenand

[lifa2016]

*reinschleich*

@missre: ich mach dir eine pn

Ich drücke weiter die Daumen

*rausschleich*

[sabigleinchen]

@Peanut88: Nei, jetzt escher eifach igschlofe . Das eschmer eine, hihi.
Ich han äu jewils zemli gnäu ein ganze Tag Rögge- ond Buchweh. Derför aber so fest dases ohni Medi ned goht. Ich nehme wörkli sälte Medis, aber denn bruchisi. Derför längt aber Panadol äu guet. Die Stemmigsschwankige han ich derför zom Glöck ned. I ha jo letscht Woche mol sone Tag gha. Das eschmer so komisch vorcho, welis ebe garned kenne vo mer. Hami mer sälber rechtig usgleferet gfühlt. Ond die andere erscht, uiuiui .
Vo dim Name här gangi dervo us das mer beidi glich alt send . Sooo alt besch jetzt also nonig .

En schöne Obe i euch

[Peanut88]

haha sabi, stimmt, so alt nonig im geischt, aber körperlich definitiv nüm so "güebt" mit fiire vo wo chunsch denn du (jetzt damer ja wüssed, dassmer glich alt sind )?
haha die arme mitmensche, wenn frau pms oder tr het du bisch immerhin nur 1 tag so ich definitiv 1 wuche
lg

[sabigleinchen]

@Peanut88: I chom osde Region Aarau. Ond du?
Oh nei du armi .
Ond du hesch am Wochenänd äu frei oder muesch denn auno schaffe?

[Peanut88]

@sabi:ich chume us de region züri.bi aber ade grenze zum aargau gross worde. ide nöchi vo dietikon.ich ha das weekend frei gha. aber schaffe immer zwei im monet. bi sozialpädagogin. und was machsch du?

[sabigleinchen]

@Schön hesch äu frei gha .
I schaffe odfe öffentliche Verwaltig benere Sozialversicherig.

[Valeria87]

Hoi zäme

Ich hoff ich dörf mich au no zu euch gselle…?

Mir sind jetzt im 5. ÜZ fürs 2. Chind.

Ich ha ehrlich gseit nit alli 31 Site duregläse, aber ha gseh dasses bi einige scho klappt het. An dere Stell scho moll härzlichi Gratulation.

Mini Situation isch folgendi: Ich ha e relativ glichmässige Zyklus vo 31 Täg. Muess aber derzue sage, dass mich mi Körper au scho gröber „verarscht“ het und ich scho zwei oder drei dütlich lengeri Zykle ka ha (Hibbelzyt bim 1. Chind mitgrächnet) . Am Samschtig bini mit total schlimme Mensschmärze ufgwache und ha zerscht mol e rundi müesse hüüle wills jetz „scho wider“ nit klappt het . Scho klar, anderi sind scho viel länger am üebe, aber me isch halt glich jedes Moll enttüscht au wenn mes no nit so lang probiert het. Also uf jede Fall hätti hüt NMT und bis jetzt isch no nüt ume, aber mir isch geschter liecht schlächt gsi und hüt scho der ganz Tag stark und in mim Chopf dreit sich alles. Mensschmärze hani keini meh aber immer wieder so es Piekse im Buuch.

Was meinet ihr, chönnts si dass ich mi glich no cha fröie oder dütet das alles eher uf d Mens hi? Isch öperem vo euch scho mol so früeh schlächt gsi inere SS?

[Peanut88]

hey, willkomme!
mhh cha leider ned us eigener erfahrig rede, das euses erschte chind wär aber ide letschte paar zykle het min körper agfange, dassmer emel schlecht isch vor de mens :/ aber het nie klapped gha..ich würdi, wenns ushaltisch, i 2 täg mal en tescht mache? will solang nmt ned cho isch, gits doch immer hoffnig und au es zie isch normal.chönt ja au d inischtig gsi si am sa mitem schmerz..druckder fescht d düme!! wenn hesch vor zteschte? wie alt isch denn dis erschte chind?
mur gahts recht ähnlich..ich nimme metformin zum de zyklus reguliere und bi jetzt ca bi 28/30 täg pro monet. bi ca ES+11..mini brüscht tüend weh und ich ha es zwicke. aber das hani au letschte monet scho gha. drum hani mir gseit, werde erscht i ca1 wuche teschte, wennd nmt usbliebe isch..ah sind erscht im 2.üz..aber d ungeduld wird ned besser

[Valeria87]

Hey Peanut.
Finds ächt fies was der Körper eim für Streich cha spiele!
Aber hesch rächt, solang d Mens nit chunnt gits Hoffnig.. Ich ha mir vorgno sogar erscht am nägschte Dsischtig zteschtte. Denn sinds nämlich 39 Täg, so lang isch bisher mi längschti Zyklus gange. Damals bini so überzügt gsi schwanger zsi, dassi nächer gseit ha nie wieder tescht ich so früeh!
Mis Meitli isch jetzt 14 Mönet alt. Ich würds ebe no schön finde, wenn der Abstand nit zgross wär.
Metformin zum der Zyklus reguliere? Das hani jo no nie ghört. Isch das nit e Diabetes-Medikament?
Wenn hättsch denn du NMT?
Jo ebe gäll mit der Geduld isch das sone Sach! Ich glaub jede isch ungeduldig bim schwanger wärde, egal wie lang das me scho üebt.. Also ich druck dir au ganz fescht d düme!

[Sakanas]

Hi ihr liebe
Dörf ich mich dezuegselle? I han echli noglese und gratuliere ganz herzli bi dene wos scho soo schön klapped hät. Mega toll!
Zu mir; mir hend ghürote und han afangs August d'Pille abgsetzt - han mini Mens au becho mit Verzögerig (und nur 2 Täg lang)... und sit dört - keii TR. SS-Test negativ und FA-Johreskontrolle au gha. Grrrr. I wär jetzt bi ZT 69 - halleluja.
Tüend ihr Tempi messe oder wie mached ihr das? Sorry bin bitz unbeholfe...

[sabigleinchen]

Hallo zäme, ich hole eus mol osde Versänkig vode 2. Siite .
I wönsche euch allne es guets Neus ond dröcke d Duume, das euse gross Wonsch das Johr i Erföllig goht.

Be eus gets no kei News, witerhin keis Baby ofem Wäg. De Monet esch s Motto: Vell helft vell .

@Sakanas: Härzlech willkomme . Oh nei, das esch jo mega müehsam met somene Zyklus. Esches scho besser worde? Din Bitrag esch jo äu weder es Wili här... Nei, ich mese kei Tempi. Mi Zyklus esch einigermasse em Rahme, ich chan also abschätze i welem Ziitrum (also mehrere Täg) de ES si sött ond denn hoffemer s beste . Ich glaub es wördmi no meh stresse söscht wenni no dänke wörd: Ui, hött söttemer... ond ebe, i dem Monet semmer etz eifach mol vell aktiver, de verpassemer de ES secher ned, haha . De sött i wenige Täg si.

[Schale]

Hallo zäme [-]

[Topolinchen]

Hallo zäme

Melde mi au wiedermal us de Versänkig!Allne no es guets Nois und dass oie Wunsch möglichscht bald in Erfüllig gaht:-) drucke oi ganz fescht Dume!!!!
Han ehrli seit scho lang nim mitgläse,immer an Kinderwunsch zdenke und dra erinneret zwerde het mir nöd so guet ta!Ich bi sit Oktober bim Kiwu-Spezialist will ich solangi Zykle (40-100 Täg) gha ha nach Pilleabsetzig und die eher immer länger als kürzer worde sind!En Grund het niemer gfunde,drum sprützi ez Hormon und hoffe es klappet eso!Sind ez gad in 2. Stimu-Zyklus gstartet!
Wie laufts bi oi?

Liebi Geüess
Topoloinchen