Frühlings-Kinderwünsche - wir haben's geschafft

[gerbera]

@black_key: ah i ha nur dr typ gseh ohni chopf ufem natel, so erkenne ig ne natürlech ha di serie ou gärn!

mir fahre am Samschtig los… juhuuuu

[black_key]

hihi gäll die isch super

ooh so schön.... nacher bisch tüüfe-entspannt

[gerbera]

@black_key: ja und d zit zum untersuech geit chli schnäller düre!

[black_key]

hey ladies wie gahts euch?? ich hoffe alles guet?

@gerbera: ich wünsch dier und dim GG ganz schöni wellness ferie, gnüssed d zweisamkeit!

[Awe]

Hoi zäme

@black_key: mer gohts tip top ond der?

@gerbera: wönsch eu ganz schöni ferie, gnüsseds

@talulah: bin gspannt uf dini babynews

@me: ich bin i de endspurt-stimmig acho. bin jetzt i de 37 ssw ond es goht ächt nüme lang. s'köfferli esch packt ond han die woche bereits met de geburtsvorbereitende akupunktur agfange. mache jetzt das einisch i de woche bis baby do esch. dehei esch au alles sowit igrichtet ond im büro hani die woche s'ischaffe vo mine verträtige beendet. ich schaffe zwar no 100 % aber es esch jetzt alles greglet ond ich chönt "jederzit" go.
nächscht woche hani no de letschti geburtsvorbereitiskurs ond denn am fritig weder US wo mer es ctg möched. abem nächschte donnschtig wärs kei frühgeburt me wenns baby chunt, ab denn bini denn def. im warte-modus bises los goht. ich freu mich so unglaublich druf

[black_key]

@awe: danke mier gahts bis uf die übliche wehwechen guet
hey wow scho ide 37. ssw und immer no voll am schaffe. das isch ned schlächt, super das dier immer no so guet gaht. aber isch sicher au guet z wüsse das im gschäft und au dehei alles bereit isch falls es bald los gaht
hesch das sicher scho mal gschribe gha früener aber ich ha det noni mitgläse... wüssed ier öbs en bueb oder es meitli gitt? oder lönder eu überrasche?

[Mimi83]

Hallo Mädels
So lo a weder mol es chlises grüessli do! Schön z läse das es euch allne so guet got!
@awe: hei das got ja jetz echt schnell! Aber super chasch no schaffe! Bin jo scho gspannt wie langs got bis sich dis schätzli entscheided z cho.
@ gerbera: ja gnüss d ferie!
@ me: noch de MD gripp letscht wuche häts mi z Nacht uf de do weder voll verwütscht und ich ha körblet wie e weltmeischter! Jetz händ mer geschter usegfunde das sich Mini SD Wert so verschlechteret händ und hüt nomi chan i schnell zum spezialischt. Als ob das ned langed han i die Nacht glaub no e augeenzündig becho! Also ihr gsehnd ich gib grad alles!

[Awe]

@Mimi83: oje du armi, das dued mer leid dass du grad so muesch liiide. hoffe sie chönd der hüt nomi hälfe ond dass der ganz schnell weder besser goht ond du weder zu neuer energie chunsch.

@black_key: nei mer wösseds ned, well mer eus wänd öberrasche lo bin aber langsam wörkli richtig gspannt wases get

[Mimi83]

@hunny_b und awe: Danke euch vill mol! Ja ich bin zueversichtlich!

[gerbera]

@hunny: merci viu mau! geits dir besser? kener bluetige u chrämpf meh? freusch di sicher ufe Ultraschall, bi mir geits ja no fascht 3 Wuche, i mag chum meh gwarte, vorallem, wüu mrs ja när ändlech dörfe verzelle…

@black_key: merci viu mau, freue mi auso sehr, weiss haut nid wie viel Glägeheit ig ha mitdsläse dert… aber wahrschinlech hets ja wifi im hotel… No vier wuche, und när darfsch du ou wieder ids baby-tv… bisch no geduldig? ig ja gar nid

@awe: wow, ize geits de mega schnäu! hoffe du chasch di letschte Wuchene jetzt o gniesse, und dass si nid ds beschwärlech si… d Akupunktur machi de sicher ou, bi dert voll fan!

@mimi: du armi! hoffentlech cha dr de dr spezialischt hälfe! hoffe dis chline entwicklet sech trotzdäm guet, und dass du dini gsundheitleche problem gli wieder los bisch, isch ja ke zuestand so!

@me: bi nid so schribig im momänt, vergible fasch, wetti am liebschte grad hüt zu fa, und luege ob alles guet ize… zum glück chöi mr chli furt, de länkts mi de hoffentlech chli ab freue mi also sehr! mir fahre morn morge, und chöme morn ire Wuche de zrügg!

[black_key]

@mimi: oh nei dich triffts ja würkli grad echli. ich wünsch der ganz gueti besserig! säisch eus was de spezialischt gsäit hed wäg de SD wert...

@awe: wow das isch ja mega spannend dsa glaubi das ers jetz chum chönd erwarte was da use chunnd

@gerbera: wenn mer nächscht wuche nüt vo dier ghöred wüssed mer ja werum neeei ich bin mega ungeduldig es gaht no so lang... ja euchi ferie länked sicher ab und nacher gahts bi dir ned mal meh zwei wuche oder?

[Mimi83]

Danke ihr Liebe
So bin jetzt nomol go bluet gä gsi! Die beide ärzt sind sich glaub ned ganz einig gsi ob i e betablocker sell näh oder ned. De eint hät gfunde das wär e gueti lösig, vorallem Wils mer so schlecht isch und de ander hät gfunde dass i ohni besser dra währ unds de i de zweite helfti vom zweite trimeschter wider vo allei hörrt! Jetz muss i bis am mäntig warte und chumme den definitiv bscheid über! Wer kennt sich mit dene betablocker us? Isch das de schädlich für s baby? Ich würd lieber öpis näh. Ha scho so vill abgnoh! Sicher 5 Kilo! Das isch ja sicher s ned gsund!

[Kizank]

@mimi: Du Armi! So blöd... Kenn mi ned so uus. Aber gäg MS gits ja au Betablocker, und die setzt me i de Schwangerschaft ab... Mach dr ned allzu vill Sorge wäg em Abnäh - ich bi i de 12. Wuche 6 Kilo under mim Startgwicht gsi. Wennd di unsicher fühlsch, wür i sus e Zweitmeinig (respektive dritt) iihole lah.

[Awe]

Guete Morge zäme

@Hunny_B: wie esch din US gsi?

@Mimi83: Känn mi leider gar ned us met betablocker. gohts der scho chli besser?

[Awe]

@Hunny_B: jö so schön zläse dass alles guet esch, das freut mi so för dich gäll me chönt all tag go ich han mini US jetzt emmer all 6 woche gha ond jetzt gäge ET hani 2 woche abstand, chan also am fritig bereits weder go, damol möchemer es ctg.

[Gini]

Hoi zäme

mälde mi au wider einisch, wenn au nor churz.

Mir sind scho wider am chränkele gsi, die chli het wider irgend öppis heigschleppt ond ich han au grad mitgmacht. Jetzt hani nor no de schnuppe, aber es goht ufwärts.

Morn hani min erscht Hebamme Termin. Si het mich ned dur d SS begleitet, well ich jo eifach bim Fä gsi bin. Ich ha si scho bim erschte Wochebett gha ond bi sehr zfriede, si möcht mi aber trotzdem no gseh bevor denn s Baby do isch, das findi au ganz ok.

Leider hani im Moment chli Problem mitem Ischias, das machts mängisch chli schwierig mitem Gassi go mit eusem Hund.

Bis bald

Möchets guet

[Awe]

Hoi Zäme

@Gini: Schön gohts berguf, ich hoffe ehr send alli bald weder ganz gsund ond dass es au met dim ischias besser goht, so dass zu die letschti ziit nochli chasch gnüsse ond usruhige.

@Hunny_B: ich au du besch glaubs au usem aargau gäll? bin im spital muri wenn das kännsch. nei han jetzt nomol en termin bim FA ond det möchemer au s'ctg. weiss aber ned, öb das ev. de letschti termin bi ehm esch. also ich han jo scho lang ab ond zue en harte buch ond i de letschte ziit esches eifach hüfiger ond vorallem i de nacht. wehen hani au scho zweimol i de nacht gha aber ganz harmlos im 20 min. abstand ond wörkli weh do heds ned. susch merki eigentli no gar nüt usserd de druck gäg abe, well mis chliine s'köpfli scho wiit unde hed

[black_key]

hallo ier liebe, gahts euch allne guet??

hed öper für euch en tipp gäg hueschte, gitts öpis womer ide SS dörf neh?

[Mimi83]

Hallo mitenand
Danke euch für euchi Rückmeldige! Es got mer die Wuche vill besser! Hoff es got mer witer so guet. D Ärzt händ durum a entschiede mol mit em betablocker z warte. Bin a ned unglücklich.
@ black_key: ich ha ne ned schlimm, drum nimm i eifach mol nüt. Aber was sicher guet isch isch e Kartoffelwickel. Und das nützt würklich!

[black_key]

@hunny: hey schön z ghöre das dir besser gaht! ich hoffe das blibt so. luegsch guet uf dich und schonsch di
danke für de tipp mitem kartoffelwickel!