Frühlings-Kinderwünsche - wir haben's geschafft

[gerbera]

@fea: wow gratuliere! De wünschi nach däm schwäre start e ganz e gueti und schöni zit mit dire tochter!

[Tiare29]

@fae
uiiiii nei so schad.. aber schöö sinder dihai..

[Awe]

Liebi fea ich gratuliere der vo herze zu dim töchterli und bi froh sender dehei ond glücklich.
hoffe du chasch das guet verarbeite ond dich es bitz erhole

[Mimi83]

@awe: danke der vill vill mol! freu mich wirklich uf de ustusch. Es isch echt de Hammer ich chas wirklich ned realisiere. Wenn ich chönt würd i jede Tag Teste! Ja bricht euch de alles! Muss es de no ipackt.
@talulah: danke vill mol! ja ich will im s beschte geburtstagsgschenk ever mache!! Ich hoff es chunnt guet a! Oh Gott scho so wit! Hei! Unglaublich. Ich hoff zit got bi mer a so schnell verbi!!
@ Kizank: danke a der nomol! hoff das vilicht glich no e positivi Überaschig Wellenschlag mit em stille. Und wens ned got de gots halt ned! Du machsch s beschte drus für euch!
@awe: bin ja gspannt ob das de bi mer a chunt mit em nestbautrieb! Das mit de wiege tönt ja traumhaft!
@fea: oh herzlichi Gratulation zum baby!!! So schön. Wünsche euch trotz turbulentem Start e wunder schöni kennelernzit!!!
@me: ich bin hüt obig echt unglaublich müed! Cha mich gar ned konzentriere. Händ ihr das a scho so gli gha? Hüt Mittag bin i im gschäft uf em Sofa schnell ignickt! Und mini brüscht gänd alles. Größer sind's aber ned.

[gerbera]

@mimi: ja mini si ou nid würklech grösser, aber viel praller... Weiss ou nid so rächt wie beschribe... U ha so chli chrämpfli, aber nid wi bir tr... I schlafe tueni eifach gabz schlächt...

@all: wi isch das bi euch gsi? Sit dir ou so schlaflos gsi?

U ize no teschtgallerie vo mir, dr schwächscht isch vom sunntig, när hani jede tag eine gmacht, und dr neuscht isch haut no nid troche...

Gesendet von iPhone mit Tapatalk

[Awe]

@gerbera: Das gseht sehr dütlich us, schön

wäge de schloflisigkeit: Ich han am afang au es paar schloflosi nächt gha vorallem halt eifach vell eim denn so vell dure kopf goht. han au ganz vell troim gha vo geburtszenarie, etc. zum teil rächt haarsträubend das hed sich denn aber bald weder gleid. denn esch die ziit cho wos chline afoht uf blose drucke denn muess mer amigs au znacht e paar mol uf. in letschterziit muessi aber gar nüme uf ond schlofe super dore. ich nehme aber a so gäge schluss wirds de weder chli müehsamer wägem grosse buch

[fea]

@Gerbera: ich ha vo ganz afang aa massivi schlofstörige ka wo sich durch die ganzi Schwangerschaft durezoge hän. bi mir isches -glaub nid emol am schluss- nie dr wachsend buuch gsi sondern allwäh wirklich eifach d hormonumstellig

[Mimi83]

@gerbera: ja gschloffe Han ich die Nacht Super! Bin so kaput gsi geschter! Also schlimschte isch bi mer am morge mit de brüscht nocher gots immer! Din Test gseht ja Mega positiv us!!! Ha keine meh gmacht! Vilicht mach i hüt obig nomol eine.

[Tiare29]

@mimi
Sie hett jo au tests zum voschwende [emoji14]

[Mimi83]

@ tiare: ich glaub ich würd dürretreie wenn ich no so vill tests häti und 3 mol am täg Teste! worschiendlich sogar bi jeden toilettegang!

[gerbera]

@mimi: ja i mach nur eine pro tag, was hani nid für ne heroischi sälbschtdisziplin


Gesendet von iPhone mit Tapatalk

[Kizank]

@fea: gopf, schad hesch du au e schwirigi Geburt gha ha so ghofft, dass bi dir alles guet lauft! Wünsche eu für de start allds gueti, dass ihr eu bald erholed, s mit em stille guet klappet wenn du das willsch und ihr bald in neue alltag findet!

[Gini]

hallo

hm, ig weiss gar nüme was ig für azeiche gha ha...uups..ah mou, mini Luscht nach Milch. De het si chli gstoppet ond jetzt ir Woche 27 isch si wider zrugg cho:-) Chönnt ständig Ovo trinke:-)

Freue mi so fescht für eu, Mimi ond Gerbera!!

@Fea Kizank Sportyspice: Wie gohts euch mit de chline?

Morn häti ET für euses Stärnli, wos jo leider ned gschafft het. Aber i be eifach nor glücklech ond dankbar, hets wider klappet ond es git de es Maiechäferli

Grüessli
Gini

[Mimi83]

@gini: ah jo a das mit de Milch mag mi no erinnere! Ich ha nüt speziells won ich luscht druf ha. Mag mi nur erinnere, dass es vor ere wuche Gurke zum zvieri gä hät und ich so uf die abgfahre bin. Richtig klischeehaft. Und am obig Han i de positiv Test i de händ gha! Danke!! Ich freu mich a Mega. Nur no 2 täg und ich chas entlich mim Schatzi Säge!!! Oh Gott bin ich chribbelig! Schön isch dis stärnli immer i dim herz! Und no Schönberg gots der und dim schätzi so guet und du darf es bald id arme schließe! Gli s 3 tremester!

[sportyspice]

huhu, meld mi au mol wieder zrugg.

@Mimi und gerbera, wow super, freu mich mit euch. Herzliche Glückwunsch. Gniesseds und e zfriedeni, schöni, erfolgrichi Schwangerschaft. I ha mini Schwangerschaftstescht au im Badzimmerkäschtli deponiert gloh, bis meh dr Buch guet gseh het, eifach will is nid ha chönne glaube.
Isch euch nid schlecht am Morgen????

@FEA: JUHUI, <3 Bi froh gohts euch mittlerwile so guet.

Mir hei biz e turbulenti Wuche hinter eus:

Am Mentig hei mir mit dr chline zum Chiropraktiker müesse, will sie tendenz het nur uf ei Site zluege.
Het mi recht gstresst, aber schlussendlich isches gar nid so schlimm gsi und grob wie ich mir das vorgstellt han.
sither dunkts mich, sie machts viel besser und trinkt au an dr linke Brust besser als vorher. Sie het mi dört ame regelrecht gfresse, was umega schmerzhaft gsi isch- dr chiropraktiker het gseit es chönni cho, will sie dört chli schmerze gha het und nid het chönne richtig dr Kopfpositioniere.

Am Zischtig sind mir no iglade gsi am Nomittag, und wo mir hei cho si, ha i nur no gfrohre und es isch mir vo stund zu stund schlechter gange. Het mi denn komplett flach gleit. Hoch fieber, kei Stimm, Schüttelfroscht, Erbreche, Gliederschmerze, und Kopfweh.Kreislauf extrem schwach... ha in 4 etapene Windle gwechslet und immer wieder müesse am Bode size wills mi suscht abtischt hätt. I ha zmittag nid mol d Energie gha zum mim Maa azlüte er selli bitte heime cho.
Isch e Teufelskreis, durch das es mir so schlecht gange isch, isch mini Milch au nümm so nährrich gsi und die chlini het im Stundetakt trunke und mir jeglichi Energie usgsugt. Gescht zobe isch mir sooooo ELEND gange... weiss nid wenn i mi sooo scheisse gfühlt ha. Hüt Znacht het die chlini aber so guet gschlofe wie no nie... und wo i znacht mol ufgwache bin hani grad gemerkt, dass i kei Fieber meh ha. Jez bini eifach no chli gummig uf de Bei aber goht berguf.Kei verglich mehr.

Awe:es noched au langsam gohts dir guet?

[sportyspice]

@kizank: wie gohts mittlerwile mit stille??? I bi genau am gliche Punkt gstande wie du, i hätte scho sooo oft fascht s Handtuech gworfe, wills so schwierig gsi isch. Aber mittlerwile het die chlini dr Rank gfunde und es klappt ganz guet und jez het sich all die Ziit mehr als gloht und mir sind viel schneller, gesünder und zfriedeniger. Die chlini schloft nach dem ich ihre d Bruscht geh ha, viel besser und tiefer. Und nach dem i fertig gstillt han, bechum i sid dere Wuche jedes mol e riese Smile als Dankeschön Chönnt sie amigs fresse. Sie isch zuckersüess. So machts doppelt spass und isch mehr Lohn als alles zahlbari.

[gerbera]

@sportyspice: Nei bis ize no nid, mir tüe eifach d brüscht geng no weh, und zwüschedüre hani so es zieh im Buch… lege nur no so wiiti sache a, wüu mr d jeans weh tüe mit dr zit… schön geits dir besser mit dr chline, i gloube so ne chirobsuech cha scho mega viel bringe...

@anderne verzelle: auso i has scho ganz wenige verzellt, bi eh nid guet so sache für mi ds bhalte, und mi gg ou nid… Eifach dene, woni sicher ou vore fg würd verzelle oder wenn öppis nid guet isch…

@mimi: wow no paar stund, bisch sicher mega ufgregt? hesch dr digital tescht scho gmacht?

[Awe]

Hallo zäme

@Gini: schön gohts der ond dim Maiechäferli guet

@Talulah: wie esch din untersuch gsi?

@Mimi83: ich bin so gspannt was din gg seid

@sportspice: ui das tönt jo nochere ganz heftige grippe. zum glück esch der scho chli besser und du hesch au weder meh energie för die chliini. sie heds dänk gmerkt dass du chli rueh bruuchsch ond hed drum so schön gschlofe. findes schön dass metem stille scho guet klappet ond das de chiro öppis brocht hed, das ghört mer no vell. wönsch der uf all fäll gaanz gueti besserig, dass du schnell weder ganz fit besch.
du seisches, es noched jetzt gohts no 10 woche ond ich mag mich erinnere wo du das do ine gschrebe hesch dases bi der no so lang goht ond ich ha det dänkt: uii, jetzt chunt de gli de sporty ehres baby
ond jetzt bin ich sowiit mer gohts super ond ich freu mi sooo uf das chline schätzeli.

@gerbera: mer händs eusne familiene (eltere, gschwöschterti) au ca. i de 9. woche gseit well mer jo denn no euses hochzitsfäscht gha händ. ond trauzüge send eusi beschte kollege, die händs denn au gwüsst ond mer d'cüpli abgno
aber metem reschte hämmer die 12 woche abgwartet.

@me: mis chliine esch grad meega am turne, ehr setted min buch gseh ha metem bürostuhl grad es bitz
hinderemüesse. han jo emmer sgfühl gha es get es meitli aber mängisch dänki so wild cha doch nor e bueb sii mer gsänds denn. au susch gohts mer super, schlofe wonderbar, de rugge gspüri sälte. han vell en harte buuch, aber weh dueds jo ned. ich lueges positiv a ond hoffe es bringt öppis bi de geburt, wenn d'gebärmuetter jetzt scho so dued üebe.
igrichtet semmer au guet. s'babybettli, wickelsache ond paar kleidli send parat. min gg hed mer jo en wiege us holz gmacht ond ich ha döfe die woche stöff ussueche. mis schwiegermami dued eus sganze inneläbe met matratze, decki/küssi ond vorhängli schänke (nähe lo) weiss ned öb ehr die luemai traghilf känned. han mer ebenfalls so eine döfe noch mine wünsch mache lo ond de chumi denn vo mim mami uf geburt öber, freu mi sehr
jo ond öbernächscht woche fangi metem geburtsvorbereitigskurs a, wo 6 mol goht, defo 2 mol met mim gg.
endi monet hani no e tag frei woni de ganzi chliikram gange go poschte met mim mami, denn bini denn
öppe grüstet

@schaffe: mer send jetzt im büro am vorstelligsgspröch halte för mini nochfolg. ich hoffe mer finded öpper ganz guets wo denn au scho afangs april chan afange. das esch s'einzige wo mer nochli sorge macht, aber es wird scho ergendwie klappe. ischaffe düemer sowieso scho im märz.
starte de abem august weder met 40 %, bini richtig froh hed das klappet 1 tag dued mis schwiegermami hüete wo jo grad näbe eus wohnt ond ei tag macht min gg e papi-tag, er reduziert 80 % abem august

wie gseht das bi euch so us? kizank hed sich öppis ergeh bi der? mimi ond gerbera, händ ehr euch scho gedanke macht oder frogi nochli zfrüeh?

so ond jetzt wönsch ich euch allne es wonderbars wochenänd

[Mimi83]

@sportyspice: danke der!! hihihi glaub bi mer werd's we bi der sie! Solang ich nüt gseh chan ich's no ned richtig glaube! bis jetz no ned! Zum Glück! Ha so Respekt vor dem! Wenn hät das bi der a gfange? Bin jo erscht 4+4 wenn ich das richtig grechnet ha! Super sind ihr bim chiro gsi und es her ghulfe!! Oh nei du armi! Das isch ja übel! Aber demfall gots der weder bedser?!
@gerbera: ich freu mich scho Mega s allne z verzelle! Aber ha Mega Respekt devor will i sooo vill kenne wo's verlohre händ. Drum bin i glaub no chli blockiert! Aber wenn's de mol min GG weiß muss i eh mit ihm luege wenn's mer üssere Familie verzelled! Bi ihm wird's ned so e Sach gà. Glaub ich amel. Er isch s letschte chind und sis Mami isch scho urgrossi. Aber ich bin s erschte i minere Familie. Mis Mami stürmt scho lang und min Papi hät a scho gwunderig noche gfrogt. A min Brüder stürrmet immer. Ha immer behauptet nöchscht Johr vilicht! ja bin scho chli nervös!!! Nei no ned! Mach ne hüt obig. Ha glässe de zeigt nur 24 h a durum Han i no gwartet! Häsch du e digitale gmacht??
@awe: ja ich au! oh es athletischs baby! Tönt guet!!! so schön die gschenkli wo bechunsch! Ja lumai han i scho ghört! Bin gspannt was vom Kurs verzellsch. Isch das echt öpis?? Freu mich scho druf baby Sache z chaufe!! Super das das a klappet mit em schaffe noch de muetterschaftspause! Das di maa cha reduziere isch genial! Wünschti mer das au. Wird aber glaub nüt. Verdiene einiges wehniger als min GG drum wird das wohl so sie das vorallem ich dehei bin. Will de a weder go schaffe aber worschiendlich erscht so noch 6 Monet oder sogar no chli spöter aber vilicht ändertet das jo no.

[gerbera]

@mimi: ja i bi ja ersch 4+2 hüt… hesch du eigentlech mittlerwile anderi beschwärde? findes scho fasch komisch, dassi so nüt merke… naja ussert ds zieh im buch… Ja i ha äbe wäg fg ou chli bedänke, aber mine beschte kollege würdis ja eh säge, wenni e fg hätti… Nei i ha ke digitale gmacht, weiss no nid gnau, obi de villecht no eine choufe… eifach mau zum luege, weli wuche dasser azeigt…

@sportyspice: geits dr de mittlerwile chli besser? di grippe isch würklech eländ, i ha se ou gha, aber natürlech ohni stille und alles, u ha mi eifach im bett chönne still ha…

@awe: das tönt ja alles mega perfekt bi dir! Hoffe dir heit e gueti Stv. gfunde? I wirde zimlech sicher nachem mueterschutz chünde, wüu bi mir teilzit schaffe dert woni schaffe zimlech schwirig isch. I würd de gloub eifach mau luege, wases für nes Chind git, und de wieder öppis sueche. Mache mr da nid so sorge, mi gg seit ou, wenni wöug, chönni ou statt ga ds schaffe no es fernstudium oder süsch e usbildig mache, oder was ou immer. Är cha aber nid reduziere, und verdient ou meh als ig...