Juhu auch wir legen los- die Schwangeren

[Rafa]

guäts mörgeli

@sarzenz
das cheibä würmli ja isch glaub besser wänn er no kei definitivi ussag macht...mini FA hät euis s'gschlecht au erscht bim organscreening i dä 21. wuchä mitteilt und dänn gseht mers eigentlich würklich guät soferns schön da liit

mit 2 kg i dä 17. wuchä liisch du glaub nöd nur guät im rahmä sondern sehr guät das isch sicher eher wenig....aber jedi frau isch unterschiedlich...die eintä nämäd am afang viel zuä und nachher fascht nüt meh und bi dä andernä isch äs umgekehrt oder immer schön stetig. ich han i dä letschtä ss 14 kg zuägnoh und bin dänn nachher au relativ rasch und ohni gross öpis dafür tuä wieder uf mis usgangsgwicht abächo...hoffä äs isch dänn dasmal au wieder so....bin jetzt dänn i dä 31. wuchä und bin bi +10 kg, also öpä glich wiä s'letschtä mal.

[Rafa]

@smack
uuuuuuuuuuuuuuuuuuuuuuuuuuuuuuuuuuuuuuuuuuund????

[Smack]

Huhu

Das Beste vorweg. Uns gehts super, Bebe auch! es ist schon 7cm gross und hatte die Beinchen über Kreuz. Und dann, die kleinen Händlis, soooo herzig! Und es hat schon am Daumen genuggelt. Haaaach <3
Nackenfalte ist bei 1.1mm also prima! Bluttest bekomm ich nächste Woche Bescheid

Utro kann ich auch absetzen. Aaaaah könnt grad die ganze Welt umarmen.

[Sarenz]

@rafa
Bini jo soöbbis vo beruhigt, dass da sogar sehr guet isch mol luege wies sich witer entwiklet! Met so 12-15 kg wäri ihverstande.. Mis mami het drum über 20kg bi mir zuegnoh, vor dem grauts mer echli..
Wow..du bisch auscho ufem ändspurt!

@smack
Super! Das freut mi jo mega!! Bisch sicher sehr erliechteret!

@me
Min Rugge bringt mi fast um! Die halb Nacht ned gschlofe vor schmerze! Morn chani weder id Massage, hoffe so das bringt chli öbbis! Suscht gohts mer tip top! Sehr ahgnähmi Temerature..

[alessa]

Ich gnüssä richtig diä temperaturä, obwohl ich d'hitz über alles liäbä, aber so chumi wenigstens zum Babysachä nähiä

Wiä gahts üch so?

Rafa: bi dir gahts ja würcklich nüm soooo lang und +10Kg isch ja super

Smack: toll isch alles guät gangä. Wiä fühlsch dich?

Sarenz: Stützstrümpf: Dankä für d'info, han z'gfühl ich bruch diä aber doch nonig hoffä es blibt au so!
Hesch du Ruggä weh vo dr SS oder hesch du sowiso ruggäproblem? Hoffä d'massage bringt dir öpis

Gspührä: Min GG het gester abig zum erstä mal üsers Würmli chönä gspürä, das isch so speziell gsi!

Me: Ich hans immer no mit miner Listäsehnäentzündig (das jetzt scho über 1 Jahr), und jetzt isch Links no dr Ischias derzuä cho der merki vorallem idr Nacht wänn ich mich möchti cherä.

[Sarenz]

@alessa
Mir gohts abgseh vom Rugge tip top! D Bei sind jetzt au weder besser bi dene Temperature und ich mues kei Strümpf meh ahlegge. Ich ha vor de SS schomol öbbis verschobe gha im Rugge und dur das schmerze. Jetzt isches aber vo de SS..mis gsnze Becki hets verschobe will euses Schätzeli sichs uf de rechte Site bequem gmacht het.. Znacht gspüris au und verwache bi jedem mol dreihe..aber au de ganz Tag dure..sitze,stoh,laufe,ligge..nüt goht schmerzlos! Gester bini mit Träne ide Auge zum Chef und früehner hei..hoffe d Physio hilft!
Uii, scho über es Johr?? Leider wird da ame ide SS ned würkli besser..
Ohhh, soo schön!! Ich freu mi auscho uf das Erläbnis!! Und min GG erst..

[alessa]

Sarenz: Ohje das isch dä müässam, hoffä dir bringt physio öpis, z'gwicht vom Baby wird ja schliesslich immer meh und somit au unbequemer für üs und dr ruggä
Ja ich han au Physio hindermir und es hät nüt bracht, han dä ä lokali Cortisonsprützä übercho, het aber au nüt bracht, jetzt machis mit Akupunktur und das isch dass einzigi wo bis jetzt wenigstens ächlei nützt
Aber mir wänd üs ja nöd beklagä, schliesslich simmer froh derfemer ä SS durämachä

[Rafa]

hallo zämä

@smack
heyyyy so schön....freui mich sehr für eui! dä bluättest isch wahrschindlich au scho iitroffä und wird sicher au guät si!?
wiä gahts dir suscht so? immer no kei grossi beschwerdä?

@sarenz
ja gäll, diä zyt raaaaast...für mich momentan au grad ächli z'schnell aber ebä, äs isch wiäs isch und solangs allnä guät gaht isch das ja tip top!
ojeee das mit dim ruggä tönt aber nöd würklich guät...wür würklich au luägä dass du so schnell wiä möglich öpis findsch wo dir hilft! bisch bis jetzt scho mal i dä physio gsi? wenn ja, häts öpis bracht? Osteopathie wär suscht au no öpis guäts!

@alessa
so schön hät din gg s'chlinä würmli au chönä gspürä...isch äs doch jedesmal wieder än wunderschönä moment....gnüssäds fescht! ouuu au dir ganz guäti besserig....zum glück nützt d'akupunktur äs bitzeli!

@me
mir gahts nach wiä vor sehr guät…bin sehr froh! schlafä wiiterhin sehr guät und das immer no ohni sillchüssi (chans selber chum glaubä ). au vo suschtigä „beschwerdä“ wiä ruggäweh, sodbrennä, chrämpf bin ich (no) verschont! fühl mich immer no erstuunlich fit und mag dä huushalt, s'chind und dä job würklich no guät machä…bin dankbar und hoffä äs bliebt no laaaaaang so!

machäds ganz guät ihr liäbä

[Smack]

Hallo

@ Rafa
Danke viel Mol für d'Nochfrog. De Bluettescht isch au sehr guet gsi. Bin rächt froh
Jetzt wartid mer ufe nächscht Termin am 18. August. Aber goht jo ned mol me ganz 3 Wuche
Merke no ned viel nei. Evtl mit chli Iibildig wachst s'Büchli chli Und d'Blose drückt eidütig meh
Tönt jo super bi dier Richtig fidel!

@ Sarenz
Gueti Besserig dim Rugge Kennes leider au ... glaube aber, bi mier isches eher verspannt oder Durchzug als d'Schwangerschaft

@ alessa
Danke, es goht mer tip top. Alles wunderbar. Schlofe chani au no ufem Buch, also alles wie gehabt

@ Job
min Chef het gmeint, ich sell doch wiiterhin für ihn schafe (2 Mann Betrieb) und het mier offeriert, dass ich vo Deheime us chan schaffe. Ich finds uuuuh toll vo ihm, das er mier die Chance git. Eigentlich han ich nie welle schaffe wenns Bebe do isch (emel wenns no chli isch), aber das mit Homeoffice, öffnet mier jetzt Türe, wo ich vorher gar nie gseh han.
Ich müesst eifach scho relativ gli noch de Geburt loslege. Er sowie ich wüssid vo dene 16 Wuche, aber das wär schier ned machbar. Ich wür aber ned so viel schaffe, villicht 5 Stund ide Wuche, wo ich mier selber cha iteile wenn und wie. Das sett glaubi scho machbar si. Mier wüssid das es e Grauzone isch, bzw e schwarzi
Ich dänke eifach, wenn ich's ned probiere, würd ich das bereuhe.

[alessa]

Wunderschönä guätä Morgä

Wiä gahts üch so?

Smack: so guät das mit em Job, din Chef isch sicher froh muäss er niemert nüs suächä.
Schön gahts dir sowit so guät

Rafa: ich hoffä das chan ich vom mir ab Wochä 30 au sägä, das es mir so guät gaht Ich schlafä jetzt scho mit em Stillchüssi bin ä Buchschläferi und liidä scho derunder wäni näd chan ufem Buuch liggä aber mit em Stillchüssi gaht das sehr guät siitlich

Es sind nur noch sehr wenigi aktiv debi und ich weiss nöd ob diä eintä oder anderä überhaupt no drii luäged, aber ich versuächs glich:

September: so wiä ich gseh han ich hüt din ET. Wiä gahts dir? Isch z'Baby scho da oder nonig?

Linn: bi dir gahts au nümmä lang, wiä gahts dir?

Chliini: Bi dir isches au nur no ei Monet, wiä gsehts bi dir us? wiä fühlsch dich?

Und wiä gahts sust allnä?

Me: hüt gahts mit em SS-Yoga los, bin so gspannt


Wünsch üch äs wunderschöns Tägli und liäbs Grüässli

[Sarenz]

@alessa
Meee tooo bi mir gohts hüt au metem SS-Yoga los! Bin au mega gspanne und hoffe es hilft mim Rugge zuesätzlich nochli! Ich schlofe au scho metem Stilllüssi..ha mim GG immer d Decki weggnoh znacht, jetzt gohts wunderbar.

Schöns Tägli allne..

[alessa]

Sarenz: und wiä isch gsi? hets dir passt?
Mir hets sehr gfallä, freu mich scho ufä nechst mäntig spür aber hüt ächlei mini Schulterä und Ruggä das chunt halt wämä sust nüt macht

[Sarenz]

Alessa: mir hets au sehr guet gfalle, sind nur 2 Schwangeri gsi (normal wäres 4) mir duet nüt weh..au im Rugge hets passt min Körper freut sich glaub sich ändlich wedermol chli z bewege! freu mi au scho uf die nöchst Wuche!

[chliini22]

hoihoi

Sorry dass ich mich soo lang nüm gmulde han.. isch chli e müehsami ziit gsii..
ha eigentlich nach wie vor kei beschwerde und es gaht mir eigentlich tiptop..
muen mi schone.. isch etzt scho die 4. wuche und dörf ab em mäntig wieder chli höckle und paar schritt laufe.. devor hani 100% bettrueh gha und bi dä au über e wuche im spital glege.. aber hoffe es bliibt stabil und bi mittlerwilä au über em berg
muen etzt na bis 37+0 wehehemmer neh und schoone und dän dörfs cho
aber suscht gahts mir tiptop

lg

[Rafa]

guäts mörgeli mitänand

@chliini
schön vo dir z'ghörä aber das tönt ja würklich grad alläs ächli stressig bi dir! tuät mir leid dass du au diä erfahrig mit spital und ligggä häsch müässä machä....umso schöner häsch dä gröbscht teil jetzt erfolgrich hinder dich bracht. wünsch dir uf jedä fall än super edspurt....uiii gli häsch äs gschafft weiss no wo du euis im forum mitteilt häsch das du positiv testät häsch

@SS-yoga
findi ganz ä cooli sach...han mir au lang überleit i därä SS is yoga zgah...han das jetzt aber irgendwiä ächli verpasst i dä letschtä SS han ich eifach dä geburtsvorbereitigskurs gmacht und drum isch dozumal ss-yoga für mich keis thema gsi

@sarenz und alessa
machäd ihr au no än geburtsvorbereitigskurs oder bliebed ihr bim SS-yoga?

@alessa
ja wänn du ä buuchschläferi bisch verstah ich sehr guät dass du am liidä bisch....oje du armi...gaht halt doch no äs zytli und nach dä geburt wird's wägäm stillä au schwierig si uf äm buuch z'liegä ja nu, dini buuchschlafzytä chömäd ganz sicher wieder aber dänn wird dich dis büäbli ziemlich sicher i dä nacht wach bhaltä

@smack
häsch i däm fall no überhaupt keis büüchli? das isch bi mir scho i dä erschtä SS schnell gwachsä und vo dä zweitä redät mir gar nöd
du schiinsch würklich äs super verhältnis mit dim chef z'ha...so schön! ja ihr befindet eui nöd nur i dä grauä sondern i dä dunkelschwarzä zonä aber ebä, das wüssäd ihr ja selber! ob das guät wird klappä hangäd sicher vo dim befindä, vo euiäm chind (schreibaby, sehr zfriedä, schlaft viel und guät) und vo dä unterstzützig vo dim GG ab. aber probiärä wür ichs uf jedä fall....muäsch dänn halt au ehrlich zu dir und dim chef si wänns nöd sötti ga.

@me
gaht mir guät....schaffä hüt und morn bi därä hitz...bääääh! immer dunnschtig und frytig (mini zwei arbetstäg) sind immer di wärmschtä vo dä ganzä wuchä! ich verträg eigentlich diä hitz rächt guät aber im büro schlissts mich...ja nu, äs gaht au irgendwiä verbi

schöns tägli und machäd guät

[Smack]

Hallo zäme

@ chliini
Ui, das tönt sehr happig. Das wünscht mer au niemertem. Ich hoffe, dass es jetzt wieder chasch ruhig agoh.

@ Rafa
Also mit chli Phantasie hani affig es BITZELI Büchli Aber no gsehts also keine, wo's ned weiss
Total dunkelschwarzi Zone, du häsch natürlich scho Rächt Aber solangs stimmt für beidi, isches jo wunderbar
Ich schaffe hüt au no, morn hani spontan frei gno. Mage nüm. Hend sit afangs Johr kei Ferie meh gha (sind dete 5 Wuche s'Australie gsi) und jetzt hängts echt ah. Drum morn frei und ab 15.8 hemmer 2 Wuche Ferie, endlich!

[Sarenz]

@chlini
Schön vo dir zghöre..und schön gohts dir jetzt sowit guet.

@smack
Woow..ich träum grad weder..im Januar 5 Wuche Australie?? Simer au gsi aso Dez/Jan!! Wo sinder gsi?? Mir ade Westküste und de vo alice springs bis melbourne metem camper!

@rafa
Aso imir mached no en Privat kurs bi minere Hebamme.. Do chunnt sie eifach a 2 obe bi eus verbie. Bi no aquafit am sueche..isch garned so eifach! Ich würd mi drum sehr gern bewege, aber momentan goht nedemol spaziere

[alessa]

Guätä Morgä mitänand

So startemer i der heissi Tag..mal luägä wieviel es no git vo denä das jahr

Rafa: du machsch es mir nöd gad schmackhaft das heisst ja sich 9-12 Monet nöd ufem Buuch schlafä naja das schaffi scho irgendwiä

Chliini: ohje , aber zum Glück hesches bald gschafft! Mir isch garnöd bewusst gsi das du au scho so wiit bisch, han gmeint erst im Oktober
Weisch du eigentlich was es git? Luäg dir no guät gell!

Smack: mir gahts glich...sind endi Januar 1 Wuchä z'Finnland gsi und sit tuä kei Feriä meh ka
Jetz mag ich au nümä und freu mich uf ändi August, da gömmer no 2 Wuchä uf Sardiniä
Gönd ihr no weg?

Kurs: Ja mir mached no en Geburtsvorbereitigskurs im Spital. Go schwimmä würdi au gern hans aber am abig niä gschaft zum no schnell id Badi z'go. jetzt freu mi uf Feriä und schwimmä det ächli und mal luägä ob ich nach de Feriä viellicht au no en Aquafit Kurs bsuächä.

Gnüssed das schönä Wetter no chli!!!

Grüässli

[Deidelina]

Halli Hallo

Melde mich zrugg us dä Ferie.
Sind 10 Täg uf Sardinie gsi.
Wunderschön isch es gsi, und leider hani hüt Nomittag scho wieder müesse go schaffe, jänu.

Bi aber so richtig müed, obwohl ich jo nur am Nomittag am schaffe bi.
Mol luege wies denn morn isch, wenn ich dr ganzi Tag muess.

Kindsgi Start isch au guet gange.

Gang denn spöter alles in Rueh go nocheläse.

liebs Grüessli

[Smack]

@ Sarenz
Mier sind vor 2.5 Johr vo Sydney uf Adelaide mitem Camper.
Dasmol (November/Dezember) simmer vo Perth uf Perth So en Rundreis. Perth - Monkey Mia - Kalgoorlie - Esperance - Albany - Augusta - Küste noh wieder uf Perth. Mier het jetzt d'Weschtküste viel meh gfalle, als s'erschte mol. Oh man, wür grad wieder goh.
Es isch eifach wuuuunderschön. Und ich mues ehrlich säge, DAS isch s'einzige wo mi chli reuht, jetzt zum schwanger si. Das mit Australie chömmer die nöchste paar Johr knicke aber defür simmer schwanger, isch ja super so

@ alessa
Uiii Sardinie, soooo schön! Simmer au scho gsi (glaub öpe 5 Johr her oder so). Soooo en schöni Insle, würklich! Mier sind dete im Norde gsi (Costa Smeralda) in Baia Sardinia. Miteme Mietauto, super Sach gsi.

@ Deidelina
Jööö au Sardinie Isch wohl grad im Trend! :mgreen: Jo gell, de Start isch immer mega fies

@ Ferie
Mier hend nüt buechet, aber mier fräsid mitem Auto mal Richtig Südtirol Simmer no nie gsi. Mer fahrid eifach mal los und luegid de, wohi dases üs verschloht. Tips willkommen