Frühling/Sommerbabys 2018

[Manuela82]

Hallo Zusammen wie geht es euch so?

[poffertjes]

Hallo!

Ich war schon lange nicht mehr hier es war einfach zu viel los... schönes und weniger schönes...

Uns geht es aber jetzt gut. Wir haben uns zu viert sehr gut eingespielt und meistens läufts rund. Die Welt wird seit einger Zeit auf zwei Beinen erkundet. Was manches einfacher macht aber anderes auch wieder mühsamer
Aber ich finde das Alter wo sie jetzt sind so süss! Ich bin und war nie so das Babymami

Wie geht es euch? Schon die ersten wieder Schwanger oder am üben?
Bei uns wird es kein drittes mehr geben. Wir fühlen uns komplet!

[Vanessa87]

Hallo Zusammen

Ich hätte eine Frage zum Essen.
Meine Tochter ist nun 11 Monate alt. (Geb. 8.8.18) und seit Sie 8 Zähne hat will Sie immer mehr vom Tisch essen anstelle vom Brei.
Was kann ich Ihr alles anbieten und was sollte ich weglassen?

Vielen Dank für Eure Tipps
Liebe Grüsse
Vanessa

[kathunka]

@Vanessa
Meine Tochter ist genau ein Monat alter als deine

Mit 11 Monaten war ich es leid immer separat zu kochen und sie wollte vom Tisch essen. Fingerfood kannte sie zu der Zeit schon.

Ich habe zu Beginn (mit 11 Monaten) das Essen in der Pfanne sehr wenig gesalzen und am Tisch für uns nachgesalzen. Sie ass von Salat mit französischer Sosse bis Fleisch eigentlich alles mit. Aufgepasst habe ich mit scharfen Gewürzen, blähendem Gemüse und Rahmsösseli. Allg. Käse/Rahmsachen im Essen habe ich langsam eingeführt. Zuerst wenig und dann immer ein bisschen mehr. Mittlerweile isst sie eigentlich alles. Klar noch nicht scharf und bei blähendem passe ich nach wie vor auf.

Am besten du probiert einfach mal aus

[Vanessa87]

@kathunka

Oh na dann Happy Birthday an deine Kleine
Hattet Ihr ein schönes Fest?

Danke für deine Antwort. Dann probiere ich einfach mal aus
Wir gehen jetzt am Freitag ins Südtirol, dann schauen wir mal was Sie alles mit isst

Woher bist du?

[kathunka]

@vanessa87

Danke. Ja war super

Oh viel Spass. Wir haben auch in den Ferien in der Lenzerheide umgestellt. Wir waren in einer Wohnung und haben meist 1mal täglich auswärts gegessen und sie einfach mitessen lassen und das 2. Mal zuhause salzarm gekocht

Kt. AG, Nähe Aarau und du?

[Manuela82]

Hallo Zusammen wir haben auch gerade Geburtstag gefeiert. Meine Kleine isst auch vom Tisch mit. Nur das Fleisch püriere ich noch und am Abend hat sie oft Milchgriess. Wir waren gerade beim Arzt, sie ist untergewichtig, obschon sie sehr viel isst.
Nun müssen wir in 2 Monaten wieder hin.
@poffertjes: wir wollen es im Herbst vielleicht noch einmal künstlich probieren, ob es noch ein Geschwisterchen gibt. Das Alter ist wirklich bezaubernd.

[kathunka]

@poffertjes
Bei uns kommt nr. 2 anfang Dezember

[Manuela82]

Schön gratuliere

[Manuela82]

Loufe öii Chline scho?

[kathunka]

@Manuela82
Ja si louft sit 3.5 Wuche. Mit 9 Mönet hetsinis aube ade Häng gno, isch ufgstange u umegloffä. Mit 11 Mönet de säuber frei afa hi u här loufä zwüsche de Möbu. Iz ischsi 12Mönet u 1 Wuche aut
Wie xets bi dir us?

[Joeyita]

Üse louft o sit öpe 2 Monet (er isch denn 14 Monet gsi). Ässe dueter absolut aus und zum Teil scho riese Mängine... i gibe aus usser rohi Rüebli und Nüss. Är het scho vor jährig vom Tisch wöue und het super klappt.

[poffertjes]

Kathunka: so schön! Gratuliere!

Manuela: ig drücke euch Dümme fürs 2. Wunder!
Oje, het dr Arzt gseit wieso si chönt ungergwichtig si we si ja guet isst?

Loufä: ja üse louft siter 12.5 Mönet aut isch. Iz ischer 14 Mönet u löuft über Stock u Stei inme wahnsinns Tempo!

Ässe: o alles vom Tisch u bis iz ä alles Ässer.

[Joeyita]

Gratuliere zu de 2. Wunder wo bereits ungerwägs si u drücke dene dDüüme, wo sech no eis wünsche. Bi üs isch ziemli sicher ou abgschlosse.

@Manuela: Finge das Auter würklech o Zucker. Auerdings isch üse o e Luusbueb u chlätteret a de gfährlechste Orte ufe. Gester ischer sogar agurtet im Gstäutli vom Tripp Trapp gsi u plötzlech ufem Tisch gstande Längwielig wird's mit ihm nid. Vor 2 Wuche heimer e Nacht ufem Notfall verbracht wüuer samt Buggy d Stäge abegheit isch vorem Huus... zum Glück ussert ere grosse Büle und eme blaue Finger ke Schade drvo treit.

Üse isch o e super Ässer bis jetz, weiss aber vom Grosse, dass sie speter no chli heikler chöi wärde...

[Vanessa87]

Also dFerie sind super gsi, sAutofahre allerdings nöd so lässig gsi
Janu mir händs überläbt. Suscht isch sie würkli uh e liäbi gsi und guat gschlafe
Also üsi Tochter lauft nanig, aber frei stah duet sie sit de Ferie. sie wird ja denn am 8.8. jöhrig.
Bi gspannt wie lang dasses ezt na gaht bis sie lauft

Gratuliere zum baldige 2. wunder.
Mir möchtet au na e zweits, aber nanig gad ezt. So 3, 4 jahr unterschied möchti scho.

[Manuela82]

@Gwicht: d Ärztin het gmeint, vellech weu sie mega aktiv isch u vellech o vererbt. Ig bi gäng mega liecht gsi. Mit 5 Monet erst 2,5Kg. Sie ist würklich aues u super vom Tisch. Hüt zum erstä Mau o Fleisch unprüriert.
@Laufe: sie Louft no nid. Oder nur es paar Schrittli ar Hand. Aber sie steit überau ufe.
@Ferie: si mir im Wallis gsi u d Fahrt isch guät gangä. Im Herbst Flüge mir zerst mau, de ha ig scho chli angst, weu sie nid gärn uf dr Schoss stillsitzt.
@vanessa wo sit dir gsi?
@Joeyta: üsi Chlii isch am Mändig im Restaurant o plötzlik ufem Hochstuhl gstandä. Puh!

[Manuela82]

Was machet dir so i därä Hitz?

[poffertjes]

Manuela: ah guet, dämfall äuä nüt grafierends wägem
Gwicht! Wie lang flüget dir de? Ds wür mi o stressä
Bi üs isch momentan zoutofahre am entspanntiste, da chaner mir nid ab u ungerdessä fahrter gärn outo!

Vanessa: oh de het si ja scho gli geburi! Dr erscht geburtstag isch öpis bsundrigs ömu grad für üs mamis. Mir ischs ömu bi beidnä so gange. Super heiter schöni ferie ka!

Joeyita: ui da hesch sicher ä riiiise schock ka! Zum glück isch nüt schlimmers passiert!!
Ig ha no gseh ds bi dim grössere bueb mau problem ka hesch wägem troche wärde u ufs wc ga ect. Darfi frahe, wi het sich ds witr entwicklet?

Hitz: zum glück momentan ja widr düre. Abr mir si eifach am morge use, när probiert dine öpis zmache ude am spätere nami id badi odr bassin im garte odr rasespränger.

Mir hei grad alli grippe ka... iz simer abr widr gsund u si froh isches nüm so heiss! Drum nütze mir iz di zit u mache viu usflüg womer nid chöi mache bi 35grad!

[Vanessa87]

Salutti
Mir sind im Südtirol gsi.

Im Moment hämmer gad wieder seehr strängi nächt
Üse arm Schatz isch wieder meega am zahne, scho de 9. zah. Algifor oder dafalgan zäpfli nützt au nüd me am abig. Geschter isch sie erscht am 22.30 igschlafe und paarmal brüelt i de nacht.
Am Tag schlaft sie gad nur na 2x 30min i de Tragi.
Würd ihre so gern hälfä.
Hoffe de isch bald dusse.

Mir sind i dere Hitz au am morge use und denn dihei im Chline Bädli bädelet oder au mal id Badi.
Wämmer mal irgendwo hi sind denn isch Sie fliessig am götsche gsi isch ja au rächt.

[Joeyita]

@poffertjes: Ha di Post ersch jetz gseh. Due dir gärn per PN antworte wägem trochewärde, we das ok isch?