Juhu auch wir legen los- die Schwangeren

[Deidelina]

@alessa
Jo bim erste Kind hani dr Mueterpass becho.
Ok, jo denn due ich das bim nächste Termin au aspräche, do mir Endi Juli au ind Ferie göhnd.

@angelina
Herzlichi Gratulation, wenn ichs nit scho gschriebe ha.
Und natürlich Willkomme bi uns.

@Sarenz
Freut mi das bim Untersuech alles guet gange isch und alles guet isch.

@Carina
Super das au bi Dir alles guet isch.
Gäll dr US isch scho toll wenn mä gseht wie die Chleine umetobe.

Gniessed no das schöne Wetter.
Ich ha grad sturmfrei und sitz gmüetlich ufem Balkon.

[Sarenz]

@rafa
Ganz überläse.. Ich wünsche euch ganz schöni Ferie! Gnüsses und erhol di guet!

@carina
Schön isch au bi dir alles guet gange! Ich freu mi au scho ganz fest ufe 25.!

@muetterschaftspass
Hani au keine becho. Ha mim FA aber au gseit, dass mer im Juli is Usland gönd. Do heter jetzt ned reagiert, frogen de aber nomol.

@me
Ha hüt am morge nachem herzle chli bruns bluet gha. Cha das si, dass da no vom Abstrich vom Fritig isch (det hani früsches bluet gha no ide Praxis) unds jetzt de reste usegschwemmt het?
Soo, Ferie sind jetzt dure und nöchst Wuche s Gschäft informiert! Bi chli ufgregt...

[Sarenz]

Hallo zäme

Wie gohts euch?

Nur kurz: has mim Chef gseit und er het meega guet reagiert! Bi soo froh und überrascht! Er het mi sogar umarmt und freut sich sehr für eus! Mir isch e rise Stei vom Herze gheit!

[Smack]

Jööö Sarenz
Das freut mich uuuh fescht!

Üs gohts guet sowit Chli fuuhl grad, aber das isch durchus au vom Wetter her möglich.
No 10x schlofe füre erst FA Termin

[Tamara79]

Hallo Mädels,
ha dänkt ich klick mich eifach mal ii Hoffe äs gaht eu allne guet i eure schwangerschaft und das äs ihr au gnüsse chönd! Wünsch eu ganz än schöne tag!

Liebs Grüessli

[Carina16]

Guete Morge metenand

@Sarenz: Schön hed di Chef so reagiert! Ez chasches omso meh gniesse Was esch eigentlech met dim Bluet gsi? Ech ha mol ghört dass bruns Bluet eh kes Problem sett sii, aber be do z'wenig fachfrauisch, om das wörkli z'beurteile. Ha äbe zom Glöck au no nie nochemene FA-Bsuech Bluetige gha...

@Smack: Schön gods der ond dim Smackli guet! Fuul sii döfmer ond wenns nor das esch: Lucky girl!

@me: Ech has am Mäntigobig au ändli fertig brocht, mi Chef z'informiere! Wie agnoh esch d'Reaktion ned grad öberschwänglech gsi (Ech: "Ech be schwanger."; är: "Werom öberrascht mech das ned?"), gratuliert heder de aber doch no Naja, ha ehn ämel insofärn beruihgt, dass ech ehm metteilt ha, dass ech nochhär secher weder wett zroggcho ond es aständigs Pensom schaffe. Är esch au glöcklech gsi, dass mi Gg vorhed, e Tag deheime z'bliibe. Ez döfi de mol no paar vo mine Kollege informiere; aber vor de Ferie wett ech das au gar ned gross streue, well ech ned wett, dasses mini Schüeler vorhär wössed. Das länged denn, wenn sie noch de Ferie de Buuch gsänd (dänke de chanis de definitiv nömme verheimleche )

Wönsche euich allne e schöne Tag

[alessa]

Guätä Morgä

Carina: Ohje din Chef, aber wenigstens het er nöd schlimmer reagiert.
Gseht mä bi dir no nüt das es no sooo lang verheimlichä chasch bi dinä Arbetskollegä?

Sarenz: Isch doch positiver usächo mit dim Chef als dänkt Chan mir gad vorstellä wiä erliächteret du bisch

Deidelina: Han gester gfraged wegem Muätterpass, ich sölli snächstmal nomal diä ander arztghilfin fragä diä wirds mir dä parat machä. Ich glaub sie gänds nöd vo anfang a.

Wendy, Linn, Chliini: Alles ok bi üch? Han scho sooo lang nütmeh glesä vo üch

Smack: Bald chasch au du dis würmli go aluägä Wiä gahts dir so?

Rafa: gnüss dini Feriä!!!

Angelina: Wiä gahts dir?

Me: Also gester bim Nackäfaltätest isch alles sowit guät gsi, Bluättest hämer kei gmacht.
So wiäs usgseht gits en Buäb
Wänn händ ihr erfahrä was es git? i welerä wuchä? Hets verhebed bis jetzt?

Schöns Tägli

[Tamara79]

Guete Morge Mädels, wie ich gläse han gahts eu allne so wiit guet und ha freud für eu!
Ich chan mich au nöd beklage und freu mich uf min erste US!

@Sarenz: so schön hät din Chef so guet druf reagiert! Gäll fallt eim grad än stei vom herze!

@Alessa: Super das alles guet gsii isch bim Nackefaltetest! Jö gratuliere zum bueb Has bi minere Muus erfahre gah, was äs git, wo mer organscreening gmacht händ, dete händ mirs sehr guet gseh gha

@Muetterpass: Mini FA und au Spital händs nöd gmacht gha.....

[alessa]

Tamara: dich hani ganz vergessä
Glückwunsch zur SS und Willkommen
Organscreening macht mä doch so idr 20 ssw oder? ich glaub da ische ziemlich sicher wegem gschlecht
Wänd ihr demfall au wieder wüssä?

[Deidelina]

@alessa
Achso ok. Jo denn due ich s nächst mol au nochefroge wegem Mueterpass.

Gratuliere zum Bueb.
Mir wänds also au wüsse.
Dr FA het letscht mol gmeint gha, zu 70% chönts e Bueb geh.
S Problem isch aber, dass het er bi dr erste ss in dr gliche Wuche bi dr Chleine au gseit, und schlussendlich ischs doch es Meitli gsi.
Aber viellicht gseht mäs denn nächst mol besser.

@Sarenz
Guet heschs jetzt chöne säge im Chef. Isch doch no guet gange als dänkt hesch.

@Smack
Wie gohts Dir so?

@Rafa
Schöni Ferie, chum wie immer wie die alti Fasnacht hindefüüre...

@me
Ha s Gfühl dr Buuch isch vo gester uf hüt grösser worde.
Ha gester dr ganzi Tag bitz es zieh gha, aber keini Schmerze, halt eifach komisch.
GG nennt mich liebevoll Kugelfisch, isch das nit nett...
Ha vorher im Gschäft, jo ich ha bitz viel Zit oder bzw. zwenig ztue, im Internet nach so chinesische Empfänigskalender gstöberet und has mol usprobiert.
Schins sötts e Bueb geh, naja, warte mir emol ab was denn schlussendlich use chunt.

[Smack]

@ Deidelina
Danke, jo goht tip top Merke nachwievor ned würklich viel, aber ich lerne, dass ich das set schätze, und mich ned beklage.
Sus simmer "guter Dinge". Bin grad sehr positiv im Moment, chunt scho guet
Termin isch morn inerere Wuche. Freu mi mega druf.

@ me
Hüt Mittag bini Hei go ässe, und nocher "schnell" uf's Sofa gläge. Bi noch 30 Minute zum Glück verwachet, sus hätti no de Nomittag verpasst

[Tamara79]

@Alessa: Oh danke dir! Macht doch gar nüt Ich weiss äs ganz ehrlich gseit nüme wänn gnau, aber glaub um die 20ssw, sie hät sich ebe nie richtig zeiget gah. Hmmm ich würdi mich gern überrasche lah, aber so wie ich mich känne, bini zu neugierig! Hahahaha schlimm! Näme händ mir scho für beidi, also vo dem her isch äs easy.

@Daidelina: Nett vo dim ma und evtl isch er ja mit ss? Aber bis stolz uf din schöne buch! Wäg äm chinesische horoskop, bi mir häts letscht mal gstumme gah, obs zuefall isch oder nöd, sei dahin gestellt, smile

@Smack: Ich bin froh, isch s'wc nöd min beste fründ, wie idä erste ss

[Carina16]

Hoi metenand

@Tamara: Wellkomme be euis ond en gueti SS!

@Smack: Jo das metem "schnell go härelegge" kenni sehr guet... Cha be mer de schnell mol e Stond, zwe sii Aber was sells, ech nehmes wies chond! werd scho si Grond ha!

@Deidelina: Be scho no froh, dass es der au so god. Mi Buuch esch i de letschte Woche gfühlte 100cm gwachse, esch onglaublech. Am Morge zeigt d'Wooge mängisch es halbs Kilo meh a, obwohl ech ned mol z'Nacht gässe ha am Tag vorhär! Ond s'schlemmschte esch: Ech fühl mech grad wie en Chogelfesch! Ond das i de 14.SSW.... Wo füehrt das no äne?!?!

@alessa: Hui, di FA hed der scho gseid wases ged? Muetig. Do ben ech froh, dass das mine gar noni gmacht hed (vellecht gsed mers au ned...?). Aber wenn echs de scho wett wösse, de wett echs de au definitiv wösse
Beträffend verheimleche: Also wie du obe gsehsch, ben ech eigentlech de ganz Tag beschäftiget demet, mi Buch z'verstecke! Be ame rechtig froh, wenn ech im Bus ben Ond geschter heds en entressanti Wändig i de Gschecht gäh: De Chef hed mech bätte, dass echs am Mäntig a de Teamsetzig verzelle, well är das met de Stellverträtig gärn i de Stürgroppe wett regle ond die Setzig esch am nöchschte Mettwoch... Also han ech geschter Obig no spontan mini zwe ängschte Gspändli igweiht (wo sech öbrigens ganz härzig met euis gfreut hend) ond werde de am Mäntig verkönde... Aber de Schüeler sägis gliich ned vor de Ferie, das länget no, wenn die de das sälber usegfendet

So, wönsche euich allen en schöne Friitig!

[Deidelina]

@Smack
Das isch natürlich au wieder wohr.
Ich bi froh isch d Übelkeit verbi.
Und d Müedigkeit haltet sich au no in Grenze.

@Tamara
Jo also GG het scho au e bitz es Büüchli, chönt mir grad no Konkurrenz mache.
Aber er goht jo jetzt au wieder fliessiger ins Fitness und er luegt au ufs Esse, bzw. mir luege beidi druf, also halt das mir uns gsünder ernähre, eso.
Betr. chinesische Kalender, bi dr Chleine hets au gstumme gha. Öbs Zuefall isch, kei Ahnig.

@Carina
Sägs nit, das Gfühl hani mängisch au das dr Buuch scho so riesig isch. Wobi mini Umgebig findet en jetzt nit eso riesig, zum Glück. Goht jo schliesslich no es paar Wuche.
Zuegno hani bis jetzt 1 Kg. und das alles nur am Buuch, bzw. dr Buse wo gwachse isch.

@alessa
Isch aber scho no früeh das dr FA das scho seit, oder cha säge.
Mine het gseit, dass es evtl. chönt si das es e Bueb isch.
Wobi bi dr Chleine hets das ebe au zerst gheisse, vo dem her luege mir emol öbs sich denn spöter emol will zeige.

[Tamara79]

@Carina: danke dir viel mal und das wünschi dir doch au! Wie ghats dir i dinere ss?

@Deidelina: hehehe so guet mit dim GG ja chli druf luege isch immer guet, aber ha vor allem lust uf bündnerfleisch. Wobie im momänt magi gar nöd so ässe Mal luege obs das mal au wieder stimme tuet mit dem kalländer

@Allne: wünsch eu ganz än schöne abig

[alessa]

Guätä abig

Buch: ich han au sgfühl das idä letztä 2 täg min buch recht gwachsä isch..han vorig ä foti gmacht und ja mä gseht ihn scho ziemlich

Gschlecht: ja sie het üs gfraged öbs sie derf sägä wänn sies gseht, und mir beidi "ja unbedingt" dä het sie gseit, sie seits nur wenn sie sich sicher seg. Also sie het garnüt müässä sägä es isch so eidütig. Au vom verhältnis d'grössi chan ich mir fast nöd vorstellä das sich das sötti zrugg bildä zur klitoris.
Aber ebä ich han kei ahnig darum weiss ich nöd ob ich mich chan druf verlah?! Mis gfühl het ja scho immer gseit es git en buäb .

Müädigkeit: han im moment wieder en kampf mit dr müädigkeit, liggä au viel henä am mittag

All: schön gahts üch sowiit guät, gnüsseds und erholet üch guät

[Carina16]

Hoi metenand

@Gschlächt: Also ech ha kes Gfühl; ech wönsch mer eifach emmer no es Meitli Aber egal, hauptsach gsond. Be gspannt, öb mers am nöchschte Termin de ghörid wases ged. Mer wends scho wösse wennmers gsed!

@Tamara: Mer gods im Momänt zemli guet (abgseh devo dass ech mis Gwecht absolut ned onder Kontrolle ha - set Afang vo de SS 6 kg zuegno! Ech hoffe das god ned so wiiter!!!). Am Afang hani doch einige Wehwechen gha; näbscht de onglaubleche Dehnigsschmärze (wo wie Kollike gsi send - ha nömme chönne stoh wenns agfange hed) esch mer eifach schlächtschlächtschlächtschlächt gsi Aber das esch so i de 11. SSW wäg gsi ond set dem fühlmi guet! Gniesses sehr

@Deidelina: Du glöcklechi! Wie du obe chasch läse, träum ech ehrlech gseid vo 1kg!!! Aber ech ha scho au sehr vell zuegno a de Bröscht ond v.a. au a de Bei. Ha secher au scho einiges a Wasserilagerige! Ech hoffe sehr, es hört ez de bald mol uf!

Wösnche euich en guete Wochestart morn!

[Sarenz]

Liebi Fraue, ich mäld mi au wedermol

@Carina
wägem Bluet hani garnit nochegfrogt, isch würklich nur ganz wenig bruns Bluet nachem Sex gsi. Bim Abstrich hets blüetet, aber dört het de FA scho gseitdass das nume vom Abstrich isch und nüt vom Baby.
Und, wie händ dini Arbetskollege reagiert?

@alessa
Gratuliere zum Bueb Läck gseht mer das scho so früeh? Hoffe, euses zeigts au so früeh wie möglich!
Mir gohts genau glich mit de Müedigkeit! bi so dure..

@Tamara
Härzlich Wilkomme und Glückwunsch zur SS!

@deildelina
jöö..Kugelfisch Mir gohts aso ame au so, dasi zwenig ztue ha im Gschäft..und jetztde erst rächt!!

@me
Händ am Fritig die absoluti Traumhochzit gha (nur Standesamtlich aber in wiss ) Ich bin allerdings geg de obe rächt k.o. gsi und halb tod is Bett gheit!
Im Gschäft hanis im Team jetzt au gseit und wie erwartet händ einigi sich riisig gfreut für eus und anderi keis Wort drüber gseit, weder gratuliert no susch en Komentar. Jäno, ich weiss jo jetzt dass mi Chef hinter mir stoht.
Mini Übelkeit het jetzt würklich abgnoh, es isch amigs no chli do, aber viill besser als auscho..nur die Müedigkeit isch no voll präsent!

Wünsch euch en schöne Tag

[alessa]

Sarenz Glückwunsch zur Hochziit
Schön hesches chönä gnüssä!

@all: wiä gahts üch so? isch so ruhig da....

[Tamara79]

Hallo Mädels
hoffe äs gaht eu allne guet!

@Carina: Super gahts der jetzt viel besser! Ach die dehnigsschmerze sind rächt unagnehm! Has am morge wieder dänkt und fühlt sich wie menz-beschwerde a, eifach schlimm! Naja glii hani mini ersti kontrolle und dänn bini mal fürs erste beruhigt, wänn alles guet isch! Hehehe das mit äm gwicht, mach der ekäs gwüsse und wichtig isch halt, gsund ässe und viel trinke! Du bisch äss und äs isch ja nöd, will i dich ie fuettere tuesch. Im Babycenter häsch ä gueti ufstellig, was wie schwer isch, dänn fühlt mer sich scho besser, wänn mer das gläse hät

@Sarenz: Dir ganz herzlichi glückwünsch zur hochziit! So schön und swätter isch ja toll gsii! Jö glaubi das am abig mega müed gsii bisch! Schön vo dim Chef, das er hinter dir staht, schad wäg gwüssi lüt, aber gäll, die händ sust Probleme und isch besser, wänn sie dich in ruhe lönd!

@Alessa: Wie ghats dir? Bi froh isch äs nüme so heiss, äs hät mich total kirre gmacht gha