Frühlings-Kinderwünsche - wir haben's geschafft

[fea]

Liebi Caramel,

das wäri jo dr Hammer wennde di do bi uns kasch iigliedere...hoff sooooo fescht das hcg stigt schön so wies söll!!!! Wenn de dr wotsch sicherer si, denn würdi in e clearblue investiere...dä het bi mir...(aber wenn em Arzt sini berächnige stimme, denn scho ES + 12) ganz wunderschön azgeigt und het mir mega freud gmacht! (im gegesatz zudr schwache Linie vo de billigere teschts) Ansunste blibt wohl nüd anders als no paar däg warte und hoffe...

Aber chum, das chunnt jetzt guet!! mir freue uns uf di/über di do!!

[Kizank]

@Caramel: Bin immer no fescht am Düüme drücke! Hesch hüt nomol en Tescht gmacht? Hoffe ganz fescht, dass dis HCG schnäll aastiigt und alles guet chunnt!!

[sportyspice]

Caramel:

Uuiuiuiui, das wär wirklich e hammer Wiehnachtsgschenkli... Hoffentlich hesch bald definitivi Klarheit.
Drück dir Düme.

an ALLI:
Ha mol e Frog, wie oft oder hei sie überhaupt euch mol während dr Schwangerschaft Vaginal untersucht?
Mir hei fesch gstellt, dass alli andere im geburtsvorbereitigskurs mehrmol oder zumindescht einisch vaginal untersuecht worde sind- für gnaui Beschaffenheit und längi vom Muettermund...
I bi die ganz Schwangerschaft nie so untersuecht worde- und ha jo au scho ist dr 20ssw. stark und sehr oft e harte Buch- mehrmols täglich und mehrmols in dr Stund. Finds sehr speziell... klar bisher isch alles guet aber i ha sie immer druf hi gwiese und sie het nie öbbis drgliche do. Mi Maa het am Wucheend gseit :" falls mir sette mol e zweits Kind ha-- wett i nid, dass du weiterhin zu ihre gohsch... die Fraueärztin isch nie uf öbbis igange wo du gseit heisch." und i muess ganz ehrlich säge, er het absolut recht. Gseh das au eso... und finds eigentlich no speziell. Sie het mi jo au nid informiert, dass euses chlini so e Mägerlimucki isch.... was mi sehr gstresst het, wo i dr Bricht für D Hebamme becho hab.
Jez wächsli nüm, muess jo eigentlich sowieso nümm zu ihre... gang jetzt nur no zur Belegshebamme und suscht ins Spital?!?!
Aber nämt mich glich wunder wies bi euch isch.

[Tiare29]

@sportyspice
Aso bi mir hett sie bi beidne SStä bi jedem untersuech vaginal untersuecht.. ha all 7 wuche untersuech gha..

[fea]

@sporty: dä Untersuech ka übrigens au d Hebamme mache wenns dir wohler isch.
Ich sälber bi momentan froh dass me mi vaginal in Rueh losst, ich verkrampf mi immer völlig. s letzt mol het dr Frauearzt e vaginale Ultraschall gmacht ca. indr 20. Wuche (weiss aber nüm genau) woni mol so Krämpf ka ha...die letschte zweimol woni bi ihm gsi bi im "notfall" het är Ultraschall über dr buuch gmacht...aber dört het är dr muettermund und gebärmuetterhals genau gliich gseh und mir chönne zeige und usmässe... vo däm här het dini fraueärztin das vilicht au über d buuchdecki kontrolliert...(oder hesch kei Ultraschall me ka?)


ich ha au no grad e Frog: ich bi sit mehrerne Dage total verkältet...isch rächt miehsam wills irgendwie verhoggt isch. Indr Apothek hän si mir gseit, ich dörfi nid inhaliere. Nasespray hingege dörfti nä..die sind aber jo rächt stark, wotti jetzt au nid unbedingt. Was hän dir gmacht indr SS in somene Fall? Sporty du bisch doch letschti au mol stark verkältet gsi oder?

[sportyspice]

Danke, nei sie het au per Ultraschall nie gluegt weg em Muettermund. Wird am Mentig aber mini Hebamme druf aspreche muess jo sowieso irgendöbbis mache, glaub e astrich, denn sell sie mol taschte.


Fea:
Verkältig, oh das isch richtig doof... i ha dört sehr sehr viel Salbeitee mit Honig trunke, viel gschlofe und Vitamin gässe in Form vo Frücht. Halstuch... wärmi. Meh chasch und settsch in dr Schwangerschaft wirklich nid... isch e doofi Situation, krank zsi in der Schwangerschaft. Hoff bisch bald wieder ganz fit. luegsch biz zue Dir. Gute und schnelli Besserig wünsch i dir.

[Tiare29]

Achutung!!!!
I weiss nid wie wiit du bisch Fae aber salbeitee tuet milchproduktion stoppe (isch es natürlichs abstillmittel) aso falls du scho geg ends schwangerschaft bisch bitte nid konsumiere.. 1 tasse tee langt binere stillende muetter scho das sie nocher massiv weniger milch hett..

[Kizank]

@sporty: Bi mir isch ganz am Aafang eifach en Abstrich für alles mögliche gmacht worde, i de 22. SSW hets en Vaginalultraschall gäh, aber nur, damit mir de FA het chönne es Zügnis gäh mit em OK für de Flug id Ferie (Dass de Mumu no guet zue isch) - sus hettis das nöd gäh, und im letschte Untersuech no en Streptokokke-Abstrich. Sust häts bi mir au nüt gäh. Wänn das würkli nötig wär, würed das alli mache. Vilich macheds das au bi derno Beschwerde oder so, wo si befürchted, dass Uswürkige chönnti ha, weisch?

Langsam noochets - im Januarli Thread isch s erschte Baby uf d Wält cho Ich hoffe jo, dass mis sich no würkli bis im Januar gedulded Ned mol me vier Wuche bi mir. Wirde ständig gfrogt, ebi scho irgendwelchi wilde Wehe etc gspüri... Ich glaube nöd... Wie fühlt sich das aa? Sötti das ha? S einzige, wieni Schmerze bechume isch, wenni mi falsch bücke - dänn hani es Gfühl wie weni wür ines uf Buuchaasatz waagrecht gspannts Seil inerenne würd. Mängisch machts mr fasch chli Angscht, dass i so kä "Aakündigunge" han... Am 23. Hani nomol en Untersuech. Chani mini arm FÄ nomol löchere.

[Awe]

Guete Morge zäme

@sportyspice: Bi mer esch au bim allererste untersuech en abstrich gmacht worde för diversi sache ond de
untersuech esch bi mer au vaginal gsi. Ha gmeint so früeh gseht mer gar nüt öber d'buchdecki drum macht
mer das. Nochher hani 2 Untersüech gha öber de Buuch ond morn de nächscht, weiss ned wies denn gmacht
wird. Wägem Mumu nimmi mol a hed min FA scho gluegt, aber bi jetzt gar ned secher öber mol öppis erwähnt hed. Ev. aber au morn, well ich au ab ond zue en harte buch ha, aber emmer nume ganz churz. ich mach mer eigentli kei sorge well es esch emmer schnell weder weg ond dur das es en muskel esch wo das macht esch das
glaubs normal ond chunt bi vellne vor.

Wie esch din kurs gange? heds eu gfalle?

@fea: do chan ich der leider ned wiiterhälfe, bin i de ss no gar nie chrank oder au nur verchältet gsi. ich wörs aber au probiere met tee ond vitamine, wenn möglich kei medis.
hoffe du hesch das bald weder öberstande, dass du gli weder fit besch. wönsch der ganz en gueti besserig.

@Kizank: Hmm das weissi leider au ned, aber ich han jetzt sgfühl es segi eher positiv wenn die "wilde" wehe ned hesch. Wahrschindli wett dis baby wörkli nochli d'wiehnachte gnüsse ond denn im januar cho aber ich wör de FA au froge, wenn scho bald weder termin hesch. bin jetzt scho gspannt uf dini baby-news

@me: Mer gohts super, de buuch wachst schön ond ich gspüre mis chline emmer chli meh Morn chömmer
äntli zum nächschte US, damol grad am Morge am 8i, das heisst ich muess nor no hött "warte" freu mi riesig mis chliine zgseh. Bi de geburtskärtli fehled mer no 2 teili woni muess parat mache, dasi denn noch wiehnachte alli chan fertig mache.
afangs wuche sind mi gg ond ich i eusem spital amene infoobig gsi ond händ chöne gebärsääli aluege, ganz
schön ond intressant gsi.

[Tiare29]

@kizank
isch doch suuuper i ha ide 1. SS bis zur Geburt gar nünt gspürt

[Kizank]

@Awe und Jenny: Danke für s beruige!

[Tiare29]

@kizank
wie wird dini Geburt.. häsch en geburtsplan oder wünsch?? sorry bin gwundrig well ich das immer so spannend find..

[Kizank]

@Jenny: Ich lahs eifach uf mi zuecho. Klar, ich wünsch mir e vaginali Geburt, aber schlussändlich weiss me jo ned, was alles no passiere chan.
S einzige, womer würkli vorbereitet hend isch, dass im Spital sii wird, und mer eus e Nummere für es Taxi usegschribe händ (händ käs eigets Auto, chönd zitewiis das vo de Schwigis oder Schwögeri bi eus ha, aber eifach zum sicher sii...). Schlussändlich chunnts eso wies chunnt. Im Wasser chanis mir ned so vorstelle - bi ned speziell e Wasserratte, und ich möcht GG so nöch wie möglich ha, drum lieber dänn vorzue probiere, was gad am agnehmschte isch. Aso planet isch würkli praktisch nüt, was di eigentlichi Geburt aagoht. Dänke, bi eme zweite Baby wärs öppis anders, denn het me mol d Erfahrig, was guet gsii isch bi de erschte Geburt - aber so? Ich lahns würkli eifach uf mi zuecho.
Mis Problem isch au, weni öppis fescht plane, und es chunnt andersch bini gad extrem im Stress - und ich glaub, das wotti ned erläbe während de Geburt.

[sportyspice]

Guete Morge

@kizank: jo gäll langsam macht meh sich scho Gedanke zu jedem zwicke...oder ebe nid zwicke.
Meh hätt so gern eidütigi Zeiche das meh wüsst wora meh isch. Mir gohts zumindescht so.
Mängisch denk ich.... ohje es chunnt glaub scho früehner... grad wenn i so oft e harte buch han, oder sones steche in dr Scheide... und denn denk i wieder das Chline Menschli chunnt wohl erscht übertreit. also irgendwenn im Februar.
Finds momentan extrem spannend wie dr Körper sich langsam wieder veränderet und meh eidütig merkt, dass sich dr Körper uf dr letschti Abschnitt einrichtet.
Geburt selber, i denk au bi eus erschtgebärende isch es ganz guet, wenn mir recht flexibel an die Sach ane gönge. I denk immer, d Freud überwiegt. Bi soooooo gespannt wer do chlises zu eus chunnt.


@Fea: gohts dir scho besser?

@alli:
Pfefferminze, Slabei, Zimt etc... wo alles sell Wehefördernd si... find das imfall mega schwierig überall liest meh anders. Verzichtet ihr vollkomme uf so Sache? I gib mir mühe, und merk au zum teil schnell unterschied, will i denn mehr harte buch ha- aber es isch e biz e verwirrendi Gschicht und mängisch hani amigs fascht e schlechts gwüsse im Nachhinein.

[Kizank]

@sporty: ja ebe - dänke immer, "was isch äch das?" aber so sache wie herte Buuch und so hani ebe überhaupt nöd. Hüt Nacht isch mr mol chli Magesüüri ufgstige und ei mol bini mit eme komische Gfühl i de Scheide verwachet - kä Ahnig was das gsi isch, nachher eml wider iigschlofe. Hüt ischs mr chli unwohl, cha aber Isemangel sii, han geschter Morge d Isetablette vergässe... Hoffe s besseret sich bald... Baby isch scho wider fliissig am zapple. Ich glaub min Buch isch innwändig fängs voller blaue Fläcke vo dene Kicks

@Wehefördernds: Ehrlich gseit luegi ned speziell - Han aber au no nie irgend öppis i die Richtig bemerkt, dass Uswürkige hetti... Ha jo wie gseit no nie wildi Wehe oder irgendöppis so gha... Vo dem wo du ufzehlt hesch - Pfefferminz Kaugummis händ worschinli nur Aroma drin... Han aber au scho Tee trunke und nüt gmerkt. Salbei hani scho es Wiili nüm gha und Zimt hani vilich mol no gha - aber ebe - ich ha nie öppis gmerkt...

[caramel_joghurt]

mälde mi da wieder ab. het ebe nid söue si, aber die schwache Test heis ja eigentlech scho gseit.

@sportyspice: Bimene Dessert mit Zimt oder e Zimtstern muesch nid Angst ha, de müesstisch scho Zimt löffelwis esse dass es e würkig het, was ja denksch nid machsch? Salbei würdi eher wege dr Milchproduktion nid neh.

[Awe]

Guete Morge zäme:

@caramel_joghurt: dued mer sehr leid för dich dases ned klappet hed. hoffe du chasch jetzt chli kraft
tanke ond denn drück ich der düüme för de nächschti zyklus.

@me: bin hött bim organscreening gsi mim baby gohts beschtens, es esch alles in ordnig ond es esch
wedermol sehr sehr aktiv gsi. es esch leider unmöglich met dem schätzli e foti zmache. jäno hed au scho
rächt zuegleid, esch 28 cm gross ond rund 660 g schwer.
nächschte termin hani i 5 woche, denn möchemer zuckertest. muess aber nor go bluet geh, bi mer cha mer
uf de grossi test verzichte. sofern bim bluet alles guet esch natürli.

@sportyspice: min US esch öbrigens hött au weder öber de buuch gsi, aber damol hed mer de muettermund
agluegt ond denn mer au bestätigt dass er schön zue esch ond alles guet esch.

[sportyspice]

caramel: Das tuet mir sehr leid für dich... drück witerhin Düme.

awe: Super, so schön isch euches chline fit und munter und machts so guet.

Kizank:
Hahhaha, jo blauiflecke, das hani au scho s Gfühl gha. Jo, i finds recht luschtig, langsam beginnts in die spannendi Phase abzbiege. Au s Umfeld, wird um mich ume langsam hibbelig was i irgendwie no luschtig find. Mi Maa isch grad in Panik, wenn ich mol spöter heim chum als abgemacht... und mängisch sinds nur Minute.


Me:
Geschter hani dr fehlendi Reschte gwäsche, und mir hei es mega härzigs Wandtattoo im Kinderzimmer abrocht. Jetzt isch eigentlich fascht alles bereit.

Het vo euch scho öbber dr klinikkoffer packt?

I ha amigs s gfühl das müess i demnächst mol mache, aber i ha au biz respekt, dass wenn i de scho pack, unds denn erscht im Februar chunnt, i fascht dure drehe...
Mängisch denk ich, uiuiui es chunnt scho früehner, mängisch denk ich es chunnt erscht im Februar... gohts Euch au eso?
I ha jez zwei Wuche Ferie, wett no chli Faulenzen, usruihe, und Ziit eifach gniesse... aber fallt mir nid immer eifach.

[Kizank]

Hey Ladys

Ha mol min Buchumfang gmässe. 98.5cm GG het spontan denn au gfunde, er müessi mässe - er isch bi 103cm. Han ihn also noni überholt. Isch aber unfair - er het ja ned so e schmali Taille. Ha die letschte Täg dauernd so es Uufstosse... Eimol sogar verwachet, mit es biz Magesüri im Muul. Glaube ich lüte morn mol minere Fä aa, wenns ned besser isch. übrigens, ha mi degäge entschide, e Hebamme z sueche, für die erschte Täg dihei... Die vom Spital chömed ned i min Ort, und denn irgend e wildfremdi Person da z haa isch mir irgendwie zwider. Ussertdem hettis im schlimmschte Fall ganz nöch zum Husarzt.

@Awe: hey cool isch alles guet bim Organscreening! Bi mir hends ja genau au bim Organscreening no de Mumu untersuecht (do aber ebe wäg em Flug und de vaginal - eifach zum ganz sicher goh, isch für de Arzt ja au no e Verantwortig, wänn dänn doch öppis passiere wür...). 5 Wuche - läck dörf gar ned dra dänke, bis du din nöchschte Untersuech hesch, isch mis Bébé worschinli scho da...

@sporty: ich packe morn. Mues jetzt ändli mol gmacht wärde. Sus isch dänn ufzmol z spoht. Bi mir eifach ned ganz schlüssig, wasi würkli alles bruuche - schlussändlich isch jo GG no da, wo mir Sache bringe chan. Han eh ned vor, sofort hei z stresse, sondern wür gern es paar Täg im Spital bliibe. Dänke jo aber ned, dasses scho losgaht. Ha jo bisher würkli nüt gmerkt.

[sportyspice]

Hallo!

Bin hüt mol bi dr Hebamme gsi... isch scho verrückt die Termin bi ihre bringe mir viel viel mehr als die bi dr FA. Dört muess i au nümm ane. Sie het gfunde euses chline sig scho ganz schön tief in mim Becki und sie glaubi nid, dass euses chline Buchbewohnerli, erscht endi Januar uf d Welt würd cho. Muess jez biz magnesium neh... wills eher e chlises isch, wei mir verhindere, dass es all zu früeh chunnt.

Uuiuiuiui, isch no speziell... hani fascht vermuetet, aber jez das bestätigt z becho vo Ihre isch no speziel. Sie het gfunde i sell nid grad stresse, aber demnächst mol Koffer packe und s Auto und d Matraze Umlauf sicher mache...

Bi no grad biz am Wiehnachstkärtli schriebe... und zmittag mim Maa im Garte hälfe...

Schöns Wetter gniesse... Hammer- das Wetter isch genial.

Liebi grüess