WINTI MAMI'S De Teil 86!

[yakari]

shorna
ja jede körper reagiert anderscht. mini drü grosse hends alli zum gliche ziitpunkt gah und je chliner umso heftiger hends es gha.

[Candine]

de Gianluca het vom Algifor e Uuschlag übercho. De hei mi aui gfraget, ob är diä Wilde Platere het. Leider nein - ouso währ ja mega komisch gsii, wenns jetzt glich diä gsii währä. är hets abr nur im Gsicht gha. wens de eis vo de Meitli i 2 Wuche het, denn hät de Gianluca gliich diä Wilde Blaterä gha abr dämfau sehr schwach.

Geschter Nami simer mit de Kids uf dr Iisbahn gsii. d`Gioia het meega fröid gha. Ihre heimer Schliiferli chönnä aaleggä und de isch si mit dr Stange elei umegrütscht.

So, hüt hani nid viiu vor, eigentlich nur d`Bett früsch beziäh und äs Chindsgitäschli nähiä.

Aprobo TFY: wenn hesch dr Ziit mau mitem Flavio zverbi cho? Odr chasch mirs ja ou per Mail düregä. Neu hani e Pirat ufem Schiff und e Ritter vor der Burg. Diä si äbe nonid uf dr HP. Odr wetter eh eis wiä dr Yanik? de müessti ja nur d`Farbä wüssä, mit Name odr ohni, Magnetverschluss odr Klettverschluss?

So, diä zwöi grossä schicki chli i Schnee usä.... wünschä aune e schöne Tag!

[TiFlaYa]

Candine
mach dir grad es Mail...

[pianistin87]

I wer u gern i de fb gruppe debi aber irgendwie chani kei pn meh mache da inne.. irina dütschler heiss ich.... Danke eui

[Flux]

facebook gruppe?

[Shorna]

@ Pianistin
Du sötisch vo de Candine e Antwort becho ha.

@ Flux
Es git e FB Gruppe wo e Handvoll Altigsässni Winit Mamis schriebet. Da mir eus scho sehr lang und guet känned (au persönlich), möchtemer die säb Gruppe nid öffentlich mache. Mir würed eu gern da im Forum besser känne lerne und oder au mal bimene Träffe. En spötere Bietritt ist nid usgschlosse.

Ich hoffe mini Antwort ist im Sinn vo de andere Mamis.

[Shorna]

@ Flux
Du bisch so stille gsi i de letschte Tage, wie gahts eu?

[Flux]

danke ganz guet. mir händ mega viel los gha. ich schribe dänn morn richtig. es isch scho spaht und mir müend no es par sache erledige;)

[pianistin87]

@Gruppe Keis problem.. nur will dTurbohäne do uf mini frag gschribe het i söll ihre pn mache.. Aber verstahne das natürlich.
Im SWissmom forum bini ebe nüme so hüfig..

[TiFlaYa]

so bringe meh da Thema mal wieder is laufe

Guete Morge,
a alli "NEU" Mamis und a die "alte" Hase...
Ich bin echt froh wenn die 2 Wuche düre sind - 10 Tag Iishalle gönd ad Substanz!!!
deh bin ig die Wuche na 2x im Studio (Sackgeld verdiene @Candine) am Wucheend 2x im Salzi und so wies usgseht bechunt der Nic fürs Wucheend na es Match Ufgebot
Da in Elsau d'Ferie scho dürä sind het der Favi natürli au scho wieder Ponyhof...

der Mea lauft d'Nase und so haltet sie mich die halb Nacht wach well sie fast kei Schnuf bechunt mit Nuggi, ohni aber ned wett schlafe - hoch Lagere chasch au grad vergesse, Madam het s'Familiegen vom ned chönä ruhig hocke geerbt und so zabblet sie sogar im schlaf - es laht böses vor ahne

Gester zabe ha ich d'Wucheplän bis end Februar/afang März gmacht. Bin auso ned sicher öb ich würkli froh bin das d'Ferie z'end gönd und der Job als "Vollziitmami" s'wahre isch - auso zumindest bi miner bewegigsfanatische Familie.

Bi deh geg mitti vor Nacht au mal fertig gsii mit Wösche und Koordiniere - supi Mea isch am halb 5fi hellwach gsii nachdem sie ja eh scho ned guet schlaft - der Nic am halb 6si und der Favi singt ca sitem 7ni scho oder immer na Wiihenachtslieder...

Sodenn starte meh mittem zMorge i neue Tag - wünsch euch e wunderschöne Guete Morge

[Shorna]

@ TFY
Ich beniede dich gar nid um dis Programm, wo nimmsch du nur die Energie her...?

Oje, das tönt nach super Nacht, ich hoffe, findsch am Tag es bitz rueh. (Bi dim Programm warschinlich eher nid) Ich wünsch der das die nächscht Nacht besser wird.

Wiehnachtslieder, haha, de Favi ist de Bescht!

Wünsche eu au en schöne Tag! Han hüt au ziemlich z tue.

[Flux]

Guete Morge Fraue

jetzt isch gad s Raubtier gfüetered worde und er mötzled zwar chli, willen näbed mir uf em Buch im Laufgitter han...aber da sind Hinderchopf so Flach isch wie es Brätt dänki tüend es par Minute Buch sicher nöd schlächt...(böses Mami)

Apropo flachem Hinderchopf: ich wirde mich bim nächschte Chind nöd so under Druck setzte la und das dänn sicher au mal uf de Site und ufem Buch ligge ha...

Er hät sich vor es par Täg 3 mal dreit gha und ich bin so happy gsi dasers jetzt ändli dusse hät...aber irgendwie schräg....er machts sithär nüm...

Mir händ die ganzi Wuche zimli was los gha. Vo Termin zu Abmache zu Termin...bin ehrlichgseit mega froh, hät mini Kollegin MgDGripp und abgseit...so blibt ois zwei ändli mal en Tag dihei und mir so chli Ziit zum Wäsche und für de reschtlich Hushalt.

Usserdem hämmer premiere gha mit am Abig furt gah. Isch super guet gange. De Chli isch guet ipfused zu sine Ziite und mitere Stund verspötig dänn au dihei im Bett gsi;)

Wäg de FB Gruppe verstahni natürlich...wär cool mal mit oi z träffe...ihr chönd ja mal Bescheid gäh wänner wieder was mached und ich chan luege ob mir dänn au grad Ziit händ.

Hm, was susch no? Gaht eigentli amel öpper vo oi am Fritig uf de Märt?

Also, wünsche oi en schöne Tag!

[Candine]

Flux: heit dir de Chlii Maa mit gno in Uusgang? odr bi öpertem abgäh? we mir mau i uusgang chö, gniässä mir das sehr, wöus haut doch sehr säute vor chunt.
Gäu, das isch so müehsam, wenn aui immer sägä, s`Chind ja nid ufem Buuch schlafä la, defür hesch när dä Seich. Mini eutischt isch mir nur ufem Buuch iigschlafä. Wo si de gschlafä het ha ig si amigs uf d`Siitä drähit. Buchlag isch für d`Rüggemuskulatur eh mega guet. (Wiä aut ischer?)

TFY: Phuu, am haubi füfi Tagwach? da hani mau zu de Gioia müessä, ha si gwicklet e Miuchschoppä gäh und ig bi wieder ga schlafä. Sit de Wiehnachtsferiä chöi üsi Kids so richtig Uuschlafä. Weisch wiä schön hüt isch wenigschtens schöns Wätter.

So, ig ha no e Bstellig woni hüt mues fertig ha und de möchtä d`Chind no chli baschtlä und am Nami darf d`Seraina zum Götti bis am Samschtig.

[Flux]

@Candine: er isch am 5.9.12 uf d Wält cho...aso grad über die 5 Monetsgränze drüber...
ja ich finds schrecklich mit dere Angschmacherei im Spital. Klar gits weniger plötzliche Chindstot, aber d Lüt rauched au weniger ide Wohnige mit Chind und villicht häts ja au no anderi Gründ...
Kei Ahnig....aber lahn mir nüme drischnure bim nächschte...
Ich bin Iglade gsi zum Esse am Abig und min Ma hät nöd chöne früener heicho vom schaffe...Han ihn drum mitgno....Ich bin ebe suscht am Abig immer dihei mit ihm.

[Shorna]

@ Flux
D Buuchlag ist sehr wichtig für d Ruggemuskulatur. Viel Chind händ das am Afang nid gern, merked aber schnäll, damit ihne die Position e anderi Perspektive git und dreihed sich dänn au sälber uf de Buuch. Grad wenn de Chopf abflacht, möglichscht nid immer uf de Rugge lege.

Mit 5 Mönät chamer es Chind na guet mitnä in Usgang, die Schlafed eifach wenns müed sind.

Im Winter gahn ich eher sälte uf de Märt. Ich bin de Summer Frücht und Gmües Typ.

[pianistin87]

@buchlag.. Euise chli het nur chöne ufem buch schlafe. I han en den au lah und han versuecht die angstmacherei zverdränge und er isch bis etzt no en buchschlöfer.

[Shorna]

Sid sich mini Tochter sälber dreihe chan, schlaft sie au am liebschte uf em Buuch. Zu eusne Ziete hät mer na all Chind uf de Buuch gleit und es sind nid all gstorbe, susch chöntemer eus ja nüm ustusche. Scherz uf d siete... Es ist wichtig, damit mer die sache beachtet, wo mer weiss, dass es zu SIDS füere chönt, aber wenn es Chind gern uf em Buuch schlaft, was wetsch da mache?

Was mached ihr am hütige Tag? Mached ihr öpis speziells mit eune GG's oder ist das Tag wie jede ander?

[Flux]

mir gönd hüt go indisch ässe, nämed de chli mit. mir wärdet halt nöd so lang blibe...
aber das lömmer ois nöd la näh. woni schwanger gsi bin, simmer fasch jedi wuche eimal döt go ässe...

ich freui mi mega!!!

[Candine]

Flux: Wo göt dir Indisch ga ässä?

Valentinstag: mir schänke üs amigs öpis chliisäs. Mi Maa sitzt jetzt grad mitemne Kolleg im Chino abr so am nüüni ischer wieder deheime. De machemers üs no chli gmüetlich - leider ohni Summ-summ, ha mini Täg

Diä wo Uusgang hei, gnieässets! Ig mag`s öich gönnä!

[Flux]

mir gönd amig am liebschte da: http://www.restaurant-tandoor.ch/

han bevor mir is gmeinsame Hus zoge sind ade Wülflingerstrass gwohnt und sozsäge nur chöne überegheie...