Frühlings-Kinderwünsche - wir haben's geschafft

[sportyspice]

@jenny85 : wow du muesch jo sehr sehr jung Mami worde si. Jo i denk au, dass es oft so isch... mol luege.
Vollmond sell jo au schienbar no ifluss ha...

@Geburtsvorbereitigskurs: Mir hätte sette letscht Mittwuch sette starte, das hätti grad glängt zum dr Kurs in dem Joor vor Wiehnachte z beende... sind schienbar alles erscht gebärendi und alles Januar-Müettere. Dr ganz Kurs inklusive eusne Männer. d Hebamme isch mini Belegshebamme. Jetzt het sie aber spontan e Tag vorher abgseit und dr Start uf nöchscht Dunnschtig verleid. dr Grund isch gsi, dass sie öbbis privats vergesse hätti... aber nix weltbewegends... sie singt imene Chor und het probe gha. Het mi grad biz verruckt gmacht.
Aber naja, eigentlich spielts jo nid so ne rolle. Starte mir halt die kommendi Wuche. Aber i denk für die wo dr Termin afangs Januar hei, für die isches scho recht doof. Oder jetzt no vor wiehnachte e Termin ine drücke, isch au recht doof. Naja mir werdes gseh.
Jetzt find i uf jedefall es isch langsam Ziit... und i bi richtig wissenshungrig und wett mi au mit dem Thema Geburt mol biz usnander setze.

@Nestbau: hei das Wucheend s Büro züglet und s Chinderzimmer afo irichte. Hei geschter s Bettli gholt und i ha zmittag s Vorhängli gneiht... isch gärzig, s wird schön... fehlt no biz deko zügs und chli details, aber langsam nimmts wie mi Buch forme a. Vorfreud isch riesig... au wenns no lang gort. theoretisch aber nur no 10 Wuchs. Hüt sind mir 30 + 0 ! Countdown tickt langsam...

[Tiare29]

@sportyspice
Neinei i bin 21gi gsi bi mim erste aber han halt ebe erst mit 20gi mit de usbildig agfange

[Awe]

Hallo zäme

Mälde mich au wedermol

@sportyspice: chani begriiffe wägem geburtsvorbereitigskurs. wenn escher denn jetzt fertig? wünsche eu uf
all fäll morn en guete start, bin gspannt was verzellsch
ich han mich jo au agmolde ond denn hed mer d'hebamme aglüte ond gseit es gäbi no e kurs wo chli
spöter esch. de wär denn rund 3.5 woche vor mim geburtstermin fertig. han zersch dänkt esch ev. chli spot
aber anderersiits wär denn alles no "früsch". sie hed denn mer empfohle de spöteri zneh, well grad au no gäge
de schluss froge uftauchet ond ich denn würkli hochschwanger bi, uf all fäll möchemer jetzt de. goht also
ersch mitti februar los bi mer.

uuh bis denn setted jo scho 3 babys uf de welt sii bin so gspannt

@kizank: wie gsehts bi euchem hüsli us? schtoht scho s'zügle a?

@Gini/fea/Talulah: wie gohts euch?

@me: mer gohts super han jetzt also au scho es chliises büüchli morn bini bi 19+0 ond glaube d'fea
hed genau denn es foti inedo ond min buuch esch also vo de grössi her ähnlich han emmer no die ganz normale hose a, han aber sgfühl dasi i 2, 3 woche wirde uf ss-hose umstiige müesse. ond ich gspüre mis chliine all tag, emmer chli besser. geschter obig heds einisch gstupst ond de hani gnau de buch agluegt ond
bim 2. stupser hed mer das jetzt scho ganz guet vo usse gseh, min gg ond ich send rächt baff gsi

[Kizank]

Hoi zäme

@Huus: Ja, bi eus isch Zügle s grosse Thema im Moment. 2. Dezember isch Zügeltag. Nögscht Wuche nimm i en Tag frei zum s Huus putze (mis Mami chunnt no cho hälfe) damit dete alles parat isch. Biz Büecher hemmer jetzt amigs scho vorzue mitgno, wemmer öppis sind go machä. Phuhuhu das git soo vill ii z packe... S doofe isch, mer hend vor Ewigkeite scho de nögscht und übernögscht Samstig verplaant mit Fründe, das wämmer ned absäge. Also mues alles irgendwie näbed em Schaffe verbii duregah. Ich möcht so vill Ferie wie möglich übernäh für wenn s Baby da isch.
D Chuchi isch au noni ganz fertig, will sich d Liferig vo de Arbetsplatte verzögeret ... Rescht wo no fählt isch ned so tragisch.

@Baby: dem gohts glaub guet, es stramplet und rumplet umenand. Morn hani wider Termin (Han jetzt alli 2 Wuche). Es liit immer no richtig drin, und ich ha s Gfühl, s isch au scho es bizzeli wiiter unde, wili wider besser Schnuufe chan und Bewegige gäg irgendwelchi Chnöche im Becki gspüüre. Im Allgemeine gahts mr sogar besser, muesi säge. So 26. bis 31. Wuche isch am müesamschte gsii, wili schlächt gschlofe han und Müe gha ha mit Schnuufe. Glaube det isch eifach wider en Hormonschub oder so gsii, drum isch das so chli schwiriger gsiii. Mag jetzt zwar nümm so wiit laufe und mues biz hüfiger ufs WC, aber a das hani mi ja jetzt langsam gwöhne chöne. Im Moment chani d SS also wider gnüsse

@Awe: hey, schön gaht's dir so guet

[sportyspice]

Mi Buch hüt. Isch scho recht gwachse. bin gspannt wie euses chline jetzt usgseht und obs immer no eher chli isch. Müesse am Mittwuch zum Ultraschall- wahrschiens dr letscht.

[sportyspice]

hoff es klappt

[Awe]

En wunderschöne buch hesch sportyspice

[fea]

Hallo alli zämme!

es duet mr leid dass ich so passiv bi do...ich ha irgendwie grad sone ich mag-nid-schribe-phase..aber i lueg flissig dri wases neus git bi euch... schön zghöre dases allne guet goht!!

[Kizank]

Hoi zäme!

Sind gad alli chli im Loch
Ich au, mues mi mol chli uusbrüele.
Ha wider e schlecht-Schlaf-Phase. Stahne so oft uf, als wär s Bébé scho da... Dezue schaffi voll.
Bi eus staht s zügle aa. Mentig nimi frei zum no di letschte Sache packe, dänn fahrt mi min GG zäme mit eusne zwei Büsis is Huus. Ich übernachte scho mol dete, damit d Büsis nöd de Stress hend mit de Zügelllüüt (Sperres de am Zistig in grosse Dachstock ufe, für während d Zügellüüt da sind). Also bini eh scho chli dur de Wind wäg nögscht Wuche und de Vorbereitige. Geschter het mr min Chef no eröffnet, er chöni mir jetzt doch ned erlaube, en Tag vo dihei us z schaffe - Begründig "Anderi vom Team händ das amigs usgnutzt und ned so vill gschafft wie ufgschribe." Ich han no nie homeoffice gmacht, ussert für churzi Nachtarbete vo max 2h. Wieso bechum ich die Chance ned?? Findes gad total unfair. Under 60% chani au ned gah (verstahni aber au). Gopf, do isch mer ame Ort, wo die ganz Zit Werbig macht, wie Familiefründlich si seiged. Ned mol Chrippeplätz werded mittreit oder so (d ETH wo GG schaffet übernimmt d Chrippechoschte zur Hälfti!! Plus, 2 Wuche Vaterschaftsurlaub. Mega Tipp, das isch imfall en super Arbetgeber!). Bin eifach mega enttüüscht. Und dass das so Churzfrischtig choo mues.
Ussertdäm laht sich d KK gad ewig ziit, d Police z schicke, und ich brücht s Chärtli zum mi im Spital aamälde. grrr Chunnt eifach alles mitenand im Moment.

Sorry fürs Jammere... Eifach mol müesse loswerde...
Zum Glück hani en super GG wo mi stützt.

Dänke em Baby gahts guet, es stramplet und rumplet i mim Buch umenand.

Passed uf eu uf, witerhin gueti ziit, ich wirde die nögschte Täg worschinli ned gross dezue cho, is Forum z luege.

[fea]

@kizank: wie du gsehsch, ghör au ich zu dene wo indr nacht jewils stundelang wachlieged...gäll es nimmt eifach so viel Energie! mir wärs jo au gliich weni nümi miesst schaffe und denn halt am dag könnt nocheschlofe oder dr dag wenigstens nid so präsänt si...aber dr alltag goht au bi mir derzyt no volle pulle witer, egal wie viel stund me gschlofe het oder ebbe halt nid...

ich wünsch dir trotzdäm nomol e energie-schub für die nägschti wuche...git jo denn nomol e rächti arbet bis dr iigrichtet sind sicher ich hoff aber, dir händs gli dass du ändlich ändlich zyt und rueh findsch für di und s chline wäse in dir!!

@me: unseri chlini Muus het uns die wuche mol wieder nervös gmacht..i ha nämlich e nacht lang wehe ka und scho befürchtet jetzt isch denn fertig mit schaffe und umepowere.... anschinend het sich unser töchterli aber ändlig dräiht (jipiiih) und wohrschins het das dä unruhigi buuch usglöst. vo däm här alles tiptop jetzt und i bi sehr happy dasi derzyt d ussicht uf e normali Geburt in unserem Spital ha...

[Gini]

Hoi zäme

Wow, weni so gwüssi Ticker aluege, scho mega wit! Kizank..Fea..

Duet mir leid weni so wenig mitschriebe. Gopf es müesst doch irgendwie möglich si, aber irgendwie isch de Tag ume, ich todmüde im Bett und wider nüd gschriebe..öisi Chlini Grossi isch grad voll i de Trotzphase ond brucht mängisch sehr nerve. Geschter het si au no de Hund ploget ond de hetz mir chorz d Sicherige usetätscht. Han si mega zämegschisse ond usgrüeft ond eifach tobet, GG isch cho luege öb das wörkli ich bin…Aber jo, de no die SS Hormon, ond alles isch dopplet-Scheisse…hihi..

Es goht guet, muess no oft am Morge erbreche ond freu mi, wenn das ändli verbi isch. Bis jetzt hani durch die erbrächerei ned vill zuegnoh, mini Fä het aber bestätiget dass sich s chline guet entwickelt ond somit isches ned tragisch..isch jo nor am morge ond de räscht am Tag chani de normal fuettere…

Freu mi dasjohr bsunders uf Wiehnachte…

Wünsche euch alli en schöni Adventszyt! Hebet Sorg!!

[Awe]

Guete Morge zäme

Wie gohts euch so?

Kizank sender noche met zügle oder esch hoffentli mol de gröschti teil gschafft? wie gohts met dine nächt?

Sportyspice wie laufts bi dim geburtsvorbereitigskurs?

Talulah, hesch di scho chöne met de geburtskärtli befasse?

@Gini: schön vo der zghöre. mach der kei kopf, das gets halt mol dass eim verjagt ond jetzt wirsch sowieso
nochli sensibler sii durd ss. hoffe dini übelkeit macht sich bald defo, so dass du d'wiehnachtsziit richtig chasch
gnüsse.

@fea: hoffe au för dich du hesch weder mol e besseri nacht gha ond dich chli chöne erhole. schön hed sich
euchli chlini dreit

@me: mer gohts super, liebe d'adventsziit ond wiehnachte öberalles ond das ganze no met babybuuch machts eifach nomol vell schöner. han dehei alles dekoriert ond adventskranz gmacht ond hött obig gohts
los met guetzle, mache emmer 1-3 sorte pro woche bis wiehnachte
jetzt hämmer nochli stress im büro, johresendspurt, aber das goht au verbii zwüsche wiehnacht ond neujohr fangi denn a met baschtle för d'chärtli.
am baby gohts glaubs au tip top, es esch rächt aktiv, merkes de ganz tag dur ond de buch wachst ond
wachst hött hani zum erschte mol umstandshose a, herrlich bequem

[Kizank]

Hoi zäme!

@Awe: Läck, machsch en grosse Uufwand um de Advent! Mer fiired das (no) ned gross, aber wird sich mit em Chind dänn worschinli ändere

@fea: Das mit em Schlafe isch ächt müesahm, gäll... Vor allem de Tag dur, wämmer sött Leischtig bringe bim Schaffe. Han zwüschedure mol wider e Phase gha, wos besser gsii isch. Uf geschter wider nur zwei mal 1.5h (ok, au us Sorg wäg em Katerli). Hoffe, bi dir besserets sich au bald wider!

@Gini: Tuet mer mega leit mit em Erbreche :-/ Ich bi da devo verschont blibe. Nur mängisch chli übel gsii wäni länger im gliche Ruum mit eme Raucher gsii bin, aber erbreche hani nie müesse. Drücke dir d Düüme, dass bald ufhört!

@me: Ja, mer händ s Zügle überstande. Aber immer no rächt chaotisch. Immerhin, Schlafzimmer und Stube sind sowiit gmüetlich iigrichtet, me chan also dete läbe. Chuchi isch nonig fertig, aber min GG het hüt frei und de Elektriker isch dete, zum d Grät aaschlüüse und wäg de Stromversorgig luege (Huus isch nachträglich elektrifiziert worde, und ned übermässig starch abgsicheret). Das heisst, mer chönd am Weekend immerhin choche. S Büro isch no riese Chaos mit ganz vill Chischtene, au alts Computerzüüg wo GG mol no ussortiere mues, damit mers entsorge oder wenigschtens ufe Dachstock tue chönd. S Aquarium vom GG mues au ersch no i Betrieb gno werde.
D Chatz (9i) het sich vo aafang aa super gfühlt im Huus. De Kater het riese Koller, zersch uf em Dachstock obe verchroche, jetzt inzwüsche i de Chuchi (zum Glück, jetzt chömmer wenigschtens d Tür in ungheizte Dachstock zuemache). De brucht eifach no es biz Ziit.
Fühle mi mega wohl i eusem eigete, neue Dihei. D Renovatione händ sich voll glohnt. Jetzt chani mi mental mol chli zrugglähne, und mi uf di kommendi Ziit freue - am 19.12. hani de letscht Arbetstag, dänn im Januar s Baby, im April s Hochzit vo minere Schwögeri, undundund
Hüt Namitag hani no Termin bi de FÄ. Mues no irgends en blöde Abstrich machä. Hani ned gärn... Aber janu, sigi Standard heissts.

[Gini]

Hoi zäme

Ich han do no es paar Ergänzige zu de Lischte. Es 'sött' gemäss Fä es zwöits Meitli geh:-) Jupii freue mi soo, min maa hät sich zur verstärchig im Huus es Büebli gwünscht, aber er freut sich natürlich au ufene zwöiti Prinzessin.

De Geburtstermin isch agsetzt ufe 11.05.2015. E ganze liebi, wichtigi Person i mim Läbe het am 12.05. Geburi, wär weiss, villicht chonnts denn:-)

Ha ändlich au no s Gschäft informiert ond so wies schint, freue si sich für mich!

Bis bald

sorry für de egopost

[Awe]

Hoi zäme

Wie gohts euch allne?

@Gini: Wow schön gets nomol es meitli, freut mi för dich

@Kizank: Wie gohts met schlofe? Sender scho guet igrichtet im neue dihei?
Das met dim Arbetgeber esch ächt mega fies. Hesch scho en Lösig? Gets glich e möglichkeit det zbliibe oder
suechsch öppis neus?

@me: Mer gohts tip top, gnüsse die ziit sehr ond bin fliissig am guetzle ond baschtle förd geburtskärtli. bin
die einzelne teili am vorbereite ond zwüsche wiehnacht/neujohr chunt denn mis mami för en tag verbii ond de
möchemer alli kärtli fertig, denn müemer die sache nor no ufklebe.
nächscht donnschtig chömmer weder zum US, freued eus

[fea]

Halloooo alli zämme!

Freu mi immer zwüschedure vo euch zghöre! Schiint als hätte mir alli super Schwangerschafte do!!

Nachdäm unseri Chlini sich dräiht ka het, het bi mir im Buuch au wieder alles gruhigt und mir gohts tiptop! Ich ha eifach mittlerwile e riese Buuch (98cm!!) und entsprächend natürlich scho einigi Müehene jetzt im Alltag und v.a. in de Nàcht...dört macht mi s schloflos sii immerno wahnsinnig... Ich freu mi sehr uf d Wiehnachtsferie! Will die ganze Gebräschteli und d Nächt stresse mi glaubs numme will ich halt immerno viel am schaffe bi und mir eifach d Energie so fählt und denn chumi no meh in Stress. Da ich jo nochär wird künde, binich jetzt dra mini Übergabe zmache..Brichte schribe und no sooo viel dänke woni no schnäll muess erledige..."mini" Familiene sind jo vollständig in minere Verantwortig, do weiss niemerds anderst drüber Bscheid und jetzt mien alli Infos irgendwie no witer... Aber ebbe, gli isch Wiehnachte (was natürlich au no zuesätzlich Stress macht haha) Nochär wird ich no mit 50% nomol 2 Wuche zruggkehre und denn ganz ufhöre. Ich freu mi au scho fescht druf ändlich s Kinderzimmer ganz fertig zmache, Chleidli wäsche z.B. und s Geburtskärtli zmache... das dueni jetzt wirklig alles ufe Januar schiebe will 1. weissi derzyt eh scho nid wieni alles andere söll schaffe und 2. wotti das in Rueh mache und s gniesse und nid no am oobe kaputt inequätsche.

uiuiui, dasch e lange Egopost gsi, sorry!

ganz ganz e guets Wucheänd euch allne!

@kizank: schad wohnsch so witt wäg vo mir...mir hätte sunst öbis chönnte dräihe mit dr kinderbetreuig

[Kizank]

@fea: Schön het sich dis Baby no dräiht. Gäll, so langsam hänkt de Buuch scho aa. Bin mega empfindlich worde - has uu mega NÖD gern, wemmer öpper anders als GG an Buuch anetatscht... Aber mässe chönnti ihn au mol, da häsch mi gad no uf e Idee brocht Sötti im Lauf vom Weekend denn au dihei wider Internet haa. Ja, wohne jetzt im zürcher Wyland. Ja, isch schad, wohne mer so wiit usenand... Suechsch du öppis neus nachher? Ich weiss im Moment voll nöd (oder eher 'nümme'), wasi mache söll... Lahn mir da mol no chli Ziit...

@Awe: Weiss ächt nöd, wienis mit de Arbet witermache... Lahne mi devo jetzt ersch mol ned stresse. Im Hus näme mers bewusst gmüetlich mit iirume. Händ jetzt so lang immer jedi frei Minute am Huus gschaffet, jetzt gohts chli ruiger wiiter. Schlafe gaht halbwägs. Uf hüt isch zwar wider mol 5 mol ufstah agseit gsii, aber sus isch jetzt es wiili lang bi 2-3mal iipendlet, mit richtige Schlafziite dezwüsche. Mis Problem isch echli, dasi im Stah und Ligge käs richtigs Gfühl für de Blasefüllstand han, will de Buuch so id Blase drückt. Gange dütlich hüfiger ufs WC, wies eigentli nötig wär. Im Hocke ischs luschtigerwiis besser.

@Gini: has mol no nahtreit, sorry für d Verspöötig! Gsehsch, und ich hoffe, dass mis Baby 2 Täg zuewartet, uf de 14.1. - dänn wär de Geburi mit dem vo mim Papi zäme (gäbs wider en Grund, de Tag z fiire ). Schön händs es im Gschäft guet uufgno!

@me: Hüt Abig hämmer no d Kollege vo GG's Chair und sin Doktervater iiglade zum de Umzug fiire (die meischte sind mol no vor em Renoviere da gsii, nimmt mi mega wunder, was si säged ). Nachane hämmer s ganze Wuchenänd nüt vor, irgendwie gad es komischs Gfühl, nachdem mer so vill Arbet gha händ. Und für es laaangs Wiili s letschte Wuchenänd, woni am Mentig mues go schaffe .

[sportyspice]

Hallo!
Ich meld mich au wieder emol...
Hoff euch gohts allne guet und euchi chline wachse wie verruckt und gedeihe guet.

Euses chline macht sich sehr guet, wachst und zappled... goht eus beidne guet.
Ha sid geschter Obe immer wieder so Becken, ruggeschmerze, wo sich denn in Buch ziehe. Weiss nid recht ob das bereits Senkwehe sind, oder obs mir eifach durch s Relaxin s Becki verschiebt und so mit dr ischias oder so iklemmt. Hocke und liege sind nid so gemütlich. Aber suscht gohts mir tiptop.

Bi fliessig am wäsche und am Zimmer irichte, s chunnt immer wieder öbbis neus drzue und so fehlt mittlerwile nüm wirklich vieles... eigentlich nur no s wesntlichschti euses Bebe.

So lang gohts jo au nümm, langsam isches absehbar... nach Wiehnachte dörfte mir echo in euses Wunschspital mit dr Beleghebamme und das isch irgendwie no cool.

@Kizank: Cool sid ihr guet zügled. Kopf hoch wegem schaffe, das wird scho guet cho.

@Fea: super het sich euches chline dreiht. Isch doch irgendwie beruigender.

@AWE: was mache dini Kärtli?

@Gini: jööö, e Meitli, hoff dir heids guet

[caramel_joghurt]

Hallo zäme

Ig melde mi jetzt doch mau hie a Ha gester ü hüt e positive Test gha. Bi aber no ziemli verunsicheret da die Linie seeehr schwach isch obwou ig hüt bi ES+15/16 müessti si. Het öber ou mit eme Evial Test testet u isch nume schwach gsi? Ha de bi mire Tochter ou brucht u da isch bereits 3 Tag vor nmt e klari Linie sichtbar gsi.

ET wäri um de 22.8

[Awe]

@caramel_joghurt: hey ich gratuliere der au scho mol ganz herzlich, soo es schöns vorwiehnachtsgschänkli freut mi riesig för dich
Ich han au metem evial testet. bi mer esch die 2. linie bi nmt+2/3 scho rächt guet sichtbar gsi ond am
tag druf no stärker. aber das esch sowieso emmer andersch, dänke au vo ss zu ss.
susch duesch mol es foti ine, denn chömmers beguetachte