Frühlings-Kinderwünsche - wir haben's geschafft

[LadyWolverine]

@sportyspice
Ich bi us dr Nöchi vo Lieschtl und du?

Ich bi im Momant... Goht das wiedr vrbi? -.- zZzZz

[fea]

ah das tönt doch bi allne positiv, so schön

mir gohts au wieder guet mittlerwile..mir hän gescht Begegnigsnomidag ka bi uns andr Schuel und ich bi indr Kinderhüetegruppe gsi..dh. 30 Kind (d Hälfti devo sebhehinderet) inere Turnhalle...könned euch jo vorstelle wieni ha miesse renne und v.a. viiiiel vieel lüpfe...mi Buuch het alles problemlos mitgmacht! Am Morge isch mrs no schlächt gange aber dä Dag het mi sogar gheilt, allwäh kei Zyt ka zum liide

@ LadyWolverine: Willkomme bi uns!! Nur so zur Info gäll, dass du nid verwirrt bisch dass mir uns alli scho kenne...das do isch e Nachfolgethread vomene Hibbelthread wo mir alli gsi sin...es gäbti sunst do uf Swissmom au no Monatsforene wo sich d Lüt mitem ungefähr gliche Geburtstermin träffe... aber mir würde uns sicher alli freue wennde au bi uns blibsch, bisch uf jede Fall willkomme! Bi uns isch halt s Bsundrige, dass d Lüt gaaanz verschiede witt sin indr Schwangerschaft...das kame cool finde oder weniger...
wäge dr Müedigkeit...jo es wird besser! ABER goht allwäh scho no e Wiili...und ich dänk dr Schlofbedarf bi de meiste Schwangere isch bis am Schluss höcher als vor dr SS...ich persönlich schlof z.B. immerno mega frieh eifach ii weni deheim bi...aber weni unterwägs bi, denn goht das mittlerwile au scho wieder guet und lang und am Aafang het me jo s Gfühl me ka sich scho dr Dag dure kuum uf de Bäi halte...

[sportyspice]

Huhu ha jez au e Ticker bis zur Geburt vo eusem chline Wunschkind... juhui juhui freu mi endlos.
Hüt wei mir e Fründ vo eus, wo au euse Trauzeuge gsi isch froge ob er well Götti si vo eusem Chline. Würd mich mega mega fescht freue.
Wünsch Euch allne e super Sunntig.
Liebi und sunnigi Grüess

[Kizank]

Hoi zäme!

Puhh bis jetzt ned dezue cho zum schriibe... Ich bin soo gschluuchet...
Am Dunschtig hämmer jo für s Huus unterschribe, und geschter simmer de ganz Morge dur de OBI und Ikea grennt für es paar Grundsache wo mer sowieso bruuched. Am Namittag hani di alt Chuchi uf Vordermaa brocht, so guets halt gaht - die chunnt dänn no use - und Bad & WC putzt. Isch es halbs Jahr läär gstande, entsprechend gsehts halt uus...
Z mache isch sicher d Chuchi (hämmer eigetli ned plant gha, aber di elektrische Grät laufed uf em allerletschte Zacke hämmer dänn festgstellt) organisiered mer i de Ikea, s gaht ned andersch... Und d Böde, da mues me d Teppiche usenäh und d Diele evtl no behandle - je nachdem wies usgseht. Eis Zimmer müemmer no parkettiere lah. Im Chinderzimmer mues no ei Wand mit Holzpaneel verseh wärde, damit alli Wänd gliich usgsänd und diversi Wänd und Wand-teil wännd no gstriche werde. Mit em Garte wartemer de Früelig ab.

Im Moment hani no en riese Reschpekt vor dere ganze Arbet - au s zügle dänn, obwohl mir e Firma werded organisiere. Zum Glück het min GG so vill Power. Bin nach em putze scho total gchüblet gsii und nachher isch dänn gad no Bsuech cho, wo fasch bis mitternacht blibe isch. Zum Glück händ si mi nachher mitgno i eusi Wohnig, und GG het no bis am halbi zwei i de Nacht ufgrumt...

Hüt bini eifach nur fix und fertig. Liit au dra, dass GG im Moment so en hartnäckige Hueschte het, und mi dauernd weckt i de Nacht. Hoffe ich pfuuse morn ned im Büro ii...

Het vo eu öpper en Tipp gäge Roschtspuure im WC?

[Awe]

Guete Morge zäme

@sportyspice: schöne ticker hesch gmacht Und? hed euche trauzüge zuegseid als götti?
hoffe för dich

@Kizank: phuu das tönt nochere stränge ziit, chamer ganz guet vorstelle dass kabutt besch. get halt doch no einiges ztue gäll, aber ehr schaffed das secher ond velecht chönder au no chli lüt ispanne zum hälfe.
no wäg dine rostspuure: esch zwar ökologisch ned sooo verträtbar aber met chavelwasser bringsch glaub alles
weg. chasch über nacht iwürke lo oder a dene stelle wos rostig esch es tüechli tränke ond "hichläbe" ond denn
dueds das ev. löse...

@me: ich han jetzt doch sit am wochenänd langsam chli übelkeit wo mi heimsuecht. esch aber no ganz human, chunt ond goht weder...susch esch alles guet ond ich freu mi uf de 1. untersuech am fritig

wönsch eu allne en guete wochestart

[Talulah]

Hallo mini Liebe

So ez chumi au wiedermal zum schribä. Und schomal vorab Sorry wenni öppis/öpper vergässe ha!

@lady: Herzlich willkomme!

@Kizank: ohh ja du bi ider töönts sträng! Aber es eigets Hüüsli isch halt scho eifach öppis wunderbars! (hend aus eis) ich hoffe du mögsch alles gmache, wo nu söttisch! Ab wenn chönder izieh? sorry han das irgendwie verpasst!

@Sportyspice: ahhhh de gaz mer nüd eleige so. Gäll de stellt mers sich so vor: jaaa so lang machi das und so lang denn nu das. Und schlussendlich chunts ganz andersch use!
Also wegem möge wär nüd s Problem bi mier, sondern d Beweglichkeit. Es ziet mer im ganze Buuch wenni mi durebüüge... drum lahnis lieber si. Gange ez nächst Wuche no es letsts mal, denn verzelli de au dassi SS bin und mind. es halbs Jahr wirde en Pause iisetze.

@Awe: ohh fahts langsam ah bi dier! ich hoffe es wird nüd schlimmer mit em schlächt si! ohhh so schön, gli zum erste Untersuech! bin gspannt was z verzelle hesch!
Han bim erste Termin (bi 6+4) au scho es schlagens Härzli xeh, det bini eleige gange. Bim zweite Termin (morn) chunt min GG de au mal mit. Freu mi voll.

@verzelle: ich hoffe bim 2. Untersuech morn isch alles guet. will denn chömmers bzw. wemmers denn de erste verzelle. Bis zue weisses niemer. Am Fritig (gad bi 13+0) hürated mini Sis zivil. Ez hemmer es Gedichtli gschribe, wo mier ihne beide gratulieret und alles gueti wünsched. Und de letsti Satz isch de d Frag ob sie well Gotti werde... ich hoffe das tschegged denn au alli andere was mer demit wennd säge!

@Beschwerde: Mich dunkts, die typische ersttrimester Beschwerde sind bi mier zimmli abgschwecht. (muess au sege, dassi nie schlimm gha han zum Glück). Defür hets letscht Wuche aagfange, dassi ide Nacht mind. 1x ufs WC muess.
We isch das bi üch xi mit de Beschwerde, wo scho witer sind?

@me: ez isches sowit, ich bringe die erste Hose nümme zue. han die Wuche kei Zyt zum go SS Hose poste, veschiebes uf nechst Wuche. ez sinds halt eifach offe und es langs Liibli drüber.

[Kizank]

@Talulah: vilich hesch jo au no Hose mit Gummibund - die sind au no lang bequem. Oder Röckli mit Leggins drunder...
@Beschwerde: Ich ha immer wider mol Phasene, woni dauernd ufs WC ränne (letscht Samstig 7-13Uhr öppe acht mal ufs WC). Dänn isch wider mehreri Täg 'normal'. I de Nacht muesi aber nach wie vor (no) sälte meh wie ei mal ufstah, zum Glück. Am Aafang hani hauptsächlich gäge Apetitlosigkeit kämpft - Übelkeit hani au nur sehr schwach gha. Langsam merki halt, dass s Baby sin Platz bruucht und dasi extrem schnell usser Puste bin - gad ebe am Weekend au bim Putze gmerkt - das wär mr süs (=unschwanger) vill liechter vo de Hand gange... Ha dauernd müesse Päuseli mache.

[Talulah]

@kizank: hose mit Gummizug verlidi scho lenger nümme. [emoji16] aber leggins wer nu öppis, danke füre Tipp! [emoji106]

@beschwerde: ah denn cha das also gliich ab und zue wieder cho...
Ui ja das mitem "us der puste si" glaub der sofort! Armi du! [emoji17]

[Kizank]

Puhh, beschäftigt mi gad... D Frau vo eme Arbetskolleg (isch zwei Wuche wiiter wien ich, also jetzt ca 23. Wuchä) liit mit vorzitige Wehe im Spital... Er het si hüt morge churz welle go bsueche, isch bis jetzt ned zrugg :-/

[Awe]

Ou das glaubi dass die das beunruhigt. Chamer nor hoffe dass alles guet chunt ond er eifach wett
bi ehre bliibe oder sie scho zäme hei händ chöne.

@me: morn hani ändlich min 1. untersuech, bin so ufgregt ond hoffe das alles guet chunt.
Meld mi denn morn weder

[Kizank]

@Awe: Uii ja da drucki dir ganz fescht d Düüme, dass ihr eues Chrüümeli guet gsähnd!! Chunnt din Schatz au mit? Miine freut sich uf jede Untersuech wie es chliises Chind. Vor allem am Aafang, wänn nonig (vill) Buuch ume isch, isches für ihn scho no rächt abstrakt gsii. Und de Untersuech het ihm halt zeiget, dass da würkli öppis isch.

[Awe]

@Kizank: Jo min maa chunt au met er planget au scho die ganz woche druf, das mer äntli gwüssheit
händ dass alles am rächte ort esch ond mer es schlagends herzli dörfed erläbe

[Talulah]

Guete Morge mitenand

@Kizank: oh jeee, das tönt ez nüd so schön wäg dim Arbetsgsändli! Ich hoffe es isch nüt schlimms! En Kollegin vo mier isch au mehrmals wege früehzitige Wehe im Spital xi, weiss nümme genau weli Wuche aber ich meintis so ume 6. Monet ume. Eimal het si müesse über Nacht bliibe. Mit schaffe isch nüt meh xi und dihei hät si vorwiegend müesse ligge. Es isch aber nachher alles guet cho. Die Chly isch denn schlussendlich rund 2 Wuche "zfrüeh" cho. Was ja au scho wieder als normal zellt.
hesch inzwüsche meh ghört?

Chunt din GG bi jedem Termin mit?

@Awe: ohhh das glaubi, dass ufgregt bisch! drück der ganz fest dDüme, dass alles guet isch. Um weli Zyt hender Termin? Muesch de gad schriibe wes xi isch!!!

@Untersuech: han bis jetzt au erst zwei gha. Und bi beidne isches eifach unglaublich xi, was me da scho cha xeh! De ersti bi 6+4 mit me schlagende Härzli de zweiti (vorgstuft) bi 12+0 mit Bei am zabble und mit de Ärmli am Papi winke! <3
Kizank, min GG isch glich xi, ersch woner da öppis xeh hät, häters würkli richtig chönne glaube. Chamer vorstelle für ne Maa chan das schono schwirig si. Ich mein er gmerkt ja nüt, ussert villicht d Luune, Kozteri oder anderi Beschwerde vode Frau.

[Awe]

@Talulah: Danke, mer händ de Termin zobig am halbi 5i. Han ächt grad Angst im momänt, wells mer usgrächnet
hött morge ned schlächt esch, deför merki es zieh im buuch. weiss ned wieni de tag sell öberläbe, wett äntli
gwüssheit. hoffentli machi mer zvell sorge...

min GG wett au jedesmol metcho dänke ehm wirds hött au ersch richtig bewusst das mer es baby erwartet
wenn mer hoffentli s'herzli gsänd schloh

du hesch doch hüt hochzit vo dinere schwöschter oder? wönsch eu ganz es schöns fäscht ond sie wird sich
secher riiesig freue dörfe gotti z'werde

also ich melde mich zobig hoffentli met positive news

[Kizank]

@Awe: Ich han die erschte Wuchene au öppe es uu mega riiisse im Buuch gha. D FÄ het gseit, das siged d Bänder, wo sich dehned. Hani amigs vor allem gad bim Ufstah und bi teils Bewegige gmerkt. Au sus hets Täg geh, woni praktisch kei Beschwerde gha ha (und drum panisch mim Mami aaglütet han, eb si das au gha hegi).

@Talulah: ja, GG chunnt mit. Er isch bisher immer debii gsii. De Frau vom Arbetsgspönli gohts wider besser. Si sig dihei. Wott ned z fescht nah-hake... Gäll, isch verruckt, wie vill me cha gseh! Vor allem am Aafang wemmer bedänkt, wie chlii s Baby isch. I de 18. Wuche het me bi mim Baby sogar die einzelne Herzkammere gseh! Und wie sich d Wirbelsüüle bildet und sich langsam de Chalch vo de Chnoche a de verschidene Stelle sammlet.

@me: Hüt wird i eusem Huus d Chuchi usegrisse. Händ ja eigetli ghofft, me chönd si bhalte, aber de Herd und Bachofe isch kaputt und laht sich ufgrund vom Iibau ned eifach uustuusche... Mues denn am Namittag/Aabig mal go luege, was si gmacht händ.

[Talulah]

@awe: ah okay! hach ich bin scho ganz gpsannt! Glaub mer Angst ha nüzt nüt! han au immer es zieh (we kizank seit vom usdehne) gha. Und genau bim 1. FA Termin nümme. Das heisst also gar nüt!!!

ja genau, also eifach feng s Zivile, s Kirchliche machets imne Jahr. Dankevillmal!! ja ich hoffes fest, dass sie sich freut!!
Bi üch gaz ja au nümme lang! Bisch scho nervös? Häsch s Chleid numal probiert?

@Kizaknk: ah schön chunter amel mit. Mine isch bis ez eimal mitcho. Isch amel chli umständlich wägem schaffe und so... die witere Termine düemer churzfristig luege we er dezyt hät. aber ich dänke vorwiegend wirdi eleige gah und ihm denn verzelle

Oh zum Glück gahts de Frau wieder besser!! Ja sägs nüd, besser nüd z fest über so Sache nachedänke!!

Oh würkli, de xeht me scho wieder sovill. bin ja gspannt. Han ersch Mitti Oktober wieder Termin.

Das isch sicher au en stressigi Zyt so mit em Umbue!? Defür chömeder u.a. en nüi Top-Chuchi über woner de wieder 20-30 Jahr rueh hend!

[Awe]

Danke euch fürd ufmunterig vorher esch mer doch schnell schlächt gsi ond bi ächt froh drum gsi, so
doof ich probier mi jetzt abzlenke ond denn wird scho alles guet cho

Jo morn inere woche esches sowiit, send jetzt i de letschte züg met organisiere. bin scho chli nervös
s'chleid gangi am mittwoch go hole ond nomol probiere

jo dini schwöster wird sich secher mega freue

[Awe]

Alles super! S'chline esch am rächte ort, 9mm gross
Ond mer händ dörfe sherzli ghöre schloh

[Talulah]

So schön das freut mi sehr Awe!!! [emoji7]

[sportyspice]

Guete Morge.

@Awe, juhui, gäll s herzli schloh zgseh isch sehr bewegend... I ha mi dört grad sehr verliebt und bi mir sehr bewusst worde, dass i scho jetzt e unheimlich stolzes Mami bin. 9mm isch nid grad chli...isch euches eher obe uf dr Kurve???

@Kizank: Oh, jo gäll so sache wett meh nid ghöre... hoff es goht ihne guet. i glaub ab ssw 27 isches jo scho überlebensfähig aber gäll jedes dritte vo dene het e bliebende Neurologische Schade. I schwätz viel mit mim Büchli und hoff dass es nid sooo viel zfrüeh chunnt. Hoff es chunnt wirklich erscht im Januar. Scho nur, will i denn au mit dr belegshebamme in Lieschtel chönnt gebäre-!

Mi buch, isch us miner Sicht scho recht gwachse, aber alli andere um mich ume finde meh gseht no nix. I cha die normale kleider alege, sogar jeans passe no ganz guet.Chas au nid ändere, aber mängisch nervts mi fascht, wenn alli immer säge :"was wo hesch du denn das kind versteckt... "
ha jetzt au bald halbziit... Mol luege, drfür gspühr i euses Chline sehr sehr guet, geschter isches so aktiv gsi, dass i sGfühl gha han, es würdi bereits im Buch für e Marathon trainiere.

@Basteln: I glaub i mach mir mol Gedanke zu de geburtskartene, i wett die selber baschtle, und i glaub es brucht amigs no recht viel... jetzt hani no e hufe Energie. fang glaub mol a, Müschterli zmache.
Wie mached ihr das eso????

Hahah, ha die Wuche e mega super härzigi kARTE becho... Danke vill mol Fea:-)

Wünsch euch e guete Start ins Wucheend.