Frühlings-Kinderwünsche - wir haben's geschafft -- Teil 2

[Mimi83]

@hunny_b: hasch du ned a e termin gha hüt?! Han ich das falsch in erinnerig? Hihihi ja das hät sini vor und nochteil mit em Ü-Ei. ja das stimmt. Litz es de eifach chli ume! Oh cool. Super häsch hilf gha! Bisch scho fascht fertig mit baschtle? Ja gell, ha d chleidli a immer weder müesse füre näh!!
@wolke: ja mache eifach immer am obig no öpis und nöchscht wuche will i de a no einiges erledige wenn i ferie ha. Nur zum wäsche bin i no ned so cho. Aber das wird scho. Schön das d spielgruppe so super acho isch! oh nei! Aber ich verstoh dich. Dini Situation isch ned eifach und d Hormon spilled sicher a no e Rolle! Ich schick der vill positivi Energie us de ferni!!!
@black_key: hihihi sind ihr a flissig im namens chrieg?! Super, de druck ich dim mami d dümme für morn! Das chunnt sicher guet!!
@name: also ich glaub mer händ üssi näme bald. Sind jetz im Moment grad je ein name ume wo üs beidne gfallt. Glaub das chönteds sie! Und bi euch? So ich ha hüt a bed so vill gmacht noch em schaffe. Nur chli spielsche gordned damit ich alles no cha desinfiziere. Und das ussortiert wo mer ned gfallt. Und ja genau, ha no e elektrischi milchpumpi becho gha. Die han i a schnell welle teste. Zum glück ich min GG ned umme gsi. Hei zerscht han i denkt was isch de das für e sch.... Ha aber a es chlises teili vergesse gha. Has de aber no use gfunde. Bin ich verschrocke, wo das de so a minere bruscht zoge hät! Aber es würd funktioniert s grät. Scho mol guet z wüsse. So morn bin i i wuche 34 sprich 33+0. Das heisst vorussichtlich no 6 wuche! Also wien ihr gsehnd, ich mache scho eine uf Countdown!
@kliniktasche: wissed ihr scho was ihr für snacks bsorged?! Do bin i grad chli ideeelos. De spitol hät jo e kafeeteria!

[wolke7]

Guete morge fraue

@hunny: ond hesch scho taschtet höt morge? Ich han leider au kei plausiebli begröndig werom sich da so anderst ahgfühlt het, drom wördi secher au gschnell zum fa goh...chan mer aber au ned vorstelle das du da ned gmerkt hetisch wenn dä wieter abe cho wär?!

@näme: stönd bi eus scho sit längerem- för es meitli hämmer de name scho vor de ss gha ond för en bueb hämmer au eine gha schl hemli am afang- bis ich den en bekannti troffe han met erem 4 monte altem bueb wo dä name gha het...ond sorry...es esch eifach keis schöns chend gsi ergendwie hani denn dä name nöme so passend gfonde ond chorz vor em spitol hämer en andere diskutiert- chum beni stationär gsi eschs so dütlich klar gsi das er gnau so söll heisse...ond ich freu mich so sehr min bueb so zrüefe

@me: hani gester gar ned gseid...min chline esch scho scho emmer eher en grosse gsi...ond jetzt dor das legge het er no einisch meh energie zum wachse- er het jetzt scho gschätzt stolzi 800 gramm!!!!

[Mimi83]

Guete morge fraue
@hunny_b: ja bin froh. Jetz hoff i nur das do ned im umfeld no anderi de name vor mir wäled. Aber sett ja ned grad si. Oder das eine vo üs wie du no so idee z nacht hät! isch aber a ned schlecht vo der.
Ok de muss i de mol so snäcks go bsorge. Wobi chan mer a ned vorstelle, das ich de mag esse. Bin eher de kandidat: ich übergebe mich. Und min GG wird de sicher a z nervös sie!! Aber sicher isch sicher.
Oh eie isch de hüt gange?! Ich hoff es isch nüt witers. Und suscht gang grad verbi!! Sicher isch sicher, wie vorher scho gschribe.
@wolke: ja das mit em name verstohn ich voll!! Wär do genau glich! Cool 800g! Ich freu mich für dich. Das isch es kämpferli! Das chunnt guet!
@me: hüt isch ned min Tag. Bin scho mit (sorry) Durchfall verwachet. Jetz hoff i es got schnell weder verbi.

[fea]

Hallo zämme!
ich lies nach wie vor bi euch mit
und bi eure was-nimm-ich-für-ässe-zur-Geburt-mit muess ich euch grad unseri gschicht verzelle...will hindedri isches lustig
also ICH ha ämel ganz schöni Sache iipackt..Cola und trubezucker und salzfischli...und s Cola hani also sogar brucht während dr Geburt
da mir ohni zmorge usem huus sind, isch mi maa bim lege vom vene-zuegang scho mol zämeklappt..ich ha natürlig dänkt "jo super, das foht jo guet aa wenn är JETZT scho zämeklappt" .ich ha ihn denn miesse schigge go
schoggiweggli kaufe (also dänked doch an euri Männer, au wenn si nervös sin haha)
denn isch e stund vergange gsi, ich ha e blosesprung ka, d wehe sind fascht vo null uf hundert...denn hän si agfange uns mit somene blöde zettel hindedri zrenne wome muess akrüzle was me zmittag und znacht wott (isch ca. 10i gsi). mir isches scho bim dureläse schlächt worde und ich ha mim maa gseit är sölli eifach irgendöbis akrüzle, seg mir grad so was vo gliich. är het denn probiert dä zettel usfülle aber är isch voll durenand gsi -ich näbedra scho ziemlich in wehe- und hets nid checkt, zmittag und znacht verwägslet..und nid gmerkt dass es no e rücksite het... uf jede fall sin si all 10 Minute wieder cho mit däm blöde zettel, (sicher 3,4 mol) bis dä ändlig zu ihrer zfriedeheit usgfüllt gsi isch. schlussändlig hän mir natürlig absolut kei zmittag gässe (ich bi am 12i scho andr sprossewand ghange und ha gar nüd me checkt) und mi maa het si zmittag denn am 6i am oobe im gebärsaal gno will mr s znacht ufem zimmer hän welle/sölle nä (unseri tochter isch am 2 gebore) und mi maa aber langsam wieder schwach worde isch... haha so viel zu geburte und ässe
e schöne dag euch allne!!

[wolke7]

@mimi: ui nei ned du au no...aber ebe es goht öpis ome...pass uf dich uf!

@kinderarzt: eifach mol so id rondi gfrogt- händ er euch scho om en kinderazt kömmeret? Es esch mängisch mega schwerig no öper zfende wo no neui chend nemmt! Lüte höt no ah, wennd scho es chend bi eim hesch esch zum glöck nöm so en sach!

[black_key]

@name: aso mier hend scho par idee wäg de näme aber mer hend eus noni uf DE eini geiniget aber mer hend de glich gschmack und ich dänke mer werded eus chönne einige ich weiss eifach ned öb DE eini bin dene woni ufgschribe han debi isch

@kinderarzt: hemer eus noni drum kümmeret... muessi unbedingt no mache!

@hunny: guet bisch hüt grad verbi gange und zum glück isch alles guet! das mit dim maa duet mer leid, das isch sicher ned eifach... ich hoffe er cha sich i dere hisicht nochli ändere...

@mimi: ou nei gueti besserig!!

@wolke: hey super hed euche chli scho so zuegleid denn gohts ihm sicher usgezeichnet

@gerbera: ich hoffe bi dir isch alles ok?

[gerbera]

@black_key: Hesch ja ou no chli zit mit KK und KA, aber isch scho zimlech guet, wenn me das vor dr Geburt greglet het. Ds gliche gilt ja ou füre Name… I findes amigs no guet, wenn me da inne immer wieder dra erinneret wird, was me no nid gmacht het

@hunny: das si ja sache, wo me vo dir list, aber super isch di GMH wieder so läng, das si mau gueti news… s tönt eifach so chli wi ne gebärmueterabsänkig, chume aber ds wenig drus.
U wäg dim Ma, das tuet mr sehr leid ds läse. I dänke di GG wird sicher dert ou no dises oder jenes müesse umstelle, grad wenn ds Chline da isch… Di Zit isch für euch mit dene vile Termine natürlech um nes vielfachs belaschtender als bi üs, wo d GGs eifach einisch all vier Wuche dörfe cho mitluege und mitfreue. Und mit sire Beförderig wirds ja wahrschinlech ou nid eifacher… Drücke di vo hie us ganz fescht, und villecht chaschim ja eifach wieder mau säge, wi du das empfindisch.

@fea: das tönt ja mega luschtig, aber du hesch rächt, villecht si d Snacks füre GG fasch wichtiger, als die für üs. Obwohl ig ja ds gfüehl ha, dassi eh Hunger wirde ha, i ha i de unmüglechschte Situatione geng hunger

@wolke: Wi geits dir hüt? Di elände Hormon hei di gloub sehr i de finger… aber mir geits ou so, ha ou am Sunntig plötzlech wäg öppis ganz chlinem und doofem e hülchrampf gha, me hätti chönne meine d Wält sigi zäme broche. mir geits aber nachhär de immer besser emotional. u mi gg weiss fang, dasser mi eifach muess i arm näh, und warte, bises verbi isch… u chli sanft mit mr muess umga
I ha ame KA aglütte, und da hets sofort gheisse, i chönni cho. hani gloub rächt schwein gha…

@mimi: du armi, luegsch, dass du gnueg trinksch, gäu? Oder isch scho chli besser? Cha dr grad enorm guet nache füehle! Bisch daheim blibe hoffentlech?

@me: bi geschter wieder ga schaffe, und ha mega viel ufdsarbeite gha, daheim när dementsprächend nudlefertig gsi… hüt isch aber scho besser gange, has gloub überstange mit dere blöde mdg… bi när no ga chinderwage bsteue, ha mi ize für blau entschide. Finde das gieng ou bime meitli, isch so es lüchtends chünigsblau. hät aber eh nid rosa gno, finde das nid so schön. no wenns es meitli hätti gä. u mi gg het ke zit gha, und muess sech farbmässig ize haut eifach füege. gloube aber, dasses für ihn ou ok isch...

[wolke7]

@gerbera: jo das chan ich mer vorstelle das denn erledigt gsi besch...de körper brucht meistens gliech nochli länger bis er weder voll uf de höchi esch nach so md- gschechte. Jo es esch es ständigs uf ond ab met mine gfühl- känni so gar ned us de erste ss...muess am chline maa legge i mim buch höt esch bez besser, han mi met chärtli bastle abglänkt ond chome erstundlech guet vorwärts im legge

@hunny: wow das tönt aber super bi der met de gmh längi...meinsch d'gebärmuetter het sich velecht au chli gsänkt wills becki ächli breiter worde esch? Hesch ned au i de letschti amel zieh i de lieste gha? Weisch ich glaub din gg meint das absolut ned bös ond wär secher au mega gern met der metcho anstatt im gschäft zhocke...aber semmer ehrlich, meistens send doch d'gg i so ongwösse situatione no hilfloser als mer...ond au wenn de buch emmer grösser ond tritt immer stärcher werdet begriefed veli gg's erst noch de geburt dass das ganze wörkli real esch wo do grad passiert im läbe. Ich wörd ehm aber velecht gliech nomol säge das du froh gsi wärsch wenn er debi gsi wär, eifach das er weiss was i der vorgoht!

@mimi: besser oder schlemmer? Hoffe du chasch di guet erhole!

@ässe bi de geburt: han hlaub ned mol öpis debi gha ond ässe wär au gar ned drinne gläge...so schnell wie di ersti geburt gange esch

@was muess ich no: ergendwie hani s'gfühl ich heg öpis wesentlichs vergässe wo mer vor de geburt sött erledige...han kk ond kia gmacht...chont euch no öpis in senn?

[Mimi83]

@fea: hei hallo. Danke für din luschtige bricht! Ja de wird ich mich de am nöchschte weekend mol um üses oder s proviant für min GG kümmere! Hihihi so luschtig!
@wolke:ja mach i! Danke! Hüt händ mer tatsächlich 2 kind mösse heischicke und 2 vom Team. Aber ich ha ussert das de ganz Tag nüt gha. Drum bin mer also ned sicher ob das vo ere md gschicht chunnt. Mir isch weder schlecht no han i buchchrämpf. Hoff jetz das hüt morge isch es gsi!
@kinderarzt: jo do muss i a no a lüte. Hoff ich denk morn dra! Wobi min FA hät wo ne mol gfrogt ha im April gmeint, es würd a noch de Geburt länge. Er kennt niemert wo schomol abgelehnt worde sig.
@hunny_b: bin gsi go schaffe. Ja bruch drum a für jede tag es arbeitszügniss wenn i chrank wär. Aber es isch super gange. Danke der! Oh bin ich beruhigt das alles sowit guet isch bi der. Und cha mer a vorstelle wie dich gfühlt häsch hüt morge. Ha grad chli müssen schmunzle won ich das vo dim GG und de Arbeit gläse ha. Irgendwie chunnt mer das bekannt vor. Nur gots bi mim GG um sis vollzithobby! D Gugemusig! Also minimum 3 mol i de Wuche isch er nur mit dem beschäftigt! Aber do ich zwei mol selber abgmacht ha under de wuche isch es mer echt glich. Und einisch i de wuche gnüss ich de e obig allei dehei. Aber ich ha a scho gseit, ich gseh mich scho i de wehe lige, er irgendwo und ned erreichbar und ich muss de mit de nochbere oder em Taxi is spitol! Aber ich bin sicher üsi Männer werdet trotz ihrne chline macke super papis!

@black_key: danke der! Mer gots sowit zum Glück ganz guet!
@gerbera: ja ha flissig trunke hüt. Eifach mol vorbügend und ha no schnell mit de ghilfin vom FA gret obs ok isch bioflorin z näh. Sie hät mer grüens liecht gä und gseit das sis no im FA witer leitet. Settis aber schlimmer werde oder e härte buch dezue cho, sell ich mich sofort nomol melde. Isch aber nichts dergleichen gsi zum Glück. Aber do mer suscht vom erschte tag a es zügnis bruched und hüt paar gfählt händ ( chrank&ferie) bin i go schaffe will i kei anderi beschwerde gha ha.
Oh bisch grad wider voll dri schosse id arbet! Misch aber a zu der luege. Sisch wirsch de grad weder chrank! Ja s blau isch a schön! Aber s rosa find ich a schreklich!:-( mine hät ne jo am liebschte ganz schwarz gha! Aber das isch für mich ned in frog cho!
@wolke: danke der! Isch zümglück nüt witers cho! Jetz gon i hei und lo mich vo mim gg lo verwöhne!
Hmm, häsch alli dokumment, ustritskleider für s Baby, kleider für dich und din GG,bi üs isch no e wohnsitzbestätigung und versicherigskarte gstande. Und de maxicosi zum s baby im auto z transportiere. Suscht weiss i grad a ned.

[gerbera]

@wolke: wahrschinlech ischs nid öppis mega wichtigs, u süsch chunnts dr uf jede fall no rächtzitig i sinn, du bisch eh mega früeh dranne, chunnt also alles sicher super! dis chline söu sech eh bis im dezämber zit la…

@mimi: das isch ja doof mitem arztzügnis, das brucht ja nur arztbsüech für nüt? geits dr ize immer no einigermasse, oder ischs schlimmer worde? Finde bim bugaboo no kuhl, dass me ja immer wieder cha wächsle, wenn eim d farb nid gfallt, aber mi gg findet ds blau ou super, är hätti gloub e orange gno, aber das findi ou chli grell… vo däm här ischer also zfride mit mr… ganz schwarz findi eifach chli trischt. So für ne schickimickimueter villecht, aber für mi wär das nüt…

@hunny: naja i gloube bim sex würd mes scho merke? aber da hesch du wahrschinlech eh strikts verbot, nime ig a?
Jaja üsi ggs mit ihrne macke… mir hei ja ou üse egge u kante, das dörfe mr haut ou nid vergässe… u villecht ischs ja genau die zielstebigkeit, wo di irgendwo ou azieht? i maches meischtens so, wenns mr würklech wichtig isch, dass mi gg mitchunnt, de sägi das ou, und süsch lani ihn la entscheide, oder säge, är müess süsch nid mitcho, ussert är wöug unbedingt. und de erwarti aber ou dasser das ärnscht nimmt, wenni säge, dasses mir wichtig isch, dasser derbi isch. aber das gilt nid nur für ds chind, sondern so chli grundsätzlech. hesch de no mitim chönne rede drüber?

@name: da hani mi sänf no gar nid gä derzue… mi gg und ig sinis eich scho sit afang einig, wases für ne name git, bhalte üs aber beidi offe, dass mr villecht no e besseri idee hei… aber gloubes eich nid, immer wenn mr no e andere name diskutiere, de chöme mr wieder druf, dass mr dr ander schöner finde… mir isch vorallem wichtig gsi, dasser nid i dere topten lischte isch. Fallser mau ine sone lischte chunnt i 10 jahr ischs mr de chli glich, de ischs scho fasch wieder e anderi generation, aber findes schrecklech, wenn me sim chind rüeft, und no drü anderi lüpfe dr chopf. Meitli wäre da viel schwiriger gsi für mi, da si mini Favorite fasch alli ir topten… U grad so bi mir ir Umgäbig heisst gloub jedes dritte meitli elin, elina oder eline. aber wüus so viel schribwise git, landets glich nid i de Räng

@me: Geit wieder tiptop, bi hüt no uf d Waag gstande, ha mit dere üebig 2 kg Minus gmacht, zum glück bini ja eh ender schwär gsi. also wieder bi +11kg… u ab morn no 8 Wuche bis ET ds Ziel isch under 20kg ds blibe Mache mrs eifach, i weiss aber de bini nid gfruschtet, wenni ize säge unter 15kg, und när schaffis nid… U monr ire Wuche hani ja scho wieder Untersuechig bim FA

[Mimi83]

@hunny_b: ich glaub sit ich d ss hosse kauft ha han i dia andere gar nümme probiert. Ja das chan ich mer vorstelle! De kennt er ja a gar nüt anders disbezüglich!
@gerbera: ja mer händ drum so vill gha eo ständig chrank gsi sind! Durum verstohn ichs vom betrieb. Aber es mönd jetz eifach alli det dürre! ich bin eh fascht nie chrank. Amel ned so das ich muss dehei blibe. Ubd suscht wenn i e md verwütsche de fall i de hält länger us als ohni arztzügniss. Aber das chunnt a selte vor. Ja das find ich a cool. Wer weiß vilicht will i nöchscht jöhr e anderi farb! chunsch amig a uf ricardo über!! Ja also ich find das äbe a chli trist! Isch schließlich e chinderwage!!
@name: also wenns bi üs e bueb git de wird er e sehr gängige name ha! Bin zwar immer am umeluege aber üs gfallt de rifach mit abstand am beste! Aber bim meitliname sind mer also wirklich bi eim acho wo sehr schön und ned hüfig isch.
Super gots der weder so guet. Beniede dich grad. Ha erscht am 9.9 weder e Termin bim fa und das chunnt mer no so ewig wit weg vor! Vorallem bin i de scho ssw36+0.
@me: hoff ich verchält mi ned no. Ha scho sit i de nacht so es chraze im hals! :-/

[gerbera]

@mimi: das geit ja no ewigs? ha gmeint, d abständ wärde am schluss chürzer? wow 36. wuche... ize wirds langsam ärnscht... ha am samschtig no gvk im spital, bi gspannt... u chas ächt si, dass dis immunsystem chli agschlage isch?


Gesendet von iPad mit Tapatalk

[Mimi83]

@gerbera: ja das han i a gmeint! Aber die letscht isch gliner gsi und die jetz weder länger! Weiss gar ned ob d praxis dezwüschet mol ferie hät, das es so lang got?! Jo gäll. Also muss der ganz erlich säge, wenn de d wuche 36. verbi isch bin ich de bereit! Bis det hi han i aber no einiges vor! Hei ich ha a am sa gvk aber mit de Hebamme i de fa Praxis. Bin a sehr gspannt. Musch de verzelle. Ja bin scho chli müed. Zum gluck nur no morn schaffe und de ferie!!!
@hunny_b: ja danke der!! Hetz cha mi jo de zum gluck e wuche erholle. Oh schön das sie sich so zit gnoh hät. Bisch jetz sicher a beruhigter! Was machsch jetz bezüglich spital?

[Mimi83]

@hunny_b: hihihi jetz han i grad mösse lache won ich das gläse ha! Stell mer das grad bildlich vor! Hihihi nei ich versprichs. Wirde worschiendlich vom mo uf de di mit mim gg uf morschach go bädele oder so! Und susch han i nur vor s baby zimmer z butze und chli chleidli z wäsche. Wirde ganz e bravi sie. Vill schloffe und lige! Oh schön das dich für din wunschspital häsch chönne entscheide! Und es tönt guet was do schribsch!

[gerbera]

@hunny&mimi: wi muess me sech das vorstelle? Ringkampf vo de hochschwangere? sehr amüsant…

@mimi: I bewundere di ja sehr, dass du ir Kita no 100% schaffisch, i gloube i mögti nümme… scho nur geng d chind ume lüpfe und so… anderersits, wenn me ja es zwöits het, de het me ja ou geng es chind um sech, wenn me schwanger isch… du bisch also top vorbereitet… bi ou gspannt uf di gvk… chöi mr de erfahrige ustuusche...

@hunny: Das gloubi ou, jedes Spital het vor- und nachteile, und wetti gärn voll beleit si, wüus denn am meischte gäld git… i finde bim engeried haut d geburtssääl mega schön und es het sehr viel müglechkeite für ds entbinde, alles sehr neu, derfür hets viererzimmer, und ig bi nur allgemein versicheret. meh gsehi de sicher morn…

@me: wow scho 33. Wuche, i finde ize geits grad mega schnäu. ha no chli ds gfüehl, mit em gvk morn wirds de alles ersch richtig real… im momänt chani mr no gar nid vorstelle, dassi mi chli söu üsem buch entla, s geit mr gloub eifach ds guet… ha ou no keni vorwehe… isch das ächt normal? är stramplet wi wild, aber i gloube ds chöpfli isch äbe immer no nid dunde, villecht hani wäg däm no keni vorwehe? zum glück chani ire Wuche zur fa, de chani all di dumme frage steue

[black_key]

hallo ier liebe, ier sind ja flissig gsi chume gar nüme nache

@gerbera: finde blau bim chinderwage super, isch neutral und es isch en fründlichi farb wo eim ned schnell verleidet. schicksch eus denn en foti sobald en hesch

@hunny: schön das dini FA dich so super betreut hed geschter und der par unsicherheite hed chönne ne! din chline macht au super fortschritt mitem gwicht

@me: bi mir gitts nüt neus. han wider mitem ss-yoga gstartet, duet sehr guet. aber es isch scho vill asträngender als no vor 2 mönet

[wolke7]

Guete morge mini liebe

So chome au weder mol dezue mich zmälde ( als wenn ich zwenig ziet het ) aber ich ben so met bastle beschäftigt gsi das die ziet us ahmswies mol rächt guet gloffe esch!

@hunny: du hesch jo au en super fa, schön das sie sich so ziet för dich gnoh het!

@blackkey: ab jetzt werds glaub nor no müehsamer schliesslech tornsch jetzt för 2

@gerbera: ich wönsch der en schöne gvk! Ich han nie eine gmacht ond för mich eschs rechtig gsi so, aber ich dänke es chan secher no spannendi sache beinhalte!

@mimi: wie gohts der?

@me: wie gseid am bastle- scho bald fertig mini 60 chärtli- ond han no bez wösch sortiert...als eigendlich meh mini schwöster ond ich ben näbed dra gläge ond han gseid was fort chont aber jetzt muess ich nor no 3 cheste dore luege ond denn chan min gg wieter ufrume/ omrume...s'babyzemmer esch jo bis jetzt spelzimmer gsi ond nemmt aber so langsam die neui gstalt ah. Muess mi mega zäme neh, han immer alles gern sofort erledigt

[gerbera]

@hunny: gits föteli vo dine bastelarbeite? [emoji2] stimmt, du machsch ja power-yoga, oder? Das isch de sicher ou für d rückbildig super, wenns bi dir de überhoupt öppis zrügg ds bilde git bi dim büchli [emoji2] du chunnsch gli i di gfahrefreii zone, jedi wuche meh isch super... Vo däm här si ja d chance guet, dass es oktoberli bechunnsch [emoji2]

@wolke: i welere wuche bisch du ize? Chönnt me scho gli mau a lungeriifig dänke? Bi ou gspannt uf dini chärtli. U verstahs ou, dass du gärn d sache erlediget hesch, i bi ou so, ja eher früeh dranne gsi mit ichoufe und chinderzimmer, dass de d sache da si, falls ds chline sech glich chli früecher würd ufe wäg mache. De isch das ds spielzimmer vo dire tochter gsi? Wi chunnt si dermit ds schlag, dass si das ize muess häre gä?

@black_key: i finde eich vom dusche bis zum outofahre alles es bitzeli asträngender als no vor 2 monate [emoji6] aber es geit ja no, i gloube di letschte vier wuche u evt. D übertragigszit chönnt de no happig wärde...

@gvk: auso es isch nid schlächt gsi, mir si vier päärli gsi, hei so chli di wichtige rüüm chönne ga aluege, ime gebärsaal hei mr alles dörfe usprobiere, was so a sache umsteit u seili, u sprossewand, u eini vo de froue het sech es ctg la montiere, dass me mau gseht, wi de das usgseht.
När hei mr no di drü geburtsphase besproche, also eich geburt vo a-z... U so chli d rolle vo de männer, was si chöi mache, oder äbe ou nid. D hebamme het üs ads härz gleit e geburtsplan ds mache, was mr alles wei, oder äbe nid, und mit üsne ggs drüber ds rede, was mr vo ihne gärn hätte... I finde ize es het vorallem mim gg viel bracht, wüu ig ds meischte scho gwüsst ha... Aber das isch ja ou guet. Asträngend hanis glich gfunde, hüt mache me mau e umeplegeri-tag...

@me: nach gvk chunnt gloub de langsam kliniktäsche packe, wobi mr das no chli schräg ine chunnt, wetti ja di chleider hie ou no chönne alege, ir täsche si si ja blockiert... Villech machis de ersch so mitti septämber, und packe ize fang nur so ei garnitur i, mi gg chönnt mr ja de d sache nache lifere...
Und mi buch wird riisig, schla duurend überall a mitim... Vorwehe u sänkwehe hani no gar nid, wenn sötte die afa? Naja und när machi mr haut langsam wider gedanke, ob sech dr chli ize dräit het. U wenn nid dörfter das gärn bis zum us am fritig no mache.


Gesendet von iPhone mit Tapatalk

[black_key]

@hunny: ja das cha guet si, vorallem wenn mer jetz wuchelang nüt meh gmacht hed aber s yoga duet trotzdem immerno guet.
hender eigentli es def. ok für euchi trauuig?
ouu ja würd au gern es föteli gseh vo dine bastelarbeite

@gerbera: das stimmt, es isch eigentli alles asträngender und wie du säisch, das wird jetz sicher immer meh.
das wäg de täsche packe hani mir au scho überleit, ich machs aber glaub würkli ersch churz vorher. weiss au noni würkli wasi wott ipacke, vorallem bh's/tops bini unsicher, mer weiss ja ned im vorus wie sich da d grössi no entwickled und was am beschte isch zum stille..
nimmt mi wunder öb sich din chline dreit hed. hesch de termin demfall de fritig? ich han am donnschtig wider termin und bi au scho gspannt

[gerbera]

@hunny: du hesches erfasst nei seich, steu dr mau vor, mir hei dr glich Name, de wüsstis lieber ersch, wenn mr beidi ds chind scho hei
Dä mit dr hebamme isch e gueti idee, i warte ize mau dr us ab, und när machi de gloub no e termin bir hebamme, wenns immer no höcklet… u es cha sech ja bis zur 38. Wuche geng no dräie, vo däm här versuechi mau nid uf panik ds mache, aber s isch scho chli komisch, wenn sech alli babys scho dräit hei, nur mis macht kapriole. Guet bi de Oktoberlis hei sech ou no nid alli dräit… Merkt me, dassi grad chli frustriert bi?

@black_key: i gloube im Spital und am Afang brucht me eh ke BH, da ischs agnähmer ohni, wüu me ja ds baby mega hüüfig sötti alege, dass dr Milchfluss guet i gang chunnt, und im Spital cha me still-BHs choufe nachem Milchischuss, wo de denn richtig guet passe. Weiss haut nid, ob das für di e Option isch… I ha mr no 2 Stillpijamas gchouft, wo ou ir ss chasch alege, bis ize bini eifach mit shirts gschlafe, wo halt ize dr buch frei lö, aber im spital wetti scho öppis, wo dr Buch deckt, de hani mr das halt gönnt…

@me: bi so chli i ändspurtstimmig, und chli gfruschtet, wüui dänke, dass dr chli geng no höcklet… falls de das am fritig no so isch, muessi äbe wini ar hunny gseit ha mau luege, was me alles chönnt mache, dasser sech no dräit…