Frühlings-Kinderwünsche - wir haben's geschafft -- Teil 2

[Mimi83]

@hunny_b: das han i ned gseh gha, das es a e schwizer abietergha hät. Suscht hät ichs det bstellt. Ja nu jetz han ichs scho zahlt. Aber isch sicher vom gliche hersteller meinsch ned?! Sind nämlich genau die fotine gsi.

[wolke7]

@blackkey: han vode chleider i grössi 50-86 rond 7 40liter schachtle im estrich versorged werd biz vell zum fötele drom müesst mer ebe fascht verbi cho ond die chestene dore luege...

[wolke7]

Nomol blackkey: wennd mer per pn dini natel nr schecksch chani luege öbi der es paar fotine vo minere tochter met chleider chan schecke....denn hetsch wenigstens en ahnig i welli rechtig das d'chleider so gönd?!

[black_key]

@wolke: das wär super, de hetti chli en idruck schick der en pn!

[Mimi83]

@hunny_b: nei do gib ich der total recht! Hoff jetz es isch nüt zum zrugschicke.

[wolke7]

@mimi: mega herzig- aber grad chleider chani ächt nüt me bstelle so vell wie ich scho han

@hunny: oh das werd secher super schön!!! Ich han jetzt ändlech s'ganze material zäme förd d'chärtli ond will ich öpe 60 sött bastle muess ich denn glaub gliech öpe ahfo:)

[wolke7]

@hunny: jo han en riese verwandtschaft klar mach denn es foti

[gerbera]

Mal luege, wasi no zäme bringe

@hunny: i verstah das mega guet, si hätti ja ou chönne frage, wis dir so göng, und si heig di vermisst, oder so, s tönt ja fasch echli so, wi wenn du wenigstens dine Männer d erloubnis gä heigsch, wenn scho nid säuber wöugsch ufchrütze… Wahrschinlech hei si eich würklech ke Ahnig, um was dasses bi euch geit… aber äbe, i bi ou sensibel im momänt…

@mimi: i finde di chleidli total süess… het mi grad uf d idee bracht, ou no so öppis ds choufe… wägem im usland choufe, i luege di sitene vielfach a, und när dänki, wenn d qualität nid stimmt? und las de glich wieder la si… bi dert düre gloub chli e angschthaas…

@wolke: schön bisch chli us dr läck mr stimmig use cho. i fänd das ou mega komisch, wenni würd lige, und eini putzt da um mi ume. findi also e total verständlechi reaktion…

@me: s isch mr eifach immer no so chli schlächt, ha aber ou langsam ds gfüehl, dr chli drück mr chli dr mage ab… im lige ischs bau no schlimmer, drum bini ize chli uf… hoffentlech besseret das wider… ha grad enorm beduure mit allne froue, wos so schlächt isch gsi afang vor schwangerschaft, das isch ja richtig übel, und i has ersch sit 3 Täg…
Ds Thema Geburtscharte hani völlig verdrängt bis ize *liechtpanikschieb* muess mr da gloub no öppis schlaus überlege…

[wolke7]

@hunny: usnahmswies esch dinitaliänischi siete bi eus di chlender mini muetter het aber nor scho 8 gschwösteti

Fends no schwerig zum das met dine schwegis i zschätze. Esch halt so en sach per sms öpis rechtig zverstoh mängisch. Fend d'formulierig au ned so glöcklech gwählt ond es loht beidi siete offe: äntwäder gnau so grantig vorwursvoll wies öbere chont oder denn het sies wörkli ned bös gmeint...aber da du sie besser kännsch vermuet ich leider eher die zwoiti variante...hmm, bliebt der glaub nüt anders öbrig als abe zschlocke ond ignoriere, so schwehr wies esch!

@gerbera: oh man das esch fies!!! Han jo i de erste ss en ständigi onterschwelligi übelkeit gha...erbräche hani aber s'erst mol erst öpe i de 30 woche müesse...ben also scho froh esch mer da wenigstens i dere ss erspart blobe! Loh di nochli verwöhne denn gohts der hoffendli gli besser! Ond du hesch no gnueg ziet för die chartene...ich ben eifach so en ongedoldige brocke

[Mimi83]

@hunny_b: ich hoffs jetz au! Hihihi so guet. De musch der de gli no öpis neus überlege. Das tönt guet. Find die Buchstabe a mega schön. Ha aber nüt so planet!
Also ich hät das glaub a i falsch hals becho. Aber wer weiss vilicht isch es wirklich ned so gmeint gsi.
@gerbera: ja ich eigendlich a eher. Ha glaub no nie öpis im usland bstellt. Hoffe jetz eifach s bescht. Ja das isch sehr guet möglich, dass s Baby de Platz brucht. Hoff aber glich, das es gli weder verbi isch.
@geburtscharte: ich wirde sie ned selber bastle. Bin det dürre ned so geduldig. Aber will schöni bilder mache mit dene outfits won i bstellt ha. Hoffe de das es so es schöns chärtli git.
@wolke: ich ha die nur für s Foto bstellt. Hoff es klappet, das ich s geburrtschärtli de so cha mache. Aber suscht chleider han i no keini kauft. Darf also no chli shoppe do isch suscht vo de Kollegin vill bechume.

[Mimi83]

@hunny_b: jaaaa! aber zum Glück nur morn. Set a langsam is Bett aber bin no ned müed. Und s Baby isch sch de ganz Tag mega aktiv und stüpft mer i jehnschti organ. Wenn das mol ned e kikboxprofi wird! Isch grad echt chli schmerzhaft. Aber freu mich glich immer wenn ichs gspüre. Ha vorher no mit mim GG s formular für de spitol usgfüllt. Am Samstag isch de GVK. Wird langsam immer nervöser. Nur no 7 Wuche! Sind er a scho chli nervös?!

[Mimi83]

@hunny_b: ja zum Glück han i no ned angscht vor de geburt. Hoff es blibt so. Mich beruhigt mega, das ich halbprivat versicheret bin und durum min FA wird debi sie. Er isch so locker und cha mich de sicher weder obeabe holle wenn ich mich i öpis inne steigere! Vorher bim formular usgülle han ich min GG a meh oder wehniger devo chönne überzüge, das ich mer es familiezimmer wünsche wenn möglich. Es isch sicher vo vorteil wenn ich allei cha lige. De wird ich ned vo öpertem gstörrt und was mer no wichtiger isch, ich muss ned angscht ha öpert z störe. Hoff es hät de a frei i zimmer. Und luschtig händ mers gha bim usfülle. De isch d frog noch de Nationalität vom chind. Ich ha de so als witz gmeint: cha mer das wünsche?! Ich mein mer sind jo beides schwizer. Schrib doch mol z.B. Eritrea ine! (Hoff das wird ned falsch ufgfasst) de häts üs beidi verbässet vor lache.

[black_key]

guete morge ier liebe

@mimi: hender eu demfall scho für es familiezimmer entschide? ich weiss ebe noni wasi söll. i dem spital wo ich gah chumi wenni ned upgrade ines 2er-zimmer, findi bitz weniger schlimm als es 4er... aber au im 2er isch mer natürlich ned ungstört. weiss noni wienis söll mache.
hihihi de isch ned schlächt wäg de nationalität wähle
ich bin langsam scho bitz nervös muessi säge... ha s gfühl ich ha jetz scho 1000 frage aber es chunnt scho guet. ich gnüss es jetz no und freu mi nacher sehr wenn die chli bi eus isch.

@me: mier hend geschter no action gha... mis mami isch dehei umgheit und hed sich die ganz chnüschiibe kaputt gmacht. mier sind denn am abig no in spital und so wies usgseht muess sie länger blibe. sie hed mer so leid da s guete isch ich ha ja jetz immer am namitag ziit zum sie go bsueche und bi mim papi zum rächte go luege und d wösch mache

[gerbera]

@black_key: Das isch ja eländ. Gueti Besserig dim Mami. Wi lang muess si de ize im Spital blibe? I dänke ou, isch wichtig, dass di nid übertuesch. Süsch hilfsch ou niemerem...

@mimi: isch bi euch scho d Spitalamäldig cho? Krass, de wirds ja würklech voll real... Wahrschinlech hesch scho no gueti Chance wägem Familiezimmer, i nime a, dass si ja das nach Igang wärde berücksichtige, und du bisch ja mega früeh dranne.

@wolke: ja, aber d Adrässene zäme sueche wär ja de ou no Das geit de sicher ou no e Momänt... obwohl me villecht als Basis mau die vom Hochzit chönnti näh...

@me: Bi immer no chli ds underobsig, bi hüt ize mau nid ga schaffe, hoffe es geit de morn wieder, sötti no öppis fertig mache... dr chli stüpft fröhlech im Züg ume, Zwärchfäll, Mage, Läbere, Blase, alles, woni grad id Nöchi chunnt... so schlimm ischs auso no nie gsi... Isch wahrschinlech scho so, dass di chline ize eifach nümme so viel Platz hei... Mir hei ja grad alli chli ds gliche lide.

[wolke7]

@blackkey: oh nei das tuet mer leid met dim mami- wönsch ere gueti besserig ond öbernemm dich ned!!! Han ahgfange chleidli sortiere...han fascht schüb öbercho woni höt morge ist büro ufe ben wo min gg d'schachtle staplet het...send no meh als ich gmeint han ond es het sooooo herzigi sache debi!

@familienzimmer: mer esch gliech i was för es zimmer ich chome- ich han nach de geburt vo de tochter so en massive hormonschub gha das ned im entferntischte ah schlofe z'dänke gsi esch...sie het gschlofe ond ich ben hellwach ond voller glöckshormon näbed dra gläge ond han sie ahglueget! ond vo bauwch vo anderne loh ich mich amel au ned störe.

@geburt: ich han mer i de erste ss 40 woch emmer gseid- das werd en spaziergang ond so eschs denn au fascht gsi d'ihstellig macht e hufe us!

@gerbera: Heb der wieter sorg...ond soscht bliebsch lieber en tag meh dihei ond besch nochher wörkli weder uf de bei als wennd versuechsch öpis dore z'stiere!

@me: mini chlini/grossi het höt de ersti waldspelgroppetag...de papi het serst mol dörfe metgoh. Sie esch mega nervös gsi ond het voller stolz eres rocksäckli ahgleit...ach sie werdet so schnell gross...

[black_key]

jöö ier sind lieb, danke villmal! ja ich luege dasi mi ned übernime, aber wott natürli für mini eltere da si so guet wie möglich.

@gerbera: erhol dich guet, blibsch lieber no en tag meh dehei. aber schön gahts dim chline guet
bi mir ischs im moment extrem wies uf d blase druckt....

@wolke: das tönt super mit de chleider, da heds sicher vill drunder wo mier wird gfalle
jööö so herzig mit dinere chline... bisch sicher sentimental gsi wo sie gange isch?

[Mimi83]

Hallo mädels
@black_key: also ich hätt mich entschide. Glaub es wäred bi halbprivat sowieso 2 er Zimmer aber sicher bin ich mer ned. Hoff jetz das klappet! Froge han i eher no ned so vill. Ha eher angscht plötzlich öpis z vergesse! Oh nei, dis arme mami! aber wie die andere scho gschribe händ, pass uf dich uf! De Arzt hät dich ned umesuscht chrank gschribe!
@hunny_b: häsch e guete tag gha?
@gerbera: ja am fritig! Leider merkeds z Luzern das ned vor. Chasch es erscht bim itritt wünsche. Hoff jetz eifach, dass es de platz hät! Guet bisch no dehei blibe!
Hät sich dis chline weder chli beruhigt. Mis isch hüt ruhiger gsi!
@wolke: ja do häsch du sicher recht mit de istellig zur geburt. Ha a s Gfühl das ich das schaffe. Schliesslich bin ich jo ned die erscht wo das macht. Und hankerum han i scho chli Respekt devor. Eifach will i halt ned weiss was uf mich zuechunnt und wills so unkontrollierbar isch. Und wie isch de erschti täg gsi i de waldspielgruppe?
@me: so min brüeder isch hüt no verbi cho! Jetz isch s kinderzimmer sowit usgrumt, dass ich cha afange mit irichte. und de bin i no mit mim GG gsi go babychleidli chaufe! Also s ustrittsoutfit für noch em spital. So süess! Aber s chlinschte isch s 54 i. Mol luege. Ich hoff es passt. Ha natürlich weder für meitli &bueb kauft. Wie ihr vilicht merked, es got langsam vorwerz bi mer!

[wolke7]

Hallo zäme

@hunny: jo gäll esch scho kamisch wenn di andere dini arbet möchid, vor allem wenn mer vorher veles sälber gmacht het- aber hey, gmacht esch gmacht ond du bruchsch jo ebe nochli energie zum bastle

@gerbera: wie gohts der? Besch weder go schaffe höt?

@blackkey: wie gsehts bi euch us?

@mimi: ich gsehne du besch gli parat- esch au ned so eifach alles zmache wenn mer no 100% schaffed gäll.

@me: di chli het spellgroppe mega gnosse, sie het erst brüelet wo sie weder hei het müesse ben denn gspannt wies nöchst woche werd wenn de papi ned metchont! Ich han höt weder ontersuech gha ond es esch alles onveränderet. Es rüehrt mi momentan eifach gfühlsmässig omenand...chum esch de läck mer dore, hani mi ganz guet ond zueversechtlich gfühlt ond sit gester zobig chönnt ich ononterbroche wäge jedem seich brüele...esch mer alles eifach zvell...

[wolke7]

Oh vergässe...hunny gratuliere zum ü30!!!

[black_key]

@hunny: chunnsch vorwärts mit de buechstabe bastle? ich finds en super idee, würdi au gern mache. nur müessti für das wüsse wie eusi chlii denn heisst

@wolke: ohje demfall isch immer no ligge agsäit? duet mer leid das dini stimmig ned guet isch, isch ja verständlich....
jöö schön heds de chline gfalle ide spielgruppe

@me: mis mami hed de erschti schock verdaut, morn wird sie denn operiert. wird sicher alles guet cho. min grosspapi isch sitt am sunntig au im gliche spital, de chani ami grad beidi go bsueche merke scho dases asträngend isch aber nime mier die pause woni bruche