Frühlings-Kinderwünsche - wir haben's geschafft

[Awe]

@Kärtli: Jetzt hani doch am mittag grad no en idee gha ond die mol agfange, bis jetzt gsehts
wörkli super us, ha grad weder d'freud zrugg becho

Ond bim mittagässe hed min gg no de vorschlag gmacht das ich chönt 60 % wiiterschaffe ond er gern
wör 80 % schaffe ond e tag am chliiine luege ond huusmaa esch. irgendwie gfallt mer die idee mega.
ha eigentli nie meh wie 40 % uswärts sii, aber 1 tag metem papi esch doch förs chliine secher au mega
schön ond do ich meh verdiene als mi gg, esch das au grad guet.
wie möched ehr das?

[Kizank]

@Awe: Das mit 80% vo dim GG find i e super Idee! Für dich isches au vill eifacher, öppis für 60% z finde (50% isch halt so chli e 'magischi' Gränze). Min GG tuet eifach ein Tag pro Wuche vo dihei uus Schaffe und em Chliine luege. Wenn er denn mit em Studium fertig isch, wird er au für 80% sueche, oder ebe wider so, dass er ein Tag vo dihei us schaffe chan. Ich finds mega lässig, dass er sich so voll driihanget und sich d Ziit mit em Chind ned wott näh lo.

Gopf, ihr mached mi gad niidisch, wür spontan au gad gärn Chärtli mache. Aber mir händ so vill z tue süs... Bim zweite Chind hani dänn meh Ziit. Merke au, wie schnäll dasses goht. Weni schlächt gschlofe ha dänk i amigs, waaaas no soo lang... Und weni as Zügle dänke, hani fasch angscht, es langi nümm. Chunnt immer uf de Blickwinkel drufa

@geburtsvorbereitigskurs: Fritig inere Wuche und de am Samstig und Sunntig hämmer eusne.

@Buuch: Säged ali, min Buch sigi so chli, aber weni d Schue binde, muesi uusschnuufe, damit i abe chume - d Lunge isch wie en Airbag und blockiert s bücke. Vilich isch bi mir vill meh nach inne, will er nach usse ned so gross isch?

@Schlaafe: Hey, zwei Nächt hinderenand verglichswiis guet gschlofe. Nur jewils zwei mol churz verwachet. Defür merkis am Morge amigs es biz im rugge, wili mi ned so cha bewege. Aber lieber so, defür uusgschlaafe, ganz ehrlich. Buuch fühlt sich usgschlafe gad 5 Kilo liechter aa

[sportyspice]

Hey dir liebe

@awe, natürlich, weiss zwar nid ob i dir chönnt helfe, aber fühle mich sehr gebauch gepinselt und würd mi vorallem sehr sehr wunder neh, wie dis Werk usgseht... wird bestimmt super.

@Kizank: hAHAHA, das goht mir sehr ähnlich... vorallem wenn i grad biz muess pressiere und e harte Buch ha, denn chum i mir vor wie e alti Frau und muess au ganz langsam mache, denn blockierts völlig, und i denk i muess no go Schlupfschueh kaufe, falls es bis zum schluss no schlimmer wird. Aber das git mir dr Kopf nid zue, mit hilf vo dr Treppe, gohts amigs no biz besser.

@schaffe: das isch natürlich ideal und wunderschön, wenn Papa cha e teil vo dr betreuig überneh... leider isch das bi eus nid möglich, do mi Maa die Chance nid bechunnt vom Geschäft us. I denk das isch leider bi sehr vielne no dr Fall. I wird 40-50% schaffe und mir müesse eus demnoch mit Krippe ushelfe. Has am afang sehr sehr trurig gfunde, aber mittlerwile wo mir die Krippe au sind go aluege, bini gar nüm so abgneigt und i ha gläse, dass es fürs Sozialverhalte sogar sehr förderlich sigi.
I denk das chunnt guet.

@Geburtsvorbereitigskurs: oh dir müessed denn unbedingt brichte wies euch ergange isch. Mir starte am 13.11 jede Dunnschtig, alles mit Partner, bi miner Beleghebamme 6mol. Bin gspannt.

@Bluetzuckertescht: jUHUI, mini Beleghebamme het absolut recht gha. Sie het mir jo nur dr Nüchternzucker gmesse, ha das Trubezuckerzügs nid müesse trinke und sie het gseit sie erwartet bi mir e sehr tiefe Nüchternwert, dass sich das würd erübrige, würd sich aber suscht falls es doch anders wer nomol bi mir melde... juhui, hüt hani bricht becho, isch genau eso use cho, cha mir die tortour mit Traubenzucker spare. Das hätt i glaub sowieso nid vertreid uf nüchternen Mage, am morge frühe.


Liebi grüess an Alli!

[fea]

Guete Morge alli zämme!

Woooow, plötzlich alli so flissig, so cool

i ha gescht e mega stränge dag ka mit vielne userordentliche programmpünkt gschäftlich...und leider hani mi gar nid drnoch gfühlt...has wohl chli übertriebe mit dr mir-gohts-grad-so-guet-und-ich-ka-wieder-dr-ganz-dag-alles-mache-phase übertriebe...aber naja, hüt isch scho chli weniger stressig und morn und am samstig schaffi jewils nur dr halb dag, do freu ich mi sehr druf! und ab nägst wuche hani sogar dr mittwuch frei und jede dag erst abem 9i schaffe )

@geburtsvorbereitigskurs: ich bi scho zmitzt drin..da ich en ha welle bi dere Hebamme mache wonich au für die nägste untersuech und s wuchebett ha, binich jetzt halt grad e monet "zfrieh" dra...mir hän dreimol fraue elei ka, gescht und nägscht mol mit de Männer und denn no eimol eläi mit de fraue... gescht isch s Thema d Geburt sälber gsi...sin u.a. au go d gebärsääl luege...also sone GVK sött jo eher d angscht nä vor dr Geburt, aber gescht zobe bini fascht panisch worde...hängt aber vilicht au demit zäme dasi so kaputt und dementsprächend emotional labil gsi bi...mol luege wies witergoht...

@bluetzuckertescht: ich loss dä wie d sporty bidr Hebamme mache...au eifach e fingerpicks uf nüchternem maage und nur wenn dä wärt uffällig wär (glaubs no im zämehang mit anderem, urin und so) denn würd mr dr witeri tescht mache...bini au sehr froh!

@geburtskärtli: bi uns liege scho sit 3,4 Wuche d hochzytskärtli umme und warte druf abgschickt zwärde!! (uns fähle no d adrässetikette und e chline teil womr wän persönlich schribe)...also hämr nach wie vor kei gedangge and geburtskärtli verschwändet ;-/

hey wämr nomol e buuch-foti-reihe starte? awe, dine hämr jo no gar nonig gseh

[Awe]

Guete Morge zäme

@Geburtsvorbereitigskurs: sporty ond kizank, schön fangeder glii a, müend denn verzelle wie ehr das findet.
Fea, chan mer guet vorstelle dases zwüschedure au chli angscht macht was die eim so alles verzelled. aber ich hoffe du hesch no en schöne abschluss ond fühlsch di denn doch no guet vorbereitet ond das ohni angst. ich fange denn ersch im januar a, denn händ ehr euches baby scho fasch im arm

ich fänds schön wenn mer de thread au noch de geburt wiiterfüehred ond eus gägesitig chönd tipps ge

@Kärtli: ou jo fea, das chani mer ganz guet vorstelle dass du för die momentan kei gedanke hesch. mer händ
letscht wuche au alli dankeskärtli vom hochzit usegloh, jetzt esch alles gmacht ond drum hani jetzt scho chöne afange.

@sporty: velecht chumi am wochenänd dezue, s'kärtli mol fertig zmache, denn schicki de es bild

@schaffe: Kizank, ich chan zu 98 % do bliibe, muess ebe gar nüt sueche. ond mis büro hätti glaubs rächt
freud, wenni 60 % chönt cho. das muessi jetzt de metem chef aluege. ond denn luegt 1 tag min gg ond
2 täg mis schwiegermami. mer händ jo e landwirtschaftsbetrieb ond wohned alli ufem betrieb. D'schwiegereltere im huus ond ich ond gg inere wohnig näbedra. ond min arbetsweg goht 5 minute, das heisst ich chan zwüsche morge ond mittag sogar schnell einisch hei go stille. han e super situation ond weiss
das au sehr z'schätze.

@buuch: jo ich wett büüchli gseh ich mach jo jetzt emmer e foti am erste tag vom neue monet ond
morn start ich in 5. da heisst es git e foti ond wörs eu denn au zeige, aber ich glaube mer gseht noni
vell bi mer

wönsch eu allne e super tag ond nämeds chli ruhiger fraue

[Kizank]

@Awe: wow, ja so z wohne isch mega cool. Ich ha mim Chef damals gseit, 40 bis 60% wär min Wunsch. Er het de gmeint, 60% sigi eifacher, mi drii z bringe. Und me ghört au no chli meh dezue. Bin au mega froh, dass mis Mami a eim Tag i de Wuche de no chunnt cho hüete, muesi ned wäg eme Chrippeplatz luege. Obwohl si fasch e Stund Aafahrtsweg het. Ich schaffe dänn eifach zersch es Stündli vo dihei uus, bevori losgahne is Büro. Mit Stille wird halt schwirig - bruche Tür zu Tür 20 Minute, das würd chli e langi Mittagspause - zwüschedure gahts erscht rächt ned. Vor allem, weni dihei denn zerscht no Choche mues. Aber das lahni mal uf mi zuecho, wieni das dänn löse, vor allem au d Infos us de Stillberatig nutze. Aso bi mir het me i de 16. Wuche no gar nüt gseh vom Buuch Wart nur, das chunnt dänn scho no

@Geburt: Vor de SS hani immer dänkt, näi hee, ich ha uuu Angscht vor dene Schmerze, wie passt das Baby da une überhaupt dure... Im Moment bini mega entspannt - eifach will me während de SS so vill merkt, wies de Körper tuet und macht, zum das Baby uszträge. Da mues das "Detail" ja au funktioniere. Das gaht andersch ja gar nöd. Mini Schwigermueter (het 5 Chind uf d Wält brocht) seit immer, wie schrecklich das sigi. Si heig Nächtewiis us Angscht vor de Schmerze ned chönne Schlafe etc. Und während de Geburt di ganz Ziit mit Schmerzmittel vollpumpe lah. Ich lächle si dänn immer ungläubig aa. Bi mir wirdi das ned so sii, hani mr fescht vorgno - si macht mir kä Angscht. Liit vilich dra, dass mis Mami mir en meega schöne Geburtsbricht gschribe het vo minere Geburt. Bin da voll zueversichtlich. Einzig Unsicherheit isch chli s drumume gsii, sit em Infomorge im Spital isch das aber au besser.

@fea: Ich merke au, wien i vill schnäller emotional kippe im Moment. Vo total überdreit und ufgstellt nach todunglücklich und verunsicheret. Glaube, das sind d Hormon

@Bluetzuckertescht: Bi mir händs de ganz gmacht, will s Baby so gross isch. D Praxisassistentin het nach em erschte Pieks scho gseit, s sig worschinli absolut käs Problem wäge Diabetes. Aber bi grosse Babys maches es trotzdem - sicherheitshalber.

[Talulah]

Hi @ all

Ich mälde mich au wiedermal, es gaht mer gliich we de anerne, d Zyt verflügt eifach. Han gad gnueg ob bim schaffe und dihei au nu vill ztue. Bin aber zueversichtlich, dass das nach de Wiehnachte sött bessere.
Entschuldigung fallsi nüd uf jedi einzeln igange! Probiere de Roman möglichst chly z halte.

@Geburtsvorbereitigskurs: mier hend üs ez für ne Kurs (gaht en ganze Samstig) im Januar agmäldet.

@Geburt: bin jetzt gad churz hinterenand Tanti worde und somit die Gschichte voll presänt verzellt becho. Also uf d Schmerze freu mi natürli scho nüd gad, aber ich han mer müesse säge, wenn anderi das schaffed denn chan ich das au! Und es isch ja bekannterwis sowieso jedi Geburt andersch. Im Vorus weiss mer ja nüd we lang dasses duured und wies usechunt. Drum lahnis eifach uf mich zuecho. Chans ja so oder so nüd beiflusse oder stüre.

@schaffe: Das de Papi en Tag luegt isch sicher au dienig fürs Chind, findi schön weme das chan. Kuul, Awe dass din GG das abote hed mit de 80%.
Bi üs schafft min GG normal witer. Ich sälber wett nüd meh we 20% schaffe nachher. Der Tag wird mis Schwigermami sehr gern de Chlyne luege. Entweder chani im jetzige Betrieb de Tag go schaffe oder evtl. bim GG ide Bude (isch de Familiäbetrieb).

@Chärtli: oh Awe: bin au gspannt uf de Prototyp.
Han ez für üses no en Idee gha. evtl machi öppis mit em Linol-Set. Kenneder das? chasch nart wenes Bild us dem Linoleum-Plättli schnitze denn mit ere Rolle Farb druf bringe, und denn en Abrduck ufs Papier. Mal luege obi da anebringe. klaaar Sporty, sobaldi es Muster han tuenis auf ufelade!

@Sporty, jaaa ich stells mir ebe au sooooo schön vor, Sache fürs chline z mache. Wett näbed de Chärtli nu es paar verschidnigi Sache nähjä. (Krabeldecki, Sitzsach, Stillchüssi, Softschutz bide Gitterstäbli im Bettli etc.) Min GG zünt mi immer ah, wenni denn das nu alles vor heg zum mache, s Baby chäm de im März!
Freut mi dass demfall allses IO isch mit dim Bluetzucker!

@Kizank: ich han warschindli schomal gfragt, wänn wender zügle? we stahts mit de Chuchi, sich sie ez ufgstellt? Fählt eifach no d Arbetsplatte? und d böde sind verleit?
Hoffe, dass nüd immer so strängi Nächt hesch! Wevill schaffsch du no? Die volle 100%?

@fea: übernimm di denn nüd! Widermal so eifach xeit, ich weiss!

...und es isch doch en halbe Roman worde.
wünsche allne es guets Tägli! Glg

[fea]

Guete Morge alli zämme!
I ha zwar hüt welle usschlofe willi gescht und vorgescht so kaputt gsi bi, aber mi GG het grad usem Huus miesse und ich bi vollwach und guet gluunt...also nutzi die Zyt lieber für Produktivs

und mach mol wieder dr Aafang vonere hoffentlich neue Buuch-Serie


ou nei, goht doch nid...d Datei isch zgross...und da mi GG "leider" Informatiker isch, hanich kei Ahnig wienich das verchlinere will ich so Züg immer schön ihn loss mache... miend also doch no warte bis morn uf mi Buuch...:-/

[Awe]

Guete Morge zäme

Ich bin jetzt i 5. Monet gstartet ond ha es Foti gmacht. So ganz liecht cha mer scho öppis erkänne, muess
aber au säge dasi geschter obig uswärts bi go ässe, do esch velecht au no öppis ome

[Kizank]

@Awe: Jöööö so herzig! En chliine Hubbel Bi mir het me au ned meh gseh i dere Wuche. Hoffe ich dänke hüt Abig dra, dass min GG mol wider es Foti macht.

[fea]

es wachst und wachst und wachst

[sportyspice]

Guete Morge,

@Talulah: bin jo gspannt uf dis Kärtli, tönt guet...
I ha au e hufe scho selber gmacht, ha scho e hufe finkli ghöggled, e meiteli Jäggli, e buebe jäggli, und käppli.
Zuedem hani au e Krabbeldecki gneiht- Patchwork, und zwei neschtli im gliche Stil fürs 1. s bettli und fürs Wäggeli. Letscht Wuche hani no dr Stubewaage neu ikleidet und alles neu gneiht. Bi recht stolz, isch alles super worde. Findes alli mega luschtig- will meh bi mir wirklich scho chli öbbis wie Neschtbau cha fescht stelle.
Hei au scho e Wickelkommode designt und gschrineret... Naja, i schaff immerno mehr als 100 % , gib immerno Pilates Unterricht, aber i bi natürlich nümm so aktiv am jogge wie vor dr Schwangerschaft. Das isch momentan mit mim Buch nämlich nid möglich und zuedem will i das Gfühl woni vorher bim jogge gha han nid kaputt mache und nach dr Schwangerschaft wieder mit wäggeli afo jogge, aber gemütlich. Denk höchschtens e Halbmarathon im nöchschte Herbst wär viellicht s Thema und d Motivation

Das Pulver wo mir mini Hebamme geh het- gebe Früehgeburte und hartem Buch... naja bisher merk i no kei Verbesserig. Finds u schwierig zum abschätze, obs normal sich, oder ob is wirklich muess loh gnau abkläre. Will nid über empfindlich tue, wett aber au kei Frühgeburt provoziere. Mängisch denk ich, dass chline Buchbewohnerli chunnt früehner, und mängisch denk ich die tue alli blöd und überreagiere und es chunnt denk erscht im Februar.

@Fea und Awe: Jö euchi Büch sind beidi härzig. Irgendwie find ich mittlerwile mi Buch als rechti Intimzone... bi sehr empfindlich mit berührige (kein Streichelzoo)... und au Menschenmengen verdräg i momentan nid, wett nid das öbbr fremds an mi Buch chunnt. Würd au gern go schwimme, aber ha no kei guets Schwimmkleid gfunde, wo meh cha schwimme und mi Buch schön ipackt sich... und i wett kei schwarzes.

@Kizank: Was macht euche Umbau? chömmed ihr vorwärts? Magsch no?

Liebi Grüess schöne Start in Sunntig

[Kizank]

@sporty: Ich han mir so es Tankini gchauft. Das het trennt Hösli und Oberteil, aber siitlich am Oberteil hets en Schnuerzuug, damit mes am Hösli cha feschtbinde. Defür gahts über de ganz Buuch. Has aber afangs Herbscht scho gchauft, im H&M (rot, s Hösli uni und s Oberteil wiiss pünktlet). Isch ned spezifisch für Schwangeri, isch aber sehr aagnehm, will s Hösli kän Gummizug het wo iischnüert.
Ich hans im Fall au nöd gern, wemmer mer an Buuch langet. Die einzige wonis akzeptiere sind de GG und ihm sini behinderet Schwöschter. Si meints eifach nur lieb und frogt immer wider, wänns dänn da sig, ob i no kä richtigi (Ultraschall zelled ned :-p ) Foti heigi Hüt het si gmeint, ja im September dänn, gäll (boahhh zum Glück ned nomol fasch es Jahr!). Si het halt käs Gfühl für Ziit - Geschter isch "irgendwänn i de Vergangeheit" und morn isch "irgendwänn i de Zuekunft.

Sind jetzt a de Chuchi dra und händ s Parkett für Büro und Stube usgsuecht. Am Mentig lömmer denn vom Schriiner en Choschtevoraschlag mache. D Chuchischränk sötted kommendi Wuche fertig wärde, dass mer i zwei Wuche d Arbetsplatte montiere chönd. De Schriiner und de Elektriker sind die einzige Termine, wo dänn no aastönd, denn chömmer zügle.
Han geschter no chli im Bad gschaffet - es alts Spiegelschränkli neu gstriche, damits schön wiiss isch (muesi de nomol drüber) und d Fuege fertig gmacht. Zwüschedure verzwiifli amigs fascht. Ich hoffe eifach, dass me chönd zügle, vor s Baby chunnt...

[Talulah]

Guete Morge Ladys

@fea & Aer: Schöööööni Büüch(li) hender!
ich muess umbedingt au mal eis inetue. Das chunt no, versproche!

@Sporty: han am GG mal zwei Skizzene zeitgt, für ihn isch das aber chli schwirig xi zum sich das vorstelle. ez machi (wenni mal dezuechume) eifach mal es paar Prototype. Denn chaners gad 1 zu 1 aluege und sin Sänf dezue gäh.
Wow du bisch ja scho es flissigs xi! (Bzw. immerno!!) wür ebe au so gern die Finkli höggle (git ja uuuuuh härzigi), weiss aber nüd obi das anebringe. bin nümme so Höggel-sicher we au scho... glaub ide Primarschuel sletschti mal ghögglet!
voll kuul, machsch du alles selber! und no schöner isch alles guet grate!
nei so lustig, mir mached denn üse Wickeltisch au sälber (also wohl eher de GG, ich säg eifach wenis gern hett ) er isch glehrte Zimmermaa und absolut begabt für so Sache!
Du bisch immerno am jogge?! *Eiversucht macht sich breit* han müesse höre, willis im Buuch nümm verlitte han. aber ich xeh du bisch ja au mim Pilates no voll aktiv. und scho de nechst Halbmarathon im Visier!

ich hoffe dis Pülverli faht glii afe würke!! ja susch lieber einisch meh abklähre lah als einmal zwenig!

@Kizank: schön wes vorwerts gat bi üchem Hüüsli! ich tue üch fest de Dume drücke, das z Bébé s alte dihei nümme wott xeh!

es guets Tägli allersits!

[Talulah]

We nu versproche s Buuchföteli bi 21+6

[Kizank]

Jaa jaa ich sett au wider es Foti machä... Hoffe ich dänke hüt Abig dra.
Irgendwie hani s Gfühl, d Chugle isch wiiter vorne breiter wie mini Taille... Eml so us minere Perspektive...
Dunschtig hani übrigens Untersuech. Dänn macht d FÄ au gad d Aameldig fürs Spital. Ich glaube, s Baby liit immerno richtig ume, so wienis amigs gäge d Rippe merke strample. Hett jo vorher nie dänkt, dass me das spüre cha, wie s Baby drin liit....

Langsam ruckt s Datum nöcher. 19. Dezember hani vorussichtlich min letschte Arbetstag, bevor s Baby chunnt. Ziehne no biz Überziit und übrigi Ferietäg ii um s Neujahr ume. So hani einersits en subere Abschluss im Büro und wer weiss, vilich chumi denn churzfrischtig doch no zum Chärtlimache!

[wolke7]

Hallo zäme

Ich schlich mich scho langsam bi euch ine- da ich ned vo afang ah bi de früelings metgschrebe han känned mich warschindli ned ganz alli- aber da loht sich bestimmt ändere:)

Zu mir ich bin wolke7/ag/verheiratet/hmmm was esch no?/ han 1 kind/ das isch mini 3ss ond han insgesamt 9üz brucht.

Mini 2. ss het leider met eme abgang im septämber gändet darum ben ich jetzt nochli ängstlich...muess au utro neh sit dem abgang. Ah jo, han höt bi es+13 positiv testet

So jetzt muess ich glaub zerst mol die sietene dore läse damet ich ächli en öberbleck bechome!

[Awe]

Hallo zäme

@wolke7: herzlich willkomme bi eus ond ich gratuliere nomol zu dim positive test, freu mi
mega för dich gnüsses i volle züg, es chunt secher damol alles guet. bin jetzt scho gspannt
was du eus brichtisch vom erschte untersuech

@Kärtli: Fraue ich han do mol 2 versüech gmacht ond wär riisig froh wenn ehr euchi meinig chönted
dezue abgeh ond weles das besser esch. bin wörklich froh um ehrlichi meinige und verbesserigsvorschläg, well sone profi wie d'sporty bini leider ned.

@me: morn han ich frei ond gnüsse de tag met mim mami zäme. so goht au d'ziit vell schneller ond
agnehmer verbii bis mer am donnschtig zu eusem langersehnte nächschte untersuech chönd
freu mi sooo

[sportyspice]

Guete Morge,

@AWE: hey die sind jo mega härzig worde i bi absolut nid profi... find dini Kärtli sind dr hammer. Daumen hoch. Mir persönlich gfallts linke Kärtli besser, find s Wägeli und details chömme mehr zur gültig. Gäll, es macht irgendwie zfriede, wenn meh so öbbis cha mache. Wieviel muesch mache?
Muesch denn Brichte was d FA bim Termin gseit het.

@Wolke7: Juhui, i freu mich sehr für und mit dir. es herzlichs willkomme vo miner Site. Drück dir Düme, dass alles guet chunnt.

@Kizank: Danke für dr Tipp, mol luege, villicht find i au sone Tankini... gang mol uf d suechi. Ha mol öbbis uf zalando gseh... villicht bstell i das mol in rueh.
Hesch scho typischi 3.Semeschtersymtom. I finds no luschtig, sid i ins dritte Trimeschter gstartet bin, hani s gfühl s thema Geburt ruckt merklich nöcher. Bisch du scho biz grüschted, oder hesch no e langi to do lischte?

@Buch: find dir heid alli schöni büch.
I bi momentan nid so in Foteli stimmig... aber mi buch isch au recht gwachse.

[Talulah]

Moin Moin

@Wolke7: Gratuliere Herzlich zum positive Test!!! Freut mi chunsch zu üs. due der d Düme drucke, dass es demal e Happy End git!

@Kizank: bin ja gspannt uf din Buuch! du bisch am witischte vo üs oder?

@Awe: wow die xehnd ja toll us! schlüss mi das voll und ganz de Sporty ah, s linke findi ebefalls es Müh besser.
so schön! Gnüss de frii Tag mit dim Mami (tortz en Wätter... )! Und las üs wüsse wes bim Termin gange isch. Isch de dritti bi dier gell? Staht scho s Organscreening ah?

@all: Apropos Termine. Weiss das öpper vo üch; muemer der Zuckertest i jedem Fall mache? oder giz da irgendwelchi Wert womene eher durefüehrt als nüd?

Glg