Frühlings-Kinderwünsche - wir haben's geschafft

[Tiare29]

Sportyspice
Was hesch denn kauft?? *gwundrigbin*

[Talulah]

Hi @ all

@Jenny: Voll kuuli Idee mitem Body!! Oh bin ja gspannt we din GG reagiert. nei we härzig sind den dini Buebe, und de gross luegt nu, dass de chly nüd uf dim Buuch umegumped!! Isch ja wohl absolut zucker süess!! Ja das wär würkli härzig, wenns no es prinzässli gäbt, weisch wie würed die grosse Brüedere guet durf luege!!!
aber we du seisch, hauptsach gsund!

@Kizank, oh nei du armi. Ich hoffe die nacht isch nur en usnahm xi!!
ja das chasch lut säge, es absoluts Wunder!!
Ez chumi au nüd ganz drus we du das gmeint hesch mit "spziell"!?

@Sportyspice: hihi, gaht ez das scho unter Nästtrieb?! bin au gspann was pöstelet hesch und obs denn nachher s richtige isch!
ich muess mich hüete, Chleidli z chaufe! Wills ide Familie (bide Schwöster gad letscht Wuche uf Wält cho, bim Brüeder ischs im Nov. sowit) und bide Kollege u vill Chlychind git und die Chleidli werded immer schön umegäh. und gschänkt chunt mer ja au immer vill über, sägets.

@Gschlächt: also ich han absolut keis Problem mit dem wenns öpper nüd wett wüsse. isch ja schliesslich jedem Paar sini eignig entscheidig.
Ich bin eifach en schrecklichli Gwundernase!

@me: ich wür ez also s Klischee mit dä schlächte Huut besätige: es git es *Trommelwirbel* Meiteli!!
ich glaub eigentlich au nüd a all die Märli mit Buchform, Übelkeit und all dem usser ebe das mit de Huut findi chan no realistisch si. (warum au immer!?) Isch ja au egal, mier Freued üs absolut!

[Kizank]

@Talulah (Buuchform): ich chas mir au ned vorstelle, dass mes ahand vo däm sötti erkenne. Aber die wo s mr gseit het, isch Masseurin vo Bruef, und dänke die het scho es guets Aug für de Körper... Si het sogar richtig groote gha, aber ok, Chance isch jo au recht gross 50/50

@Schlafe: ha scho es Wiili müeh, zwüscheziitlich mit em Stillchüssi mol chli besser worde. Verwache eifach allpott, grundlos (mues ned ufs WC). Und han au mega Heiss - ha obe es T-Shirt aa und d Decki nur bis as Füli uezoge (schlafed mit offenem Fenschter). Vilich gits gar ned es Baby sondern es Heizchüssi Schmerze hani immerhin käni meh sit em Stillchüssi - sporty, ich würs mr i dinere Situation überlegge. Oder probier eifach mol, wennd siitlich liisch es Chüssi zwüsche d Oberschenkel z chlemme, das het mir am Aafang au scho ghulfe. Uf em Rugge liit bi mir nümm drin, Schnarchle stark (hani immer) und jetzt merki wie inne drinn bald ales weh tuet, will s Baby druff liit.

@Jenny: En Unggle vo mim GG und sini Frau händ nach 4 FGs mit 9 Jahr abstand zum jüngschte Chind au nomol es Baby übercho (soo lang druf ghofft, wahnsinnig) nach zwei Buebe händs au uf es Meitli ghofft - tja, isch wider en Bueb worde

[Kizank]

Grrrrr min GG.... Ha wider schlächt gschlaafe. Er (wie jede morge) "Hesch guet gschloofe?" Ich: "Nei, ab em 3 all Stund einisch verwachet..." Er: "Ohh, armi Kizank. Aber hey, d Hälfti hesch gschafft!" Aso ich meine bis zur 24. Wuche hani null Problem gha mit nütem. Jetzt hani würkli zwei mega schwirigi Wuche hinder mer, da schiined die reschtliche 12 Wuche no eeeewig....

Ich freu mi riesig uf euse Bueb. Händ ihn jetzt scho mol bi de KK aagmolde (eifach falls er scho vor Neujahr uf d Wält chämti), bim Huusarzt, und bi de neue KK ab 1.1.2015. No speziell, s erschte Mal de Name anegschribe

[Awe]

Guete Morge zäme

Bin hött weder met so kopfweh ufgstande...Aber han jetzt öppis gno, jetzt esches scho
vell vell besser.

@Kizank: ich hoffe fescht, dass sich din schlof weder besseret, susch esch denn die ziit wörkli ewigs.
Jö demfall händ ehr de Name scho def. festgleit?
Also mer händ au scho def. e Name wenns e bueb get, bim meitli semmer nochli am studiere

@me: mer send jetzt langsam emmer meh lüüt am iweihe, das esch soo schön ich gnüss das richtig met
so vellne liebe lüt mis glück chöne zteile GG ond ich freued eus au soooo riiiesig uf euses schätzli, ich
findes ächt schön goht die vorfreud 9 mönet (also esch klar, soferns eim guet goht ond mer kei beschwerde
hed). Han scho en konkreti idee vom geburtskärtli ond ich mache das wochenänd en bastel-prob, wenni
dezue chume. D'warteziit zum nächschte untersuech hed sich jetzt au halbiert, goht zwar emmer no knapp
3 woche aber emmerhin...

wönsch eu allne es suuper weekend

[Kizank]

@Awe / Beschwerde: Weisch, ich nimes jo gärn uf mi. Und i de Nacht sälber störts mi im Fall nöd emol. Denn merki amigs au, wenn s Baby verwachet und mol es bizzeli rumooret, isch herzig. Isch eifach, dasi de de Tag dur so kaputt bi, und chum öppis mag mache - bewege mi sus gern und unternime spontan Sache - für das hani jetzt eifach kä Power meh...

Wünsche eu allne au es guets Wuchenänd! Jenny, ich dänke ganz, ganz fescht a dich - es git falschi Tests, gib noni uuf, fühl di umarmt!!

[Gini]

hoi zäme

Lo au no chorz es paar Spure do, wider emol, gopf.
Wow Kizank, du bisch jo würkli scho fang mega wit. Wie au die Zyt lauft!

Bi jetzt bi 10+3. Han hüt s Utrogestan s erscht mol dörfe wägloh ond chas jetzt absetze. Hoffe alles chonnt guet.
Han am Donnschtig US gha, im Krümeli gohts supi.

Tschüss zäme, möchets guet!

[Tiare29]

wie es paar villicht scho glese händ hät sich min zellhuufe nid festkrallt.. deswege verabschiedi mich wieder aber hoffes für nid all zu lang

[Awe]

@Jenny85: Ich has gläse ond es dued mer sehr leid för dich. Schön dass du positiv wiiterluegsch, das
nützt bestimmt ond ich hoffe du chasch dich scho glii weder bi eus mälde, druck der düüme

[sportyspice]

Ohje Jenny, das tuet mir sehr sehr leid für Dich. Wünsch dir alles liebi und drück dir Düme, dass bald wieder mitschriebsch.



@kizank: was würdsch dir nomol überlege? Ufe Rugge zligge ohni Stillküssi? I denk solangs agnehm isch, wird i das scho dörfe... und no biz gniesse. Mi Buch isch die wUCHE recht gwachse... und s chline luschtig aktiv.

hei bi eus isch es richtig gruslig, am liebschte würd meh dahei biz schäfferle und in kuschelsocke und trainerhose ume lümmle. Mir hei aber e verlängerets Wucheend vor eus... darf mi überhaupt nid beklage.
Ha imfall e riese Erfolg z verbueche, ha bald alli Kärtli fertig Bin extrem fliessig gis. Freu mi, bald e höggli mehr.


Schöne Start in Dag.

[Talulah]

Guete Morge

@Jenny: es tuet mer so fest leid für dich!! Fühl di umarmt! Finds toll, dass du so positiv dänksch, das bewirkt sicher vill. Ich hoffe du chasch ganz schnell wieder zu üs cho!

@Kizank: we hesches inzwüsche mit em schlafe? Immerno so stränk oder häts chli chönne bessere?
Ohhh das glaubi, dasses komisch isch, de Name so s erschmal ufnes Formular z schribe! Aber sicher au uh schön.

@Awe: schön chönder üches Glück teilä! we xehts denn bi dier us, xeht me scho es Büchli?

@Sporty: oh du bisch en Flissigi! bin jetzt au immerchli am umeluege, wo dasi weles Bastelmaterial überchämti.

[Kizank]

@sporty: wäg em Stillchüssi hani gmeint Dänke nöd, dassd andersch ligge söttsch, solangs dr so bequem isch. Dänke das würsch scho merke, wenns dr ned guet tuet, oder? Allerdings muesi au säge, nach aafänglicher Besserig mit em Stillchüssi bini wider inere Phase woni bis zu 5 Mal ufstande pro Nacht, will mr irgend öppis weh tuet, Chrampf im Wädli, WC oder Baby rumooret.

Mis Baby isch au uu mega aktiv die letschte zwei Täg. GG het geschter total verschrocke d Hand vom Buch wäg grisse, und panisch gfrogt, eb alles OK sig Im Huus chöme mer au fürschi. D Stube mues no emol drübergstriche wärde, will d Farb noni ganz het möge decke, dito es paar Stelle i de Chuchi. Morn werded d Chuchischränk gliferet (GG nimmts entgege) und dänn gaht's as zämebaue. Denn müemmer für d Arbetsplatte vermässe, drufmache und de Sanitär und Elektriker ha für Aaschlüss denn isch d Chuchi au gschafft. De Schriiner vom Dorf isch au scho da gsi und bringt mol es paar Muschter für Parkett, wo mer im Büro und de Stube no verlegge mues. Nach däm sim Termin gahts de a di gross Putzete, und dänn s Zügle. Langsam gsehni es Ändi...

[Tiare29]

Danke vill mol.. mir gohts sowiit okee.. ich bi truurig aber i ha die istellig das alles im Lebe en sinn hät und so hart wies tönt ich bi froh hät, wer au immer, mis würmli jetzt scho zude Sterne gschickt und nid erst spöter..

mir werdets uf jedefall wiiters vosueche und nögst mol klappets bestimmt..

macheds guet und gnüssed eui dicke büüch <3

[sportyspice]

Jenny: Jööö, läck bisch du tapfer, aber jo du hesch absolut recht, es bringt wahrschiens nid vill sich völlig loh hange. drück dir beidi Düme. Kopf hoch, das chunnt bestimmt s nöchscht mol guet. Würds dir vo ganzem Herze gönne. Es isch scho verrückt wie noch freud und leid amigs zämme isch und wie schnell sichs ganzi amigs chan wende. Aber positiv denke, isch bestimmt immer s beachte, alles anderi macht kei sinn.


@Talulah: Cool, freu mi scho, was du für e Kunstwerk zauberisch, schicksch eus denn bitte bitte bitte au e Muschter?? Isch irgendwie no befriedigendi Arbet, meh isch so irgendwie so nöch bim kind und cha scho biz öbbis fürs chline mache- so hanis ämel empfunde, ha au sehr viel während em baschtle übers chline chönne noch hirne und mit ihm gredet... het mir amigs richtig guet do, so baschtelziite... nur für eus zwei.

@Kizank: i denks au, i glaub meh merkt automatisch was eim guet tuet und was nid. Isch no witzig, i bi sehr gsägnet mit eme Guete Körpergfühl und ha am afang vo dr Schwangerschaft sehr an dem zwiefled-... mittlerwile hets wieder zur alter stärki zrugg gfunde und i has gfühl mis Gfühl isch immer sehr stimmend. I cha mi uf das "Buchgfühl" glaub guet verloh.
Issisch du eigentlich usser s gewohnte (rohi Eier, rohs Fleisch...) gwüssi Sache nid, wills chönnte WEHE fördere? I ha do mol mehr us Zuefall e Lischte gfunde wo meh ab dr 25. SSW nid sett esse, wills ab den chönnt Wehe auslöse... i denk das isch quatsch, alles in Mass cha nid so verkehrt si. meh isst jo nie e Kilogramm Zimtgutzli, oder e Kilo Basilikum... und i glaub im normale Usmass, wirds das nid uslöse... sofern s chline no will i nim Buch wachse. aber wie gsehsch du das?
Gäll, e guets Gfühl, wenns endi denn in Sicht nöchi isch. Töi töi töit und guete Endspurt in euchem Huus.

Liebi Grüess an alli

[Awe]

Hoi zäme

@sportyspice: wow scho fasch all kärtli fertig, so schön ich gang dis foti emmer weder go aluege, bin
total begeischteret ond du hesch mi agsteckt verzelle unde meh..
stellsch weder mol es buuch-foti ine? bin gspannt wies jetzt usgseht

@Talulah: nei es büüchli esch noni wörkli ume, aber ich dänke es chunt langsam ond bi der???

@Kizank: das tönt müehsam met dine nächt wo du momentan hesch. ich hoffe es get denn gli weder
besseri phasene. Schön gsänder es ändi bim hüüsli renoviere, das wird secher schön.

@me: Juhuu ab morn gohts i die 16. ssw ond denn bereits i 5. monet. ich freu mi finde das super schön
das mis büüchli i de advents ond wiehnachtsziit grösser wird i 2 woche de nächscht untersuech, es nöchet äntli han geschter obig mol en 1. versuech gmacht metem kärtli. hans am gg zeigt ond ehm gfallts
sehr, das hed mi gfreut jetzt chani die idee wiiterverfolge ond mol en richtige prototyp baschtle, zeiges
euch denn

[Kizank]

Hoi zäme

Läck, han e uu strängi Wuche gha (di letscht) und schlecht gschlafe, z vill gschaffet, und uf hüt gad mol 3 Stund schlaf gha, ufteilt uf 3 Portione. Ganz schrecklich. Janu, cha nur besser werde. Defür weiss i jetzt, dass GG im Schlaf ganz albern umekichere chan Im allgemeine hani mängisch wie s Gfühl, dasi immer no en 28-Tag Zyklus ha - au so mit em Usfluss (Mängi) und Stimmigsschwankige (und schlächtem Schlaf). Isch no luschtig.
Geschter Obig hani e hammer Rippemassage übercho. Läck het das Büebli zapplet - wahnsinn. Ha amigs fasch chli angscht, es chönnti öppis kaputt machä, wenns so tobet.

Am Samstig im Spital gsii, ame Infomorge. Zwar nur Fotene vo de Gebärsääl gseh, aber sust sehr netti Lüt gsi und tolli Infos mitgno. Händ mol chli ales zeigt, wies dänn grob wird ablaufe, wemmer zu ihne chunnt. Tuet no guet, das mol gseh z ha, bevor s losgaht. Isch jo s erscht mal für mich, und das git mir und GG chli e Sicherheit.

Mues jetzt luege, dasi die Wuche chli ruiger agah chan. bi total gräderet...

[fea]

Hallooooooooo alli zämme!!
Wie gohts euch?? mir sin jo scho nid so flissig do drin...user d kizank
jo kizank, due wieder abefahre und chli zur rueh cho!!
Das isch derzyt au mis Hauptziel..ich ha die letschte wuchene wieder so viel gschafft dass d zyt nur so an mir verbi raast..und ich wott d Schwangerschaft -jetzt wo`s mir ändlich guet goht- nid eifach verpasse! ich ha jetzt mit beide arbetsgäber abgmacht chli zruggzfahre..zwar wenig aber s git mir doch chli freirüüm...v.a. au zum dr hushalt mache und d wohnig no usmischte und so...da ich jo beschlosse ha mit schaffe ufzhöre (ämel die einti stell) wird ich mis material (ha tonne vo spielsache) ganz anderst verruume..und natürlig warte alli abschlussbrichte no uf mi.... und ich merk, dass ich eifach mit allem so langsam worde bi...also büroarbet goht jo no, aber hushalt...mir gohts zwar wirklich super derzyt aber trotzdäm isch halt bugge und ufstoh asträngender als vorhär...und zwüschedure muesi mol wieder pause mache wägem rugge...ha amigs s gfühl i schaff und schaff und chum gliich nid vom flägg..
ansunste bini eifach nur happy derzyt und freu mi unglaublig uf mis töchterli. die isch übrigens au seeeeehr läbhaft... weh gmacht het si mir aber no sälte..ich ka mir das irgendwie gar nid vorstelle, mi het si ämel no nie ind rippi boxt...ich glaub aber au dass si sich nonig definitiv dräiht het...

so, freu mi vo euch allne zghöre wies lauft!! ganz e gueti wuche an alli!

[sportyspice]

huhu zäme, au mol wieder e hallo vo mir.

Mir gohts sehr ähnlich wie dr Fea, Ziit rasst momentan an mir vorbei...theoretisch sett ich in 3 Monet euses chline im Arm ha- das isch verrückt. Gniess es irgendwie momentan no sehr, dass es momentan mir alleini ghört- DAS tönt jez villicht egoistisch, aber i gniess es au sehr momentan. goht mir au sehr guet.

Hüt bin ich go Bluetzuckermesse, sie het nur Nüchternzucker gmesse, will i kei Risikopatientin bin. Has mit miner Belegshebamme agluegt wegem harte Buch, het sie scho nid so freud gha. Findet das nid so toll, und do euses chline au eher zu de chlinere ghört, wei mir natürlich e Frühgeburt vermiede... muess jez so Homeopathischs Pulver neh- mir hoffe, dass es eso besser wird und sucht muess i s gnau loh abkläre. Mini Plazenta isch tiptop, gueti Durchbluetig, kei verkalkig... alles super usser ebe zvill e harte buch.

sie hets recht luschtig gfunde, euses chline fühlt sich glaub wohl bi ihre, het fliessig gstramplet und turnt.
Sie het müesse lache- bi eusem chline cha meh fascht d füessli grössi vo usse messe, will mehs so guet gseht... i tip uf 2-3cm chlini füessli het euses Chline momentan. gseht zum fresse us.
euses isch au sehr lieb zu eus und überhaupt nid grob, hoff das bliebt eso. Cha mir vorstelle, dass so heftigi tritt in d Rippi wahrschiens schmerzhaft sind, euses tuet eher zaghaft und fein.

Schlofe chan i au no immer sehr sehr guet ufem Rugge, obwohl mi Büchli e riese gump gmacht het, hani schiens im verglich eher no e chline Buch, ha aber aus Gfühl i ha scho e riesige Buch. Und chunnt bim Schuehbinde etc. biz in weg... aber drfür sind mir mittlerwile au im dritte trimeschter acho... und s chline het mittlerweile reali Überlebenschance usserhalb vom Buch Das sich irgendwie schön, au wenn is no biz im Buch will bhalte.

@Heid ihr scho agfange mit Geburtsvorbereitsigskürs???

@Awe : scho kärtlimuschter zum eus z zeige?

@Kizank: lehn dich zrugg und gniess mol e rundi,... weiss scho das seid sich so eifach, goht mir sehr ähnlich. Aber passisch uf dich uf.

@Fea: Juhui, usmischte, tönt immer guet. schön chasch es langsam biz gniesse und gohts dir besser mittlerwile.

Liebi Grüess die Gemütlich auf dem sofa sitzende Sporty.

[Awe]

Hoi zäme

@Kizank: Hoffe du hesch die woche ruhiger chöne starte ond ev. au scho weder besser pfuse? hoffes
för dich, muesch der chli rueh lo

@fea: usmiste tönt guet aber au du gäll, nimms chli ruhiger

@sporty: tönt au ganz schön was du verzellsch. hoffe das metem harte buuch pendlet sich weder ii.

@geburtsvorbereitigskurs: also ich bin jo no gaaar noni wiit aber euses spital dued de abüte ab de
24. woche glaubs ond das esch denn bi mer grad so abem neue johr. das heisst ich due mi denn met
dem befasse, wirde aber sicher go. de kurs hed au zwei öbige met partner wo mer no dued de gebärsaal
aluege

@kärtli: han geschter es paar baschtelutensilie becho woni bstellt ha ond grad eis probiert z'baschtle.
bin aber total gfrustet, es gseht us wie wenns e kindergärtler gmacht hed ich weiss neds öbs a de
farbe liid oder a was. muess mer nomol gedanke mache, ev. en anderi idee usdänke. ha leider s'baschtle
ned im bluet obwohl ichs gern wör mache...mol luege.

ABER susch gohts mer sehr sehr guet euse termin för de nächscht ultraschall morn inere woche nöchet
ond ich freu mi soooo euses schätzeli weder zgseh...bin au susch ganz ufgregt, bald bald settis gspüre, ich
freu mi

[Awe]

@sporty: wör der s'chärtli am liebschte zeige, dass du mer chasch tipps geh wieni das schön chönt
mache...