Juni Baby 2026

[Mahagony]

Hoi zämä. I han diä Wuche positiv testet. Mir freued üs sehr. Bi scho mega gespannt uf de ersti Termin bim Frauenarzt ih ca. 3 Wuche.

Hät au scho öppert positiv testet?

[Na_Nadja]

HoiHoi

Ja ich ha hüt en positive Test gha, lut Berechnig isch ET am 07. Juni.

Ich bi scho Mami vomene Sohn (jetzt gad 11Mönet alt), bi denn gspanne wie alles wird!

Isch s dini erst Schwangerschaft ? Wie gahts der?

Liebi Grüess Nadja

[Mahagony]

So witzig - min ET isch au de 7.6.

Ah jo da chani mir vorstelle. Wird sicher nöd langwilig

I han au scho chind. Min Sohn isch 6i und dTochter 3. Freued üs da nomol erlebe zdörfe

Mir gohts bis ez ganz guet. Dir?

[Na_Nadja]

Hihi das isch wükli en Zuefall ! bi gspanne ob die beide denn wükli denn chömmed!

Wooow sooso toll! Wünsched eus au drüü Chind, aber jetzt isch erstmal s zweite dra

Ja mir gahts au supi, ha ih de erste Schwangerschaft (zum Glück) kei Symptom gha, drum mal luege vlt isches ja ez denn adersch.. hesch en Unterschied gmerkt vo Bueb zu Meitli ih de Schwangerschaft?

Und hesch der scho Gedanke zu de Geburt gmacht? Ich möcht mich ebbe glaubs chli meh mitem Thema Hypnobirthing usenandsetze, das sött ja ultra helfe!

Mini ersti Geburt isch recht schnell gange (ersti Wehe bis baby da knapp 6h). Das tönt traumhaft churz aber ich bi so überrumpelt gsi und ha eifach gad vollgas Wehe gha.. Hammer fest in Chopf gsetzt gha natürlich s gebäre (au ohni PDA, vor dere hani irgendwie mega Angst) und ha das denn zum Glück au chönne wie isches bi dir gsi? (Nume wend wetsch verzelle)

LG

[Mahagony]

Wiä isch bi dim Sohn gsi? Ischr vorem oder nochm ET cho?

Mir händ immer vo zwei gredt, abr ez wo di chli nögst summer in kiga chunt, isch de Wusch nomol ufcho & hät grad igschlage

Isch bi mir au so & bide andere beide SS au so gsi. Sind sehr ähnlich gsi. Vom Ultraschall hani amel eher uf dgschlecht schlüsse chöne

Nei machmr no kei gedanke bzgl de geburt. Hoffe zerst mol isch alles guet & kei zwillig
Hypnobirthing hani vorem erste glese & hät mi chöne beruhige, dass alles natur isch & de Körper scho weiss wanr mache muen.

Bi mir ischs au so gsi bide erste Geburt. Di zweit isch no viil schneller gsi. Bi ä halb Std im Spital gsi & ha si denn id Arme dörfe schlüsse

[BuUnNy]

Hoi zämme
Han au döffe positiv teste.
Wird euses 2. euse 1. sohn wir jetzt den 2 jahr alt.
Liebi grüess

[Framboise]

hoi zämeee han au positiv testet vor 3 wuche, lut kalender isch de termin am 2. juni es isch mis dritte baby, han aber scho zwei mal e fehlgeburt gha. ich lass es drum jetzt eifach mal uf mich zuecho. bin aber super happy und gnueg schlecht isch mer au chan am 18.10 zum ultraschall, 7+4, ich hoff mer gseht denn scho alles

[Mahagony]

Hoi hoi - herzlichi Gratulation & willkomme im Club

I han am 17.10. Termin bide FA (6+5). Hoffe mr gseht denn au scho was

Wömr ä WhatsApp Gruppe mache?

[Na_Nadja]

Hoi Hoi zemme

Gratuliere ganz -lich!

@Mahagony
Min Sohn isch mit 26h verspötig uf d Welt cho, aso knapp zweit Täg z spat, wie ischs bi dir gsi? Bi gspanne wenn das Baby chunt..

Uiuiui ja seg nüt, Zwiling sind jetzt aso scho au nöd min Traum..

Ich ha min erste Ultraschall am 28.10 (aso 7+2), bi sooosoo gspanne und hoffe natürlich dases am Baby guet gaht.

Und ja binere Whatsapp Gruppe bini gern debi

Mini Nummere wäri: 079 838 80 52 (und ich bin d Nadja)

Ich cha suscht aber de Chat au gern erstelle

Ganz liebi Grüess!

[Mahagony]

Do de Link zude WhatsApp Gruppe: https://chat.whatsapp.com/IyWS4f1UyACA1 ... H?mode=wwc