Januar 2021

[Fabi1893]

@ sueri


Danke für d Tipps, ich ha bis jetzt ebbe immer ghört das me im erschte und letschte Schwangerschaftsdrittel kei Medis sött neh.. drum hani denn nüt gnoh. Das mit
Em Kaffi kenni, hani aber nonie gnoh willi Kaffi chotzgrusig find und bi Migräne ischs dr jo meischtens no schlächt also würdi mi glaub grad übergeh villicht wird das Problem jo mit dr Schwangerschaft denn besser


Händ ihr Zwüschedure au immer mol wieder e churzes Zieh im Buch oder Unterleib?

[Miiyu]

@black

Danke vielmol für die Relation. Es isch sicher so, dass me sich je nach Situation uf was anderes "ischiesst". Ich ha weniger Angst vor Krankheitserreger im Esse, da ich als johrelangi Vegetarierin eh kei Fleisch, Fisch und fascht keini Milchprodukt (zumindest keini rohe) zue mir nimm. Aber drfür han ich Angscht vor Mangelerschienige und nimmer Ergänzigsmittel und gang grad bim erste Bsuech bim FA mis Bluet go untersueche lo


Ganz generell, cha me sich eifach super viel Sorge mache in dere Zyt. Ich probier jetzt au vo all eurne Erfahrige und däm Ustusch zprofitiere und positiv zdenke und es "chunt eh wies chunt".

[Miiyu]

@sueri

Min ET isch 14.1.21 und de ersti Termin hani jetzt am 2.6. (denn ischs SSW 7 + 5). Sie hän gseit, früener würd me eifach zwenig seh und wüsse.

@fabi1893
Ja, ich spür min Unterlieb eigentlich täglich. Mol ziehend mol spannend. Aber absolut zum ushalte. Nur woni de Test no nit gmacht ka ha, bini in de Nacht verwache und ha denkt, was das wohl isch

[jennymistretta]

@sueri

bi mir isch s zieh im unterliib mit e grund gsi, dasi e ss-tescht gmacht ha. es zieh ide brüscht gspüri rächt starch und süsch hani eifach viu es flaus gfüuh im mage. aues aber überhoupt nid schlimm oder störend. mou luege ob das so bliibt:-)

was hei die angere so für azeiche? i bi übrgens ider 5. wuche

[Fabi1893]

Es isch so e komischs Gfühl wenns immer mol wieder zieht, es nimmt ein halt scho Wunder was im Buch so abgoht.


Wie verhalte dir euch mit em Thema Läbensmittel? Achte dir jetzt ganz genau druf was i wellem Produkt vorhande isch? Uf rohes Fleisch, Fisch und Eier verzichti jetzt sowiso. Mit allem andere findis no rächt schwierig...

[sweetym84]

Hoi Mädels

I schlüss mi do an dära Stell au scho mol a. Min ET isch luut Äpp am 14.1.21, bin ir 5. SSW umd für üs isch es sDritta Wunder. Han au afangs Januar ir 6. SSW leider an natürlicha Abgang kha drum bin i jetzt rächt sorgavoll, obwohls bida beidna andera SS kei Problem geh hät. Han abr immer schiss dass i plötzli wieder Bluat im Slip han...abr i tänka da wird sich legga noch em ertsa FA Termin am 10.6.

Freu mi uf Ustusch mit eu

[marienkäfer21]

Hallo zusammen
schliesse mich auch mal an, habe heute + getestet. Wir haben schon ein Dezemberli18. Gibts schon eine Whatsapp Gruppe? Freue mich auf den Austausch mit euch

[jennymistretta]

I würdmi süsch eigentlech nid aus digitali banause beschriibe aber i chume mit däm Forum würkli nid so z schlag
@sueri, du hesch üsi agabe wöuä fürne Titusite. i ha noni usegfunge wie ig dir cha antworte, drum mini date uf däm wäg:

17.01.2021 / jennymistretta / BE / 1991 / no keini

[Miiyu]

Danke vielmol @sueri fürs zämmetrage (bi mir ischs korrekt und Kinder hani bisher keini )

@Fabi1893
Ja, ich achte scho ufs Esse und ha relativ früeh scho agfange google, was guet isch und was nid. (Also ebe kei rohs Fleisch, Fisch oder Ei, bi rohem Gmües das sicher zerscht guet wäsche, Milchprodukt generell luege, dass es pasteurisiert isch. Es mues bim Käs drufstoh, obs us Rohmilch isch oder nit. Ich glaub do gönd dMeinige chli usenand, aber ich verzicht uf Rohmilchprodukt ganz und bi bim geliebte Ribchäs im Moment vegani Alternative am teste
Sicher au e Nulltoleranz bim Alkohol (oder sunschtige Droge). So wenig Fertiggricht und Süessigkeite (au Süssgetränk), Chips etc. wie möglich

Ich bi aktuell aber au chli uf de Suechi nachere allgemeinere Don'ts liste: Hoor färbe, Nagellack, Thermalbäder (generell heissi Bäder über 38° sind glaub nid guet - aber bi nit sicher ob in de gsamte Schwangerschaft oder nur am Endi? was heisst das für heisses dusche?), verschiedeni Sportarte mit Sturzgefahr sind so die Sache woni gfunde ha, wo me nid sött mache... händ ihr no anders gfunde, wo meh generell besser verzichte sött?

[Fabi1893]

@sueri jo das mit rohem fleisch, fisch oder au pasteurisierte Sache isch ganz klar. Aber ha ehnter so an Gwürz dänkt, bsp. Safran hani gläse sött me nüm neh,
zimt isch für mi logisch, aber au Thon us dr Büchse schriebe sie jo me sötts nit ässe wägem Quecksilber. Au gwüssi Teesortene sind jo verbote.

Mini Ahgabe sind: 1991, AG, kei Chinder


@ Miiyu jo genau das hani ebbe alles au gfunde, aber s isch no schwierig uf gwüssne Produkt das usezfinde, z.B. Uf mim Joghurt woni jede morge iss, stoht nix vo Rohmilch aber au nit das es pasteurisiert isch, jo was zellt denn jetzt? ich frog mi bi Rohmilch aber no: wenns in dr Sauce kocht isch(bsp. riibchees) öbs denn nit goht? Die ganze Bakterie tötets jo ab oder nit? Alkohol isch bi mir eh kei Thema, has nit gärn also muessi au nit verzichte xD, Rauche dueni au nit. Ich bi ebbe Chöchin drum muessi jetzt avo piinlichscht gnau luege wie wo was, und wills mer im Gschäft jo au nonig ahmerke loh drum muessi chli ufpasse wienis ahstell, Glaub das mit em Bade isch das nit ehnter gege Ändi vo dr Schwangerschaft wäg em Kreislauf? Also me sötts vorallem nüm ohni „Ufsicht“ mache, falls me kippt. Sport hani gläse das vorallem Laufe und Schwümme sehr guet isch.

Aber bi froh um euch Tipps, will Dr. google verzellt uf jedere zweite Site öbis anders...

[jennymistretta]

@Fabi1893 i finges o nid so eifach u das mitem nonid loh amerke isch für mi wo sehr gärn es gläsli wii trinkt und sushi liebt isch o nid so eifach. i wär morn go bluetspände mitere fründin wonis nonid wet säge, do hani mir müesse e lüüg erfinge. hei no es wellness wuchenänd unger froue planet, do weisi jetz o no z weni bscheid wie das so isch mit saune, dämpfbäder und warmem wasser

[Miiyu]

@sueri ... ah sorry, min Kanton fehlt no --> BE

@Fabi1893
Ja do hesch recht - Internet seit dir alles, wenn nur gezielt dernoch googlisch.
Oh Ja, do hesch notürlich nomol e anderi Herusforderig als Chöchin. Also genau, wenns erhitzt und kocht isch, cha meh dRohmilchprodukt ässe. Pasteurisiere duet me au bi 70-75° ... also drüber isch guet. So isch Ribchäs uf de Pizza oder Gratin zum Bispiel kei Problem. Mir gohts mit Alk und Rauche (und ebe au Fleisch und Fisch) genau so ... ich mues zum Glück uf nid so viel verzichte.

Nomol zrug zur Rohmilch. Bi jetzt im Gsetz go luege: https://www.admin.ch/opc/de/classified- ... index.html Do stoht, dass alli mit Rohmilch hergestellte Lebensmittel so kennzeichnet müend sy. Das bedütet, dass du dis Joghurt chasch esse, weils nid druf stoht

Ja, ha jetzt au gläse, me sött halt eifach nit zheiss sondern 33/34° warms Wasser und nur ca. 10-15 Minute bade, denn sigs Bad in de Schwangerschaft unbedenklich.

[Fabi1893]

@miiyu ebbe hanis doch no richtig im Chopf vo dr Lehr, will so händ mirs glernt, das wenn des erhitzisch, das Züg kaputt isch. Ich ha ehnter Müeh mit de Fleisch und Fischsache. Will das hani ebbe sehr gärn. Aber für euses Würmli verzichti natürlich gärn druf. Danke vielmols fürs Nocheluege, denn isch jo guet wenni wenigschtens mis Joghurt am Morge no cha ässe

@jennimistretta ich würd trotzdem ins Wellness goh, halt eifach d Sauna und Dampfbad sicher si loh, aber s het jo no gnueg anders wo de chasch gniesse, und jetzt chasch es no nochärt villicht nüm? (Weiss nit evtl. Hesch scho e Chind denn ischs öbis anders, aber bim Erschte würdi no alles gniesse was de chasch)

[Lotte0803]

@ sueri
Mini Angabe währed no: JG 1986, 1. SS, Kanton Luzern

Ha mol welle frage öb du enne niemerem schlächt esch? Be sit vorgeschter dehei weli ha müesse erbräche. Etz hani es Zügnis för 3 Täg ond nehme Itinerol B6. Hoffe werd gli besser.

[Fabi1893]

@lotte0803

Mir isch überhaupt nit schlächt.. ich mag nur nit soviel Ässe im Momänt. Au Grüch verträgi bis jetzt alli no. Defür trägi sit em Sunntig Stützstrümpf will mer d Bei/Vene so weh gmacht händ. Und halt ab und zue das zieh im Buch.

Hets dich demfall voll troffe mit dere Übelkeit?

[Lotte0803]

Jo, sit de 7. Ssw esch mer andauernd schlächt. Mol meh ond mol weniger. Verträge au vell Gröch ned. Ha etz min Schatz gfrogt, öb er ächt ufs Zwebele ässe chönti verzechte de Arm hets grad ned eifach met mer.

[black]

@sueri

sorry, han vergesse dir mini ahgobe zschicke: 13.01.21 / black / 1986 / BE / keine Kinder

[Fabi1893]

@lotte0803

Ouu neii jo aber das glaubi sofort das Zwiebele denn sehr störend sind. Ich merk bi mir efang, dassi nur 2 Bisse cha ässe und denn hani gnueg, wenni meh iss, denn wird mer grad schlächt... aber das duurende schlächt hani nit/nonig.
Dr einzig Liechtblick wos git, nach 12 Wuche sötte so Sache jo verbii si..

[marienkäfer21]

@Fabi1893 ich han das genau au so. han ufs mal soo hunger und den issi aber den nach paar bisse isch mer schlecht. kenni so nöd vode 1. ss. det ischmer efach schlecht gsi und den hani chöne schoggi esse und guet isch gsi. plus bini demal soooo krass müed aber ide nacht schlafi glich mega schlecht.-.-

@sueri da sind mini agabe

09.01.21/1991/ZH/1 Kind

[MaRa94]

black hat geschrieben:
> @Mara94
>
> Hallo wir haben einiges gemeinsam: hatte auch im Dezember eine FG in der
> SSW 6 und bin jetzt wieder schwanger mit vorussichtliche ET am 13.1. ich
> mache mir au recht sorge, aber zweimol hinderand wird me glaub nöd pech ha.
> versuech mi chli so zberuhige


@black:
Do hemer jo würkli gad einiges gmeinsam... gratuliere und hoff es klappet! jo i hoffes sehr das du recht hesch