Märzlis 2018

[Shrimpy88]

@Geschlecht: Mhm, aso ech wörd's eigentlich gärn wösse... Aber mine Maa ned! Är meint, es ged sowieso e Bueb. Ech fendes chli schwerig, wenn ech's denn weiss ond är ned, de chammer jo irgendwie ned dröber rede (Näme usw.). Naja, mou luege, wie's use chond... Mini Kollegin hed's ou ned welle wösse. Sie hed gseid, bi de Gebort heig sie's denn gar ned werkli registriert. Ech fänd's scho no schön, wemmer weiss, of was das mer sech föit! Aber andere wörd ech's ned verrote...

[Lucie81]

Guten morgen!

danke euch allen! Ich dachte schon ich sei überempfindlich, aber je mehr ich über den besuch nachdenke, desto sicher bin ich mir, dass ihr verhalten nicht ok war.
Aber wie gesagt, ich kenne sie sonst als hervorragende ärztin (mit schlechten frauenärztinnen habe ich aufgrund von meiner vorgeschichte mit übergewicht und magenbypass-OP ziemlich viele;)), also ich hoffe, nächstes mal wird es VIEL besser

@geschlecht: ich halte es sicher nicht aus! ich will es unbedingt wissen. ich spreche schon jetzt mit dem baby und nenne es einfach schatz (in meiner sprache ) aber freue mich, wenn ich schon den richtigen namen sagen kann!

ich habe noch eine andere frage an euch: ich bin momentan auf der suche nach einer neuen wohnung (vor allem grösser, da ich jetzt in 1,5 zimmer wohnung bin und auch näher zu meinen guten freunden). gestern habe ich wunderschöne wohnung gesehen und schreibe heute auch noch meine bewerbung, bin aber unschlüssig ob ich etwas wegen schwangerschaft erwähnen soll... habe schon mal gehört, dass die "notfalllage" manchmal sogar bei deren entscheidung positiv helfen kann...
als ich vor kurzem in Zürich gesucht habe, wurde mir tatsächlich ein paar mal abgesagt, und wirklich mit der Aussage: der Besitzer möchte einer Familie in Notlage helfen...
was denkt ihr dazu?

schönen Tag!

[Joeyita]

Guete Morge zäme!

Hui da hets ja ganz viu Neui gäh und viiiu schlagendi Härzli, gratuliere aune! I ma fasch nid nache so viu wie hie gschriebe wird und cha o nume guet mitschriebe weni im Büro bi (ha ja scho es Chind und schaffe 60%). drum chani sicher nid uf aues igah.

@shrimpy: Was machsch de du für Sport dass de muesch e Ersatz sueche? I ha ir erste SS bis im 8. Monet fasch aus gmacht inkl. Jogge. Was dr Körper gwöhnt isch und nid gfährlech isch, chame meistens guet witermache, immer mitme gsunde Mönscheverstand und guet luege wie wohl me drbi isch.

@lucie: Das tuet mer sehr leid het dini FA so reagiert... hoffe fescht es isch e Usnahm gsi, süsch würdi o säge suech dir lieber öper angers. Hm schwierig zsäge wäg dr Wohnig... würd gloub uf mis Buchgfüu lose.

@me: i ha o sehr wenig Symptom und mir geits sehr guet. Übelkeit bis jetz kei Spur, aber da i ir erste SS o komplett verschont bliebe bi, verunsicheret mi das nid. Hingäge findis erstunlech, dassi gar nid so müed bi... schlafe eifach ir Nacht wiene Stei und ma am Morge chum uf, aber es isch nid so dassi scho am 9i todmüed bi... Wasi ha isch hüfig e bläihte Buuch und Brustspanne und ab und zue so chli mensartigs Zieh. Aber zwüschine füehli mi würklech fasch unschwanger.
Füre erst FA Termin muesi mi leider no chli geduude, i cha ersch i 2 Wuche alütte wüu mini FA ersch am 31.7. us de Ferie zrügg isch... aber dänke o das passt de gad super vor Zit här, bi denn ir 8. SSW und de gseht me de o scho öpis.

@Gschlächt: Mir wei üs wie bim erste Chind wieder la überrasche. Ha das Erläbnis bir Geburt wunderschön gfunge. Usserdäm hätti immer chli e Unsicherheit, wüu me immer wieder ghört dass sech FAs o hüt no tüüsche und das fändi viu blöder as nid zwüsse wases git.

[vedeja82]

Hui, da het sich jo no einiges tue

@lilyrose:
Us dem Grund warti no mitem Aruef bi dä Ärztin
Kennsch Dich mit Hebammevorsorg us? Ich han i dä Nöchi au äs Geburtshuus und wür mich gern dört betreue lah. Wahrschinlich muess ich aber glich zerscht zur Fraueärztin, oder?

@Geschlecht:
Ich wür mich jo gern überrasche lah. Min Partner würs aber gern wüsse, denn segs eifacher mit Name sueche Mal luege wiemers schlussendlich mached.

@Lucie81:
Tuet mir leid, dass die Erfahrig gmacht hesch. Ich befürchte bi minere jo öpis ähnlichs, die het sletscht (das ich au glichzitig äs erscht Mol gsi) blöd tue, will ich natürlich verhüete. Obwohl ichs scho 5 Jahr lang erfolgrich gmacht han, aber sind halt immer die Vorurteil
Mit dä Wohnig chani Dir leider nid würkli helfe, das chan glaub so und so gah. Bi üsere Wohnig het sich dä Vermieter für üs entschiede, will mir ebe grad kei Chind hend. Er het no Brunne und Teich und das wär im zkompliziert gsi, willer sGfüehl gha het, dass müesser denn alles abdecke und sichere. Wenn dä wüssti

[Shrimpy88]

@Joeyita: Ech ha Handball gspöut innere Leischtigsmannschaft... Ech dänke, das esch z'gföhrlech, do mer ou mou en Schlag cha becho. Zodem esches en Teamsportart ond wemmer de vellecht d'Leischtig nöm so cha brenge...

[dreamy82]

Moergeli Ladies,

Aso wegem Gschlecht wen'd mir's unbedingt wuesse! Mir wuensched ues sooo sehr es Meiteli, aber natuerlich weremer au miteme Buebli super happy! Fuer's Meitli hete mer scho sit eme Jahr en Name und drum wer's au 100 mal eifacher.
Und zu 99% wird s gschlecht den gad gse wen I oeppe Geburi het, aso wuerd I gad min 35. mit ere Gender Reveal Party verbinde Das fend I voll cool, so freued sich au d Luet im Umfeld gad mit

uebrigens han en neue trick geg d uebelkeit!!!!
Kenned ihr DoTerra essential oils? han de peppermint und sobald I merk mir gahts komisch, tueni gad es paar tropfe under d nase riibe das es Frisch schmeckt, und im nu isch es gad besser! villicht hilft das ja bi eu au e biz

uebrigens wegem FB-grueppli: ich probier scho sicher zum 3. mal e message z schicke und jedsmal seid's gesendet, und weni aber id outbox und alles gah isch nix drin... liebi FB-admins-vom-grueppli: cha mir oepper mal e message schicke den gohts eventuell zum antworte?

[Sunny8478]

Mir wönds wegem Gschlecht au unbedingt wüsse. Mir mached wieder än nichtinvasive Bluetgentescht u dötte wird under anderem au Gschlechtschromosome aglueget (gleich 100-prozentigi Sicherheit;-) )

[dreamy82]

huch - was isch den das fuer en bluetgentest? und zahlt mer de selb? isch de gfoehrlich fur's kind?

[Lucie81]

ich denke mich erwarten auch irgendwelche pre-natale untersuchungen, vor allem wegen krankheiten. sollte dann irgendwann mal ende august sein. ich denke, es ist vor allem wegen dem alter von mutter

[Lilyrose]

@vedeja: auskennen ist übertrieben, aber ich war in letzter ss seeehr viel bei Hebamme. Ich war in ssw 8/12/16/ und glaub 21/22 bei FA (einfach bis organultraschall) und anschliessend nur noch bei Hebamme, kein US mehr nichts. Hat gut gepasst für mich, da sich Hebamme viiiieeelll mehr Zeit genommen hat, ich hab das Geburtshaus schon gut gekannt bei Geburt und entsprechend auch alle Hebammen dort und sie konnte halt auch andere Fragen zu Geburt/Wochenbett usw beantworten, was meine FA sicher nicht so gekonnt hätte. Ich kenne auch Frauen, die abgewecjselt haben 1x FA, dann Hebamme, wieder FA. Ich hatte vollstes Vertrauen in Hebamme und war gut so.

[Sunny8478]

Die nicht invasiven Pränataltests sind eben nicht gefährlich für das Kind (darum heissen die auch nicht invasiv). Bei der werdenden Mutter wird Blut abgenommen (kann schon ca. in der 6. SSW erfolgen, wir werden es aber später machen). Im Blut werden die fötalen Zellen isoliert und untersucht (z.B. Trisomie 21, Geschlechtschromosomenanomalien). Ist fast genauso so aussagekräftig wie eine Fruchwasseruntersuchung. Dafür lassen wir den 1. Trimestertest aus (macht keinen Sinn, da wir ja wie gesagt den nichtinvasiven Test machen). Mit einem Schreiben meiner Gyn wurde uns beim 1. Kind ein Teil der Kosten von der KK übernommen (positive Familienanamnese bei meinem Mann).

[vedeja82]

@Lilyrose
Danke jedefalls! Ich werde mich denfall mol bi üsem Geburtshuus erkundige. Gern hetti eifach nur dUS bim FA und dä Rest Hebi... Aber muess halt au alles passe.

[Flusi]

Hallo zämä

@dreamy: Danke für din Trick! Wo chunt mer sones Öl über? Ide letschtä SS isch mir zum Glück nöd sooo extrem schlächt gsi. Aber mit denä viele verschiedene Grüch hani scho öpä Müeh gha...

@Gschlächt. Letschtmal hend mir üs überrasche la und ich ha das voll gnosse. Bi de Geburt hemer denn ganz vergässä z'frage unds öpä erscht nach 3 Minute gwüsst, wils üs so egal gsi isch... Ich sägä mim Maa aber scho länger, dass ichs bimene nächste Chind gern würd wüsse. Ich weiss au nöd warum. Mängisch hani aber au Angscht, öb denn de Überraschigsmoment bi de Geburt fehlt, wemers scho weiss. Hät da öpert Erfahrige? Mal luege, wie mers denn schlussendlich mached...
Lg

[skouyate]

Juhuuu...
Termin am 19.3.18....alleg aber 2 wuchä früähner wells än Kaiserschnitt git..Ich bi leider scho gli 39 und äs isch üses 3.Chind..Mir sind vo Schaffhusä..s git wieder äs Afro-Mischlingsbaby...Hoffä s klapped alles guet,ha so Freud!

[dreamy82]

@flusi aso I de schwiz chame s zum bispil do bstelle: http://www.wellness-laden.ch/contents/d ... _rein.html
I ha's mal I de USA kauft und die sind super, aso han's eifach gern zum schmecke...

aso dam it dere invasive praenataltest toent ja top! han etz biz recherchiert aber isch ja e zimlichi gringi chance das da d KK zahle wuerd. und sus chostet das oeppe 1200? :S isch ja ned ohni! ufffff
@sunny ersetzt den de test alles wome sus bimene 1. trimestertest au wuerd mache?

[Dori]

Hallo zusammen

Uff, komme auch kaum dazu alles nachzulesen Aber schön, dass die Gruppe so wächst!

@sonneschii
Habe dir betr. FB eine PN gemacht, die hängt aber irgendwie noch im Postausgang... Weisst du, was ich anstellen muss, dass die PN bei dir in der Inbox landet?

[dreamy82]

@sonneschii & Dori - gleiches problem... mini PN funktioniered au ned, han's scho 3 mal probiert

[Dori]

@dreamy
@fb
Kann uns evtl. sonst jemand von der FB-Gruppe eine PN schreiben, evtl. können wir ja darauf antworten?

[little]

@dori han dir e pn gschickt

[Sunny8478]

@dreamy: Bi dä nicht invasive Bluetteschts wird sogar no meh gmacht als bim 1. Trimester-Tescht (u dä git jo nume ä Wohrschinlichkeit a. I ha ir Schuelziit scho Wohrschinlichkeitsrechne ghasst...). Chunt aber chli ufs dureführendi Labor a, was alles gmacht wird. I has bi MCL gmacht (MCL isch äs Privatlabor). I bi BMA (früähner hets Laborantin gheisse) u ha mi drum chli informiert, was do alles gnau gmacht wird. Bi eus het d'KK 50 Prozent vo dä Chöschte übernoh (aber wiä gsait eusi Gyn het ad KK äs Schriebe gmacht u mir hend ä positive Familieanamnese). Mir isch das Geld wert. Mir wöred bimene entsprechende Befund au Konsequenze ziäh (das muess aber jede selber wüsse).