Juhu auch wir legen los Teil 4...

[fragolina86]

.

[Bienchen84]

Hoi Fragolina
Schön, bisch zu üs gstosse!!:-)

@snuffi und aui andere Mithibblerinne:
Mues nech leider enttüsche, TR isch doch no cho...

Ab i ÜZ21!!!

Bi vori bim Arzt gsi, wäge mim Magenweh: het sech usegsteut, dass i e Gastritis ha... Mues iz Säureblocker nä und mi schone. D Antibiotika hei zuesätzlech d Symptom verschlimmert. Hoffe, es wird gli besser.

Schöns Tägli euch aune!

[fragolina86]

oh nei duet mir sehr leid, isch d'Mens doch no cho Oje das au no - isch Süreblocker s'gliche wie Mageschoner? Wönsche dir ganz gueti Besserig und due dir öbis guets höt Obig - en Hugo oder 2 z.Bsp. wieni das gester gmacht han

[Bienchen84]

Halloooohoooo...? Jemand zu hause??
Es isch so stiu da inne...

Geits nech guet?

@me
Gastritis isch besser worde, bi eifach sooo mega müed die ganzi zyt.
Scho gli faht die heissi Phase wieder ah...

schöns Tägli euch aune!

[Blevita]

Herzlich willkommen +Fleur+ und fragolina86 i oisere Gruppe au wenn's grad chli still isch :-/

@ Bienchen: schon gahts dir besser. Und wie scho gschriebe: viiiiiel Spass und ran an den Mann

@ me: ÜZ 20 hätt gstartet. Entüscht bini fast nöd, mer gwöhnt sich irgendwie langsam dra...

[lisettli]

Hey zämme

Jo isch scho fascht unheimlich still do inne.

@blevita: schad hets wiedr nit klappt, abr drfür gohts mit vollgas in negste ÜZ!

@bienchen: witerhin gueti besserig!!!

@neue: härzlich willkomme und e churze ufenthalt bi eus (natürlich im positive sinn )

@me: de Mönpf het voll igschlage, 1. Zyklus isch vo 50 Tag uf 43 abegheit, 2. zyklus uf 33(!) und 3. Zyklus uf 30. bi mega zfriede. PMS sind leidr nit ganz weg aber scho vil besser! Momentan si mr grad i 7.ÜZ gstartet, tönt nach wenig abr mit monsterzykle vo 50 Tag... Naja, mol luege wies witer goht. Mi schatz isch natürlich grad i de heisse phase anere witerbildig z winterthur... de 8. ÜZ isch also au scho so guet wie i sicht.

Wünsch eu allne e schöne fritig und e guete start is weekend!

[fragolina86]

@blevita: danke dir! schön mol öbis z'ghöre hehe han scho dänkt ich sig unerwönscht und drum ischs so ruhig hmm trurig aber wohr, dassmer sich mit de Zyt dra gwöhnt wobi ich doch jedesmol wider enttüscht & trurig bin au wenni ned demit rächne.. Damiti ned alles muess go noläse: gibsch mir en Churzfassig wisos bi öich nonig klappet häd? (fallsers öberhaupt wössed natürli)

@lisettli: danke au dir förs willkomme heisse - hoffe natürli au dasses en churze Ufenthalt wird - aber natürli hoffi generell dass de Thread gli umbenannt döf werde will alli en positive Test i de Händ döfed halte hey super, dassd mit Mönchspfeffer de Zyklus so häsch chönne verchörze! Wow krass 50 Tageszykle - das heisst 1 Zyklus vo dir sind 2 Zykle bi mir! mini sind im Durchschnitt 25 - aber a dem ligts jo ned bi öis :/ oje schad, isch din Schatz grad wäg i de guete Täg :/ immer müehsam, wennmer de ES ned mol richtig usnötze chan!

@me: ich bin die Woche grad mol wider chli duregschöttlet worde - han die Woche sage und schreibe vo 4 Schwangerschafte erfahre! naja.. ich bin bi NMT-2 & han höt ganz liechti SB gha - go drum devo us, dass ÜZ 19 gli startet morn oder öbermorn.. ich wönschti mängisch echt, mer chönt alles eifach chli lockerer näh & müesst ned jeeede einzelni Tag a dem Thema umestudiere! Das isch soo energieraubend..

Wönsche öich allne es super Weekend!

[Blevita]

@ lisettli: cool das Mönchspfeffer nütz, das freut mich sehr für dich! Hoffe es gaht wieter so.

@ fragolina86; Uiii neiii bisch sicher nöd unerwünscht. Für mich isch es eifach so ä Sach, zwar denki jede Tag an KiWu aber dävo schriebe mag ich amigs nöd immer. Und au wenn ich jedere de positiv SS Test göhne macht's mich jedes Mal chli trurig....
Wieso s'nanig klappet hätt? Nachemer Jahr üebe hätt min Maa im Dezember 15 es SG gmacht und naja, wie oft de Fall isch es au bi ihm nöd guet. Bi mir alles io. Mir probierets nachli wieter ufem natürliche Weg will mir für ä KiWu Klinik nanig parat sind. Ja und meh hämer nanig gmacht.

Das mitem KiWu-Coaching hani au mal überleit aber ich bin denn is Akupunktur und dass hätt mir persönlich au öpis bracht. Jetzt Probier ich's eifach locker näh und mich nöd z'stresse. Mache Ferie plän und mir sind na am baue. Ablenkig hetti also gnueg

@ Valea: bisch na am mitlese, wie gahts dir?????

Wünsch oi allne en guete Start i die neu Wuche:

[fragolina86]

.

[Chrissie]

Hallo zusammen
Ich würde mich gerne zu euch gesellen.
Wir sind ganz neu mit dabei, seit 2 Wochen steht die Entscheidung dass wir Eltern werden möchten.
Ich bin 34 Jahre alt, seit fast 9 Jahren mit meinem Schatz zusammen, seit 6 Monaten verheiratet.
Vor einem Jahr haben wir uns noch gesagt dass wir einfach so heiraten wollen, nicht wegen Kindern und so... Aber bei mir wurde der Wunsch in den letzten Monaten immer klarer und er konnte sich schon immer Vorstellen eine Familie zu haben...
Grüße
C

[Blevita]

Hallo mitenend

Hmmmm Mega still da, wo sind denn all ältere Mitschrieberinne?

@ Chrissie: Willkomme, momentan lauft nüm so viel da, ich persönlich han chli abstand brucht will ich nüm so z'schlag cho bin mit dene vielne positive Test da inne....
Wünsch dir viel Glück dass du nöd zu de Langziit-Hibblerinne ghörsch.

Wer isch sust na so am mitlese?

Liebi Grüessli, Blevita

[JeyJey]

Ich lueg immer al wieder ine, aber es isch no schwierig, öppis z'schriibe... - vo de SS verzelle isch für eu ned liecht und weni über mini Wehwehli brichte nützt das au niemerem öppis...

Uf all Fäll drück ich allne (Langziit-) Hibblerinne wiiterhin alli Düüme und freu mich über jedi Nachricht vomene positive Tescht.

@Blevita: Döf ich fröge, werum ihr euch nonig i de KiWu-Klinik en Termin händ geh lah, obwohls es halbs Johr Warteziit git? Ich stell mer das no schwierig vor...was, wenns bis im Sommer nöd klappt? Händer nöd Angscht, dass ihr euch denn ärgered? Liebe Drücker und toi toi toi wiiterhin!!

[lisettli]

Hey zämme

Bi au no do lies immer wiedr mol chli mit abr mag de ame au nit immer schriebe. Ha momentan de muet und d freud am hibble chli verlore. NMT dörfti bi mir so um de 14. ume si, abr fühl mi wie immer.

@chrissie: härzlich willkomme!

[lisettli]

Vo dr missre hani scho lang nüt me gläse... Gits di no?

[Nilaya]

Hallo zämä
Darf i bi öich mitschribe? Mir starte ändi vo däm Monet mit "hibble". Allerdings in Afüehrigszeiche mir wüsse nämlich scho im Vorus, dass mim Schatz sis SG schlächt isch unds bi üs nid eifach wird wärdä. Zumindescht nid uf natürlichem Wäg. Aber mir möchte trotzdäm möglichscht unbeschwärt dra ga

@ Chrissie Das tönt super bi öich. Heit dir de scho d Verhüetig abgsetzt? Bi üs ischs ganz ähnlich gsi. Mi Fründ het scho immer gwüsst, dass är Chind wott und i bi immer chly zrugghaltend gsi und ha mi nid wellä fescht legä. Aber i dä letschtä Mönet wünschä o i mir immer meh ä Familiä.

Liebi Grüess

[missre85]

Hallo zäme,
sorry, dass eg me so lang ned gmäudet ha, aber ergendwie hani eifach müesse abglänkt wärde und ha ire Groppe metgschrebe wo ned nome öbere Kiwu schriibt..Be nanig lang am üebe met 8 ÜZ, aber trotzdäm esches be mer es Uf ond Ab met de Gfüeu!
Glichzitig esch be mer jetzt no e Darmchrankheit usegfunge worde und mi Fuess esch ou verletzt, dassi momentan wechtigers ha aus dr Kiwu..Das mer abgseh vom ned erföute Kiwu sehr guet gaht (be glöcklech und sösch gsund) hani me ned wöue vom Kiwu abezieh la..Aber esch ja da enne eh nömm so vöu los, leider..

@lisettli du besch mega süess, danke für d'Nachfrog! *knuddel* Oh nei, werom hesch denn dFröid verlore, het s'Möpf nömm meh gnötzt?

[Chrissie]

Nilaya: oh, schön da na öppär z läsä wo au erst ganz am aafang isch. Bin mir grad chli verlorä vorcho...
Ich hett müäsä go noi Rezept vo dä Pillä iilösä. Und da hani dänkt ich sprich jetzt das Thema doch namal ganz konkret a.
Mir händ zerst na überleit, öb mir na äs halbs Jahr wänd wartä. Abär händ jetzt doch entschiedä eifach mal versuächä.
Wobii ichs dänn doch nöd han chönä sii laa mal im Internet chli bin go läsä wiä das so isch mit Zyklus, Eisprung etc... Und Ovulationstests hani au gchauft, ich hoffe das hilft mir chli z verstaa wiä miin Körper funktioniert wänn är nöd dur d Pillä reguliert wird.

Han letscht Wuchä na Zielvereinbarungsgspräch mit miim Chef gha für 2016. Und är hät voll uf Thema Schwangerschaft aagspillt. Mee oder weniger wörtlich: also wänn du mir jetzt würdsch sägä du segsch schwanger dä würd ich mich scho froiä abär s würd di ganzä Zuäständigkeitä im Team duränandbringä. Han dänn Pokerface bewahrt und ihm gseit, dass ich nöd plant han im hüt so öppis mitzteilä

Grüässli
Chrissie

[Blevita]

Hallo Zäme

@JeyJey: mir chönnt ois eifach nanig mit dem Thema Insemination etc ahfründe, das isch ois eifach na z'fremd und mir hoffet fest dass es doch na natürlich klappt. Es muss ja nöd zwingend bis in Summer Klappe. Wenn's bis denn nöd isch tümer ois mal überwiese lah und es wäri au okay. Mit händ ois so entschiede und mir werdet ois nöd ärgere weg dem wills so richtig isch für ois. Mittlerwile nimm ich das ganze Hibble num so streng, es hätt mich chli Chalt lah muss ich ehrlich säge. Han grad ganz anderi Prioritäte als de KiWu. Oises Bebe chunnt denn wenn's wot und es schient nanig de richtig Ziitpunkt sih.

@ Nilaya: herzlich willkommen und viel Glück dass es trotz schlechtem SG natürlich Klappet.

@ missre85: ablenkig bruchts au mal vom ganze KiWu Thema, das verstah ich.

Wünsch oi es schöns Weekend

[Nilaya]

@chrissie: sehr diplomatischi Antwort für di Chef
Das isch komisch gäu. Zum Teil wiä wenn d Lüt s würdä gschmöckä, dass mä sich Gedankä drüber macht. Als was schaffsch du denn?

I ha ou plötzlich z Bedürfniss gha ga nachäzläsä und mi z informierä. A d Ovutest ha i mi aber nonid gwaagt. Wett mal luegä wiäs so duät ohni alls. Usserdäm ha i chly Bedänkä, dass i mi de doch chly z fescht dristeigerä und nachär endtüscht bi.

I drückä dir ganz fescht d Dümä! Schön wenn mir üs chly chöi ustuschä!

@Blevita: dankä viu mau. Findes schön chasch du das Ganze zur Zyt so ohni Stress nä. A Gedankä em KiWu villicht müessä nachäzhälfä muess mä sich o zersch gwöhnä. I bi sicher dir gspüret de scho wenn für öich dr Zytpunkt cho isch ä Schritt i diä Richtig z machä (oder ou nid - ganz wiäs für öich stimmt).
Drückä öich d Dümä damits villicht doch plötzlich ä chlyni Überraschig git!

[Chrissie]

@Nilaya
Ich schaffä i dä IT als Projektleiterin. Sitt letschtä Herbst nur na 80%. Isch grad ä sältäni Glägäheit gsi 20% z reduziärä und diä han ich mir gschnappt. Ich gnüssä dä freii Tag sehr. Aber dä tüüfer Lohn macht sich scho bemerkbar... Mir gäbäd im Momänt chli vill Gäld für Wuchänänduusflüg und Feriä uus. Das wird sich dä sicher ändärä falls mir äs Baby händ.
Was schaffsch du?

Bi mir machäd alli möglichä Lüüt scho länger Bemerkigä wäg Chind. Bin ja scho 34i, da händs halt s Gfühl s wäri langsam Ziit... Und guäti Fründ vo ois händ jetzt scho s zweitä Chind. Sind vor churzäm bi ihnä gsii und miin Maa hät extreem uusduränd äm Meitli Büächli vorgläsä. Hach, miis Herz isch gschmulzä wo ich dänä zwei zuägluägt han.
Wüssä, dass äs jetzt chli konkreter wird tuät abär nur ei fründin vo mir. Si hät sich di letschtä 6 Mönät dauernd müäsä miini Gedankä zum Thema aalosä...

Ovu-Tests gänd cho chli d Tendenz zum sich inästeigärä. Wobii bi ois au nöd ganz gää isch, dass äs eifach so funktioniert. Liit abär a mir. Ich bin vor 10 Jahr chrank gsi und d Medikament wo ich deet übercho han chönntäd än Iifluss ha (obwohl au na öppis gää wordä isch zum d Eierstöck z schützä und d FA i dä Jahreskontrolle gmeint hät Follikel im US gächäd guät uus). Ich wett mi abär nanig verruckt machä und jetzt scho alläs möglich abklärä laa. Wobii ich scho chli erliächtärät wär, wänn dä Ovu-Test positiv aazeigä würd und ich somit wüsst, dass d Grundlagä funktioniäräd wiäs söttäd.

@Blevita: du schriibsch im Momänt hegäd anderi Sachä Priorität. Ich hoffä das siin positivi anderi Sachä wo dich beschäftigt haltäd.


Wünschä allnä na än schönä Rest vom Wuchänänd
Chrissie