Frühlings-Kinderwünsche - wir haben's geschafft -- Teil 2

[Mimi83]

@tiare: hei das isch de lieb vo der! ich ha d hitz super überstande. Jetz hüfed sich aber leider langsam d ss wewehli. Aber das wird normal sie so 5 wuche vor Termin! Wirde euch de sicher brichte. Ha gläse, dass du a weder gli am hibble bisch. Freu mich sehr für dich und hoffe uf em laufende z blibe!

[caramel_joghurt]

So Frouene. ....ig gloube/hoffe dasi zu öich darf wächsle. Bi zwar no chli unsicher da ig vore wuche für öbe 4 täg ständig Bruns Gschmier ha gha. Ha vore wuche testet, negativ. Bi aber öbe bi ES +9 gsi. Aso hüt normal testet u de isch POSITIV! Isch aber e Babytest woni jo nie ha brucht gha. Dr Evial zeigt aber ou e fiiiiine Strich, hane aber ou churz nachem andere gmacht u Dr Urin isch wie Wasser gsi, aso äue nid so konzentriert

[wolke7]

Oh caramel ich gratuliere mol ganz vorsichtig!!! Ond du weisch ich han 6 woche ständig brun bis roti bluetige gha...das muess also nüt heisse!

[caramel_joghurt]

Dr oberst vo hüt morge..isch gloub chli stärker aus gester
Gester Nami wieder SB gha, ha jetzt aber Magnesium kouft u ner nimi Z'Bryo.

[Mimi83]

@caramel: oh wau! So cool! Ich freu mich grad mega über die super Nachricht!! <3 ich hoffe dis schätzi chrallt sich ganz ganz fescht bi der und das die bluetige eifach no vo de inischtig noche sind! Oh ha grad es trändli i de auge vor luter freud, dass es endlich weder mol positivi News us de Gruppe git! Häsch es scho öpertem verzellt?

[caramel_joghurt]

@mimi83: Danke. Ja dEltere vo mir wüsstest. Da ig gester Nami wieder SB ha gha, hani am FA aglüte( zersch mire= Ferie, ner ame andere= Tonband, si hei hüt Betriebsusglug, ok nomau andere u dert hani de Dr Ratschlag vo Magnesium und chli lige becho) ner auso a mim Mami aglüte ob si echt am Nami churz chli uf miner 2 cha ufpasse u si gat: aha,has doch gwüsst du bisch mit em 3 schwanger?! (Hase am Di gseh gha, denn hani aber säuber no nüd gwüsst) Öööhm...das Müetere das ou geng gat merke

[Mimi83]

@caramel: ja mamis! Mol luege ob mer das a werded merke bi üsne chline!! Das isch a doff immer wenn mer öpert brucht isch niemert ume!! Gits bi euch ke permanance oder so?

[caramel_joghurt]

Ach Frauen
Jetzt haben die SB schon wieder begonnen
Bei meiner FG hatte ich aber Bauchkrämpfe ..was ich jetzt nicht habe. Auch ist das Blut eher wie Wasser, nicht wie bei TR, (sorry für die Details ) aber es ist eben nicht nur Altblut

[wolke7]

@caramel: wie wasser tönt för mich strgh nach hämatom- ich han bruns aber au fröschs bluet gha ond meistens eschs au so wässrig use gflosse. Mängisch het sichs au im scheidegwölb wo halt dord ss so ächli ufdonse gsi esch chönne ahsammle ond het den gronne usgseh...aber nie so wie bi de tr! Ond ich han zum teil sehr vell bluet verlohre- vor allem amel wenni am obig han müesse s'utro ihfüehre hani (sorry förd detail) die ganz hand voll gha wills nor so use gloffe esch ich weiss es esch so schwerig z'vertraue ond z'warte ond mer esch amel eifach froh wenns nöm blüetet...ond denn fangts weder ah ond denn chont automatisch au d'angst weder...das werd der niemert chönne abneh, aber du dörfsch dich gern jedes mol bi eus mälde ond dini ängst loswerde- mer losed der sehr gern zue!!! Ich drock dich fescht!

[caramel_joghurt]

@wolke7: Danke für dini Wort. Ha bi de andere 2 ss eifach mit Übelkeit müeh gha. Einisch die ganz ss mehrmals pro wuche WC Schüssel umarmt und einisch bis i die 26ssw durübelkeit gha. Aber sisch hani nid würcklech gross Beschwerde gha. Zudem jetzt dasmau die langhibbelzyt..dür das bi ig wou e richtige Angsthas worde
Aber probiere ganz fest a das würmli zgloube. Wes e FG wäre gsi würd ja dBluetig wou eher nid cho und ga. Lüte morn sicher am FA a, mau luege wen dasi e Termin bechume...so u jetzt eifach positiv si.
U ja du seisch es, am liebste würdi nume no mit geschlossene ouge uf zWC, de müessti mehr ner ömu nid 1000 Gedanke mache

Wie geits eigentlech dir?


Und wie geits öich aune? geit ja nüme lang bis die Oktoberlis chöi Cho. Juhui..
Wüsset der aui was es git? Ig ha ihr Nacht vorem ss Test tröimt ig heig wöue ga Chleider choufe für mi, aber ner het mer dVerkäuferin ständig Strampler ihr Gr 62 für buebe bracht momentan denki aber dass mer üs lö la überrasche, si ja sowieso Chleider für beides vorhande.
Mensch, sorry Frouene...chume da ine u haue da eifach mau es paar Egobiträg inne

[caramel_joghurt]

Mau luege, viu gseht mer ja jetzt no nid. Aber dBluetigsstell würd mer ja ev glich gseh.
Ja diheim chani das scho nid gross verzeue. Mi GG isch da so quasi mir hei 50/50 Chance. U dChind verstöhs sowieso nid, wüsses ou no nid. Obwou Mi Sohn het Mi gat gester wieder gfragt ob da es bebe im Buch sig. aber het er scho meh gmacht u ou gseit er möchti dass nomau es bebe chunt. Mau luege wie er de reagiert weni ihm sege das jetzt tatsächlich es Bebe dinne isch.
Ig rede eifach mit mim "Buch"
U wie geits dir, darfsch wieder chli meh Ufstah?


Hüt Dr letscht Test gmacht schliesslech bruchi die nüme

[wolke7]

@caramel: also de verlauf bi de tests zeigt jo au en steigerig- denn muess "öpis" ome si wo wieter hcg produziert- ond ich glaub au das d'bluetig ned wörd pause mache zwösched ine wenns en fg wär. Fends aber guet gohsch zum fa- wie du seisch, au wenn er nonkg vell gseht chan er velecht zumindest säge woher d'bluetig chont. Werd gliech ned eifach aber denn weiss mers wenigstens! Ich legge sit bald 9 woche- dörf wieter nome ufstoh zum ässe, dusche und wc...so schient immerhin cerclage de hmh einigermasse stabil zhalte. Leider hani weder en infekt ond han weder paar täg bluetige gha- jetzt werds langsam besser ond ich hoffe das mer so di nöchste paar woche einigermasse ruhig henter us brenged. Ich ben mer da au ned gwöhnt- mini ersti ss esch abgseh vomene liechte ss diabetes woni nor bez ufs ässe han müesse luege ond de gmh verchörzig i de 33ssw en absolute traum gsi...ond jo, di langi hibbelziet ond die 2 fg händ eres öbrige dezue bietreit das ich nor wenig entspannti momänt gha han i dere ss...aber mer werdet au das no schaffe!

[harmony]

*reinschleich*
Black-key, du hattest doch den CB Advanced zu verkaufen, bist du den los geworden oder hast du ihn noch?

Euch allen einen tollen, entspannten, Schlussspurt :-*

*rausschleich*

[black_key]

@caramel: hey so schön!!! ich gratuliere dier, für mich gseht das alles sehr positiv us! ich hoffe du hesch hüt en termin übercho und d ursach für d bluetige isch gfunde worde?

@harmony: de cb monitor hani leider scho verchauft...

[caramel_joghurt]

Black_key: Danke

@me: hüt morge gat zum FA chöne, aber viu meh weisi Jetzt ou nid. Im US het mer nüd gseh (was für jetzt ou ganz normal isch) aber mehr hätti jetzt ou nid viu Bluet gseh. Ha jetzt müesse Bluet geh u ner wird mau gluegt wie höch zHCG isch u am Mittwoch ou nomau...entweder stigts oder sinkt. Zudem hani no Utro becho, jetzt heissts eifach warte us chli gmüetlech neh

[Awe]

Liebi caramel wie esch din untersuech hött gsi? Ich hoffe gaanz fescht dass du eus positivs chasch
brichte ond mer der nomol so richtig chönd gratuliere

[caramel_joghurt]

...bis jetzt leider nüd vom FA ghört. Nachdem ig aber gester Dr ganz Tag immer wieder chli ha blüetet (wie gege endi vor TR) hani dHoffnig ufgeh. Aber hüt hani wiederum ussert am morge churz nume no Alts Bluet gha. Weiss es auso ou nüme was i no söu denke.

[wolke7]

Caramel: werom lütisch ned gschnell ah bevors zue möchid? Velecht händs eifach vergässe ahzlüte! Ond bitte d'hoffnig ned ufgeh- bluet muess nüt heisse!!!!! Hesch nomol en test gmacht?

[caramel_joghurt]

nenei, ha scho nachegfragt gha aber sie het mer no nüd chöne säge. Ja, aber mit Evial u weiss nid ob mer Evial u Babytest cha vergliche..Evial isch ja gloub e 20er oder so u ke ahnig wie stark de wird. Ha gloub nie solang testet..

[caramel_joghurt]

Dr unterst isch Dr Evial.
Wie mer ne mit Babytest verglicht isch dLinie ja scho bau schwächer