Frühlings-Kinderwünsche - wir haben's geschafft -- Teil 2

[Mimi83]

@ hunny_b: jaaaaaa!
Oh du armi! Hoff aber das der morn vill besser got! Aber lueg zu der. Suscht meldisch dich lieber nomol bim Arzt.

[black_key]

phuuu ich bin froh heds chli abküehlt....

@hunny: ich hoffe es gaht dir hüt besser??
hend ier de gvk eifach 1 abig oder gönder mehrmals?

@me: so da no es föteli vo eusem chinderwage

[gerbera]

@black_key: wunderschön i däm grau, und finde so ne neutrali farb ou super… ufem Bild würklech ou rächt kompakt, ha immer gmeint das sige so risigi gstell?

@hunny: hesch villecht dr wätterwächsel gspürt? säge ja vili, dass wenn so gwitter chöme, dass de eher wehe isetze…Hoffe es sig ize besser?

@me: ach isch das chüehle wätter schön. Ha chli e mageverstimmig, hoffe heig ke chäfer ufgläse… aber bis ize ischs mr eifach nur nid so guet… villecht geit das ou vo säuber wieder wäg...

[wolke7]

Guete morge fraue

@hunny: ich han im fall au so täg woni s'gfühl han de buch werd meh hert als soscht- hans aber au no vell im zämehang met de verdauig! Ond es gets au öpe das de chli de tag dore eher fredlich esch- so wie gester- ond am obig den so rechtig di chli weldsau use loht! Hoffe es goht der höt besser- hesch ned no gester zum fa chönne?

@blackkey: ui dä esch wörkli schön- han es ähnlichs modell, aber muess ehrlich zuegeh das ich kei ahnig han was es för en marke esch min gg het en scho gha vo mim stiefsohn ond er esch imene donnelblau...was jo jetzt weder passt...velecht het deom mini tochter amel nöd welle dri legge han de cheib chum brucht gha bi ere!

@gerbera: lueg guet zu der...es goht tatsächli en bösi magedarmgrepp ome!!! Gnüsses au grad eschs nöm so heiss ond es söt jo jetzt en momänt lang so bliebe!

@me: nüt neus...han bez de läck mer!

[black_key]

@gerbera: danke bin au sehr z fride mit de farb. nei er isch aso rächt kompakt und liecht. es gitt natürlich scho söttig wo no chliner und kompakter sind aber für eus isch er tiptop.
ohje demfall gueti besserig, hoffe es isch würkli nur e chlini mageverstimmig bi dir!

@wolke: hoffentlich chasch denn de wage wider bruche du dörfsch immer no nume ligge oder? verstahni das das uf d stimmig schlat...

@me: geschter hed mi en verkäuferin imene lade agsproche uf de buch, woni gsäit han es isch im oktober so wiit säit sie das gitt aber au es grosses baby... bin mer aso grad no runder vorcho als susch scho aber d grössi vom buch säit ja gar nüt über d grössi vom baby us...

[black_key]

@hunny: danke ja das glaubi wäg de kommentär, die chömed so soder so egal wie gross de buch isch
das tönt ja super mit euchem gvk da cha sie ganz individuell uf euch igah.
das mit de muus tönt ja au abentüürlich bi dir sicher guet wenn witerhin vill magnesium nimmsch.
ich würd mer au mal d wärt la geh, ise isch ja au immer es thema ide schwangerschaft...

hed öper vo eu en tipp gäge wasserilagerige? mini füess sind ami am morge scho ufgschwule und ich chume i fascht kei schueh meh ine... d stützstrümpf hilfed irgendwie au ned würkli

[wolke7]

@legge: ich weiss ned öbs bi mer halt so strickt send damit mer önerhaupt en chance gha händ zum i di läbenswichtigi ziet zcho ond will halt gar nüt me a gmh vorhande gsi esch bi de op?! Hunny was sägeds denn wägem strickte ligge? Ich han jo scho d'uflag för wc, ässe ond dusche ufzstoh ond soscht legge. Natürli muess ich mich am morge mol parat mache oder brenge di chli is bett am obig...eifach so chlinikeite. Merke aber au mega schnell das es mer zvell werd ond ben denn fascht "froh" wenn ich weder chan here legge. Han dor die ganzi sach au bez s'vertraue i min körper verlohre ond wett drom au nüt riskiere...ich wörd zgrond goh a de eigevorwörf wenn jetzt no ergendwas wörd passiere...ich het den emmer s'gfühl das ichs velecht het ghönne verhendere...

@wasserilagerig: also bi mer händ au nome di ganze stötzströmpf gholfe i de 1. ss- also die bis öber buch. Ond ich han 2!!! Schuehgrössene meh gha am ändi vo de ss. Ansonste hani au das gmacht wod hunny acho ufzellt het! Halt au bim schaffe immer bim setzte bei ufe to!

[black_key]

@hunny: bluetdruck isch guet, und die andere sache hani eigentli au ned. ab und zue mal chopfweh aber eigentli nur wenns so drückends wätter isch.
super danke! ich probiere mal par sache us, schade chans ja ned
sobalds chüehler wird wirds ami au wider besser mitem wasser...

@wolke: ich han scho die ganze strümpf wo bis über de buch gönd. bis jetz hend die immer guet gnützt aber hüt hani scho bim ufstah wasser i de füess gha. aber ebe sobalds nüm so heiss isch wirds wider besser. bi mier ischs bis jetz au scho min. 1 schuehgrössi meh

[wolke7]

Das esch öbrigens mol no mis chogeli

[wolke7]

@hunny: danke för dini usfüerige...jo dänkes au das da vo arzt zu arzt onterschedlich ghandhabt werd...wie met em utro- kiwu het mer gseid ombedengt 2/tag ond spitol & fa sägid es langed eis. Dänke au das mer bi serig e sache met gsondem mänscheverstand das söll mache wo för eim rechtig erschient...im momänt stemmts so för mich au wenns schwerig esch!

[wolke7]

Hallo zäme

Gnüsse grad die abchüehlig wos geh het ond ben ehrlich gseid au froh sölls nochli so bliebe. Send ehr s'wochenänd am gnüsse?

min gg het för min stiefsohn dazumals es laufgitter becho wo nor chorz brucht worde esch. Bi minere tochter händ mers ned brucht ond werdets au för de chli ned ufstelle. Esch höheverstellbar. Also no fascht wie neu wenn öper inträssi heti? Han us em internet es beld vomene ähnleche modell, wenn öper inträsse het wörd ich natürlech mim gg säge das ers muess ufstelle ond den wörd ichs original fötele ebefalls hani gfühlt 100'000 meitlichleider vo grössi 50- ca. 80 woni nöme bruche ond bald ussortiert werded. Unter anderem es super herzigs taufchleidli wo mol rächt tür gsi esch ond nome 1x treit worde esch. Also wer möcht dörf gern bi mer verbi cho zom das züg ah ond dore luege ond denn wördet mer das gönstig wieter geh! Esch mer höt grad no in senn cho dasi das do mol no chönt säge bevor mers soscht wieter verchaufed!

[wolke7]

Do no das ähnleche modell vom laufgitter!

[Mimi83]

Hallo Mädels
Ich bin zwar ned unglücklich das es regnet, ha aber mit de hitz kei mueh gha. Vilicht schwelled de mini händ und füess chli ab. Das isch s einzig wo mich chli bloged.
@hunny_b: und wie gots der? Alles witer im grüene bereich mit em härte buch? Danke no wege de tipps gege s schwelle. Di einte han i no ned kennt. Wird die a probiere.
@black_key: schöne chinderwage! Weiß gar nümme ob i mine zeigt ha?! Und bisch zfride?! also d lüt sind scho komisch! Mini händ mich hüt a chli ufzoge. Aber sie händ mich glaub meh chli welle bloge. Debi sind üssi bücher doch echt im normale rahme.
@gerbera: wie gots der mit em mage?!
@wolke: und du? Isch weder besser mit de stimmig? Ja mängisch gits eifach so täg. Und du häsch es im Moment a ned grad eifach! Hoff das dini stimmig weder chli heiterer isch! Oh schön dis büchli isch ja a am wachse! Danke. Es laufgitter han i scho kauft und mit de chleider will i no warte bis ich weiss was es de isch. Aber neutrali Sache han i natürlich scho dehei.
@me: weder e wuche gschafft. No eini und de han ich e Wuche Ferie! Oh ich freu mich! Geschter han i am obig so schmerze i de rechte lischtegegend gha. Ned extrem aber äbe schmerze. Meined er das das senkwehe oder so chönted gsi sie? Ich bi de eifach uf em sofa umegläge. Hüt isch de zum glück weder guet gsi. Oh ja mis gottemeitli hät hüt Taufi gha! Sie isch eifach so zuckersüess und de star vom Tag gsi!

[wolke7]

Hallo zäme

Danke euch allne...jo de läck mer esch bez besser han ich euch scho verzellt das am donnstig spitex bi mer gsi esch?! Ben mer also scho rächt doof vorcho so uf em sofa zligge ond anere frömde zue zluege wie sie min "dräck" weg botzt. Sie het sich au müeh geh, aber ich ben halt scho chli pingelig ond es esch halt scho ned gliech als wenn ich oder min gg tüend botze...aber ich wett jo ned reklamiere, ben jo froh machts öper för eus!!!

@herte buch, zieh do ond döt: jo gälled, ergendwie seit eim das amel vorher niemert das en ss es mega rätselrote vo symptom werd fends au emmer so schwerig zum ihschätze was das grad weder zieht ond drockt ond werom. Zieh i de lieste esch bi mer au hüfig im zämehang met beckeschmerze gsi, wenn das weder breiter worde esch...ond das esch noch de ss no vell schlemmer worde!!!! Bis es halbs johr nach de geburt han ich so dermasse schmerze gha i lieste ond becki...hoffe bliebe damol devo verschont!

@gerbera: hoffe dinere verdauig gohts besser?! Wörd der soscht empfehle no bioflorin zneh zum di ganzi verdauig weder bez z'onterstötze...helft nach magedarmsache meistens rächt guet!

[gerbera]

Hallo dir liebe! Sorry, bi nid abtoucht, ha nur tatsächlech e mdg becho, ha doch no gschribe, es sig mr so übel? 2 stund speter hani när nur no d wc-schüssle küsst, bis geschter mittag... Darf mi ja nid beklage, ha mi nie müesse übergä süsch ir ss... Ize füehli mi eifach wi nes nasses wäschhüdeli... Aber cha langsam wider öpfel u banane u bouillon näh. Dänke am chline geits guet, dä turnet ämu im buch. Bi froh ischs nid lenger gange... Blibe aber de villech morn no daheim...

Mäude mi speter nomau, sorry füre egospost, aber ha grad wider ke energie meh...


Gesendet von iPhone mit Tapatalk

[Mimi83]

Hallo mitenand
@hunny_b: ja ich freu mich jetz a mega uf die wuche ferie! Vilicht gönd mer spontan 2-3 täg is tessin aber das isch no ned definitiv. Ah ok. Hei die Symptome immer! De mach ich mer immer Gedanken. Aber zum im Arzt alüte find ich sie amig z schwach oder sie gönd z schnell weder verbi. Ja das chönt ich mer a vorstelle bi der. Hoff aber das der hüt guet got und kei beschwerde häsch!
@wolke: ja das cha mer no vorstelle mit de spitex. Aber äbe guet chömeds und entlaschted eim. Ich bin froh, das ich de hilf vo mim mami bechumme. Mi hät jo äbe zwar e Haushaltshilf z guet aber so fühl ich mich a wöhler!
Oh de hoff ich das mol für üs beidi, das mer vo dene schmerze verschohnt blibed. Bin echt kei fan vo schmerze. @gerbera: oh nei du armi! Guet bisch weder uf em ufstiegende ast. Wünsche der witerhin gueti besserig!
@me: ich fühl mi grad chli wie es Phlegma! Hoff mini energie chunnt weder zrug. Surfe chli im internet und chaufe schoweder i wie e halbwahnsinnigi. Ha mer grad es babyphon bstellt und zwei chleidli zum s neugeborenen fötele. Ha natürlich öpis für e bueb und öpis für es meitli brucht! Hoff das isch so schön wie uf de bilder de![img]http://images.tapatalk-cdn.com/15/08/16 ... 5dc1db.jpg[/img][img]http://images.tapatalk-cdn.com/15/08/16 ... c902a8.jpg[/img]

[black_key]

@hunny: danke, mitem wasser isch jetz würkli wider vill besser. scho vill agnehmer die temperature wie gahts dir?

@mimi: ja bis jetz simer z fride mitem wage, mer chönds denn natürlich ersch beurteile wenn mer en würkli bruched
das mit de schmerze ide leiste isch glaub au meh dur d belaschtig usw. aso ich stell mer so senkwehe chli andersch vor aber ich weisses natürlich au ned
jöööö die outfit sind ja mega süess! dörfi frage wo die bstellt hesch?

@gerbera: nei du armi... wünsch der ganz gueti besserig und schon di guet! mier hilft ami öpis isotonischs, verdünnts gatorade oder isostar...

@wolke: das glaubi isch sicher ned so eifach öper fremds de hushalt la mache aber super das dier d spitex hilft! wäg de babychleider, ich nime a du hesch die versorget und chasch keis foti mache? wär warschindli au chli vill für föteli?

@me: min maa isch sitt geschter bis morn mittag weg. susch gnüss ich ami so es wuchenänd für mich aber jetz gar ned. has gfühl er isch ewig weg hallo hormon!!

[Mimi83]

@black_key: schön gots drr besser mit em wasser! Ich ha leider immerno so gschwullni händ. Find mi gsehts zwar ned gross, do ich recht schlanki finger ha suscht, aber es schmerzt eifach. Ja das wird e schöni zit wenn mer de wahe de richtig chönd bruche! schick der nocher e pn. Isch so e amerikanischi site oder so. Ja das mit de Hormon kenn i! Nicht schön. Hoff aber das i ned z fescht de babyblus wird ha.
@hunny_b: hihihi so guet. Mer schiened echt sehr e ähnliche gschmack z ha! Häsch es a uf so ere amerikanische site gseh? Isch no günschtig find ich! Ha aber chli angscht, das es ned ane mag. Ich bin do dürre chli e panikmacherin. Frog mich ned wurum!

[Mimi83]

Komisch. Händer mini pn becho? Irgendwie isch nie öpis i mim usgang?!
Ah jetz isch gange.
Es hät sooooo süessi sache det!

[black_key]

@mimi: bi mir ischs acho, danke!