Frühlings-Kinderwünsche - wir haben's geschafft -- Teil 2

[wolke7]

@hunny: versueche mi grad met em thema ks usenand z'setze ond wie ich so ben wörd ich am liebste jetzt scho alles bespräche ond kläre :/ ond wie hesch di entschede bezüglich utro? Es get doch feng so en hufe wehehemmendi medis au abgseh vom adalat- send denn die kein option? Ich muess weder am nöchste ziestig goh...mol wöchentlich bis secher 25ssw ond denn wieter luege! Han di letschte 2/3 täg weder mol s'gfühl ziet lauft öberhaupt ned...täg fühled sich so ewig ah ond somit au die wechtigi gränze vo 24+0....

[gerbera]

@wolke: Das tuet mr mega leid für di, muesch du ize di mit serige theme usenang setze… ks isch ja würklech nid das, wo me sech eifach so würd wünsche. Hett dr fa de gseit, es sig sicherer für ds chind eso? oder eifach sicherer für di? Aber weisch wasi mr grad überleit ha? Wenigstens hesch ize eso d Müglechkeit, di mitem Thema ks usenang ds setze, i meine ganz viel Froue hei e Notkaiserschnitt, wüus nid vorwärts geit mit dr Geburt, und vorhär nie so öppis dänkt, das steui mr no viel traumatischer vor, ize hesch wenigstens d Glägeheit, di richtig guet ds informiere, und de chasch när ou immer no säge, du probierisch glich e spontani geburt? Wenn dr d Risike ds gross si? Eigentlech wär das ja für üs alli guet, üs mau mit däm thema ds beschäftige, ou wenns de när nid so wit chunnt, nid dass me de när voll d panik schiebt, wüu e ks nötig wird?
Sorry dassi scho wider frage, wi wit bisch du ize? ha immer gmeint 28+0 sig so ne magischi Gränze?

@hunny: tönt vorsichtig super bi dir u wahnsinn, dis mini-Büchli, i gloube da machsch fasch ar awe konkurränz, aber du bisch haut ou sehr schlank u düretrainiert gsi, da würd e füf-kilo-brummer ou nid passe. findes no spannend, mir si ja alli fasch glich wit, aber mimi het 1800g mis isch gloub bi 1400g gläge, und dis bi 1200g. Da gseht me eifach, wi gross d unterschiede si, und wi viel dass üsi chline schätz no ds tüe hei bis zur geburt.

@awe: das tönt troumhaft bi dir! chunnsch de ou a üses chrabbelträffe? de isch de di chli zwar wahrschinlech würklech scho am chrabble, aber das macht ja nüt

@gini: glichi frag beträffend chrabbelträffe

@mimi: gsehsch mi buch isch grad öppe genau glich gross wi dine… aber mine isch villecht no chli späckiger finde dine ämu genau richtig und wunderschön!

@black_key: wo bisch de du? hoffe es sig alles guet?

@me: ha nech es Buchföteli gmailet, heit drs chönne aluege? bi eifach technisch nid so di hällschti, dass das nid wot klappe süsch… süsch freui mi also scho bitz uf ds chüehlere wätter. i weiss, geng ds gliche thema… u es chönnt si, dassi paar streifeli becho ha… bi aber nid ganz sicher, si si so uf dr site vom buch, und es chönnt ou si, dass die sit dr teenager-zit si… i rede mr das ize ämu i, würd ou nid verstah, warum dasses mi usgrächnet uf dr site sötti riisse… u si si ganz blass, also nüt rot oder so, eher komisch für früschi… mag mi eifach nid dra erinnere, aber villecht luegt me si buuch ize eifach ou anders a… naja, wenn das di gröschte Problem si, woni ha….

[wolke7]

@gerbera: du hesch au so en schöne buch.....ond weder gseh ich öpis späckigs no öpis gstreiflets eifach nor schön!!!!

De fa haltet mich grondsätzlich ned uf wenn ich wott spontan gebäre- han ehn au eifach nach de risikoischetzig gfrogt ond die seg dütlech höcher dor mini vorgschecht- es chönnt au alles total problemlos laufe...chönnt! För de chli bestoht eigendlech keis risiko. Bim letschte mol sends einigi stöck gsi wo ned abgange send ond ich han eifach vor mich here blüetet ond s'gfühl gha de wochefloss goht bi mer eifach eher länger- denn hets amel fascht ghört ond weder ahgfange. Ond dor die verwachsige met de folgende 2 usschabige esch vermuetlich narbegäb entstande ond drom au gfohr das plazänta no meh als s'letscht mol feschtgwachse esch- also grossflächiger. Was denn halt zu mene massive bluetverloscht chann führe wenn ned schnell gnueg reagiert werd...ond s'absolute horrorszenario muess i glaub ned erwähne.... Uf all fäll müesst i warschindli au binere normale geburt mit ere nochoperation rächne zum chönne sicher goh das nüt me vorhande esch. Ich han so en schöni ersti geburt gha ond es esch mer wie wenns gester gsi wär im gedächnis...ond das mag mi scho dasi da nöm dörf ha. Wiederom eschs mer wechtiger das mini chend eres mami wieterhin händ ond drom esch mer das risiko eifach zgross!

[wolke7]

@hunny: jo ich dänke scho au das velecht vorher scho öpis wörd gmacht werde wenn er eher en grosse esch...aber es wär denn ebe gliech no cheibe früeh...er söll nor no bez drinne bliebe...han mi demet abgfonde dasi no wieteri 13 woche legge ond ergendwie brengi die scho ome. Esch ergendwie doof aber ich han bereits e hufe sache dihei woni för de chli bstellt han- zb gebortscjärtlk bastle chani au im legge- warte aber glich bis 24+0 met ahfange eifach will ich soscht emmer es komischs gdühl debie han :/ fendi no en gueti idee wieds wotsch mache met em utro!

@gerbera: hani vorher vergässe- i de meiste spitöler möcheds vor 24+0 keinerlei unternähmige zum s'läbe vomene chind zrette falls geburt nöme ufhaltbar esch...also kei lungeriefig vorher oder läbenswichtigi massnahme wenns chin do esch. Im dütsche hani vomene meitlk gläse wo i de 22ssw ufd wält cho esch ond relativ gsond esch. d'frog esch secher au wie fescht das mer wördi störme- aber zu wellem pries? Deom plangi uf de tag ond hoffe dasi denn wieter uf 30+0 chan plange bin höt 22+4!

[gerbera]

@wolke: Merci viel mal finde ne ou schön…
Ok du tönsch sehr überzügt, de findi das super! und weisch, i gloub ks isch ämu wenns planet isch fasch so sicher wi natürlech gebäre, nur notkaiserschnitt het meh risike. A das risiko bir geburt ds verblüete wotti gar nid dänke, de wirds mr ganz anders. vo däm hä isch das sicher e gueti entscheidig!
ach so, das hani nid gwüsst, aber de plangi definitiv mit dir! 24, när 30, när 36 und när de 40

@hunny: merci viu mau! du hesch rächt, bis ize si üsi chline vorallem id längi gwachse, und hei d organ bout, und ize lege si sech haut no es späckmänteli für di herte zite zuche. das schadet ganz sicher nid! bi de gspannt, wi di buuch i paarne wuche usgseht aber sicher immer no mega härzig.

[gerbera]

@hunny: ehm, soviel ig weiss hani gar ke Ultraschall meh, für d Organ u so adsluege… cha mr höchschtens vorstelle, dass si de witerhin d Lag kontrolliere, wüus ja no höcklet… Dr nächscht Termin hani Fritig i 2 Wuche...

[black_key]

hallo ier liebe! sorry dasi mi par täg ned gmäldet ha, min maa und ich sind vo sunntig bis hüt im allgäu bitz go wellnesse...
ich ha zwar alles nachegläse aber chan mer leider ned alles merke

@hunny: super das bi dir sowit alles stabil isch und du dich chli dörfsch bewege. hesch fürs hochzit immer no s ok?
ganz en schöne buch! er passt super zu dinere schmale figur

@wolke: bi dir isch demfall au alles stabil sowit? das mitem ks isch natürli ned schön, aber wenns risiko dur das chliner isch chasch au ned vill mache gäll

@mimi: jööö en mega schöne buch!

@awe: hey so schön das alles guet lauft mi euchem schatz und du scho wider chasch go schaffe. wow wahnsinn das er scho so guet dureschlaft!

@gerbera: ich has foti übercho din buch gfallt mer aso au, sehr schön

so meh bringi grad nüm zäme la euch au no es aktuells buchföteli da

[Mimi83]

@wolke: ja wenn i de Früedienst ha muss i scho am 5:10 Uhr uf de Bus. Und do ich am Morge muss dusche isch es amig scho recht früeh. Hoff ha nümme mängi Wuche früeh, s zert scho recht. Vor allem bin i e Nachtmensch und cha ned vor de 11i schlofe! Oh e Geburt! Aber guet häsch glich no hüt e Termin becho! Ja das mit em Fruchtwasser han i a scho gläse aber no nie vo öpertem ghört. Super gots dim Baby sowit so guet! ja verstoh dich. Aber ich denk es isch scho vernünftiger bi dere Prognose e KS z mache. Unnötig es Risiko i go find ich ned guet. Und das tönt jetz vilicht blöd aber immerhin häsch du so e positivi Erfahrig scho mol dörfe mache! Danke der! Ich bin also ganz stolz druf! aber ich frog mich wo das ändet wenn de no 8 Wuche do witer wachst.
@hunny_b: danke de! Hihihi de Ranze träg ich mit vill stolz! Nei wirklich, ich fühl mich sehr wohl i min Körper. Hei vill spass hüt bim Kurs. Hoff es macht Spaß!
@black_key: oh schön. Ihr händ jo recht! Hoff du bisch ganz entspannt zrug cho! Danke der!
@Kontrolle: Ich ha erscht im September weder e untersuech. Debi gon i doch so gärn. Min FA hät drumm bis jetz immer e Ultraschall gmacht.
@Keiserschnitt: Also bi mer gseht alles guet us für e spontani Geburt. Jnd ich wünsch mer au, dass das klappet. Aber ich bin ganz erlich und das han ich a mim FA gseit, ich will nüt erzwinge. Und sets irgend e medizinische Grund gäh, das es ned got de bin ich au für e KS z ha. Chli trurig wär i scho aber ich glaub es bringt nüt sich uf öpis z verstiefe!
@gerbera: gäll recht krass wie unterschiedlich das isch. Ha langsam s Gfühl mis will gliner cho, dass das so zueleit. Debi will ich doch das es am 10.10 chunnt! schöne buch häsch! Gfallt mer au! Aber mine isch glaub im vergliech zu euchne scho chli abe grutscht. Also Streife gsehn ich do a keini! Verstoh a wenn der Gedanke drübert machsch. Luege min Buch a immer gsnz gnau a. Würd mich a greue wenn i kei Streife bechumme. Aber wenn doch han i wie d hunny_b schribt wenigstens e wunderschöne Grund defür. Also mini magischi grenze wo ich mer vill gedanke gmacht ha han ich erreicht letscht wuche. Woche 32. merk, das i entspannter bin sit dem und jetz hät bi mer wirklich wie am Morge gschribe de nestbautrieb agfange. Vorher han ich eifach nur welle sowit cho. Obwohl ich ja nüt gha ha wo degege spricht. Oh au ganz e schöne Babybuch häsch du do!
@me: ha grad no agfange Nuscheli und bettwäsch für s Baby z wäsche. S isch zwar alles suber aber es sell ja noch mer oder üs schmöcke. Ha hüt für dehei scho mol es pack Windle usw. I de migi poschtet. Nur für alle fälle, das i grüschtet bin. Und nöchscht Wuche muss i mol eruiere was i alles im Spital bruche. Händ ihr do scho öpis gmacht? Ha no vor e geburtsplan z vorbereite mit mine wünsch.

[black_key]

@hunny: jööö danke
mier sind im hotel hubertus in balderschwang gsi. kännsch das? es isch würkli sehr schön gsi und d lüüt det sind extrem ufmerksam, hani also gstuunet. bim bueche hemer nüt gschribe vo wäge schwangerschaft oder so. mier sind eus denn go amälde bi de rezeption und womer en stund spöter ufs zimmer hend chönne sind det scho 3 verschideni chüssi für mich (u.a. es stillchüssi) und en schwangerschaftstee parat gläge bim znachtässe heds für mich statt s rindstartar öpis anders geh, ohni das ichs no extra ha müesse erwähne.

[gerbera]

@hunny: ah letscht wuche het si dr chli eifach vermässe, chopf, oberschänkel und buchumfang, und denn äbe ds errächnete gwicht gseit, i gloube das isch das gsi? si het aber d organ wi härz und so nümme agluegt? mh, wird scho richtig si so, es isch ja bis ize alles guet gsi, de mache si das villecht nümme?

@mimi: häb eifach sorg… gschider chli früecher reduziere, als när ir 34. Wuche mit wehe im Spital lige und nüt meh dörfe mache als uf d geburt warte. bi mire kollegin ischs so gsi, und zwar ganz klar, wüu si nid rächtzitig d bräms zoge het. und bim arzt no gseit het, si wöug no kes arztzügnis… ersch ab nächscht wuche oder so, und denn isch äbe de ds spät gsi. Si het allerdings ou mega viel wasser gha, und ungloublech viel zuegno, gloub 32kg oder so.
Ha im fall ou alles gwäsche, zwar nid mit üsem wöschmittel, sondern so mit eme sensitive ohni parfüm, aber i finde d chleidli u so schmöcke glich ender nach üs. Ha ou alles tumbleret, dänke das hilft ou no chäfere abdstöte… und i ha also ou alles neue gwäsche, me weiss ja nid, i was di chleidli vorem verchouf scho alles si igleit worde, und wär se no alles i de finger gha het…

@black_key: auso ha di nid wöue ermahne oder so, ha nur ghofft es göng dr immer no guet. mir chöme so langsam ine phase, wo me sech so gedanke macht, wenn e vielschriberin plötzlech paar täg nümme ume isch finde di buch ou sehr schön. chli ähnlech wi mine, aber viel bruuner da gseht me, wär ir badi isch gsi und wär nid

@me: nüt neus, freue mi ufe namitag, es isch eifach scho wieder ds heiss für mi...

[black_key]

@gerbera: has au gar ned so ufgfasst hett ja au schnell chönne bscheid geh dasi weg bin, has denn aber vergässe
hihi ja die vill freiziit i de badi gseht mer mir würkli a, gseh us wie früsch us de ferie
gnüss de namitag! ich muess hüt usnahmswis de ganz tag schaffe...

@wäsche: ich wäsche grundsätzlich immer alles wo ich neu chaufe. han det dure eh en rächte spleen. han glaub chli en wäschzwang...

@me: euse chinderwage isch acho, jetz chömer en go hole juhuuu. langsam gilts ernscht...

[black_key]

@hunny: ja es isch würkli es super hotel, mer werded sicher wider mal gah. ha gseh sie hend sogar es agebot für es ss-yoga-wuchenänd, aber leider erscht im november.
hihi ok denn bisch du öpe glich wie ich... ich han au ALLES gwäsche fürs baby min maa verdreiht ami nur d auge wenn ich alles wäsche wo er neu kauft (inkl. socke)
ja klar gitts es föteli sobald mer en hend

[Mimi83]

@wäsche: ja ich wäsche au alles neue nomol. Ha mer a extra no e Hygiene Spüler kauft. Mit suber han i d chleidli gmeint won i vo minere beschte fründin becho ha. Ihri chli, also mis gottemeitli isch ja im Januar gebore. Sisch alles sehr suber bi ihre, aber äbe damits noch eus schmöckt wäsch ichs nomol.
@hunny_b: ja denn bin i jo gspannt obs im GVK a so vill um s atme got. bin a 3 johr is Yoga. Aber wenns mim GG öpis bringt bin i a scho ganz glücklich! Ich muss mer scho mol die sache won i ned bruche parad lege für de spitol. Das beruhigt mich drum!
@black_key: Mega ufmerksam! Das muss ja super sie det! Oh schön! De chasch de Wage dehei teste! ;/)
@gerbera: ja vo dem han i scho chli angscht. Aber bim Arzt isch es gar keis Thema gsi. Er hät mich gar ned druf a gsproche. Und do ich suscht fit bi han i a nüt gseit. Ja mol luege. Aber fals i beschwerde würd becho würd mi sicher bim FA melde. Danke der aber!
@me: ich muss jetz mol es mässband sueche und de buchumfang messe! Händ ihr das gmacht? Geschter isch mega härzig gsi. Ich bin schnell id stadt. Do ich z fuhl gsi bin zum ei station z laufe, bin i schnell i Bus ine. De hät mir doch tatsächlich e älteri Dame Ihre Platz wele abiete! so lieb! Aber ha jo eh weder usse müsse. Drum bin i stoh blibe.

[gerbera]

@mimi: buuchumfang hani scho ewigs nümme gmässe, chönnti ou wieder emal I finde vorallem d Blicke vo de andere lüt geng rächt zum schiesse. Bi männer ischs vielfach so, dasses ne grad total suspäkt isch, und me ihne das ou grad agseht, bi de froue isch vielfach so dä blick: oh i wetti ou, oder mh, wi wit isch si ächt. I quittiere das meischtens eifach mit eme lächle…

@wäsche: ach i wäsche ou alles, wo neu isch, i hasse dä Lade-gruch… mi ma isch dert no extremer, dä het amigs jedes teil, woner gchouft het einzeln gwäsche sit ig wäsche gits eifach farbgruppene und basta aber är isch eh dr besser huusma als ig… resp. dr gründlecher. drum hetters sicher ou so ghasst ds wäsche, wüuer so ungloublech viel zit brucht het geng

@black_key: was heit dir scho wieder für ne chinderwage? bi ja mega gspannt.

[wolke7]

@blackkey: oh das tönt aber sehr gmüetlich das hotel...muess mer denn das au mol no gnauer ahluege- ergendwenn chont weder die ziet woni so sache chan mache so schön esch euche chenderwage obholbereit- muess den mine no usenand neh ond wäsche, dä esch jetzt scho es momäntli ihglageret.

@mimi: jo gäll de chont mer sech scho chli komisch vor wenn ein d'lüt plötzlech de platz ahbütet...

@yoga: läck send er alli sportlech onterwägs! Han die letschte zwoi johr leider nöm de hufe gmacht...respektive chönne mache wills zietlich eifach ned drinne gläge esch

@wäsche: also förs s'chline vertritt ich di gliechi ihstellig ond wäsche immer alles nomol....aber ich muess ehrlich zuegeh, för mich ond min gg wörd ich da ned extra mache

[black_key]

@buch: ich due mine ab und zue mässe, und i letschter ziit gahts würkli i riise schritt vorwärts mitem umfang
d blick find ich ami au luschtig aber finds au schön wenns so ufmerksami lüüt gitt wo eim de platz abütet usw.

@gerbera: das isch ja au ned schlächt vo dim maa das er alles einzeln gwäsche hed so guet!
mier hend en teutonia be you. hend ier euche scho chönne go abhole? ier hend glaub en bugaboo oder hani das falsch im chopf?

@wolke: das tüüscht mitem sportlich si ich han jetz würkli au monate lang nüt meh gmacht. und s ss-yoga chan mer ned als sport bezeichne

[gerbera]

@black_key: nei, ha grad gmerkt, dass mr dä gloub ize de glich mau müesse bsteue, ou wenn si nur 14 Täg Liferfrischt hei. Tue das grad uf d Todo-Lischte füre Samschtig. Aber ja, hei üs für ne Bugaboo entschide, freue mi scho sehr. Bi i de Ferie mau ds Züri gsi, wahnsinn, da het fasch jedi e bugaboo, het mi dünkt. findes eh krass. Früecher hani doch nie e chinderwage agluegt, gschwige de d marke gwüsst, ize erkenni d bugaboos scho vo witem… so verschiebe sech d inträsse

@wolke: isch villecht ja ou no chli anders, wüu du scho es chind hesch, i weiss de ou nid, obi mit chind no regelmässig zu Sport chume, ds Fitnessabi tueni ämu mau chünde… bi ize ir schwangerschaft eh fasch nie gange… u ds yoga isch bi mir eh meh dehne und atme, als sport

[gerbera]

@hunny: auso ha mi ize uf ds ss-yoga bezoge

[wolke7]

Jo bezüglich sport esch mis problem eher gsi das ich mängs johr vor de erste ss kampfsport gmacht han ond au emmer met zemli ruchem körperkontakt ond denne esch halt kiwu ziet länger gange als erwartet ond döt hani eifach keis risiko welle ihgoh...mol luege öbi das denn so es halbs johr noch de geburt weder chan afoh, es fehlt mer scho sehr!

[Mimi83]

@ gerbera: ja d blick sind mängisch echt köstlich! Bi mer vorallem au will i d Stützstrümpf träge. So noch em Motto, worum treit die schwanger Frau bi dem heiße Wetter so dicki Strümpf?! So guet vo dim GG mit em wäsche! De würd ich ja a nie fertig werde e so! was nämed er für e farb bim wage? Mer händ s schwarze gstell mit de schwarze Wanne und em petroll bezug.
@hunny_b: ich muss äbe jetz a unbedingt mol messe!
@wolke: ja scho. Hihihi aber a mega ufmerksam!