schwangere vom ersten Kind aus Basel??

[perla85]

Hallo zusammen bin neu da.

Suche schwangere au der Region BS BL die auch ihr erstes Kind erwarten. Einfach ein wenig um sich austauschen zu können oder sich vielleicht auch mal zu treffen

[Lynea]

Hallo Perla85, bin aus Basel und in der 14ten Woche. Wie weit bist Du?

[Samosa]

ich bin in der 31 ssw und würd mich über kontakte freuen! wo wohnt ihr?

[palais]

Hi,

ich wohne ebenfalls in Basel und bin in der 20. SSW.
Allerdings werden wir in knapp 6 Wochen nach Birsfelden zügeln.

[perla85]

Hallo zusammen sorry wenn ich mich erst jetzt zurück melde aber ich kam einfach nicht draus wie mann zurück schreibt besser gesagt ich fand mein eigener Beitrag nicht mehr hahaha ( schämmer) ich bin nun in der 15.Woche... Mir hat auch jemand privat geschriben aber auch da "tschecke" ich nicht wie ich zurück schreiben kann Bin halt neu hier hihi was erzählt ihr so ?? wie geht es euch?

[palais]

Hallo perla85

wir hatten am Dienstag unseren grossen Ultraschall mit Organscreening und dem erhofften Outing. Wir dürfen uns über eine Tochter freuen und mein Mann hat sich ja eine Prinzessin gewünscht.

Wir sind in der 22. SSW und ich spüre unser kleines Mädchen jeden Tag ein bisschen mehr. Am Dienstag war sie gar nicht mehr ruhig zu bekommen, sie hat gestrampelt und sich viel bewegt (wahrscheinlich auch weil die Mama so emotional war und auch noch ist).

Ansonsten verläuft alles sehr unbeschwert ab und wir geniessen jetzt endlich das zweite Drittel der Schwangerschaft.

Da ich 100% arbeite bin ich abends und gerade am Freitag nachmittag ziemlich erschöpft und komme mir vor, als wäre ich einen Marathon gelaufen.

Wie geht es euch so? Wisst ihr schon in welches Spital ihr gehen werdet? Wir werden ins Bethesda Spital gehen.

[Annik21]

Hallo zämme,
Fändi super!! Ich wohn au in Basel und bi jetzt indr 15. ssw ..
Wie gohts euch so?

[Chantal]

Hoi zämme,
i möcht mi euch gärn aschliesse, bi aber us Baselland (Therwil), aber das ghört jo au zu dr Agglomeration Basel.
Bi erscht in dr 6.SSW, mir gohts bis jetzt super (ab und zue biz es zieh im Buch und kli schlächt, aber sucht fühli mi guet). I freu mi riesig dass es bi uns so schnäll klappt het.
Fänds e tolli idee wenn me sich mol könnt träffe und sich usdusche .
Griessli und härzliche Glückwunsch an euch alli...

[Nihasa]

Hallo Zämme

isch au mis erste Baby und würd mi gärn euch aschliesse
isch das Forum no aktiv?

ich ha ET im Novämber und bin us Allschwil BL

Liebi Griessli

[Chantal]

Hoi Nihasa

Ha irgendwie s Gfühl dass mir grad die einzige "neue Aktive" do in däm Forum syn .
Aber das macht jo nüt vellicht kömme jo no es paar dezue
Mir bekömme unser erschts Kind mitti März 2015, du bisch also scho vollprofi Mami bis unsers kunnt...
Wie fühlsch du dich eso?

Liebe Gruess

[Nihasa]

Guete Morge Chantal

bin froh git überhaupt öber Antwort - wenn me neu isch imene Forum (und i bin allgemein in dr Forum Wält e Greenhorn) het me immer zGfühl, dass me öbis falsch macht oder nit richtig verstande het

Jööö... - bin gspannnt wie Profimässig i denn dra oder öbi denn scho voll verzwieflet bin wird Dir aber sicher regelmässig Feedback geh - bi schlächt im rächne aber in wöllere Wuche bisch denn jetzt?

Gäl isch e spannendi Sach? lang hanis gar nit Wohrgnoh, dasi schwanger bin... - ha keini Beschwärde kha dr Buuch isch sehr langsam gwachse - aber immer mehr dänki: woooww!!! i ha e läbewäse in mir inne!!
mir gohts zum Glück immer no sehr guet - zwüsche dure hani chli dickeri Füess, aber bi dere Wärmi isch das glaubs au normal - ha denn no zGlück, dasi e Bürojob ha und cha mi an asträngende Täg au mol zrucklehne... -

und Du? wie hesches? lauft alles guet?

Liebe Gruess und e schöns Tägli

[Chantal]

Hallo Nihasa

I bi no im Monatsforum "Märzlis 2016" dört goht voll d Poscht ab, kumm do gar nüm noch mit läse/antworte, me ka au gar nüm richtig uf die einzelne Fraue ygo, s goht denn meh um d Themene wo grad aktuell syn.
Drum hani denn dänkt i lueg mol eb in däm Forum no ebis lauft,... s isch eifach viel überschaubarer so *grins*.
Zu dyner Beruhigig, i bi au e Rächnigsbanause, bi jetzt in dr 10. SSW.
Voll spannend, momentan no irgendwie unreal obwohl i jo scho ganz klar Schwangerschaftsazeiche ha.
Mir gohts zimmlig guet, ab und zue isch mr kli schlächt, ha e Bärehunger... könnt die ganz Zyt ässe und i fühl mi scho voll dick (amme au rächt blähit), getrau mi gar kei ängs T-Shirt meh azieh, im Gschäft wüsse si bi mir nämli no nüt!
Wenn hesch du im Gschäft Bscheid gä ka?
Am 25. hän mir unser 1. Ultraschall, mir syn jo sooooo gspannt:-)! Denn hämr no Ferie und i ha dänkt, dass is so in dr 14. odr 15. SSW im Gschäft sag.
Das wär notürli toll, würd mi sehr freue wennd denn wyterhin brichtisch wies dir so goht mit em Kleine.
Wüsset ihr s Gschlächt odr händrs nid wele wüsse?

Ganz liebi Griessli und e agnähmi Nacht

[Nihasa]

Guete Morge Chantal

Shet au mega vieli Fore wo me sich zerst mol dörf entscheide, wo me will mit läse und schriebe und sgit soo viel wo me cha sich drüber informiere - amis liesisch über Sache wo de sälber gar nit druff cho wärsch und anderi wo di denn wirklich gar nit interessiere -
sisch mr im Fall am afang au so gange... ich ha no drzue gar keini beschwärde kha, somit hani als einzige Schwangerschaftsbewies so zsage d'Ultraschallfötteli kha ha mi denn immer uf jede monetstermin bim Frauearzt gfreut, zum mir bestätige, dasi au wirklich schwanger bin!! üsserlich merkt me praktisch gar nüt und bi dr erste Schwangerschaft dänksch eh immer an ganz anderi Sache ha ebe scho immer gern gässe und gschloofe somit het sich für mi gar nit viel gänderet!
im gschäft bzw. mim cheff und dr arbetskollegin hanis in dr 15 ssw gseit, also nach de 3 mönet und doch bevor mes vo bluttem aug gseh hät, obwohl au das ziemlich lang gange isch bi mir; je nachdem was me azieht seht mes gar nit wirklich - sälbst jetzt in dr 26 ssw aber das isch jo bi jedem anderst -
do ich scho immer eher e dünns gsy bin, ischs mr am afang scho chli komisch vorcho, all die veränderige: chli breiters füdle jetzt langsam aber sicher de Buch - zwüschedure dickeri fuessknöchel.... - aber irgendwie treit mes trotzdäm mit stolz, schliesslich wird eim bewusst, dass me e läbewäse in sich treit bzw. ich sag dem e kleins wunder im Buch het
mittlerwiele wüsse mr was es wird, hän das au wölle... wäns aber für uns bhalte - hüt zutags isch nüt mehr e überraschig... kenn eini bi dere het me lang gwüsst was es wird und syt dr letst wuche wo sie babyshower gmacht het weiss me au wies heisse wird... .- naja.. jedem das seine... -

soooo spannend!! de ersti Ultraschall!! chunt di Partner au mit? wenns goht unbedingt!!! das isch so e schöne momänt!!!

wünsch Dr e schöne sunnige Tag und bis bald!!

[Chantal]

Hoihoi

Voll interessant, z läse wies dir so ergange isch und momentan goht.
I ha die letschte Täg zimmlig empfindlichi Brüscht, muess au uf bequemeri/grösseri BH`s umstyge, hätt nid dänkt dass das scho so frieh kunnt.
Mir wänn s Gschlächt au wüsse, find das no toll wenn mes vorhär scho weiss.
Jä klar, mr gön zämme zum Ultraschalltermin, är isch au mega gwundrig und freut sich .
Bis du e sportliche Mensch? Falls jo, was machsch so für Sportarte?

E schöns Wuchenänd und liebe Gruess

[Nihasa]

das mit de Brüst kenni, isch am afang rächt müehsam gsy - vorallem bim liege oder weni chalt kha ha... uuuuh het das zoge wenn es windli cho isch aber het sich bi mir wieder gleggt... ha sälte bis nie mehr schmärze kha.. .

i gang regelmässig ins Fitness und mache Grätsport - bin nit extreeem sportlich, bin aber froh, dasi mindestens 2x in dr wuche ins fitnesstudio gang für e stündli und mini bei, ärm und rücke trainier - dr wiederistieg noch dr Geburt wird so sicher eifacher und ruckestärke isch s'beste wenn de dänksch, dass mr nochär es würmli wärde ummetrage

[Chantal]

Sali

Ah das isch guet zwüsse dass das wieder besser wird.
Jo i bi eigentli scho no zimmlig sportlich, due vor allem schwimme, mountainbike und jogge. Fitness isch nüt für mi, i bruch früschi Luft und Natur . Mini Ärztin het gmeint dassi uf jogge söll verzichte, alles anderi kanni in Mass mache->dörf eifach de Puls nid z hoch triebe. Was gar nid so eifach isch, wenn i nämmli im Bikeclub will mithalte isch mi Puls scho zhoch, isch grad voll hart für mi dass i momentan nid ka mitgo. Schwimme isch wäg däm notürli besser, do kasch dys Tempo mache. Finds au wichtig dass me sich fit bhaltet, s Kleini wird uns denn scho uf Trab halte und das mit em umetrage isch nämmli au nid ohni. Was gyts bi dir suscht so z verzelle? Spührsch du scho ebis im Buch, dass es sich bewegt?

Griessli

[Nihasa]

also i freu mi au, weni wieder s'volle sportprogramm chan durezieh aber ebe: puls und so isch scho wichtig!

Am Samstig hani de letst Geburtsvorbereitigskurs, denn isch das au scho gmacht
sin zur Zyt am Babysache zämmetrage: Bettli, Wickeltisch, Autositz, Kleidli etc. isch scho schön zgseh, wie langsam alles zämme chunt - und denn gohts ans zimmerli irichte, dass au jo alles ready isch, wenns so wyt isch
jetzt machi mr mol gedanke über e 'papi-köfferli' - will mim schatz öbis geh, wenn mr in Spital gönd, so als überraschig und würd gärn no es Shirt bstelle miteme witzige uffdruck

jooo mega schön, wenn mes afoht spüüre: bewegt sich regelmässig, zum teil seht mes au scho vo usse und wasi aber am schönste find, wenns mi schatz mitspüürt - er het au scho im richtige momänt dhand uf de Buuch glegt und s'schätzeli gspüürt!! e wunderschöne momänt!!

hesch du dich scho entschiede wo du sbaby willsch entbinde?

[Chantal]

Hoi

So jetzt mäld i mi au äntli wieder, d Ferie syn umme und i ha jetzt mol wieder Zyt am PC zsy.
Was gyts so Neus bi dir, händr s Zimmer scho fascht fertig? Bi uns isch in die Richtig no gar nüt gmacht, abr mir hän jo au no kli länger Zyt. Wo hesch du de Geburtsvorbereitigskurs gmacht? Bisch zfriede gsy?
I freu mi scho riesig wenns denn sowyt isch, dass mrs gspühre. Wenn hesch du`s s Erschtmol gspührt und wie hets sich`s agfühlt? Bi so wunderfitzig
Das mit em Papi-Köfferli findi e lässigi Idee, toll dassd so ebis machsch!
Bi uns isch nonig klar womr denn ane gön, i tendier kli zum Bethesda-Spital. Wie gsehts bi dir us?
Hey i bi so gspannt wie sy im Gschäft uf mini Schwangerschaft reagiere, mini Chefin het jetzt no Ferie und isch am Zischtig wieder do. I wirds zerscht Ihre und denn de räschtliche Kollege sage.
Wie isch d Reaktion gsy bi dir und hesch du scho Plän wies denn spöter wyter goht, odr nid?

Griessli

[Nihasa]

Guete Morge Chantal

Schön, Ferie!! sindr furt gsy? und wie hesches kha?

im Zimmer stoht mol s'bettli that's it :DDDD - mir hän uns ebe es huus kauft, weiss nit öbi das mol erwähnt ha - und morn isch schlüsselübergab. Denn fange mol umbauarbete ah und mir ziehn vorrussichtlich mitti Januar ich - somit hani nit wirklich es kinderzimmerli parat gmacht, sondern eifach mol snötigste - Wickeltisch hole mr die wuche, mehr bruchts denn au nit - e stube wage hani no, das sött für de afang länge.

Mir sind in Basel im Hypnobirthing gsy - i hans super gfunde, isch aber nit jedermanns Sache - i bin ebe überzügt, dass mir fraue für s'gebäre gmacht sind, und keini (insofärn s'kei notfall isch oder e medizinischs Problem) unterstützig vo dritte bruche... - aber do s für mi jo au die erst Geburt isch, bini jo gspannt wies sy wird! i wünsch mr e wassergeburt... hoff au, dass das so sy wird - me sött sich jo bekanntlich nit zviel vorneh!

huiii - wenn hani s'schätzeli serst mol gspüürt - isch jetzt sicher scho um die 1o wuche här... glaubs um die 21 oder 22ste wuche isches gsy - und syt denn aber drfür jede tag - mol chli weniger mol chli stärker isch aber e schöns gfühl!!!

Mir gönd ins Bethesda - sisch mega schön dört, sie sind total kompetänt und sehr vortschrittlich in gwüsse Sache wie z.B. Bonding, was im Baby e guete Start ins läbe ermöglicht - chasch allerdings erst ab dr 36ste wuche entbinde..

Bin gspannt was de verzellsch, wie sie reagiert händ - me isch immer so nervös!!
bi mir hän sie super reagiert - mir sind allerdings au e chleins Team us 3 Lüt und s'erste wo mini arbetskollegin gseit het miteme riese lächle: i hans gwüsst!!
i bin ab hüt 30% krankgschriebe - mini arbetskollegin chunt erst morn und min scheff isch die wuche in de ferie - do bini au gspannt wie sie reagiere! das macht mr scho fascht mehr buchweh, als d'mitteilig, dasi shwanger bin )

i hör ebe uf schaffe nach dr Geburt bzw. msu - und due mi voll und ganz im Baby und huushalt widme - freu mi riesig uf die zyt, ha aber kei ahnig was das wirklich bedüttet

I druck dr de duume für morn bella!! chunt guet! schliesslich ischs e noochricht wo zu 90% alli mega freut!!

[Chantal]

Hoi Nihasa,
wie gohts dir eso und wie het dr Chef druf reagiert dass d 30% Krankgschriebe bisch?
Ach so, jo das verstand i dass dr do nur mol s nötigscht yrichtet, am Anfang bruchts au gar nid soo viel.
I gang morn bi dr eint Kollegin no e Wickeltisch und paar Kleidli go hole .
Im Geschäft hän sy sehr guet reagiert, s hän sich alli gfreut für uns. I weiss noni eb i denn wyter schaff, möcht max.40% damit i fürs kleine und dr Haushalt Zyt ha.
Das tönt au spannend, i weiss aber nid eb s ebis für mi wär...viellicht binre 2.Geburt.
I ha mi\uns jetzt für e Vorbereitigskurs bim Bethesda agmolde.
Kürzlich hani bi minr Ärztin s Härzli ghört->voll schön gsy!
Du do mir do die einzige syn könntemr au per Mail odr WhatsApp schrybe, was meinsch?

Liebe Griessli