Frühlings-Kinderwünsche - wir haben's geschafft

[gerbera]

@black_key: i ha mine nächscht Wuche, muess ou dr gross mache, findes no speziell, dass deu ärzt eifach vo afang a dr gross aordne, und anderi mache nur dr nüechtern-wärt… findes luschtig mir si würklech immer genau glich dinne

@mimi:genau du hesch dr Wickeltisch über dr badewanne, gäu? das häti ou super gfunde, aber de müesst mr fasch e separati duschi ha… wüu das züg nachem wickle geng furt ruume, oder geng drüber düschele und ds bad fluete isch mr ou ds müehsam…

@hunny: isch de di gg wäg sine eltere so gnietig? hoffe är heig sech wieder echli erholt… Ibouschränk si natürlech öppis enorm kuhls, mir hei aber leider keni i üsere Wohnig…

@me: finde eigentlech mi buuch ou total ok… darf mi eifach nid so la verunsichere… mini gwicht isch derfür grad chli am explodiere, ize sis de scho 9 kg :-/ derbi isse ig vor hitz här gar nid so viel… aber derfür si d stützstrümpf am morge scho müehsamer, chönnt eifach grad wasserilagerige si… auso vo mir us dörfts problemlos langsam chli abchüehle...

[black_key]

@hunny: ja aso die nacht isches würkli sehr unagnehm gsi...
ich hoffe mit dim gg gahts beser?

@gerbera: isch würkli speziell das es ned alli FA glich mached. ich hoffe eifach das die wert guet sind :/
säg nüt, bin letscht wuche au bitz verschrocke wägem gwicht han aber au rächt wasserilagerige i de bei ich dänke das macht au nochli öpis us uf de waag....

[Mimi83]

Halli Hallo mitenand
Also ich ha scho chli e unagnähme schlof gha bi dere Hitz! Ha geschwitzt ohne Ende! Es iPhone! Muss nocher min GG froge, de weiß das garantiert! Hans selber a scho gfunde aber jetz ein ich's will usschalte isch es irgendwie weg! Ich ha ne am fritig gha. Vom Arzt han i no nüt ghört. Aber wenn's öpis akuts isch meldet er sich sicher bi mer. Und suscht han i am do innere wuche Termin. Nur e kurze aber er wird sicher de über s ergebniss rede.
@hunny_b: ja ha a de ganz müsse mache. Ich has aber als recht agnähm empfunde. A s Getränk! Git echt schlimmers!! jetz weiß ich würde mir din Teppich so bekannt vor cho isch. Mer händ de i de Kita! Aber scho chli verbleicht.
@gerbera: ja genau. Das fänd ich de also a e seich! Aber do mer duschi und Bad händ got das super! Suscht hät ich mer e wandwickeltisch für is Zimmer kauft. Eifach us platzgründ. Ja musch luege du häsch sicher vill Wasser wie du verzellsch. Musch der sicher kei Gedanke mache. @me: also mer händ im gschäft glaub 35 Grad gha! Aber es isch super Gänge zum schaffe. Ha eifach d Klimaanlage minim lo laufe. Und ha chli Respekt. Eis sind hät so roti pünkt becho. Ich hoff es isch e Reaktion uf d wärmi gsi. Ned d spizeblotere oder masere. S erschte han i zwar scho gha. Isch das echt im Moment schlimm für mich?

[Mimi83]

@hunny_b: ja ich hoffs jetz mol! Je noch dem gits das wirklich gärn mol. Do mer aber vill schwangeri Mamis und chlini chind händ sind mer immer froh wenn das grad abklärt wird. Ja bin ganz sicher gimpft. Und d spizeblotere han i äbe scho gha. Bin mer äbe ned sicher gsi wie gföhrlich das isch. Aber de bin ich ja froh, dass s Risiko ab de 24.ssw für s Baby chli isch. Solangs nur mir öpis macht bin i ned so ängschtlich! Nur bim Baby!!
Oh das tönt de idüllisch! Hihihi bis froh! De bisch no beweglicher und aktiver! Würd ja a gärn! aber äbe leider gots zitlich ned bi mer.

[Mimi83]

@hunny_b: ja du häsch ja recht. Aber solangs "nur" mer chli schlecht got chann i irgendwie besser demit läbe. Weisch sicher was i mein.
Nei leider ned. Ha das vor Ende zitli mol vorgeschlage, das alli ein fixe früedienst und ein spotdienst i de wuche hätted. Isch also bi de Leitig ned guet a cho. Leider! Aber ab de Baby Pause schaff i de nur no di, mi & do. de chann i de am mo oder fr öpis mache! freu mi scho!

[Mimi83]

@hunny_b: ja gell. Bin a überrascht gsi. Debi würd sich so a weniger arbet mit em plan schribe jedi wuche ergä. Aber äbe bringt ja nüt! Zum glück hät min FA e seperati hebamme wo die kürs git. Und zwar am samschtig! Ha mega glück. Oh das tönt super. Mit em baby muss i de a e kurs sueche. Aber schaffe jo erscht im april weder. De find i sicher eine. Jetz hät mer grad es gspändli gschribe, dass sie e nachtvorhang mit leue druffe hät. Öb ich de chönt bruche. Ha grad freud und evtl sogar no e chline tepich! Hihihi! Freud! Langsam wird i nervös! Wie gots der?? Bisch a scho do gspannt??

[Mimi83]

@hunny_b: macht nüt!
Hmm ich glaub ned. Ha no so es bistellbettli becho. Wird s zerscht sicher a no vill bi eus im zimmer ha. Aber wenns de guet würd klappe find ichs de ned schlecht wenns so mit 5-6 monet im eigete zimmer/bettli würd schloffe. Also ab denn won ich wider würd mit schaffe starte. Eifach will i denke, dass ich de a tüfer würd schloffe. Aber das säg ich jetz. Wer weiss vilicht bin i nocher ganz anderer meinig! Und wie händ ihrs denkt? Ja das wär cool wenn ich das alles chönt erbe und s mer de a gfallt. ich muss säge das ich s schwanger sie a sehr gnüsse, aber ich bin so gspannt!!! Aber äbe bin ja scho fascht wuche 27. Wahnsinn! Chans fascht ned glaube!!!

[gerbera]

@mimi: i finde das no schwirig, ds plane wi me de das mit schlafe wot mache, i has glich wi du, vo afang a babybay, und es babybett hei mr im zimmer aber de ou, versueches de villech mau mit mittagsschlaf im babybett, u wenn das guet geit je nachdäm zügle, villech eifach ou abhängig dervo, obi ir nacht no muess stille...
Wi lösisch du de d chinderbetreuuig, wenn du geisch ga schaffe? Oder chasch du dr knirbs mitnäh?

@hunny: ha ize dr start ids ss-yoga ufgschobe, wüus mr nid so guet gange isch, aber nächscht wuche chani evt. Afa.. Aber bi bi witem nid so sportlech wi du, mau luege, wi das wird...

@me: bi scho im büro, de chani hüt am elfi ga, und chli babyshopping mache, hoffe i finde das, woni mr vorstelle...


Gesendet von iPhone mit Tapatalk

[black_key]

@hunny: dis ss-yoga verusse tönt super bi mir gahts erscht mitti auguscht wider witer

@babychleider: ich ha no kei ahnig was mer alles scho im vorus sölled bsorge. ich han rächt vill langärmligi pyjamas übercho, söttig hani sicher gnueg. denn bruchts sicher no langärmligi bodies. aber ich finds no schwirig wäg de grössi? die chlinscht grössi passt ja vilicht grad mal par täg am afang, wenn überhaupt? nehmed ihr de eher bitz grösseri sache?

[Awe]

Hey ehr liebe Fraue met euchne höbsche Babys im Buuch

Schön zläse gohts euch guet ond ehr öberstönd die hitz einigermasse. ich bin also au ganz froh esches bald weder kühler, euse chli schatz hed nämmli au heiss.

ich ha dänkt ich schriibe do chli erfahrige vo mer ine betreffend Wickeltisch, bettli, kleidli etc. wett eu ned tipps geh, well jedes Baby/mami/wohnig esch andersch ond mer muess eifach sälber usefinde wies am beschte för alli passt.
Bezüglich Wickeltisch esches för mich sehr praktisch dassi de ned emmer muess wegrume oder so. ich han kei Wickeltisch sondern wickle uf de wäschmaschine obe metere wickelmatte. hinde dra hani e schöni ablag woni windle, pflegeprodukt, tüechli, etc. emmer griffbereit ha. D'chleidli hani im zimmer ond falls mer ehn muess andersch alegge gangi met ehm zäme die Sache go hole. euse bueb esch so wild am torne bim wickle, das mer ehn ned döf elei lo (guet das macht mer jo so oder so ned). Ehr wicklet soo vell am tag, das esch wörkli en neue arbetsplatz ond drum esches eifach hilfrich wenn alles grad zur Hand ome esch.
Bezüglich Bett händ mer es bistellbettli, er pfuuset grad näbe mer. i de nacht hani ehn amigs chöne zo mer neh, stille ond weder inelegge. Jetzt schloft er aber bereits sit eme monet dore ond s'bettli wird au zchli. es esch ebe es sälberbouts ond wahrschinli chliner weder die womer chan chaufe. uf all fäll hätti er scho no platz dine aber wenn er no wach esch vorem pfuse denn tornt er so met de bei das er sich im kreis dreit (zewi-decki esch daher secher ganz praktisch) ond letschti escher metem halbe körper i eusem bett gläge wo mer send go schlofe. drum chunt er jetzt ines grössers bett aber au bi eus im zimmer. mer händ e loftwohnig ond er hed keis eigets zimmer.

Krabble chan euse noni aber uf de krabbeldecki esch er scho sit er weniger als 2 mönet alt esch. mer händ denn sone spieltrainer ufgstellt wo er die mobile Sache chan aluege ond er esch Emmer länger uf dere decki ond cha sich sälber beschäftige. das esch wörkli sehr entlastend, grad wenn mer velecht wäge buchweh sis chliine vell muess träge ond omelaufe wies bi eus gsi esch. es esch so spannend wie vell die chline Babys lernend, plötzli vo eim uf de ander tag. Do er jetzt ebe so vell tornt met de bei ond sich chan im kreis dreihe, schafft ers au daser scho halbe am bode liid ond das ohni daser sich chan dreihe (chunt aber gli). das heisst mer stelled bereits jetzt s'laufgitter uf obwohl er ersch 3 mönet alt esch

Kleidli händ mer am afang no länger s'50gi brucht well euse jo ganz e chline gsi esch (2.5 kg). Aber es goht wörkli schnell ond mer send jetzt scho bi 62/68. mer händ ganz vell Sache gschänkt öbercho drum wöri ned zvell poste. dänke met de grössi 50/56 Sender am afang guet bedient ond wenns so chlii send leider mer eh nor Bodys ond strampler a. hösli, etc. chömed de chli spöter.

So ich muess leider unterbräche, wells schätzli honger hed

wönsch eu ganz e schöne tag

[black_key]

@awe: danke villmal für dini erfahrige, das isch sehr hilfrich! schön z läse das euchem schatz so guet gaht, das macht eim grad ungeduldig ufs eigete baby

[Mimi83]

@gerbera: ja genau. Will mu weiss jo nie genau wies de klappet. Und hasch schöni sache kauft?
@chinderbetreuig. Ich has natürlich super praktisch. Ha de platz für mis baby scho reserviert i de chrippe bi üs. Es wird zwar ned uf minere gruppe sie aber ich kenn ja alli super. Vo dem her isch für mich keis problem. Ich starte de weder im April und schaffe di mi & do. wie gsehts bi euch us?
@ hunny_b:ja ws dondolo han i a kauft. Aber das vo de amazonas oder so. Ich find die Hängematte allgemein super! Mache i de kita so vill gueti erfahrige demit!
@black_key: meinsch bruchsch echt wirklich öpis? Ich ha jo a schnell panik gha und jetz scho 4 chischte chleider zum nocheträge becho! Suscht han i gseh gits so estlingsausstattung wo chasch chaufe. Die find ich no supi. Ich hät mer also das bstellt.
@awe: ja hallo liebi awe so schön vo der z läse!! Danke der! Jas glaubi! Sind alli am schwitze. Aber morn wirds besser!! Danke der no für dini tipps! Ja die babytrainer find i cool. So eine muss i no ha! Cool das tönt guet bi euch!

[black_key]

@mimi: das isch ja praktisch das du chasch witerschaffe und dis baby grad bi euch betreut wird. denn bisch immer i sinere nöchi und weisch das es guet betreut wird. das isch mega schön.
ich wird nach de geburt mal umeluege für en teilziit stell. wie vill prozent weissi noni, mier müend das mit de betreuig au no gnau aluege. aber mini eltere werded sicher 1 tag luege, sie freued sich scho sehr sie liebet chind, sie hetted am liebschte 5 oder 6 gha

ich dänke au ned das mer am afang vill chleider muess chaufe! sonen erstlingsusstattig isch en guete tipp, das chan mer sicher bruche!

[black_key]

@hunny: ja so gseh ich das au, vill bruchts am afang glaub würkli ned und wenns bitz z gross isch isches ned so schlimm. ich wird hüt au mal go umeluege und sicher öpis chlises chaufe will wie du säisch gitts so vill herzigi sache
super danke für de tipp mit chleiderbörse uf facebook!

ich hoffe hesch dich vo geschter guet chönne erhole? so täg sind scho sehr asträngend und denn no bi dere hitz... ich ha die chli die letschte täg au chli weniger gmerkt ich glaube es isch ihre au z heiss gsi zum umeturne ich hoffe morn isch alles guet bi de kontrolle bi dir. was wird gnau agluegt?

[gerbera]

@mimi: ja ha mr es Tripp Trapp mit Newborn-Ufsatz gchouft und e Babyschale mit Isofix… das si so musts gsi für mi

@black_key: i ha im Fall ou viel becho vo Kolleginne, wo scho chind hei, und eismau het mr grad dr arbeitskolleg abotte, dassi ihri chleider süsch alli chönni ha, si hei zwöi buebe… i dänke grad bi chleidli isch so viel, wo unbrucht im bekanntekreis ume ligt, isch fasch schaad nid zersch chli ume ds frage. oder kennet dir gar niemer mit chinder?

@awe: so schön, heit dirs so guet! du bisch üs geng grad es halbs jahr vorus, da chöi mr natürlech sehr profitiere

@dondolo: i ha im Fall dänkt, i choufe de das, wenni merke, dasses ds baby gärn hätti, aber kenne mega viel, wo ds chliine nid oder nume ganz churz het dinne wöue lige…

@me: ha mr es Tripptrapp mit Newborn-Ufsatz gönnt geschter, finde das super, steue mr vor, dassi ds baby de ou dert drinne cha ha, wenni choche, de hets mi geng guet im Blick, fallses nid wot schlafe mau luege, ob di theorie de ufgeit. freue mi, ize de ds zimmer idsrichte… Das isch dr nächscht Punkt

[Mimi83]

@black_key: ja das find ich au. Vorallem isch es nur 50% und das uf 3 Tag verteilt. Mol luege wie das de funktioniert. Aber ich ha volls vertraue i mini Kollegin und sie freut sich scho sehr, das mis Baby de zu ihre uf d Gruppe chunnt. Und wenn ichs mol ned will mitnäh, freut sich mis mami scho sehr druf de z luege!!
@hunny_b: de händ mer ja demfall di glich!! ich finds so toll, dass mer det d chind drinn cha a mache. Und das isch mer us minere erfahrig sehr wichtig gsi!! Oh du armi! Ja bin gspannt musch schribe wies gange isch! Ich ha erscht inere wuche weder mol kontrolle!
@gerbera: cool! Das bruch i a no!! Das isch imfall super. Ha das i de kita au!
@me: hüt gon i mol a infoobig vom spital go inneluege. Bin ja gspannt!

[Mimi83]

@hunny_b: was isch mit de wolke?
Wär cool wenn ne würdsch gseh! Ja er chunnt mit. Aber begeischterig wär anderscht. Ja bin allso a gspannt. Au ob do vill lüt chömed.

[Mimi83]

@hunny_b: oh nei!! Die arm! Muss no go luege! Er isch ned de wo gärn a so verastaltige got. vorallem ned am mittwuch de isch sin obig mit de musig. Zum arzt chunnt er aber zum glück immer sehr gärn mit. Ok. Ja de nöchscht infoobig isch im september. De hät mi aber chli spot dünkt!!

[black_key]

@gerbera: nei ebe ned würkli... vo mine kolleginne hed no gar niemer chind und i de verwandschaft sind all chind scho chli grösser die hend glaub d chleider zum gröschte teil scho witer geh. aber ich frage sicher nomal ume

@hunny: jaa die arm wolke
hoffe bisch ned z fescht nervös wäg dim termin hüt?

[Mimi83]

Hunny_b: :-0 oh nei!!! Was machsch de du für sache??!!! Häsch öpis gmerkt gha? Aber guet gots im baby guet!!! Wie gots der? Wie isch das passiert?