Was haltet dir vor RSS? Was heit dir für Erfahrige gmacht?
I ha mi afa informiere, wüu mi 10jährig sehr ä schwere Start im Kiga gha het u vo dem Moment a, ischs nur no bergab. Er het wie ä Stempu druf us Problemching, wo vo Klass zu Klass witergä wird
mit Problemching meini er het Problem schön z schribe, het Mühe im Math u isch haut sone "Hans-guck-in-die-Luft" mängisch. Er lat sich sehr gärn la ablenke u überspilt sini Sensibilität mit Coolness u Klasseclown. Er isch auso nid irgendwie agressiv oder so. U adhs usw hani müesse la abkläre u steuet nech vor, i ha es gaaaanz normals Ching[-] aber äbä dä Stempu isch z Problem. Er isch dür das unglücklech u füehlt sech zu Recht ungrecht behandlet - was für ihn gar nid geit, wüu si Grächtigkeitssin extrem usgeprägt isch. Er hets ächt nid liecht gha i de letschte Jahr. Wegem obegnannte, am Tod vo mim Grosi, ar Trennig vo mir u sim Papi u mini neui Beziehig [-]Patchwork isch haut o nid grad eifach...Us au dene Gründ, hani äbä gluegt wie i ihm cha häufe u bi uf d RSS cho. Mir hei itz mau es Gspräch nächst Mittwuch u bis itz tönta scho mau sehr guet - di si gloub scho nüm so extrem wie anno dazumal. Aber glich wäri um jedi Erfahrig wo dir gmacht heit dankbar.
Merci scho im Vorus für öii Antworte [-]
Liebi Grüess
.
wir haben nächsten mittwoch mal ein infogespräch, dann kann er ne woche schnuppern geht und dann sehe ich weiter.
