Frühlings-Kinderwünsche - wir haben's geschafft

[gerbera]

@hunny: merci viu mau nei definitiv hei mr üs no nid entschide, dr gg muess de nomau mitcho, däm isch dr chinderwage ou no wichtig, und är het äbe am samschtig nid chönne, wüuer het müesse schaffe… aber ha dänkt chli vorsondiere schadet ja ou nüt…

bi gspannt wi de bi euch ds organscreening wird. Ah wasi no vergässe ha, me ligt ja ufem rügge, und när drückt ja dr fa no ufem buch ume, und mir ischs de plötzlech so komisch worde, und de hani ds lang nüt gseit u bi de fasch i ohnmacht gheit, d fa het gfunde das chönn scho si ab dere zit, wüus eim ja d lungevene cha abdrücke, aber sägets eifach rächtzitig, wenn euch sturm oder komisch wird, s isch de plötzlech nümme so luschtig gsi… I gloube normalerwis passiert dr das nid, wüu di eh dräisch, wenns dr unwohl isch, aber das isch haut während em ultraschall nid gange… nur so als heisse tipp...

[black_key]

@hunny: hey so toll hender de kiwa scho. ier chönd ja mal fäng en üebigs-fahrt go mache demit
jaaa ich freu mi scho sehr uf de 18. sitt ich die chli aber täglich gspühre bini scho vill ruhiger als am afang...

@gerbera: das hani au scho gläse, das mer wenn möglich ned z lang ufem rugge sött ligge. wär mer aber bim ultraschall untersuech au ned i sinn cho, aber danke für de tipp! wie lang isch de termin bi dir öpe gange?

[gerbera]

@black_key: när de glich zimlech lang, wüu i ha när es zitli nümme ufem rügge chönne lige, u de ischs de chli müehsam worde… i schetze mau, dassis so nach 30 minute ds erschte mau gspürt ha, oder villecht ab 40 minute… insgesamt isch dr termin när gloub fasch 2 Stund gange...

[black_key]

ok demfall gaht das no rächt lang. aber super denn chan mer richtig lang baby-tv luege
...ich glaub min buch isch doch rächt gwachse, ide letschte par täg hend gfühlti 100 lüüt min buch betatscht...

[wolke7]

@gerbera: schön esch alles guet gsi ond gratulation zum bueb!!! Jo das met em uf em rogge legge hani au scho ghört...bi de erste ss hani nüt devo gmerkt, mol luege wies damol werd.

@zuckertest: ich ghöre absolut ned id riskogruppe für diabetes ond han au de ganzi i de 28 ssw müesse mache s'erste mol...ond han tatsächlich en erhöte wert gha- also nach em zuckerzügs trinke, de nüechtern isch guet gsi. Han den di restlichi ss eifach wieter müesse ufs ässe luege ond ben so um insulin ome cho- wörds also empfele de ganzi zmache!

@buch: secher jetzt scho grösser als inde erste ss zu dere ziet, aber weni ned grad es ängs chleid ah han chönts au emmerno en zvell gässe buch si- han s'erste mol es herzigs büchli gha bis am schloss, hati gern weder

[black_key]

@babysitz: mier hend eus jetzt au für de maxi cosi pebble entschiede. was mer noni wüssed isch öb mer d isofix station au sölled neh... ich has irgendwie mega kompliziert gfunde. die babysitz chan mer zwar mit isofix oder au manuell mit gurte befestige, aber zum teil d kindersitz denn nüme sondern usschliesslich mit isofix. und denn gitts no sitz wo d station scho dra isch usw. aso ich chum ned würkli drus

@hunny: nur no 8 täg bis baby tv

[wolke7]

@blackkey: mer händ de maxicosi inklusiv dere station ond ich muess säge, wenn das ding mol im auto esch (also die station) den eschs vel bequemer ond schnäller wend de maxicosi nor no chasch ihänke als wennd emmer d'gorte muesch före neh...au isofix chani grondsätzlich sehr empfehle, en chindersitz esch dütlich feschter ahgmacht als nor met de gort- vo de sicherheit gets secher kei ihbuessig!

[black_key]

@hunny: hed dier de FA mal gsäit was für e plazenta du hesch? aso vore, hine.... das chunnt rächt drufa wie guet mer s chline gspührt.

ich mäld mi uf jede fall no für en gvk a.

@wolke: super merci für de tipp! denn werded mer eus glaub au für en station entscheide

[black_key]

@hunny: muesch luege bi dier gahts nüm lang. ich merks au sitt öpe 1.5 wuche, und du bisch ja no en wuche weniger wiit als ich. aber bi mier isches au noni starch, aso vo usse merkt mers noni. min maa fragt jetzt all tag öb ers jetzt ächt au merkt mit de hand
jaa uf jede fall, sonen termin isch immer beruhigend

[Mimi83]

Hallo liebi Mädels
So jetz chumm i a schnell weder zum schribe!
@wolke: super isch die kritisch Zeit verbi! Ich bin ab der vill entspannter worde. Gots der ned a so?
Isch die wuche chli besser mit em heuschnupfe?super isch Din untersuch so guet gange. Und gratuliere zum Verdacht uf en Bueb!
@black_key: oh han ich der echt scho gratuliert?! Bin gar nümme sicher! Falls ned will ich der jetz zum töchterli i der Gratuliere! und d chinderwagefarb? Wüssed ihr was er wend? Wegem Screening, also min Arzt hät s Hirn d chnoche, ruge, Gliedmaße und natürlich allei vermässige gmacht. Au s Herz und d nabelschnuer hät er gnau agluegt. D Niere weiß i ned und die innere Organ. Gseit hät er amel nüt dezue. Vilicht will mer jo neu wend wüsse was es git und mer suscht z gnau gluegt hätted! Hihihi aber es isch alles in beschter ordnig gsi. Nur s gesichtli häts ned welle zeige! lueged mer de halt nöchscht mol nomol a. Letscht mol isch amel alles a sowit guet gsi. A de rugge geht guet us. Und min Termin isch nur Ca 30 Minute gange.
@hunny_b: und wie gots der mit Din Buch? Immerno mängisch härt? Oh so schön dis chleid!! Gfallt mir sehr!!
@gerbera: und bi de? Hei au herzlichi Gratulation zum Bueb. Ich bin jetz glaub du einzig wo's ned weiß. Aber mer wends ja so. Ich muss gli zum zuckertest. Au de gross. Warte uf s Telefon funktioniert de Termin. Das macht drum ned min FA. sicher 3 Stund meint d Hebamme muss i rechne und de sell i mer grad go schaffe will's ganz villne anscheinend denach schlecht isch. Min bugaboo hab ich de vor sicher meh als 8 wuche bestellt und de isch no ned do. Das mit en lige isch de krass. Ich lige no vill uf en rugge aber bis jetz ohne Probleme. Aber guet z wüsse.
@gini: schön klappet das so guet bi der dehei mit de zwei schätzis! Hihihi das wird sicher e Großfamilie bi euch!@me: ja min Buch wachst im Moment au. Jetz gseht mers richtig. Vorallen am obig!
Wegem autositz det chumm i eine über vo Maxi cosi aber s Modell kenn i ned. Muss Mol froge. Er isch Occasion. Weiß das öpert, cha mer de für alli Model so es isofix ha und muss das s Auto unterszütze oder git das i jedes modernere Auto?
Ich ha mi grad für e vorbereitigskurs a gemeldet. Händ letscht wuche d Hebamme kenneglehrt bin Arzt. Er schaffet drum grad mit einere zämme. Sie isch sehr sympathisch und a sehr kompetent. Macht aber nur Kürs mit höchschtens zwei Paar! Find ich persönlich aber grad supi! Ja das mit de Krankenkasse muss i a no abschicke! So jetz han i vill gschribe! Hihihi bis bald

[wolke7]

@mimi: jo de heuschnupfe esch biz besser, danke. Han aber secher sit 2 woche so en müehsame hueste wo eifach ned wegg wott ond zvell neh wotti au ned, au wenns sache get womer dörft. Merke eifach das min beckebode bereits weder beasprocht werd dord ss ond au nöm so guet esch wie vor de erste ss- muess mega ufpasse bim hueste dasi ned plötzli id hose bisle

Sit de ett verbi esch gohts mer eigendlich rächt guet, mängisch eschs eifach emerno so onwörklich wills au täg get woni chum öpis vo de ss merke- den helft mer amel sehr dasi de angelsound chan neh ond s'herzli gschnäll lose.

So en station brucht glaubi emmer en isofix im auto das mers chan befestige ond leider het ned jedes auto automatisch en isofixvorrechtig-müesstisch also luege öb er das bi euchem händ!

[Mimi83]

@wolke: super gots mit en heuschnupfe chli besser. Ja luegsch das de hueschte schnell los bringsch! Das mit en id Hose mache isch zvill! Hihihi
Ja das kenn i. Würd min Buch ned wachse und s Baby ned so aktiv sie de würd ich a mer glaube das i schwanger bi! Aber es wird vo Tag zu Tag realer und ich freu mich immer meh! wenn's Baby mol ganz ruhig isch de holl i a de angelsound vo de Kollegin füre! Das isch super. Versuech mi aber immer weder chli zrug z hebe! Mi Maa hät mol gmeint mer händ kei isofix. Das chan mer demfal ned chaufe. Schad. Ja nu. S Auto isch no ned so alt. Das muss no chli ännehebe!

[black_key]

@mimi: danke mier hend eus bim chinderwage und bim autositz für hellgrau entschiede.

@hunny: ohje das tönt ja gar ned guet aber super das euem chline guet gaht! hed de FA gsäit was es chönnt si? muesch di jetz schone dihei oder dörfsch schaffe?

[wolke7]

@hunny: ui was machsch för sache?! guet esch de gmh no schön lang, aber heb euch sorg ond schon dich vell!

[Mimi83]

@hunny_b: oh Nei das isch de blöd. Aber guet z ghörrt, dass dim schätzli sowit guet got und und no suscht alles guet usgseht! Häsch de Stress oder vo was chönnt das sie? Und wie isch jetz s witere vorgehe? Mer händ üs für es schwarzes Gestell und schwarzes Unterteil entschiede und s Dach isch in petrol. Isch no schwär gsi es neutrals z finde. Will rot und orangsch find i zwar schön aber ich finds macht s chind nervös. Und beige isch zwar a schön aber chli farb han i de doch welle. Freu mich mega. Mi GG hät mer a grad a glühe und gseit, dass er s Telefon becho hät und er ne jetz grad got go holle!
@black_key: schön händ er öpis guets gfunde.
@me: juhui de chinderwage isch cho! Freu mich so sehr!!! Jetz wird's immer realer! Und de Kurs vo de Hebamme isch a grad bestätiget worde.

[gerbera]

@hunny: oh das tönt nid guet, bisch ize chrank gschribe? Muesch chli zue dr luege, du bisch ja ou wichtig!!!


Gesendet von iPhone mit Tapatalk

[Mimi83]

@hunny_b: hihihi ich bin chli i de wohnig demit immer kurft! und ha natürlich alles müsse usprobiere! Sogar s regeverdeck han i druf to! Oh cool! Isch scho no e schöni farb gäll! Guet z ghörrt dass es der besser got! Jetz hoffen mer das d Vitamine helfed. Lueg eifach guet zu euch!! Lieber einisch zvill usruehe!
@me hei de cheibe Buch chunnt mer risig vor! Aber zuegnoh han i no ned wirklich. Ihr? Gstartet han i mit Ca 65 kg de bin i bis uf 59 abe und jetz weder uf 65 obe.

[Mimi83]

@ hunny_b: ja isch müesahm gsi! Aber jetz schießt de sicher uf höchi! Wenn i de Wasser und alles han.

[gerbera]

Haha froue dir sit ja super, i bi scho bi 7kg ir 23. wuche... U im momänt geits grad schnäu ufwärts... Wo söu das nur ände?


Gesendet von iPhone mit Tapatalk

[Mimi83]

@gerbera: das frog ich mich bi de grössi vo mim Buch amig! Hihihi und sell ich der s schlimschte säge, min buchnabel stot scho chli ab! Das gseht so blöd us!!