Frühlings-Kinderwünsche - wir haben's geschafft

[black_key]

@mimi: aah ja denn würdi uf jede fall de FA au no frage nächscht mal. hend ier denn scho organscreening?

@gerbera: ja aso de eint teutonia isch nur vom ussehe euse favorit, würkli testet hemer en ned und hend eus au noni berate la. vilicht isch er au voll ungeignet ich hoffe das chunnt guet hüt mit mim schwiegermami... sie schänkt eus de chinderwage aber sie hed gsäit sie wott denn au bitz mitentscheide....

[gerbera]

@black_key: das findi amigs voll luschtig, wenn d eltere so öppis wei mit entscheide, wo se eigentlech gar nid betrifft... Drum bini bau froh, si mini gar nid uf d idee cho, dass si so öppis chönnt schänke. Oder brucht dini schwigermueter de dr wage regelmässig?

Ach ha no gar nid wölle abschicke

@mimi: i schwanke no zwüsche cameleon und buffalo, muess mr de das mau live ga aluege... Heit dir ou beidi agluegt?

Gesendet von iPhone mit Tapatalk

[Mimi83]

@black_key: ja genau. De fa hät letscht mol gseit, das es es großes Screening git. Nimm a das es das mit de Organ isch. Und d Hebamme wo er zämme schafft sig de umme. De chan ich sie mol kennenlerne. Ja mini Schwiegermutter hät de wage so gfalle, durum hät sie eus e 1000.- dra gä. Bin also grad froh gsi, do e neue scho recht tür isch. Suscht hät i a no uf Ricardo gluegt. Aber teutonia isch a no e gueti Marke.

[Mimi83]

@gerbera: ja im lade häts beidi gha. Was bin Buffalo toll isch sind die größere Räder. Aber die bim cameleon sind völlig ok für das won ich ihn bruche und de cameleon chasch a nur d Stange schwenke und Musch bed grad d Wanne chere. Durum isch für mich de in frog cho.

[black_key]

@gerbera: ja es isch chli doof, ich chum mier denn ami au blöd vor ihre widerspräche wenn sie scho so grosszügig sind. aber ja ich dänke schlussändlich laht sie sicher eus entscheide. sie duet am afang mängisch chli kompliziert aber ich dänke sie gseht au i das es für eus muess stimme. s positive isch das sie vill wert uf gueti qualität leid also wirds sicher en guete chinderwage geh

@mimi: ja demfall hesch bim nächschte termin s organscreening! super das d hebamme no chasch kännelerne

[gerbera]

@mimi: ah bim buffalo chasch dr bügel nid schwänke? u när ischer dänk ou schwerer, oder? guet ds wüsse, i luege de ou mau uf ricardo

@black_key: i finde dr chinderwage haut scho mega wichtig, grad wüu me ne so viel brucht. u di typische frage, bruchsch ne viel im wald oder eher ir stadt, muesch ne viel im outo i- und uslade, oder im bus oder tram, wosch dr sitz chönne chere etc. bringe di scho rächt wit... dr sunneschutz findi ou no wichtig... git haut mänge faktor...

i ha ja als nächschts ou ds grosse organscreening, muess me sech da irgendwie sorge mache? weiss öpper vo euch, was si da alles aluege?


Gesendet von iPad mit Tapatalk

[Mimi83]

@gerbera: Nei nur de Sitz chere. De buffalo isch a chli höcher. Also für grossi Eltern geignet. Und de sack unde isch aber chli chlinner. S Gewicht vom cameleon isch 9,6 und de vom Buffalo 12,3 kg. Ha grad no de Katalog dehei. ja uf Ricardo sind no recht vill Angebot dinne! Cool wenn Häsch de Termin? Hei ich ha kei ahnig. Aber glaub bed das mer üs mönd Sorge mache. Denke s Hirn und s Herz wird sicher ganz agluegt.
@black_key: ja freu mich au. Sie sig sehr kompetent. Hoff mer händ s Heu de uf de gliche bühni!

[wolke7]

Guete morge

Mini chli schloft no friedlich ond ich bin scho sit em 6:00 wach will de heuschnupfe mich fascht umbringt

@mimi: schön weder vo der zghöre ond danke för dini pn! Es freut mich das es der ond dim insiderlk guet goht ond hoffe das du dini ss wieterhin so chasch gnüsse!

@blackkey: ben jetzt grad gar nöm sicher ond chan au ned noche luege will icv am natel schriebe...aber ich glaube ich dörf der zum meitli gratuliere!!! Ben au scho so gspannt was sich den i mer verbirgt

@me: 12+0 juhu!!!!

Ich wönsche euch en schöne tag!

[black_key]

guete morge ier liebe

@wolke: ja genau, d FA hed zu 99% bestätiget das es meitli wird ebe eigentli spielts ja kei rolle aber isch trotzdem mega spannend
hey wow jetz hesch die 12 wuche dure, super!! fühlsch di chli sicherer?

@chinderwage: mier werded eus für de teutonia be you entscheide. de deckt am meischte all eusi bedürfnis ab. muess mi nur no für en farb entscheide....

[Gini]

Hoi zäme

Do laufts jo rund im Forum:-)

Chinderwagefrog: I han vo de kollegin en Bugaboo bicho, bim erschte hani en Hartan gha (händ ne immer no) Mer send erscht es paar Mol gsi go wägele mitem Baby, aber ig muess säge, ig blibe eifach e Hartan Fan. Es anders Mami woni kenne het en Teutonia ond i ha dä au scho dörfe 'fahre', finde au dä sehr gäbig. Anderi Markene kenni 'leider' ned.

Me and Family: Es isch andersch mit 2 Chind, jedoch bis jetzt weniger 'schlimm' als ich mir usgmolet han- Gott sei Dank!
Die Gross isch - bis jetzt- sehr lieb im Umgang mitem Baby ond küssts mega vill ond gern de ganzi Tag. Si hilft ond luegt ond Zobe isch si ame sehr müed. Mängisch Hani selber Chli Mühe dasi mech jetzt muess 'ufteile'. Die Gross ond ich send halt fang es igspielts Team gsi ond ich han halt sehr viel Zit ha für si. Jetzt chomi mängisch no knapp Zom Gschichtli verzelle, de het s Baby scho wider Hunger oder süscht isch öpis...Wasi bis jetzt noni so im Griff ha ischs Choche, das stresst am meischte...Wenn Opis brutzelt i de Pfanne ond denne grad s Baby chunnt..si muess de halt mängisch eifach warte, aber das esch ned immer eifach...Mi Maa redet scho vom 3. Mol luege wies Witergoht bi eus. Nachem erschte Baby hani grad gar kei Luscht me gha zum Anes zwöits Dänke, jedoch dörfi säge, dass öises Zweite scho chli eifacher isch als die Grosse. Bitte Bitte es sell so zfriede bliebe:-) Wotts jetzt ned verschreie:-) hihi

[black_key]

@gerbera: du hesch ja no gfragt wägem organscreening, was alles agluegt wird... ich weiss es leider au ned würkli?! d FA hed mer no nüt gnauers gsäit. ha eifach mal das gläse wo de dr. google säit

@gini: das glaubi das es mit 2 grad vill anderscht und au asträngender isch. aber du machsch das super!

wie gahts euch allne?
mier gahts sehr guet, han rächt vill energie zur ziit. ha au wider agfange mit sport.

[black_key]

@hunny: ohje das isch ja mega müehsam.. ich hoffe das wird bald besser und du hesch au wider en bessere schlaf. hesch du demfall au am 18. termin?

wow es wunderschöns chleid!

[black_key]

@hunny: ja genau ich ha au am 18. termin

ja säg nüt, d ziit gaht so schnell verbi...!

isch würkli super schön. vorallem chömed denn d blüemli sehr schön zu gältig, falls au es strüssli hesch...

[gerbera]

@hunny: wow so es schöns chleid, würd mir auso ou gfalle! Liebe so schlichti chleider...
Hoffe das mit dim buch wird gli besser? Aber i ha das im momänt ou, dass eifach dr buch ganz hert u chugelig wird, spriche de das am mäntig mau a... Ha haut ou stress bim schaffe im momänt, und wahrschinlech isch das eher nid so guet für ds baby...


Gesendet von iPhone mit Tapatalk

[wolke7]

Guete obig

@hunny: wow dies chleid esch mega schön! Es wörkt so liecht ond scho fascht ächli märlihaft- han zwar ganz en andere stil gha aber wenn ich ss gsi wär bi de hochziet wär das gnau min gschmack gsi!

@organscreen: wenn ich mich rächt erinnere fangt er bim hirni ah, herz, verdauigstrakt ond luegt den au nomol wäge vollzähligkeit vo händ,füess,finger, zeche. Wie de rogge ond de buch send (zuue ond alli organ drinne) meh chont mer grad nöm in sinn.

@me: ett het es super erhäbnis geh!!! 1:72'000 för trisomie 21. au wenns nor en warschindlechkeit esch ich ben so onglaublich erliechteret!!! Die ganzi lascht vo de letschte woche schient weg zsie ond ich hoffe das bliebt sie au. Ond en erste verdacht bezüglich gschlächt hämmer au scho becho- het vermuetlich es schnäbeli

[wolke7]

Ah jo bezüglich hertem buch: das hani i de 1. ss ab de 16 ssw gha- magnesium het bedingt gholfe, het den aber vo sälber weder besseret ond esch zumene spötere zietponkt weder cho!

[black_key]

@wolke: hey super das alles guet isch, freut mich sehr!! und gratuliere zum verdacht zum bueb

[gerbera]

Hallo dir liebe!

@wolke: super isch alles guet bi euch, das freut mi sehr!

@me: bi grad zrügg vom fa, am chnöpfli geits super, mir schliesse üs dr männerfraktion a winke zur hunny… es isch mega schön gsi ds gseh, was alles ganze isch, und dass ds härzli so perfekt schlat, es mega wunder! mi Buch wachst ou grad wahnsinnig, geit das euch ou so?

Wi heit dir das mitem Zuckertescht? i muess dr ganz mache, anschinend isch das ize eifach so. Dass me immer dr ganz muess mache… findi no schaad, hätti lieber nur dr Nüechtern-Tescht gmacht…

Ah u bi am Samschtig ändlech mau ga Chinderwäge luege, aber d Bugaboo hei ja nur öppe 2 Wuche liferfrischt, de chani mr immer no chli zit la mit dr entscheidig, und villecht öpper sueche, wo so eine het für mau ga ds wägele… wahrschinlech stelli mi grad chli kompliziert a...

[black_key]

@gerbera: juhuu so schön, gratuliere zum super untersuech und zum bueb! chan mer vorstelle das es schön gsi isch alles z gseh und sicher en mega erliechterig das alles guet isch.
ich finds no schwierig z säge wägem buch, mängisch hani s gfühl es gaht gar nüt und denn findi wieder er isch riesig

wägem zuckertescht weissi no gar nüt, dänke das wird mier denn d FA bim nächschte termin säge.

wow nur 2 wuche lieferfrischt? isch ja super.... mier hend jetzt de teutonia be you bstellt, de hed 8 - 12 wuche lieferfrischt...!

[gerbera]

@black_key: ja i bi äbe ou mega erstuunt gsi, ha scho dänkt ize pressierts de, aber so chönnt me ja no warte bis i septämber...