Frühlings-Kinderwünsche - wir haben's geschafft

[black_key]

hallo ier liebe ich la euch en liebe gruess us de ferie da! wie ich gläse han gahts eu allne guet??

@wolke: so schön, das freut mi sehr z ghöre das alles guet isch!

@me: mier sind no bitz unterwägs und flüged am mäntig zrugg. mier gnüsseds sehr, alles gaht tiptop. ich merke gar nüt, mage alles mache usw. das isch natürlich super aber anderersits machts eim au chli angscht wenn mer gar nüt merkt... aber mini cousine hed gsäit ihre ischs i dene ssw gnau glich gange. mier gnüsseds uf jede fall witerhin no

[black_key]

@hunny: danke villmal, mier hends super gha. jerz hoffi de jetlag plagt mi ned z fescht, aber morn hani ja FA termin das länkt mi ab
wie gahts eu allne??

[gerbera]

@black_key: schön heit drs so guet gha! Bechunnsch e us morn? De weisch de när villech wases git... Ig mag scho chum meh gwarte bi mir

@hunny: wünsche dir ou e gueti wuche! Wenn hesch du scho wider dr nächscht termin?

@wolke: wi geits dir?

@me: nid viel spannends, warte ufe us, und bi langsam chli am ume luege für babysache, aber isch ja no nid pressiert

Gesendet von iPhone mit Tapatalk

[gerbera]

@hunny: darf am 8.6 ga... Bi so gspannt! Ja i gspüres scho, zum teil sogar scho dür d buchdechi... Hoffe es wird gli stercher, dass dr gg de ou mau öppis gspürt... U bi dir? Gspürsches ou scho?


Gesendet von iPhone mit Tapatalk

[wolke7]

@blackkey: ui morn so kuhl- hesch es gfühl was es chönti geh? Ich han jo bi minere tochter so es starchs meitli gfühl gha ond mer händ eus öberrasche loh...bis zur gebort esch da gfühl so stark worde dasi gar nöm öberascht gsi ben wo sie den so vor mer gläge esch

@gerbera: ond was seit dies buchgfühl bezüglich gschlächt?

@hunny: ui no bis am 16. esch scho no cheibe lang. Wie gohts met de hochzietsvorbereitige? Hesch dis chleid scho becho?

@alli scho mamis: ich hoffe euch ond euchne schätzelis gohts guet?!

@baby gspühre: hani inde erste ss scho ide 15 ssw, sie esch aber au di ganzi ss en extreme zabli gsi hoffe dasi das baby au scho so gli dörf gspühre!

@me: han jo bi 10+4 en super ultraschall gha, de fa het au uf mkn wonsch scho mol d'nackefLte ahglueget ond die esch bi 0,7mm gsi...ben mega erliechtered gsi. Sit em wochenänd chömid aber die ängst eifach weder das öpis ned chönt ok si- ich spenne die weldischte sache zäme min fa esch jo wörklich eine vo de qualifiziertischte woni känne- dörf jo alli findiagnostische sache mache sil er so guet usbeldet esch ond er het do gmeint es gseht alles super us...aber was esch wenn bim ett schlächti bluetwärt usechömed?! Oh man ich froge mich wenn ich ändlech mol chan losloh ond mich eifach nome freue. Chome höt nomittag vonere kollegin de angelsound öber- hoffe dasi s'herzi dörf ghöre!

So fertig gjommeret, mini chli esch chrank und chont jetzt no en extraportion pfleg öber damet sie weder ufd bei chont die armi!

Hebed en schöne tag!

[gerbera]

@wolke: i gloube bis zum ett isch me eifach chli ängschtlech, aber muesch luege, isch de sicher alles super! Amu sit denn hei bi mir d ängscht ufghört, hoffe aber natürlech, bim organscreening sig de ou alles guet.

@gschlächt: i weisses würklech nid, zersch hani dänkt es wärd e bueb, när isch das geng schwecher worde und ize dänki es git es meitli… chas ächt nid säge, u bi sehr gspannt. cha ou nid säge, dassi öppis vo beidem ize lieber hät… heit dir e präferänz?

[Mimi83]

Hallo mini liebe Mädels
Sorry das i mi scho so lang nümme gemeldet ha. Han zwar täglich immer gluegt was so lauft, aber irgendwie nie richtig zit oder luscht gha zum schribe! Es isch so vill los gsi bi mer die letschte wuche( im positive Sinn) das zit wie im Flug verbi isch! Wirde mich jetz aber a de Nase näh und mich wider meh do melde! Es isch schön z läse, dass es euch sowit guet got! Bi mer isch a sowit ich weiss super. Freu mich das i am nöchschte Mittwoch weder e große untersuech ha. S Geschlecht wend mer ja ned wüsse aber ich tippe uf e Bueb. Aber wenn's noch minere Hut got gits es Meitli! sind ihr scho flissig am poschte?
Liebs grüessli mini

[black_key]

hallo ier liebe

bim US isch alles beschtens gsi. es wird zu 99% es meitli, das isch au mis gfühl gsi i 3 wuche hani bereits de nächschti termin, denn mit organscreening usw.

ich gspühre ab und zue au öpis, und bin zimli sicher das das s baby isch.

[black_key]

@hunny: jetz hesch mi glaub mit de gerbera verwächslet hihi
danke ja de termin wär eigentli vor 1, 2 wuche gsi aber da mier ide ferie gsi sind ischer jetz eher spat gsi. drum gahts jetz bis zum nächschte nur 3 wuche.

a wellem datum isch eues hochzit??

[gerbera]

Hihi hunny villech hesch ja goraklet u i bechume ou es meitli [emoji23]

@black_key: gratuliere zum meiteli! Wow so kuhl! Ou wenn das komisch isch so freud ds ha, bime bueb het me ja ou so freud [emoji1]

@mimi: schön geits dir so guet! Gniesses ganz fescht!

@me: ha irgendwie mega dtress im momänt, und derbi hani gar nid so viel energie, das bisst sech chli...


Gesendet von iPhone mit Tapatalk

[black_key]

@hunny: ja d FA hed gmeint mit shoppe sölled mer no warte, sie wott denn ned schuld sie wenns doch e bueb gitt nächscht mal cha sies 100% säge, aber sie hed gmeint es isch fascht unmöglich das es keis meitli isch

so schön das isch ja scho bald! hesch demfall es chleid gfunde? sorry falls scho gschriebe hesch, ha par sache verpasst...

@gerbera: danke ja das isch so, mier hetted eus so oder so gfreut ha eifach vo afang a es mega starchs gfühl gha das es meitli wird

[Mimi83]

@black_key: oh cool gratuliere euch zu euchem Meitli! (zu 99%)
@hunny_b: euch han i a zu euchem Bueb welle gratuliere! ja mit de sd gots mer im Moment guet. Muss immerno regelmäßig go bluet gä. Aber schlecht gots mer nümme zum Glück! Mängisch isch mer no schlecht aber de fa hät gseit, das sig e Reflux. Wie isch eigendlich bi der? Misch du jetz no öpis speziels a medis näh? Ich ha a e angelsound usglehnt. Aber mängisch macht de fascht süchtig! Cool das mit de Vorbereitige vorwerts chunsch! Und es muss nur für euch stimme. Alles änder isch glich!
Mer händ erscht es Laufgitter de chinderwage und e Hängematte für s Baby kauft. E große Schrank isch s nöchschte und de wart i chli. Es hät grad so vill um mich wo mer Sache wend witer gä. Im August han i e wuche Ferien. Wenn mer de no öpis fehlt mach i denn no e große ichauf.
@ Gerbera: wend ihr de wüsse was es git? Mer händ üs ja für es ü-Ei entschide. Mol luege ob i das bis am Schluss dürehalte! Isch gar ned so eifach!
@me: Mis chline macht grad weder Party im Buch! Chönt das echt scho de hizgi sie? Gspüred ihrs mängisch a recht fescht? Also am mäntig han i sogar es Video vo mim Buch gmacht und mi gseht guet wie s Baby sich im Buch bewegt! Lg

[black_key]

@mimi: danke villmal muesch du medis neh wäg de SD?

@babysache: mier hend bis jetz en stubewage (i dem wo ich scho als baby gschlafe han ) und vonere kollegin chani es bettli abchaufe. hüt gahni no mitem schwiegermami wägmene chinderwage go luege

[Mimi83]

@black_key: Nei zum Glück ned. Sie wäred drum ned so guet für s Wachstum vom Baby. Drum händ sich d Ärzt detzumol degege entschide gha solangs mer guet got ohni medis. Oh cool! Demfall vill Spaß hüt! Häsch scho e Favorit? Musch de verzelle was es worde isch.

[gerbera]

@black_key: bi gspannt, wases für ne chinderwage git bi dir! nimmsch i däm fall de glich e farblech neutrale? Stubewage hei mr ou becho, süsch isch sech bi mir scho langsam Züg am asammle… ds Chinderzimmer isch eigentlech scho komplett, Chleiderufbewahrig, Kommode, Bettli, babybay hani ja scho lang… Ha es super app, wo me so ne ichoufslischte druffe het, da strichi geng ab, wenni wider öppis bsorgt ha Findes aber krass, was me alles brucht.

Grossi frag isch im momänt no d babyschale, was de wichtiger isch, müglechscht liecht, müglechsch sicher, derfür schwär, passend ufe chinderwage, dass me ds baby cha grad dri lege, also d schale cha grad mache… ou dert gits di eierlegendi wollmilchsou leider nid genau wi bim chinderwage

[Mimi83]

@gerbera: ah interessant. Was isch de das für es App? So ich e Maxi cosi wo scho brucht isch bechumme han ich mer a eifach de Adapter zum Kinderwagen dezue kauft. Selber wird ich eh fascht immer mit de ov s unterwegs sie und durum di normal babywanne benutze. Fahre bed so gärn Auto und im Moment denk i a bed das mer es zweits bruched. Und min maa brucht s Auto immer zum schaffe will er de ganz Tag unterwegs isch.
@hunny_b: ja es isch recht erliechterend! Aber ha do glaub es recht sportlichs Baby i mer! Frog Mi mängisch wo das no hi füert. Vilicht isch besser wenn's no ned so gspührsch! Das schlot ja spöter anderscht ist organ. Hoffendlich wirds mit en Magnesium besser mit dim Buch! Bin geschter a i de Apotheke gsi und ha es Magnesium welle holle. Ha so e Schmerz sit zwei täg i de lischte gebend. Sind sicher d Mütterbänder. Aber de hät sie mer gseit, dass das Magnesium rezeptpflichtig isch. Ja nu ha jo obere wuche e Termin. De froh i de de Arzt. E Arzt weiß i aber leider no ned. Der muss mi a no informiere.

[black_key]

@mimi: ah ok, aber solangs dier und am baby guet gaht isch ja super!
danke! mier sind ja erscht einisch schnell go luege und bis jetzt isch euse favorit en teutonia... aber mal luege, es gitt ja no so vill anderi...
wägem magnesium, das söttsch eigentlich überall übercho? aso ich has bis jetzt immer problemlos ide apothek übercho ohni rezept! susch chaschs au online bstelle!?

@gerbera: ja mier nämed so oder so en farblich neutrale
wow ier hend ja scho rächt vill!
wäg de babyschale findi au uu schwierig... sicherheit isch sicher s wichtigschte. de wo d hunny hed tönt scho mal super.

@hunny: oh so schön bin gspannt öb dich für s chleid entscheidisch! muess denn im summer au mal go luege für es schöns langs chleid... ide USA heds sooo vill schöni umstandschleider gha aber ich ha kei platz meh gha im koffer
schmerze hesch aber ned? haha ja das mitem aneligge isch super, das isch a de meischte arbetsplätz eher schwirig aber en churzi pause chan sicher ned schade, und wenns ned besser wird ruehsch di dehei en wuche us.

[Mimi83]

@black_key: ja es git wirklich es paar gueti. Ja das ha ich äbe a denkt gha. Ja nu ha no eis vo de migros dehei. Jetz nimm i das zur Überbrückig. Ja anscheinend isch das höcher dossiert und extra gege vorzitigi wehe und so. Froh de min fa nöchscht wuche ob das nötig isch.

[gerbera]

@mimi: hesch e pn vo mir wäg dr app

@hunny: das hani ou zwüsche düre, dass dr buch so hert wird, säge de das i däm fall bim nächschte fa-bsuech. Magnesium hani eifach ir apothek gchouft? 375mg si gliub frei verchöiflech, das isch di üblechi tagesdosis... I nimes aber nid immer, nur wenni mi viel bewegt ha wäg de chrämpf, wenn sech d mueterbänder mälde oder wenni verstopft bi, das würkt wunder bi mir

@black_key: teutonia si sicher super! Mir si die eifach ds gross u schwär gsi, mi favorit isch im momänt e bugaboo, ha mi aber no nid chönne für ds modäll entscheide...


Gesendet von iPhone mit Tapatalk

[Mimi83]

@gerbera: Danke der! Mer händ üs übrigens a de chinderwage bstellt! isch scho immer min Favorit gsi! Mer gfallt s desinge mega und a d funktione. Händ de cameleon gnoh. Find de am beschte. Nur d brems Funktion isch chli speziell. Suscht isch er Mega liecht. A zum stoße und sehr eifach und chli zum zämmelegge. Und do min maa und ich durchschnittlich groß sind wird sicher a üses Baby ned e riess und passt sicher lang inne!