Frühlings-Kinderwünsche - wir haben's geschafft

[gerbera]

@black_key: rächt speziell was da alles gschnurret wird. Hesch de es guets verhältnis mit dim chef? i würd süsch mau mit ihm ga rede, dass dir ds ohre cho sig, dass da viel gschnurret wärdi hinde düre, und was är de meini, ob du öppis besser chönntisch mache. Das macht uf jede Fall ihm ou e guete Idruck. U de wird villecht däm hinde düre Gschnurr ou chli e Reigel gschobe.
Weiss gar nümme, wosch du witer dert schaffe, nachem Mueterschaftsurloub?

[black_key]

@gerbera: ja würkli speziell, obwohl das i eusere firma leider gang und gäb isch, obwohl mier allgemein alli sehr guet uschömed zäme. mitem chef chumi au sehr guet us, chan jederziit mit ihm rede wenn öpis isch.
ich wird ihn sicher no druf aspräche und mini sichtwiis erkläre, isch mier no wichtig. d arbetskollegin hed natürlich au ned gross öpis dezue chönne/welle säge, schlussändlich betriffts ja mich und ned sie...
ich hetti da witergschaffed, de chef hed aber gsäit es gäng leider ned will sie kei witeri teiziit stell möchted. ha das so erwartet und bin au ned bös oder so. für mich ischs voll ok. evt. hed sich da de eint oder ander öpis zämegreimt, vilicht hani mal en fehler gmacht und de heder dänkt mich intressieri d qualität vo de arbet nüm will ich ja sowiso nüm lang da bin. chönnti mier no vorstelle...

[gerbera]

@black_key: glich e blödi Situation für di… u e guete Idruck ds mache cha ja nie schade… uf welem bereich schaffisch du de? suechsch de öppis neus nach 4 Monate?

[black_key]

@gerbera: ja es isch würkli chli blöd. aber mini vorgsetzte sind z fride und unterstützed die grücht ned, aso duen ich das für mich abhagge.
ich schaffe im kaufmännische bereich ide baubranche.
ja ich dänke ich wird denn während em muetterschaftsurlaub afange öpis neus sueche.

[wolke7]

Nur chorz ego: ben zrogg vom fa ond es esch alles ok! Dörf i 2 woche weder goh.

[black_key]

@wolke: super das freut mich sehr z ghöre!

@hunny: genau s gliche han ich au dänkt ich han mich au ned gross drüber ufgregt, es bringt sowiso nüt. sölled die andere rede was wänd.

[gerbera]

@wolke: super! Freut
Mi sehr, dass alles guet isch bi dir!

@me: bi grad zrügg vor hebamme. Bi diräkt nachem schaffe gange, si het sech super viel zit gno. Eigentlech hei mr total viel gredet, drüber, wasi so finde, und was für mi guet isch, u stimmt, und när hei mr gluegt, wo dassi evt. De wider e untersuechig bi ihre ha statt bir fa. si tuet eifach d härztönli lose, urin kontrolliere, bluetdruck, buchumfang und mässe vom schambei bis zum rand vor gebärmueter, das git när d ss-wuche. Het alles guet usgseh bi mir, ds härzli schlat uf 140, d mässige si im rahme, u bi ihrer waag bini glich schwär wi bir fa ir 7. wuche sehr sympathisch di waag... Si isch ou gar nid dr meinig, es gäbi e richtige wäg, wi e ss muess si oder e geburt, sondern mir müess eifach dr richrig wäg finde für üs. Mir hets paar frage beantwortet, und neui gstellt, aber bi ämu ize im prozäss um alli entscheidige viel witer.


Gesendet von iPhone mit Tapatalk

[black_key]

@gerbera: das tönt super mit de hebamme. isch ja au wichtig das mer mit öperem chli cha über die sache rede. de FA isch ja eher fürs medizinische zueständig und hed meischtens kei ziit zum lang über so sache rede ich wird denn nach de ferie au anere hebamme alüüte, en kollegin hed sie mir empfohle und sie hed sich mich scho mal provisorisch reserviert
wenn hesch du de nächscht FA termin? gäll ier wänd au wüsse öbs es meitli oder en bueb git?

[gerbera]

@hunny: wow das isch super! Freue mi für di! Aber es isch ja sicher alles ok mitem bluet, villech isch de ds ise oder ds vitamin d chli tief, aber das cha me ja korrigiere...

@black_key: i füf wuche hani dr fa-termin für ds organscreening, u ja i hoffe es ligt de richtig, dass me gseht wases git dir weits ou wüsse? I dänke ou, dass mrs verzelle, gseh eich ke grund, s nid ds säge für mi...


Gesendet von iPhone mit Tapatalk

[black_key]

@hunny: wow so schön, ha gar ned gwüsst das du hüt termin hesch verratisch eus was es wird?

@gerbera: ok de bini gspannt ja mier wänds au wüsse und werdeds au säge wenns öper möcht wüsse. mier hend grad termin nach de ferie juhuuu

[black_key]

@hunny: ja das isch würkli super. so gaht au d warteziit uf de termin vill schneller verbi ich weiss ebe ned, sie hed gar nüt gsäit... ich wär denn bi 19+1, aso vom ziitpunkt her wärs ja grad guet.

jööö gratuliere demfall ganz herzlich zum bueb! <3

[black_key]

so ier liebe ich verabschiede mich id ferie. ich wünsch eu en gueti ziit, bis gli!

[gerbera]

@black_key: ganz schöni ferie! Gniesses!

@hunny: gratuliere zum bueb [emoji7] das isch ja kuhl. U scho mega früeh gseh bi de ou gspannt ob mes gseht i füf wuche


Gesendet von iPhone mit Tapatalk

[Gini]

Ego: bin Hüt bi Et+2..Es het no bis Endi Woche Zyt, süscht wird denn igleitet. Jetzt hoffi natürlich es macht sich vorher uf de Wäg, han Respekt vor Enere Ileitig. Es bleibt spannend, mir sind im Wartemodus ond freue Eus das Chline Mönschli endli z gseh!

hunny, schön hesch es chleid gfunde! So isch d Vorfreude sicher Au nomol Größer.

Ich mälde mich denn wider mit Babynews.

Grüessli
Gini

[gerbera]

@hunny: so schön! gits es PN-Föteli vo dim Chleid? Freue mi hesch öppis gfunde, aber du armi darfsch di nid so übertue!

@gini: dis Chline machts ja mega spannend, hoffe ou dasses sech no vo allei ufe Wäg macht, aber villecht hets ja e Grund, dasses no nid wot? Wünsche dr uf jede Fall ganz e schöni Geburt, wenni di nümme ghöre vorhär!

[Gini]

Hoi zäme

Öisi Muus het geschter schön ufs Zmittag s Liecht vo de Wält erblickt. Bi grad no im Hormonrusch ond eifach nur mega happy.

D Geburt isch guet gange, nachdem i die ganz Nacht null gschlofe han Hani am 08.45 Welle en Kaiserschnitt ha. D Hebamme het mir das Usgredt ond gemerkt, dasi Chli näbe mir stand. Ha denn Schmerzmittel bicho ond süscht no en Infusion, damit d Wehe Chli meh Chöne Ufe Muettermund würke, ond denn isches zackig aber ned z heftig vorwärts Gange. En Chline Dammriss, süscht alles guet.

[Awe]

Hoi zäme

@Gini: gratuliere vo herze zo euchem meiteli ond wönsche eu e super schöni kennelernziit. Schön heds doch no klappet met de spontangeburt.

@Black_Key: vo mer au no ganz schöni ferie, gnüsseds i volle züg

@Hunny_B: wow das chleid esch soo schön, das hätti also au gno wenn mer scho öppis gseh hätti ich wör au swisse neh.
Eus gohts richtig guet, mer händ eus igwöhnt ond chömed scho ganz guet zrank. Euse bueb esch ganz e liebe. Er esch scho mega gwachse ond es esch so erstunlich was die chind vo tag zu tag weder a fähigkeite erlerned. Metem schlof hämmers au ned schlächt, muess i de nacht einisch uf ond cha die ziit am morge metem schlöfli meistens no nochehole. Metem stille klappets au tip top.

@all: ich lese also immer no fliessig bi ei met. Ha eu eifach no welle säge das wenn ergendöpper froge hed zu mine erfahrige bezüglich schwangerschaft oder au geburt chönd er mich alles froge.

Wönsch eu ganz es guets wocheänd.

[gerbera]

@gini: gratuliere vo härze! Schön hesch d geburt guet überstande, ize bruchsch haut sicher chli zit zum erhole.

@awe: das isch mega lieb! Schön klappets so guet mit dim chline! I däm fall holt är ja jetzt uf, waser bir geburt no chli liecht isch gsi

@me: nid viel neus, gniesse ds länge weekend.


Gesendet von iPhone mit Tapatalk

[Gini]

Danke für euri Glückwunsch! Mer send wider deheime ond läbet eus i.

Awe es freut mi sehr s zläse, dass sich euche Bueb so guet entwickelt. Das isch eifach d Hauptsach ond entschädiget eim eifach mängisch au für die anstrengende Phasene, wos frühner oder später git.

Fea, Kizank, wie geht's euch so? Es würd mi sehr freue, wider vo euch z läse, wies euch so ergoht im Alltag. Ihr hend sicher scho wider agfange schaffe?

Mi Ma het im Moment no Ferie was sicher au guet isch, damit mir alli als Familie chöne zämewachse. öisi Gross het höt Krise gschobe, won ich s Baby Köfferli vom Spital auspackt han mit all dene Gratis-Müschterli ond si realisiert het, dass das jetzt eifach ned alles ihre ghört sondern do no öpper isch. I ha Respekt vorem Alltag aber i dänke, met vill Geduld wird das sicher klappe. Bi gspannt.

Sonnigi Grüess
Gini

[wolke7]

Hoi zäme, ben au weder mol do...han mi absechtlich ächli zrogg ghalte met forümle zum mich ächli ablänke!

@gini:ich gratuliere der vo ganzem herze zur geburt! Schön gohts euch guet- gnüsseds!

@hunny: wow es mega schöns chleid!!! Ich wörds glaub au in wiess neh obwohl ich flieder en mega schöni farb finde! Gratuliere zum bueb- hesch du sälber es gfühl gha?

@gerbera: hesch du scho gli weder termin? Organscreen esch dänk au scho bald noche?!

@blackkey: besch scho weder zrogg us de ferie? Hoffe ehr händs cjönne gnüsse!

@me: han höt weder dörfe zum fa goh ond es esch alles ok! De ETT möched mer zwar erst i 2 woche aber dnackefalte esch höt absolut onuffällig gsi...ben so erliechteret! Ich han die letschte 2 woche so vell möll träumt, das mer jetzt vöt nach dem termin en ganze berg vom herze gfalle esch- ich ben jetzt zueversechtlich das alles guet chont!