Juhu auch wir legen los- die Schwangeren

[alessa]

Guätä Morgäääää

Chliini: hets z'rappi au en C&A? Und im Sedammcenter H&M oder meintsch Manor?

Linn: Ja genau kosmetik, d'idee isch immer gsi wänni mal chind han dihei z'schaffä, aber es isch mir zwenig gsi und ich hans im Wintergartä gmacht und es het mich grüht das er so wenig brucht wordä isch, jetzt gits det z'esszimmer und vieeel platz für chind zum spielä

Carina: ja du seisch es..wachsets no meh oder chani jetzt scho BHs chaufä
Min Buuch isch äm abed au grösser

Schöns Tägli

[Rafa]

guäts mörgeli allersits

@carina
zerscht ämal herzlichi gratulation zum schlagende herzli so schöööön!
das mit äm ässä dass äs eim nöd schlecht wird isch imfall völlig normal i dä afangszyt vo dä ss! han ich bi beidnä so gha...bi mir häts ab dä 13. wuchä wieder bessered! ich wür mich jetzt bezüglich äm gwicht nöd so verruckt machä, ja ich weiss isch eifacher gseit als gmacht, aber wänn du namigs eifach än snack zwüschäddurrä und nöd äs ganzäs menü issisch isch das doch völlig okey! das mit äm immer wieder ächli ässä söt würklich wieder ufhörä und dänn chasch ja immer no luägä dassd meh gmüäs und frücht oder salat issisch...jetzt isch mal d'hauptsach dass äs dir guät gaht und vor allem nöd schlecht wird! Toi toi toi

@valea
ja also ich han au chli müässä schmunzlä bi dinärä story verstah aber völlig dass äs du nöd so luschtig gfundä häsch am hochzyt aber du häsch äs würklich mega amüsant gschriibä!
aber verstah also diä mitarbeiter vo detä au nöd....das macht mer doch nöd
häsch dich chönä ussäschwätzä oder häsch äs dä eintä oder andernä dänn doch gseit dass äs stimmt?

@alessa
bi mir händs dä toxoplasmosetest nöd gmacht und mir händ äs büsi dähei...mach eifach sicher keis chistli...sie isch sowieso freigänger! aber wänn du dä test wünschisch machäds dä sicher und zahlä muäsch än dänk ich sicher nöd selber...er ghört eifach nöd id standardtests aber wägä däm wird er sicher zahlt vo dä kassä!
das freut mich häsch dich bezüglich dä selbständigkeit chönä entscheidä und bisch froh über din entscheid....luegsch dir ächli, gäll! schön eis ums anderä!

@chliini
ein einzigä tag schlecht isch würklich ä leischtig aber diä doof müädigkeit...tuät mir leid für dich dass sich diä eifach nöd wot verziäh aber wiä du seisch...d'helfti häsch ja scho gschafft und dä rescht machsch au no! dä einzig vorteil isch...du weisch scho wiäs sich afühlt wänn dänn das herzigä baby uf dä welt isch und du vor allem i dä afangszyt nöd zu so viel schlaf chunsch !

@linn
ooh chronischi erchrankig hoffä also au fescht dass sich das bi dim meitli usäwachst...stönd chance dänn guät?

@ss-kleider
ja diä häts leider würklich nöd i jedem H&M oder C&A. ich han mir au vor allem hosä/chleider/röckli kauft...d'oberteil leg ich no diä normalä a solangs gaht
d'brüscht wachsäd vo frau zu frau unterschiedlich...mini wachsäd zum bispiel gar nöd han scho i dä letscht ss bis zum schluss min normlä BH chönä alegä...wänns aber bi eui druckt und unbequem isch wür ich scho mal än neuiä go chaufä...ich dänk das lohnt sich scho!

@gschlecht
ich bin au überglücklich mit mim meitli ....dasmal tendier ich uf än buäb! aber ebä hauptsach gsund!

@me
mir sind zum glück wieder fit....nachärä wuchä magädarmgrippe und dänn grad aschlüssänd no scharlach han dänn ich no dä chotzer übercho !
schwangerschaftstechnisch gahts mir tip top...bin au im 2. trimester und das isch bekanntlich s'beschtä und genau so fühl ich mich au

so ich hoffä ich han niemert vergässä...muäss wieder ämal chli schaffä

machäds guät - liäbs grüässli rafa

[chliini22]

hallihalloo

@rafa: mir isch es würkli genau 1 tag schlecht gsii.. irgendwenn so i dä 18ssw. boah ich bi ufgstande und mir isch tatsächlich vom morgä - abig hundeelend scheisse schlecht gsii.. ha dän denkt okeee ich nimme mini müedigkeit gern zrugg..
ja das hani au dänkt..aber weiss nöd öb mer die müedigkeit cha vergliiche..fühlt sich Andersch aa als wenn mer zwenig gschlaf het.. :-S jänuuu ha na ferie vor mir und im gschäft wird's au ruhiger.. dä wird ich dä au mal chli früehner hei..

@alessa: also im seedi hets neu en H&M und de het tatsächlich umstandsmode.. C&A bini etzt gar nöd sicher öb dä in rappi het.. näfels het kei, bini scho gsii go luege.. und suscht online hani gseh cha mer au bstelle..
ich ha oberteili au normali aa und hose eifach ss-hose mit däm bündli isch bequemer zum sitze..

@BH - Also ich ha au ziemli glii grösseri müesse ha.. ha dä im C&A günstigi ganz normali kauft eifach en Cup grösser.. und etzt häts wieder en Gump gna und ich vermuete muen dän namal wechsle.. :-S schiesst mi schön aa.. es C wür vöööööööööörig lange..

ich gspühr mis chliine chnöpfli mittlerwiilä regelmässig.. luschtigs gfühl.. suscht gits nüüt neus..
achja wegem zuenäh..ich glaub das isch würklich seeeeeeehr underschiedlich..ich ha am afang au gad 4-5kg gha aber wasser isch dä wieder weg und bi dä bis jetzt uf +2kg..aber vermuete etzt hani dä meeh ha sgfühl ich heg überall chli zuegleit.. aber ich weiss nöd öbs es richtig oder falsch git.. git sottig die hend bi halbziit scho +10kg anderi händ na nöd viel meh..wie au mit em buch wachse.. die einte hend uu schnell en grosse buch..ich ha bis i die 20ssw na nöd viel gha und me hets na nöd gross gseh und etzt schwupps..
isch würkli soooooooooooo underschiedlich..

sodeli..wünsch eu es schöns tägli und die wo morn frei hend..gnüssed das lange Weekend!

lg

[Valea83]

Hoi zäme

@chliini: Jehh Ferieeee! Gönder irgendwo herä? Übringes mini Müedigkeit fühlt sich au andersch a als z wenig schlaf. Zum Teil dure Tag tip top aber kum chumi hei, *plumsufssofa* und es paar min spöter chönnti scho schnarche. Und han eifach viiiil weniger Energie. Merkes nur scho bim Stägelaufe. Chume richtig usem schnuf!
Danke für de tip mit dm C&A. Ha scho angst gha müäss es vermöge im Beldona usgä für so spezielli ss BHs

@alessa: bruchsch du scho umstandsmode? Hei, gaht ja u schnäll

@ss-chleider: Isch würkli es cheibe zügs mit dene Brüst... Hani mer au dänkt. Cha doch denn nöd jede Monat go neui BHs chaufe... Schusch gahts bi mir bi de chleider no sehr guet. Aber gälled, bin ja ab morn au erst in de 7. Wuche . Chunnt de scho no früeh gnueg...

@säge: Ja hans eigentlich au nöd welle säge vor dr 12. Wuche. Nur Besti Fründinne sind igweiht und eusi Eltere. Die woni au Understützig bruche würd, wenni z würmli würd verlüre. Bi dr Hochzitgsellschaft simmer gott sei dank ame Tisch gsi womer nöd alli känned. Denn ischs no so gange. D Brut häts glaubs nöd mitübercho. Hüt im Büro häts ei Kolleg usegfunde Är und sini Frau händ lang probiert und es hät nöd klappet. Drum ischer mit de ganze Symptom beschtens bekannt und häts scho sit es paar täg vermuetet. Woner mi hüt gfrögt hät, hani eifach nümm andersch chöne als strahle.. Aber de rest erfahrts würkli au erst spöter! Ehrenwort

So wieder e Tag nöcher dm Termin

Wünsch eu es schöns verlängerts Wucheänd und hebet eue schätzlis sorg

[Wendy]

Hallo zämmä
So jetzt bin i au zu eui überegwächslät...

Mir gahts sowit guet bis uf migräneartigs Chopfweh wo eifach nüt gschied nützt was i no dörf näh.

Nächst Wuche han i dä erscht US bi dä FA. Ich bi denn zwar erscht afangs 7 Wuche, aber da i scho mal ä missed abortion gha han dörf i au früäh und hüfiger gah.
Drum bin i au no zrugghaltend mit mi würkli freue bis die 12 Wuche umme sind.

Ich mach mich jetzt mal as überflüge vo dä vorherige Siite....
Schöne Firtig morn für all die wo eine händ.

[alessa]

huhu

chliini: soooo schön gspührsch dis würmli, dänkä es müäss äs ganz speziells gfühl si
Cool hets im Seedi en H&M, bi so schlecht informier...bin garkei Shopping-Queen... Dankä für dr tip.

Valea: Ich han sit äs paar täg so en ufblähtä buch und gester abig hani en buch ka wiä im 4/5 Monet ich finds eifach bequemer in hosä mit gummibund statt Jeans

Rafa: schön gahts dir besser, jetzt chasches ja gad chli gnüssä wänns dir so guät gaht.
Ja machi, wet jedoch alles so schnell wiä möglich uusgrumet ha..das isch typisch für mich

Wendy: ohje Migränä Hoffä gfinsch bald öpis wo dir hilft. Übrigens bin au bi 6+2 in erstä untersuäch gsehsch nöd viel aber wenigstens hesch bestätigung das öpis da isch und bi diner Vorgschicht isch sowiso guät gasch so früäh.

Diä wo frii händ gnüsseds ich sitz no bis am 12:00 im Büro han aber nache weekend

[linn]

Welcome liebi Sarenz:):):)

[Sarenz]

Jöö, soo härzig! Danke vill mol liebi Linn! Ich freu mich soo ändlich mot euch chönne mitrede!

[linn]

Hoi zäme

@sarenz: herzliche gratulation oii!!! Gnüssed das wunder vonre erste schwangerschaft i volle züg!!

@rafa: danke de nachfrag, leider chamer das nani säge...dur die viele starche medis, hämmer au na es anders problem becho...de wachstum wo nümm recht lauft. Mi sind aber zur ziit zum glück medifrei und mached tcm mit ihre.
Schön gahts oi wieder guet!!!

@bh: ich ha ide erste ss denn scho uf stillbh's gwechsled, zum glück sind denn die au nachher grad gange.

@


@gotti/götti: händer oi scho gedanke gmacht? De götti hämmer und sgotti fängs in gedanke:).

@name: hämmer au beid scho...meitli chäntet mer na x ha:).

@wendy: ich ha gegs kopfweh en spagyrische spray mische lah, de het echt ghulfe! Und süsch dörfsch bis zu 3 panadol neh! Magnesium nimmsch? Würs hochdosiere, git denn eifach eher durchfall.

@alessa: din job wär aber na guet für mit kind schaffe...chäntsch sdir immer selber iiteile, hät au sini vorteil. Aber klar, alles gaht nöd. Wieviel schaffsch denm festagstellt?

@me: hüt fa termin gha, baby endli nümm zschwer, s insulin isch somit guet iigstellt. Geg mini immer schlimmer werdende krampfadere hani jetzt tablette becho, ich hoff es nützt, isch nämli sehr schmerzhaft das ganze.
Nächste fa termin am 22.5.
Wahnsinn scho 24ssw und glich...es gaht na laaaaaang, vorallem mit so müehsame vene im schambereich und underbuuch.

Liebi Grüessli

[chliini22]

huhuuu

Herzlich willkomme sarenz
Wünsch dir e beschwerdefrei jnd schöni chugelziit!

Bi mir gits nüt viel neus...

Lg

[September]

Hello mitenand!!

So i bin widrmol schliflos sit am 3 im bett [-] sChline wetmi glaub virbereita uf nochher!

Es isch sehr es aktivs Würmli, bi gspannt ob dass userhalb vo minem Buuch au so si wird [-]!hend am letschta fritig widr us gha, alles super. SChline isch scho öpa 34cm und öpa 800 gramm schwer. Isch veruggt wia da zualaiet! Tja und dä Buuch würd au immer grösser, abr i finda mi selbr immer no mega schnussig [-][-][-]!! Nögscht US isch am 29.5. und jo es nochhet nur no öpa 12 wucha... Echt veruggt wia schnell dass das alles got.
minem Rugga gots mol besser und mol weniger, dazua sind no Druckschmerza im Scham umd Steisbei cho, abr es isch ergräglich. Ma wurstlet sich halt so dürra [-]
Tja und üsa Zügeltermin im üsi wohnig isch au grad uma Geburtstermin uma *lach* da würdmer a lustigi sach.. Hihi!!!

Gnüssets!!!!

[Carina16]

Guete Morge liebi Fraue

Ech hoffe, ehr hend es schöns Weekend gha?

@September: Schön z'ghöre dasses der so guet god ond dass met dim Wörmli alles i.O. esch! Jo du, es god wörkli, wörkli schnell! Gniesses!

@Sarenz/Wendy: Härzlech Wellkomme be euis! Wönsch euich e schöni Schwangerschaft!

@Götti/Gotti: Das esch be euis so es Thema... Mer lönd üsi Chend äbe glaub ned lo taufe ond denn han ech mer au scho so dänkt, öb die denn eigentlech ke Gotti/Götti bechömid. Mer hend es schwuls Kollegepäärli wo sech meeeeeeeeeeeeeeeeega wördid freue, wenn sie wörded Götti wärde ond ergendwie wörd ech das en superschöni Idee fende, die beide zo Göttis z'mache... Aber mer hend do noni wörkli dröber gred. V.a. ohni Taufi scho ergendwie komisch

@Name: Ech ha do scho so es paar Idee för Meitlinäme. Aber leider wärdid sie mer i de Nochberschaft (jo, mer hend es frochtbars Quartier ständig klauer...)! Ond mini beschti Fröndin ond ech hend eigentlech de gliich Favorit, das esch au ned so eifach. Ond Buebe hani ke blasse Schemmer...

@linn: Ech hoffe, du chasch dini letschte Woche trotz dine Beschwärde no chli gniesse! Schön esch s'Insulin ez guet, ech dänke das beruihgt auch chli, oder?

@säge: Ech ha jo wörkli, wörkli au nüd welle säge bes zor 12. Woceh (es weisses nor ein Kollegin vo mer, söscht niemert!). Aber am Donnschtig esch mer soooooooooo schlächt gsi, ha müesse heigo ond mi Kolleg hed müesse zo mine Schüeler luege. De hane eifach müesse iweihe. Är hed scho es Chend ond hed sech meeeeeeeeeeeeega gfreut för mech, esch so härzig gsi! Ech glaube, mis Gheimnis esch be ehm guet ghüetet!

@chliini: Schön, dass du dis Wörmli so guet gspörsch! Freu mech scho of das

@Rafa: Jo s'Problem esch äbe, dass ech im Momänt Salot gar ned mag verliide. Vo dem werd mer no meh schlächt Aber ech gebe mer Müeh, mech einigermasse usgwoge z'ernähre! Schön gods euich allne guet ond du chasches gniesse!

So, ez hebid e schöne Tag, ech muess mol chli schaffe

[alessa]

Guätä Morgä

Sarenz: Gratulierä vo herzä und wünsch dir ä wunderschöni SS.

Wendy: wiä gahts dir mit em Chopfweh?

September: so schön uf das freu mich au, endlich z'würmli chönä spürä.
Wow nur no 12 Wuchä, das gaht sooo schnell

Linn: bi dir sinds ja au nur noch 16 Wuchä, okey das chan no lang werdä aber glich hesch scho meh als d'helfti
schön klappets mit em Insulin so guät, aber dini chrampfaderä sind ja scho müäsam ich känn das garnöd und hoffä es blibt au so

Gotti/Götti: Bi üs ische au chli kompliziert...Min GG chunt us Mexiko und er würdi gern sini Schwöster und schwager neh, was ich eigentlich nüt degegä het, aber falls es dänn äs zweits geh würdi würdi ich min jünger Brüäder und sini Frau neh und ich finds nöd recht das eis chind sini Göttis so nöch het und das anderi sooo wiit weg und eigentlich nüt vo ihnä het. Also händ mir üs entschiedä das mir sini Schwöster und min jünger Brüäder nänd.
Übrigens mir sind au us dr chliä ustrettä und Taufeds au nöd, aber ich find chindä händ äs arecht uf Gotti und Götti

Namä: mir händ +/- dr namä für äs Meitli chönti sich aber no änderä... Buäbä namä wüssemer nonig genau händ üs irgendwiä nonig so dermit beschäfftigt.

Frühschwangeri: Händ ihr würgglich z'gfühl das ihr SS sind? Also fühled ihr üch SS? Ich han seeeehr müäh dermit ich fühl mich garnöd SS sonder so wiä immer Mach mir irgendwiä sorgä oder isch das normal

Lg
Alessa

[Valea83]

Guete Morgee Fraueee

@sarenz: Was lisi denn da für schöni news!!!!!!!!!!!!!!!!!!!!!! JUHUUUUUUUUUU!!!! Gratuliere!!!! Freu mi mega für dich! Drucke dr ganz fest d dume! Wenn häsch de erst FA Termin?

@alessa: Du sprichsch mer gad usem Härze!!!! Ich fühl mi au gar nöd ss. Vor allem letscht Wuche, null symptom gha und da macht eim de halt scho gad chli sorge, gäll. Aber ich dänk da dörfe mer eus nöd z fest verruckt mache. Sit dm Wucheänd hani ändli wieder chli zieh im UL, wo nüm hört und gester, genau in dem momänt woni mi ha welle beschwere bim gg, dasi wieder kei symptom han, isch mer sooo schlächt worde, dasi mi gad ha müesse übergä.

@Carina: hoffe es gaht dr mit dr übelkeit e chli besser und häsch z weekend no chli chöne gnüsse

@september: schön vo eu z ghöre und das eu guet gaht! Uiii zügle als Hochschwangeri, das wird en rächte chrampf gä... E Kollegin vo mir het au zwei Wuche vor dr Geburt züglet. Für sie z schwierige isch nöd mal gsi z zügle sälber. Hät ja eh alls de gg und sini Kollege gschleppt. Aber z irichte nacher. Und wos vom Spital zrugcho sind, händs halt immer no zwüsche Chistene gläbt und das sig für sie so z schwierige gsi... Aber z wichtigste isch, dass dm chline und dir guet gaht. Denn wird au de wohnigswächsel guet. Druck dr uf jede fall dume

@linn: Schön isch Insulin wieder igstellt. cheibe Chrampfadere. Mis mami hät di au übercho in dr ss mit mir. Hoffe, mir blüehts nöd . Was häsch de dergäge übercho?

@Götti/Gotti: Mir händ so ersti ideä aber nonig konkret. Hät ja au no chli zit bi eus

@name: mir händ sooooo vili Meitliname aber buebename tüemer eus au no chli schwer.

@me: Letscht Wuche hani totali panik gschobe, wili kei symptom meh gha han und denn am Samstig häts wieder agfange. Sit dem ziehts konstant im UL und ich han mini ch*** premiere gha am Wucheänd. Chli übel zwüsche dure aber nüm so dasi mi übergä müesst. Freue mi meeeeega uf morn, ändli FA termin Ah ja und bin soooooooooo extrem lunisch. Min gg tuet mer zum teil richtig leid! Känned ihr das?

So mal wieder chli schaffe..

Hebet en ganz schöne Tag!

[Sarenz]

Guete obe liebi Fraue

Soo..sorry wenni noni uf alles cha ihgoh, bi immerno chli usem hüsli

@wendy
Wie gohts dir? Kopfweh besser?

@valea
Daanke dir vill mol! Ich chas garnoni richtig glaube! So schnell chas goh und ich bi au bi euch!

@götti/gotti
Mir lönd euses Kind ned Taufe, da mir beid nüm ide Chille sind. Symbolisch bechömeds aber sicher beides, wer das söll si wüssemer aber noni.

@name
Lustig, alli händ eher Meitliname! Mir au, händ ein grosse Favorit und no e 2. Bueb isch soo schwer findi!

@rafa
Ha mol bi dir gläse dass rohe Fisch no issisch? Dörfsch das? Gillt das ned wie rohs Fleisch? Wenn jo, wer da jo mega!!! Ich weiss nämli noni wieni so lang ohni Sushi uscho söll!

@carina
Wie gohts dir? Du machsch jo scho einiges mit...

@schwanger fühle
Ich fühl mi imfall au no garned Schwanger! Das mitem Kaffi isch eigentlich fast seinzige. Bitz es zieh im UL und gsaanz es bitz schlecht, sber meh eifach unwohl ischmer. Bi aber auno froh bis jetzt.

@ FA Termin
Ich dörf am 15.5. zum 1. Untersuech! GG will und cha au grad mitcho! Freued eus soo

[Wendy]

@linn
Danke für din Tip mit em Spagyrikspray. Muess mal die Wuche id Apothek go fröge öbs das au mached.
Panadol und Magnesium nützt leider gar nüt....

@götti/gotte
Mir werded euisem Chind sicher en Götti und es Gotti ussueche. Hät euse Älter au, obwohl er nid Tauft isch. Min Ma möchti das zwar gern mal nahole aber ich hab da gar nöd pressant.
Ich find Gotte/Götti en schöne Bruch und s Chind het no zwei wiiter Bezugspersone wenn mal öppi wär.

@name
Hämmer üs no Gedanke gmacht. Müänd aber sicher beides ha, da mir s Gschlächt nid vor de Geburt wännd wüsse.

@schwangerfühle
Am Agang han i no es zieh im UL gha und meh Hunger. Mittlerwile merk i gar nüt. Nu chli meh müäd.

@me
Chopfweh isch immer mal wieder da, aber nüm grad de ganz Tag. Gang am Friitig is Shiatsu. Das hilft amigs für es paar Täg. Ich dörf am Friitig zum FA. Und hoff es isch alles in Ornig da i ja so kei Beschwerde hab.

So gnueg für de Moment wünsch eui no en schöne Sunntig.

[Deidelina]

Hallo mini Liebe

Jetzt isch mä emol es Zitli nit do inne und denn chunt mä fast nit noche mit läse.

@Sarenz
Herzliche Gratulation und e wunderschöni ss.

@säge
Ich wirds vermuetlich mine Arbeitskollege die Wuche no mitteile, will ich s Büüchli fast nüm cha verstecke oder kaschiere.

@Name
Do händ mir uns au no keini Gedanke drüber gmacht bis jetzt.
Händ jo au no e chli Zit.

@me
Bi am Mäntig bim FA gsi zum US. Isch alles guet und so wies sött si, s Härzli klopft wie verruckt und es isch jetzt 1.6cm gross.
Dr nächsti Termin hani am 29.05.

[linn]

Valea, wie isch din erste US gsi:)???

[Rafa]

Hallo ihr liäbä

wiä gahts eui allnä so?

@sarenz
also zum sushi chan ich dir folgendes sägä: bim rohä fleisch bestaht ja s'risiko das mer sich mit tokoplasmosä chan asteckä was ja s'ungeborene chind sehr chänt gfärdä! das häsch bin rohä fisch nöd! detä gahts halt eifach drum dass äs echt blöd wär wänn du öpisch schlächts würsch ässä (lebensmittelvergiftlig) isch aber ja au im unschwanger zuästand superblöd!! aber s'ungeborene gfährdisch sicher nöd und das isch für mich s'wichtigschtä! mini FA hät gseit ich chöngi sushi guät ässä und au mini fründin wo sit 8 jahr bimänä gyni schafft seit allnä ihrnä schwangärä sushi isch keis problem...ich wür jetzt eifach nöd grad äs neuis restaurant usprobiärä sondern detä anä ga wos kännsch und immer guät und frisch gsi isch bis jetzt...i däm sinn än guätä und gnüssäs

@deidelina
herzlichi gratulation zum klopfende herzli...so schön!

@wendy
das mit äm chopfweh isch würklich blöd...han am afang vo dä ss au zwei/drümal migränä gha...und jetzt zum glück überhaupt nümä...hät sicher mit dä hormon z'tuä! hoffä shiatsu git dir ächli linderig und dass äs gli ganz weg isch!
ganz viel glück für morn!

@valea
ja wiä isch din termin gsi?

@linn
schön isch dini chli medifrei...das freut mich...hoffä äs bliebt so und ihr händs mit tcm guät im griff!
wüssäd ihr eigentlich obs än buäb oder äs meitli git oder wänd ihrs nöd wüssä, sorry weiss äs nümä...evtl. häsch äs scho mal gschriebä!

@name
buäb wird gaaaaanz schwierig....meitli au chli schwierig aber viel eifacher richtig gedankä machäd mir euis dänn wänn mir wüssäd was äs git....händ bi euisärä tochter scho nur än meitlinamä gha!

@mir gahts tipt top....gschpür mis würmli mittlerwillä au regelmässig....isch würklich so äs schöns gfühl und beruhigt natürlich sehr!
bin jetzt dänn au scho i dä helft...ganz krass wiä schnell dass das gaht...irgendwiä viel schneller als i dä erstä SS!

ich wünsch eui allnä äs schöns tägli...liäbs grüässli rafa

[Valea83]

Ich muens jez mal hinder mich bringe.

Leider mueni mi vo eu verabschiede. Isch en elss gsi. Han gester d Sprütze übercho und di nöchste Täg wird dr HCG wärt immer wieder gmässe. Wenner uf null isch, dörfe mer theoretisch wieder afa. Mir müend jez das z erst mal verdaue und denn witer luege...

Es tuet u weh, abschied z nä au wenns no so früeh isch gsi

Ich wünsch eu allne en gsundi und schöni ss. Und vili gsundi Wunder das Jahr.