Juhu auch wir legen los- die Schwangeren

[linn]

Nur kurz

Alessa: soooo schön, froi mi uh händer oies chäferli gsund und munter dörfe gseh!


@valea: ich ha bi de beide girls fitness gmacht, aber kei buchüebige...jogge bis i di 28ssw...jetzt tuni na jogge und hometrainer di hei...bald ssw 23.
Ha aber vor de kids marathon gmacht und bis mir gwohnt.
Ide regel gilt, alles was vorher gmacht häsch isch ok, kei sache wo uf de buuch gönd und halt so wiener sich wohl fühlt.

Schöne abig

[linn]

Ich numal churz, bitte all Date wo uf die erst Siite chömed, per PN a mich, isch mir eifacher, merci!

@Deidelina:dini Agabe hani nani:)

[linn]

@rafa: wie gahts dinre muus? Und wohi gönd ihr um juni id ferie:)?
Liebi Grüessli

[Carina16]

Guete Morge Fraue

Ech mälde mech au weder mol be euich... Be mer bruucht eifach alles grausig vell Energie im Momänt; ech cha nor a SCHLOFE ond legge dänke

@Valea: Jo morn chani bem FA verbii. In erschter Linie hoffi, dass metem Wörmli alles i.O. esch ond in zwöiter Linie hoffi wörkli, dassi ergendöbbis bechome, wo mer chli gäge die Öbelkeit helft.... Beträffend Sport: Ech wörd mega gärn ergendöbbis mache, wenigschtens chli ofe Hometrainer oder metem Velo go schaffe, aber es esch mer so drömlig, dass ech ehrlech gseid rechtig Angscht ha, dass es mech ine Egge inerüehrt... Ond das wett ech im Momänt grad ned risikiere. Hoffe, mi Chreislauf stabilisiert sech de bald mol, dass ech wenigschtens weder chli öbbis cha mache... Ah jo, beträffend Bluet: Ech ha trotz mine Horrorschmärze bes jetzt zom Glöck nie blüeted gha; do beni mega froh, chämt glaub grad en Panikafall öber

@alessa: Also das Ässe veronsecheret mech au zemli! Vor allem das met dene Salöter! Ech ha eigentlech jede Mettag so en Fertigsalat gässe... Naja, ez magi sowieso grad gar ke Salot verträge, das mag mis Mägeli grad gar ned verdaue... Aber met Mozzarella muesch der gar ke Sorge mache, v.a. ned wenner no kochet/bachet esc. Ech ha au es Schwangerschaftsbuech, wo rohe Mozzarella als Zwöscheverpflegig abietet... Ech esse im Momänt eifach ke gräucherets Fleisch ond ke gräucherete Fesch (obwohl ech soooooooooooooooo gärn Lachs han). Aber be be dem Thema au sehr veronsecheret.

@Rafa: Gods dinere Chliine weder besser? Hoffe, hesch dech onderdesse chli chönne erhole?

@me: Äbe, ech be müed, mer esch schlächt (de ganz Tag, god nor chorz nochem ässe besser, de fods de au scho bald weder a). Dör s'Magnesiom send mini Chrämpf emmerhin wesentlech besser worde... Nor hani die letschte Täg vo dem so dermasse Dorchfall öbercho, dassi ez höt kes Magnesiom meh gno ha... Luege mol, wies god! Hoffe sehr fescht, die chömid ned zrogg! Aber ha chum no chönne schaffe. Aso wenn der de ganz Tag sträbensschlächt esch ond au no Dorchfall hesch, de besch de rächt am Rompf!

Es dod mer rechtig leid, aber min Biitrag esch eifach scho weder es riiiiiese Gejommer worde! Sorry! Aber mängsich dueds guet, sech schnell paar Minute i Sälbschtmetleid z'bade Aber ech freu mech jedi Stond dröber, dass ech schwanger be; das helft mer, trotzdem metemene Lächle döre Tag z'go

Wönsche euich e schöne Tag!

[Rafa]

Guäts mörgeli

@carina
ojee das isch würklich soo mühäsam...ich känn diä symptom ussert diä schmerzä leider alli au. du därfsch immer jammerä...für das sind mir doch alli da..mir sitzed schliesslich alli im glichä boot
diä erschtä 12 bis 13 wuchä vo dä SS sind würklich meischtens die weniger schönä, ebä wägä übelkeit, müädigkeit und bi dir jetzt no dä chreislauf....aber ich hoffä fescht für dich dass äs je länger besser wird und du dänn irgendwänn diä SS nur no chasch gnüssä!

@valea
i dä erschtä SS bin ich au no bis zur 23. SS is fitness (zumba)...han dänn aber müässä ufhörä wägä vorziitigä wehä. aber wiä d'linn scho seit...alles was du vorher scho gmacht häsch söt au jetzt keis problem si....vorrusgsetzt du fühlsch dich wohl däbi!

@alessa
so schön häsch du/ihr euiäs würmli därfä bestuunä...muäsch luägä bim nächschtä US am 20.05.15 gsehsch dänn scho fascht äs fertigs chlisäs chindli...isch scho äs riiesä wunder!
mozzarella und au feta isch keis problem...das chasch problemlos ässä....bim parmesan isch äs äso...streng gno chöntäd detä scho listeriä drin si...das muäsch echt eifach für dich entscheidä! Ich liäbä parmesan...bi mir gönd pasta nöd ohni...ich han drum sowohl i dä erschtä SS sowiä au jetzt i därä SS nöd uf parmesan verzichtät.

@me
dankä eui vielmal für d'nachfrag vo minärä chlinä...leider gahts ihrä nonig würklich besser...bin geschter dänn doch no zum dökti...di arm muus hät scharlach mir händ jetzt antibiotikum übercho (zum erschtä mal - sie isch suscht eigentlich ä sehr ä gsundi) und ich hoff das äs gli besser wird...d'nächt sind logischerwiis gaaanz schlimm und ich mag fäng echt nümä...aber ja nu, da müänd mir jetzt durä...chunt scho wieder besser!

@linn
mir gönd id südtürkei...und ihr?

@gschlecht
möchtäd ihr eigentlich wüssä was äs git oder lönd ihr eui überraschä? ich chänt mich ja guät überraschä lah, aber für min GG gaht das gar nöd...er muäss sich chönä vorbereitä ja dänn luägäd mir mal bim nächschtä US ob sich das würmli au richtig schön zeigt...GG chunt dänn au mit!

wünsch eui äs schöns tägli - liäbs grüässli rafa

[Deidelina]

@Linn
Ha Dir e PN gmacht.

@Carina
Das kenne mir doch alli, und jommere darf mä doch immer.
Uns gohts jo mängisch nit anderst und verstoh düen mirs doch alli au.

@alessa
Schön heschs im US gseh gha und das alles guet isch.
Uf das freu ich mich denn au wieder.

@Rafa
Ou nei Scharlach, das müesst au nit si.
Gueti Besserig an Dini Chlini.

@me
Sowit gohts ganz guet. D Übelkeit het sich verabschiedet, bis jetzt ämel.
Suscht ab und zue es zieh, aber alles in allem nit schlächt.
Wobi, müed bini. Isch unglaublich.

[chliini22]

Hoihoi

Bim US isch alles tiptop gsii und organ au alles ume...
mittlerwiilä isch es 20cm und 300gramm
Mir lönd eus überrasche und wüssed nöd was es git..

@esse: ich bi leuk. Negativ.. chatzechistli muen min maa mache
Ich isse eifach kei rohs fleisch (kei tartar usw.) Und fisch han i e ned gern...
milchprodukt iss ich.. ha denkt wenns pasteurisiert isch de isch es nüme roh? Ha bisher alles gesse (jogurt, hüttechäs, chäs, quark usw) so weich und schimmelchäs isch e ned min fall.
isse au nach wie vor bündnerfleisch und salami.. min FA het gmeint seg alles so guet tested da seg srisiko minim...
und suscht han ich glich wiiter gesse wie vorher.. gmües..frücht..salat.

@beschwerde: ich kämpfe au mit de müedigkeit und mir het de FA gseit ich müess mich demit arrangiere.. gäb fraue wo 9 mönet a übelkeit liided und anderi a de müedigkeit.. jänu das schaffed mer au na..

@sport: bi gad uf em hometrainer.. mache nach wie vor 3-4stund sport obwohls en riisä kampf isch.. schlafe oder sport..
ich dörf solang wies mir wohl debi isch.. gange au dusse ufs bike.. eifach kei downhill und kei schläg..

Hoffe ha nüt vergesse..

Drucke eu allne düme dass beschwerde glii weg gönd und ihrs chönd gnüsse!

[Valea83]

Gute Morge allersits

@chliini: Jööööö freu mi für eu! So schön! Für d ss-afänger, was heisst leuk negativ? Wenn häsch dr nöchst Termin?

@deidelina: Cool isch d übelkeit wäg Jez chas d ss gnüsse, abgseh vo de Müedigkeit.

@rafa: oh neiiii scharlach! Di arm! Wünsch ihre gaaaaanz gueti besserig! Hoffe isch mittlerwile scho um einiges besser!

@carina: Druck dr gaaaaanz fest d dume für eue Termin hüt Bin gspannt was denn z brichte häsch. Wie gahts dr hüt mit de Übelkeit und dm Durchfall? Du armi, da häsch scho gad rächt öppis zum kämpfe.

@gschlächt: Ich het mich eigentlich gärn überrasche lah aber min gg möchts wüsse. Muen sich vorbereite

@trimester-test: Han geschter mim gg chli en diskussion gha. är möcht gärn alli tests mache wos git und wenn irgendöppis usechämt, würder evtl sogar d ss wele abbräche Ich finde, das gaht gar nöd! Weiss nöd mal obi alli tests mache würd. Nackefalte mässe dänki scho aber de rest... Weiss nöd Händ ihr das gmacht, oder löhnd ihr das mache? Was sölli nur mit dr Reaktion vom gg afah... findi chli krass!

@me: Mir gaht sowit eigentlich no guet. Es bizeli müeder bini als schusch und wenni schlafe, denn bini amigs halbe im Koma. Ab und zue es zieh im UL und sit hüt möchted d Brüst e chli weh. Ah und chli Appetitlosikeit. Z einzig wo mer so phasewiis e chli sorge mache, han eigentlich jede Tag chli SBs. Mängisch meh, mängisch weniger. Gester hani dm FA aglüte und si hät gmeint, genau säge chön si mir nur mit me US. aber da mir di wuche scho en US gha händ, hani denn gfunde ich probier jez nöd panik z schiebe und warte mal ab. Wenns schlimmer wird, denn stahni sofort bim FA im Zimmer

An die wo under ss symptom lidet, wenn hät das bi eu agfange?

Wünsch eu e gaaaanz schöne Tag

[Rafa]

@valea
dankä, äs gaht ihrä zum glück besser....s'antibiotikum fangt a würkä!

@ETT
ja gäll diä diskussionä übers testä sind nöd immer eifach...hoffä fescht das ihr das nomal chönd besprechä und än weg findet wo für beidi stimmt. mängmal bruchts au eifach ächli zyt...chunt doch viel neuis uf eim zuä und grad für d'mannä isch äs glaub au nöd immer eifach! mir händ dä ersttrimestertest bi beidnä gmacht...bedütet, d'nackäfaltä, bluät und zämä mit äm alter vo dä muätter wird d'wahrschindlichkeit usgrächnät für ä allfälligi TR 21! zum glück isch diä zahl bi beidnä so höch gsi (also d'wahrschindlichkeit so chli) das mir nöd wiiter testät händ...weiss au nöd ob mir das überhaupt gmacht hettät...händ das au nie so konkret zämä besprochä!

ich dänk solangs würklich nur schmierbluätigä sind isch das nöd so schlimm...verstah aber das dich das verunsichered...wür aber sobald du dir würklich sorgä und gedankä machsch lieber eimal meh zum FA!

bi mir händ ss-symptom ab dä 7. wuchä agfangä.

schöns tägli

[linn]

Hoi zäme

@Deidelina: isch ja super, verschwindet dÜbelkeit so schnell bi dir! Hoffentlich bliibts eso!

@Rafa: ohje armi Muus! Zum Glück besserets mit de AB schnell.
Seinte vo oisne Meitli hät e chronischi Erkrankig sit sie 6M alt gsi isch, ich cha nahfühle...kranki Kind sind bsunders streng und meh liidet mit. Ich hoff bi ois wachst sichs irgendwenn use.

@Sport: bi au na täglich ufem Velo mitem Ahänger unterwegs, die Gross fahrt aber scho länger selber bis zu 10km mitem Velo, denn ischs nöd so streng für mich.
Süsch wie scho gseit, liechts Jogge und Hometrainer.

@Valea: ich ha bi de 2te SS au chli Gschmier gha, solangs eher dunkels, alts Bluet isch, absolut ok.

@ETT: bi allne 3 gmacht, sowie bim Dritte de Harmony Test. Nur mache, wemmer au weiss, was mer nachher wiitermacht, falls negativi Ergäbnis würed cho.

@Carina: wie gahts dir?

Liebi Grüessli

[Carina16]

Liebi Fraue

mer hend es Härzli gseh & meh als es 1 cm grosses Wörmli mer send sooooooo glöcklech das alles guet esch! De FA meint, d'Berächnige stemmid ned ganz met de Grössi öberii (es wär luut Grössi ongefähr i de Helfti vo de 7. Woche; d'Berächnige send aber be 6+1.... Mol luege, mer hend am 12.5. de nöchscht Termin; det luegder de nomol & korrigiert de s'Datom evt. Aber alles esch guet! Be so onglaublech eliechteret! Hoffe, es god so positiv wiiter!

Ech gange es anders Mol of üch iii, ha nor schnell welle brechte! Hebid es schöns Weekend!

[Valea83]

Juhuuuuu Carina!!! Gratuliere zum schlagende Herzli!!! So schön!
Übrigens isch mer gester no igfalle, du häsch doch au en Babytraum gha und bisch genau drn ss gsi oder worde. Hehehe so lustigi Sach wo agmis passiered

Heiiii schusch freui mi amigs di ganz Wuche ufs usschlafe und jez ligi scho hellwach im Bett und geistere jez chli im Forum ume ghört das au zu de symptom?

Hüt gömer no anes Hochzit... Wird spannend, mal luege wie das mer durechömed ohni dases gross uffallt

Wünsche eu allne es gaaaanz es schöns weekend!

[Carina16]

Guete Morge metenand

Ech hoffe, ehr hend alli es schöns, erholsams Weekend gha?

@Valea: Jo du hesch völlig rächt; wo ech dä komischi Traum gha ha, wo mer es Baby "ipflanzt" worde esch, ben ech scho die 1. Woche schwanger gsi... Esch mega speziell, has au emmer weder dänkt. Wie esch dini Hochziit gsi? Hesch s'Nicht-Trinke chönne verheimleche? Öbrigens: Sett ech schwanger be, ha ech au sehr komischi Schlofensziite: Verwache meischtens einisch z'Nacht, denn am Morge frühe ond denn beni quitschfidel. Deför chönti zwe Stond spöter scho weder go schlofe... Ech go eifach am Obig amigs früehziitig is Bett (ond schlofe au grad i...). Ech glaube, das hed au met de Hormonomstellig z'tue...

@ETT: Ech fende das au es ganz es schwerigs Thema. Ond ech weiss au ned, was mer wörded mache, wenn dete öbbis ned guet wär. Ehrlech gseid han ech früehner au emmer gseid, wenn met mim Chend mol öbbis ned in Ornig esch, wörd ech d'SS abbräche. Jetzt aber weiss ech ned, glaube ech chönt das ned! Ach weiss au ned! Fendi mega schwerig. Mer hend euis noni öber das onderhalte...

@chliini: Wow, scho so es grosses Wörmli! Es god jo sooooooooo schnell!

@Deidelina: Schön esch dini Öbelkeit scho verbii. Gniesses

@me: Mer gods eigentlech au einiges besser. Set ech das Magnesiom abgsetzt han, hed sech mini Verdauuig rächt beruigt. Ke Dorchfall meh ond au einiges weniger schlächt. Zom Glöck send d'UL-Chrämpf au nömme so fescht zroggcho wies am Afang gsi send. Es esch doch no rächt früeh, aber ech ha s'Gfühl, ech ha s'schlemmschte öberstande (hoffe ech ämel zomendescht, dasses ned weder chond - be jo erscht i de 7. Woche...).

Wönsche euich allne en gueti Woche.

[alessa]

Guätä Morgä mitänand

Wiä gaht üch den so?

Carina: 1cm wow isch ja scho recht gross für diä 6+...Wochä, üsers isch gad mal 3.5 mm chli gsi bi 6+2
Freut eim aber scho zum wüssä das da würckli öpis im buch isch, oder?

Rafa: wiä gahts üch/dir? hesch dich chli chönä erholä?

Deidelinä: übelkeit ganz weg? hesch eigentlich no anderi beschwerdä oder nöd?

Valea: und wiä isch z'hochziit gsi und wiä gahts dir sust so?

Chliini: Wow au scho 20cm wahnsinn schön isch alles tip top.

Linn: wiä gahts dir?

September: und wiä gsehts bi dir us?

Gschlecht: mir wänds unbedingt wüssä han aber vo ahfang a zgfühl es git en buäb, würd aber au äs meiteli neh

Ässä: han gad letzti irgendwo glesä das mä Feta nöd söll esä idr SS da söll no öper drus cho

Toxoplasmose: ich finds doof das dr Test nümä gmacht wird, nur wänn in du unbedingt wetsch, nimmä ah mä muäss ihn au selber zahlä

Me: d'müädigkeit het mich au voll im griff weiss nöd isches weg dr SS oder wil ich ziemlich stress han mit mim gschäft. Ich han mich entschiedä das ich per ändi 30.04.2015 mis gschäft ufgib und han diä letztä 2 Wuchä gad än ahsturm ka und diä wuchä au gad no, bin froh hani der entscheid troffä und muäss nur no diä wuchä, ich glaub ich würs nöd schaffä SS, Büro, Kosmetik, Hund und Husshalt ich bin nur am umä stressä und han garkei ziit für mich.

Wünsch üch ä guätä Wuchästart

Alessa

[Deidelina]

Hallo Zämme

@Carina
Das isch doch e gueti Nachricht, das freut mich so sehr.

@alessa
Ich glaub do hani mi zfrüeh gfreut.
Ab und zue hani e liechts flaus Gfühl in dr Magegegend.
Sobald ich denn öbis due esse, gohts wieder weg.
Bi also ständig öbis am ässe.

@Valea
Wie ischs gsi an dr Hochzit?

@Gschlecht
Mir wänds au unbedingt wüsse.
GG plädiert füre Bueb, mir ischs es egal, hauptsach gsund.

@ETT
Also mir mache eifach dr Nackefaltetest und mehr glaubs nit.

[Valea83]

Hoi zäme,

mälde mi au mal wieder

Bin am abig amgis immer sooooo müed. Gester bini am 9h scho ufem Sofa igschlafe schusch bini immer so en Nachtühle gsi... Janu, Symptom nimmi vorläufig no so gärn, das git mer wenigstens z gfühl es seg öppis da. Schusch merki fascht nöd dasi ss bin

@Carina: Schön gahts besser mit dr Verdauig und de Chrämpf! Druck dr Dume für di nöchste Wuche!
Gäll, plötzlich gönd di wuchene viiiiil z langsam... bin au erst 6. Wuche

@Alessa: Findi au doof dass de Test nüm gmacht wird. Hets au gärn gwüsst, wil mer Tierli händ und jetzt halt scho immer so chli es Fragezeiche da isch. Findes guet häsch de schritt gmacht, au wenns kei eifache isch gsi. Mängisch wirds eifach z vil und de muen me halt zrug schrube, bsunders in dr ss.

@Deidelina: Hoffe d Übelkeit wird nöd no stärcher!!!

@me: ebe müed und d brüst spanned. Bald mueni mer neui BHs go chaufe . Aber Zit gaht soooooo langsam! Han immer dänkt wenni denn mal ss bin, isch Zit und ungeduld nüm so es Thema. haha denkste!!! Bin immer no in dr 6. Wuche. Mag fascht nümm warte. Termin isch genau inere Wuche aber das gaht ja sooooo ewigs. Möcht doch ändli wüsse obs Herzli vo eusem chli chräftig schlaht. Ihr känned das ja...

Ah ja und ganz vergässe, z hochzit isch guet gsi. Aber mit verheimliche isch de gad gar nüt gsi, dank dem seeehr sensible Servicepersonal. Han gseit döfi kei Alkohol ha, bitte kei Mahlzite mit rohe eier und fleisch söll durebrate si (Hät Rindsfilet gä) und was machets?! Leged es zätteli an min platz "Schwanger"... Ja danke!!!! Hans denn scho wäggno und versteckt, aber vili händs natürli scho gseh und mi druf agsproche...

So, muen mal wieder chli schaffe. Wünsch eu e schöne Tag und hoffe d Symptom plaget eu nöd z fest

[alessa]

Guätä Morgä

Isch so ruhig da.....

Valea: Ich bin am Samstig im C&A gsi da bi üs un diä hän kei Umstandsmodä bi üs im Kanton chuntsch niäneds über. müäss jetzt glaub uf Rapperswil in H&M, bruch au dringend BHs und evtl. scho äs paar gmüätlichi Hosä.
Ich han so müässä schmunzlä vo dim Hochziitsfest isch ja voll denebed vom chällner aber wänns dir bildlich vorstellsch wiäs passiert isch isches scho no lustig wiä du heimlich dem Personal seisch wiä und was und sie dir en zettel a din Platz tüänd "Schwanger"

Müädigkeit: am morgä wänni d'augä uftuä, freumi scho uf dä abig zum wieder go schlafä.....

[chliini22]

hoihoi

umstandsmode.. ja das isch so e sach für sich.. :-S
C&A het.. Zürich het und ich weiss nöd öb sogar Rappi
H&M het au..aber im Moment alles so skinnylegs oder superskinnylegs hose.. :-S
H&M im Seedammcenter het und Rappi bini nöd sicher
suscht muesch mal uf bonprix.ch luege oder verbaudet.ch

wegem leuk. test.. ich han mim FA gseit gha mir heged 2 jungi Büsis und wetti wüsse öb ich positiv oder negativ bin.. wegem chistli.. dän hends das au gad gmacht..sie hend ja e müesse bluet abzapfe.. ich bin negativ das heisst min maa dörf d'chistli mache

ETT: mir händ nur nackefalte gmesse und suscht nix..sind chli überrumplet worde und hettet dänn gad müesse entscheide.. und drumm hämmers sie glah.. ich wüsst nöd öb ichs chönt abtriebe.. vo däm her muen ich so au kei wiiteri entscheidige träffe..

wie gahts eu allne sooo???

lg

Esse: hmm da mach ich mich definitiv nöd wahnsinnig demit.. ich luege eifach dass alles pasteurisierti milch isch.. und das wärs dä au scho öppe.. fisch iss ich generell kei.. und rohes fleisch au nöd.. aber was ich nöd mache isch es rindsfilet durebrötle..das isch schaad fürs fleisch.. :-S eifach medium und nöd gad bluetig..

müedigkeit: ja mit därä kämpf ich nach wie vor und wird wohl au nüm besser..aber wett mich nöd beklage.. mir isch es ein einzige tag schlecht gsii und wett also nöd tusche

[linn]

Hoi zäme

@valea, dini Story isch echt zum goisse:):):)...so schnell wüssets all...
Das mit de Ziit vergaht langsam...kenni vo allne 3 SS...da findi die 2 Wuche ufd Mens oder ebe nöd warte, grad na easy. Kenne das Gfühl und das gaht leider nöd weg, mi mönd ois in Geduld üebe.

@carina: sooo schön, isch alles guet! Es wunderschöns Gfühl!

@alessa: was häsch du na selbstständig gmacht? Kosmetikerin?

@chliini: Vitamin b12 und Iise häsch testet?

@sskleider: Ha nur Hose kauft und die vom H&M...Oberteil eifach all grösser kauft.

Liebi Grüessli

[Carina16]

Guete Morge metenand

Wie gods euch allne so?

@ss-Kleider: Aso ech müessti scho länger neui BHs ha! Mini Bröscht send so schnell gwachse am Afang... Aber ergendwie sträub ech mech nochli degäge... Weiss gar ned was ech sell chaufe... Weiss jo ned, öb die ez no wend wiiterwachse oder öbs das ez mol gsi esch... Aber müessti scho mol mache, fühlmi gar ned wohl. Die andere Chleider gönd grad no so; dank de aktuelle Mode hani vell so Stretchhose ond so, wo scho no chli öbbis Platz hed muess eifach be de Oberteili luege, dass mer mine Buuch ned gsed! Vor allem am Obig gsehni aso rächt schwanger us... Hätti nie dänkt, dass das so schnell god! Mi gg amüsiert sech amigs rächt wenner mech gsed omewatschle... Leider chan ech mer bem Zuenäh zueluege... Ha scho emmer Problem metem Gwecht gha ond ha drom oft am Obig nüd gässe. Osserdem hani fascht ke Cholehydrat gässe. Jetzt muessi vell Cholehydrat ässe, das esch s'einzige, womer im Momänt ned schlächt werd defo ond wenni meh als 3 Stond nüd esse, werds prekär ech hoffe, dass das schnell verbii god, fühlmi scho rechtig onwohl! Ond be soooooooooo niiiiedisch of alli wo scho lang schwanger send ond nor es Kilo oder so zuegno hend

@müed: Be aso au sehr müed, chönt amigs am 7ni scho ischlofe... Aber ech dänke, es werd scho si Senn ha ond gebe wenn emmer ergendwie möglech de Müedigkeit noche... Schade dueds secher ned

@Gschlächt: Mer wend au wösse wases ged Ech wönsche mer jo eigentlech scho es Meitli; aber be onderdesse wie jedes andere Mami au: Hauptsach gsond! Aber öbers Meitli wördmi halt scho meeeeeeeeeeeeeega freue

@Valea: Hihi, danke för dini amüsanti Gschecht vo de Hochziit Esch ned so fair vo dene, aber du hesches soooooooo loschtig verzellt! Do beni grad froh, dass ech noni i sone Konflekt cho be... Hoffe, ech chas nochli gheim bhalte... Wetts wörkli früehschtens i de 12. Woche säge...

So, gnueg gschrebe för höt Hebid e schöne Tag!