Frühlings-Kinderwünsche - wir haben's geschafft

[black_key]

@heutierli: danke für die aufklärung! wir haben uns schon gefragt was das soll...

@gerbera: uuund magsch es no ushalte? um welli ziit hesch de termin morn?

[Gini]

@Heutierli: Danke für die Info. Wirklich irgendwie unglaublich was andere so treiben...!

Sorry für de Egopost, ich gnüsse grad s Wetter ond mole mir so us, wies chline so wird si. Weiss grad gar ned was no könnt schriebe oder froge
Ha hüt Fä Termin gha, im Chline gohts guet. Es isch scho 2400g schwär ond darf jo no guet e Monet dinnebliebe. Mini Fä het mi ufem Ultraschall druf ufmerksam gmacht, dass mer scho chli Höörli gseht flattere..Hihi..bi grad verliebt.

Sowit isch alles ok, s het no gnueg Fruchtwasser, ond mitem Chöpfli lits nach abe. Ha übrigens plötzlich en neue Geburtstermin bicho, isch nüme de 11. Mai sondern 1 Tag früehner, de 10 Mai. Isch jo egal, nur 1 Tag unterschied, es chunnt wenns wott, has glich no witzig gfunde so spot no plötzlich en Korrektur vom Termin

Euri Gini

[black_key]

@gerbera: alles gueti hüt bim termin!

@hunny: oh ja und es zieht sich wie kaugummi. geschter hani ned chönne ischlafe und mier die schlimmschte sache usdänkt... ich hoffe das gaht jetzt ned en wuche so.
wie gahts dir??

[black_key]

@hunny: ja ich glaub au, aber ebe es bringt nüt sich veruckt z mache, es isch sicher alles guet
super das nüm muesch erbreche, fühlsch di sicher grad vill besser. ja ich glaub ide 11./12. wuche sinkt s hcg und denn werded au d symptom weniger

ich ha ca. 2 kg zuegnoh und min umfang um de buch isch au scho grösser worde... weiss aber ned öb das jetzt nur die agfrässne kilos sind oder scho babybuch und bi dier?

[gerbera]

Hallo zäme

@hunny: i ha ou öppe 2 kilo zuegno, u scho umstandsmode anne sit ere wuche, finde di sache super bequem, u me gseht nes ou nid a, wenn me es gneug längs oberteil aleit...
Schön geits dir besser! Ize chaschs richtig afa gniesse, u wägem nümme schlächt muesch dr gloub kener sorge mache, das isch eifach wüu sech dr hormonhuushalt veränderet...

@black_key: i ha letscht nacht so wahnsinnig schlächt gschlafe, vorhär eich nid... Hoffe es leit sech de chli bi dir...

@me: si zrugg vom fa, alles tiptop, d nackefalte ir norm und ds hirn schön symetrisch, ds härzli het mit 160 gschlage, und dr et isch 16.10.15
Morn oder am mäntig bechöme mr no d bluetwärte, bi aber sicher, dass alles guet isch. U dr ultraschall isch so härzig gsi, ds chline het gnüggelet, und sech um sini eigeti achse dräit, und isch i däm buch ume gschwumme wi es grosses... Mega idrücklech! Gg und ig hei ds baby-tv super gfunde, s isch ou wieder es stück realer worde,, u i bi grad mega häppy!


Gesendet von iPhone mit Tapatalk

[black_key]

@gerbera: oh sooo schön z ghöre das freut mich sehr! jöö so herzig hed euches chline richtig umeturned so sölls doch si.

[gerbera]

@hunny: oh wi schön! So romantisch wi dus beschribsch [emoji7] gratuliere ganz härzlech!


Gesendet von iPhone mit Tapatalk

[black_key]

@hunny: jöö sooo schön! gratuliere ganz herzlich <3 de ring isch uu schön...

[Gini]

Wow hunny, jetzt Hani es Tränli ide Auge. Gratuliere, Mega schöne Ring

[Awe]

Wonderschön Hunny, gratulier der vo herze

[gerbera]

@awe: wi geits dir? Sit dr wider daheim mit euem schätzeli?


Gesendet von iPhone mit Tapatalk

[Awe]

@me: mer send sit geschter dehei ond es goht ganz guet. Min bueb trinkt schön ond sstille klappet guet noch afängliche schwierigkeite. Es esch momentan ganz e intensivi zit, mini hormon spieled rächt verrückt. Es wechslet zwische glück ond angst öbi alles richtig mache, etc. aber ich dänke das esch ganz normal ond brucht halt eifach sini zit bis ich ächli sicherheit han. Euse chli esch richtig goldig ond ganz e liebe. Durs stille all 3 stund zehrts natürli sehr a de chräft aber ich bin soo froh trinkt er jetzt so schön, er esch grad richtig am ufhole well er jo so en liechte esch. Er macht sich ächt guet, mer send richtig stolz.

[black_key]

@awe: schön vo dier z läse und das bi eu alles guet isch! verratisch eus de name vo dim chline? bin mega gwundrig... aber wenns ned möchtsch säge verstahni das natürlich au

@hunny: ich freu mi so für dich hender scho chli gredt über s hochzit, wie und wenn usw?
bald hemers gschafft und es isch donnschtig

@gerbera: wie gahts dir?

@mimi: ich hoffe es isch alles ok bi dir?

@me: geschter isch en super schöne tag gsi, ich bin mit mim maa go laufe und ha guet möge d sunne und d wärmi hend so guet da. min maa isch so herzig, er mags fascht ned erwarte bis donnschtig isch und mier endlich baby-tv chönd luege letscht wuche hemer d neuigkeit no sim brüeder verzellt und er hed voller stolz d ultraschall bilder vom erschte FA termin zeigt. ich find das so schön wie er sich freut, hett mier das früehner so nie chönne vorstelle.

[Awe]

Danke hunny

@black_key: jo ich bin jo au e gwundrigi euse bueb heisst morris.
Jö herzig din gg gäll de machts no meh freud wenn de papi jetzt scho so stolz esch. Min gg hed au allne euse kollege sultraschall bild stolz zeigt wo mers ehne gseit händ. Hoffe dziit goht schnell ume för dich, das ehr bald weder zum US chönd.

[harmony]

*reinschleich*
hunny ig gratuliere dir härzlech! ig bi scho anes paarne Taufi/Hochziite kombiniert gsi, isch jedesmol mega härzig und schön gsi! Das set also sicher keis problem gä.

[black_key]

@awe: wow ganz en schöne name, gfallt mier mega guet
ja es isch würkli mega schön wenn mer weiss er sich so freut und stolz isch.

@hunny: gäll isch würkli schlimm aber jetz gahts zum glück nüme lang mier werded eifach d nackefalte mässig mache, meh ned.
das fändi mega schön mit de taufi zäme. ich glaub das sött eigentli keis problem si...

[gerbera]

@hunny: ja hei ds bluet grad am fritig becho, het mi aber när nümme so spannend dünkt, aber tris21 isch irgendöppis bi 1:15000 u di andere ächt bi 1:48000 gnau hani mrs nid gmerkt. Aber bi ja ou scho über drissgi, de si das sicher super wärte... Schön i bi scho gspannt ufe donstig bi dir u bi dr black_key.

Mir hei dä summer ou drü hochzit, auso eini im ouguscht, eini im septämber u eini im oktober, hoffe a die chani de no ga, u dervo isch eini ou mit toufi, finde das mega schön. Aber me muess d sache am gschidschte scho vpr dr geburt vom chline bueche, wüu alli wo das nid gmacht hei, hei när ou kes fescht meh gmacht, wüu anders eifach wichriger isch worde...

@black_key: mir si geschter ou lang ga loufe, i merke eifach so nach ere stund, dassi zwüschedüre chli muess abhöckle, wüu mr d energie usgeit... Aber schaffe tuenis no problemlos...

@mimi: wi geits dir?

@awe: wow das gfallt me ou mega guet, und isch nid so öppis wo me jede tag ghört

@me: ha hut e mega stränge tag gha, und zum teil rege mi eifach mini mitarbeiterinne so uf, ha im gschäft no nüt gseit, wüui de no öppis wot bache u s chli härzig mache, nur dr chef weisses scho, u überlats eifach mir, wenn dassis wot säge, aber mini geduld isch auso scho nid so wit här im momänt, vorallem wenn me mi stört, wenni grad i öppis ine dänkt bi...

När hani mr no gedanke gmacht wäg versicherig, het da öpper vo euch scho gluegt? Wenn u was sinnvoll isch?


Gesendet von iPhone mit Tapatalk

[black_key]

@gerbera: ja so gahts mer ami au, muess schneller mal en pause ilegge als susch. aber isch au guet wenn mers mal chli gmüetlich nimmt
cha di guet verstah wägem nerve im gschäft.... ich reg mich au rächt schnell uf. letschti han ich müesse öpis schwers umelüpfe wills die zwei andere dame bi eus eifach immer vor sich her gschobe hend. das wirdi aber in zuekunft sicher nüme mache.
betr. versicherig, meinsch du wäge krankekasse?

[fea]

Hallo zäme!

ha grad gseh dass dir d versicherigs-diskussion gstartet hän... lueged unbedingt dass dir euri kinder VOR dr Geburt amäldet (und am beschte nid so wie mir no schnäll schnäll drei wuche vor dr Geburt haha) Sin si nid vorgeburtlich agmäldet, keie si nämlich us allne zuesatzvericherige use falls irgendöbis mitem chind wäri... und denn kläred mit dr KK WAS si alles vorgeburtlich zuesage! bi uns hän si nämlich do grossartig blablabla und denn het jo unseri tochter nach dr Geburt zwei Tag uf d Neonatologie miesse (was d IV zahlt) und het dorum e IV-Nummere, also irgend e Geburtsgebräche... und denn hän si uns plötzlich doch no uns teilne Zuesatzversichrige usekickt! OBWOHL mir si vorgeburtlich agmäldet ka hän! und OBWOHL die chlini jo nid eimol e schade devo träit het vom ganze.

[gerbera]

@black_key: ja chrankekasse, ane anderi versicherig hani ize gar nid dänkt, gäbs da no öppis wichtigs?

@fea: wow das isch ja mega gemein vo dr kk??? Aber da hätti ou nüt dranne gänderet, wenn du ize ds chline früecher agmäldet hättisch? Oder scho? I ha äbe chli angscht vo geburtsfähler, drum bini mr das scho chli am überlege... Aber was macht sinn? Bi de zuesatzversicherig villech irgend so nes standardpäckli und derzue no d zähn wäge evt. Zahnspange?


Gesendet von iPhone mit Tapatalk