Frühlings-Kinderwünsche - wir haben's geschafft

[Talulah]

Wunderschönä guetä Morgä.

@black key: oh denn gits hüt en Sofa-Tag... ich hoffe es isch nüt!

@awe: ja sägs nüd. es isch mier ja denn au gliich xi wänni nümme "muess" gah. ich säge ez e Wuche wärs no guet gange. aber so stimmts für mich au! uh vill hemmer au xeit, dass das absolut verträtbar isch und ich söll echli zrugg schrubä.
Ah ja das mit de Verträttig isch au immer sone Sach. mir hend das zum Glück im Dez. scho gmacht. (sicher isch sicher) und ich han denn ide Zwüschäzyt no es anders Jöbli gmacht. hoffe das gaht bi dier au so guet!
muesch de unbedingt brichte nachem FA Termin am 06.03.!

ja das isch würkli schön, wemme nochli Zyt für sich hät! Ahhh d Geburtschärtli - ich tue nachher no es Foti ufelade. muess aber öbbe no 20 Stk. fertig mache. staht aber hüt ufem Programm!

Stimmt, bi so Fotene chan de Winkel no vill usmache! und isch ja egal ob chly oder gross, hauptsach alles isch gsund!

@gerbera: also woni zu 50% chrank gschribe worde bi isches wägem Rüggä xi. han nümme solang am Stuck chönnä sitzä. Aber ez zu 100% chrank isch nüd "gravierends" dezue cho. das isch ez eifach zum schone vor de Geburt.
ja das isch immer sone sach, weme das im Gschäft chan unterbringe. aber schlussändlich muemers so näh wes chunt, will mers halt eifach im Vorus nüd weiss. han zwei Kolleginne wo abnem 6. Monet gar nümme hend dörfe go schaffä (nurnu döffe ligge dihei). en anderi het bis 2 wuche vorem Termin no 100% gschaffed. es isch eifach seeeeehr individuell...
hoffe, wänns de bi dier sowit isch, dass sich das ganze guet ipändlet.

Fotos folgen...

[Talulah]

[img]http://tapatalk.imageshack.com/v2/15/02 ... 6f1188.jpg[/img]

37+3

[Talulah]

[img]http://tapatalk.imageshack.com/v2/15/02 ... 7c069c.jpg[/img]

Obä rächts chunt no s Datum mit Fülli.

[Tiare29]

@talula
ohhh schöön.. i han es ähnlichs gha

[Kizank]

Hmm, wemmers scho vo de Fotis händ, da min chline Prinz (wo mi uf hüt komplett dureschlafe lah het!):

Wow, hey Talulah - meega schöns Chärtli!!

@black_key: Oha, hoffe isch nüt wilds! Hesch aber kä Bluet gha, oder? Ich han au mal es uu mega Zieh im Buuch gha, het mi fasch umghaue (gad am Bahnhof gsii uf em Wäg zur Arbet), aber het nur ganz churz - vilich 30 Sekunde aaghebet... SSW-Zitpunkt wär aber ähnlich wie bi dir. Drucke dr d Düüme, dass nüt isch!

[black_key]

@talulah: wow s chärtli isch ja super, mega herzig.häsch die sälber gmacht?

@kizank: jöööööö din chliine isch ja zuckersüess und lached wie es ängeli

@me: ha jetz am morge nomal par minute schmerze gha, sitt denn nüme. bluet hani zum glück kei! fühl mi eifach bitz schlapp und due mi hüt erhole

[Awe]

@black_key: Jo duesch di guet erhole hött, das esch wichtig. Es esch secher alles guet, die bänder fanged halt scho ganz früeh afo schaffe.

@kizank: jö ganz es herzigs föteli gsehd zfriede us din chliine ma ond hed jo scho mega herzig vell höörli

@talulah: soo schön din buuch ond s'geburtschärtli esch au super schön worde gseht wörkli ganz toll us.
Wievell muesch insgesamt mache? Ich han mini jo zwüsche wiehnacht ond neujohr gmacht ond bi also au ganz froh send die scho fertig. han glaub ca. 65 gmacht.

Jo ebe do min chef am afang ned vorwärts gmacht hed, hämmer jetzt wörkli ersch i de letschte täg die ganz verträtig chöne regle, drum chanis au ersch im märz ischaffe. aber mer gohts jo guet ond vo dem her esch es keis problem. aber das esch wörkli wie du seisch so individuell.

jo ich brichte denn nochem ultraschall, freu mi druf

[gerbera]

@talulah: es mega schöns Geburtschärtli! geits dr de einigermasse mitem Rügge ize? So ne Buch isch haut scho no e rächti Traglascht…

@kisank: wow so ne strahlemann und scho so viel haar mega süess! Das gloubi hesch viel Freud mitim!

@black_key: geits dr besser? keni Schmärze meh undimmer no ke Bluet? Isch sicher alles guet, und dr Körper muess sech nur no chli umboue… hesch hüt wieder chönne ga schaffe oder schonisch di no chli?

@awe: wenn hesch de du dr nächscht Ultraschall?

@me: ha ja morn dr erscht fa-untersuech, und langsam bini richtig nervös, hoffe eifach nur, es sig alles guet! und i muess unbedingt no mini frage ufschribe, süsch vergissi sicher d hälfti…
Wi isch das bi euch gsi, luegt me zersch gschwing im Ultraschall, ob alles guet isch, oder gits zersch es ändlos längs gspräch? eich wetti fasch lieber zersch dr Ultraschall, het ja ke sinn über ss-vitamine ds rede, wenn me när im us gseht, dass ds härzli nid schlat… Weiss aber ou nid so rächt, obi dr fa uf das grad söu aspräche, oder öbi de völlig hysterisch würke...

[black_key]

@gerbera: danke es gaht mer scho vill besser. ha i de nacht kei schmerze meh gha, bluet au nie zum glück! hüt merkis eifach no im rugge, evt. ischt würkli det irgendwie öpis schief oder iklemmt...
min GG isch so herzig gsi, er hed sich risig sorge gmacht geschter.

um welli ziit hesch din termin morn? ich ha mer au scho par sache ufgschribe woni denn möcht frage.
wär au nervös a dinere stell, es isch eifach so unreal sonen termin aber es isch sicher alles guet! wie gahts der susch?

[gerbera]

@black_key: da bini sehr erliechteret, dass bi dir alles besser isch, süsch lasch dr de villecht e serie physio la verschribe oder so? gschider grad am afang luege, als während dr ganze ss rüggeweh ds ha…

mi Termin isch am elfi am Morge, isch no guet, de chani grad eifach chli ne längeri Mittagspouse mache… gäu dine isch nächscht wuche?

[Awe]

@gerbera: ich muess no e wuche länger warte als du, han de nächscht US am fritig, 6.3.
jo das glaubi der, bin vorem 1. untersuech au sehr nervös gsi.
Also bi mer hämmer zersch gred ond denn semmer go ultraschall mache, aber das gspröch esch ebe bi mer mega kurz gange, höchschtens 15 min. er hed mich zersch noch de letschte TR ond zykluslängi gfrogt zum grad mol de ET z'bestimme. ond die froge won ich gha hätti, hed er mer scho vorweg gno indem er kurz gseit hed wasi ned sell ässe, gfrogt öbi folsüri nime ond denn nor no gseit das ich alles döf mache ond schaffe solang ich kei schmerze ond bluetige ha. das wärs gsi, han aber au gar nüt me müesse wüsse usserd was för medis dasi cha neh bi kopfweh.

@black_key: schön gohts der besser, guet zghöre

[gerbera]

@awe: was nimmsch de du für medis bi chopfweh?

[black_key]

@gerbera: super, denn dänki morn abem 11 ganz fescht a dich
ich wart jetzt mal ab was de FA säit wägem sport mache. mache ja susch viel krafttraining und ha nie problem mitem rugge gha, aber sitt ich SS bin hani ehrlich gsäit ned würkli traut z trainiere, au wenns wahrschindlich keis problem isch. bin vilicht bitz übervorsichtig
min termin isch hüt inere wuche

@awe: danke, bin au mega froh. es macht eim doch scho angscht...

[Awe]

@gerbera: hmm weiss ned öb die kännsch, heissed optifen ond chunsch glaubs nor bim arzt öber, oder met rezept besser gseit. mer händ die ebe dehei, bzw. mini schwiegereltere före rugge glaub. ond wo min FA gseit hed ich döfi die bedenkelos neh hani gar nüme witers gfrogt. ich mach aber us dere tablette chlini teili ond wenn gar nüt anders hilft, met öl iriibe, etc. fangi metem erschte krümel a. bis jetzt hani nie meh als e halbi tablette
"pro kopfweh" gno, wett halt wörkli emmer zersch susch luege öbis ushalte...aber du kännsch es jo au, mängisch gohts ned ohni...

ich dänk au morn a dich, bi gspannt wönsch der jetzt scho alles gueti, ha ebe morn frei ond gange die letschte babysache go poste met mim mami ond drum wirdi ersch am obig zum nocheläse cho

[Gini]

@black_key: Schön gohts dir besser!!

@Kizank: Jöö en mega schnügel!! Er würkt irgendwie älter wie die paar Wuche woner fangs alt isch:-) So wach!

@Gerbera: Has irgendwie so im Kopf, das ned lang gredt worde isch am Afang, sondern grad emol Ultraschall gmacht worde isch zum luege, wies usgseht. Mini Fä seit ame sälber, so mer rede ned lang, mer luege grad zerscht mol. Nachem Ultraschall klärt si mich denn meischtens uf, was astoht bim nöchschte Termin (wenn öppis speziels, zb het si mi gfrogt öbi bim nöchschte Termin wett d Keuchhusten-Impfig mache, i sell mir das öberlegge) ond denne dörfi ame no Froge stelle. Da mit em Froge Ufschriebe findi e gueti Idee!

@me: nüd speziells..fühle mi eifach chli schwanger. Jupi bi au scho id Woche 30 gstartet.

[gerbera]

Hallo dir liebe

Auso mi us isch guet gsi, ds chline isch eifach ds chli für wasi für ne tag wär, öppe 4 täg hindedri, ha mr aber vo verschidene site la versichere, dass das nid schlimm sig, und ou chönni vorcho. aber am Afang hani scho grad chli bibberet, wo si nur gseit het es sig eifach viel ds chli… mir hei de vore andere site us nomau gmässe, und de ischs de nümme so schlimm gsi.
Und i ha es pöpperligs Härzli gseh

Si het mr no all di pränatalteschts erklärt, wo me cha mache, dr Trisomie-Bluettescht und was dr erschttrimeschtertescht isch. Die wo scho chli witer si, heit dr das gmacht? het öpper dr bluettescht gmacht? u het öpper gar nüt gmacht, ou d nackefaltemässig nid?

[Kizank]

@Gini: Ja ebe isch er so en wache! Er schlaft fascht nüt de Tag dur, defür ordentli i de Nacht

@gerbera: Wenns ken Gsundheitliche Grund oder Bedänke wäg em Alter git, wür i kä invasivi Tests mache. Ich ha gar keini welle, ned emol Nackefalte. Abtriibe wär für mich und min Maa sowieso ned in Frag cho. Also wenn sich usegstellt hätti, dass d Nackefalte uf e möglichi (!) Trisomie hiidütet, hätte mers trotzdem bhalte. Vilich müend du und din GG zersch mol da drüber rede - eb das überhaupt in Frag chämt. Und wenn ihr beidi das ned wännd - wie vill wännd ihr dänn wüsse. D ärztin schribt das denn uuf, und laht sich s unterschriibe (zum sich absichere rechtlich, aso ned verschrecke).
Ich ha z.B. mit minere Fä abgmacht, wenn si im Ultraschall öppis gseht, z.B. Herzfähler, dass sis ois dänn seit. Und halt Sache, wo würded bedüüte, dass s Chind ned läbesfähig wär.

[fea]

@pränataldiagnostik: ich sälber bi heilpädagogin und das isch für mi nid nur e bruef sondern au e läbensgrundhaltig...d.h. für mi isch jedes läbe wos schafft -bi dr meinig dass dr körper scho sälber selektioniert- meh als wärt zläbe... Ich sälber ha also sogar d nackefalte nid welle gmässe ha...das aber v.a. us Prinzip, eifach dass zwüschedure mol wieder öber seit är wotts nid wüsse und so dr Arzt immer dra dänkt zfroge unds nid eifach macht. d nackefaltemässig sälber isch jo nid invasiv, vo däm här hätt me das grad so guet chönne mache... ich has eifach rächt schlimm gfunde wo im januar-Forum die nackefaltediskussion losgange isch...und scho dört het sichs afo spalte im sinn vo "oh du armi, euri isch 1,6mm" und "mir hän glück, unseri isch nur 0,8mm". d babies bechömme so scho e stämpel und d mamis scho panik - und meistens jo wirklich für nüd!
ich finds au -wie d kizank seit- sehr sehr wichtig dass me sich als paar im vornherein klar isch was me genau wott wüsse und was das für einem denn würd bedüte...e uffälligi nackefalte zieht jo sofort d frog nach witere tescht nooch sich..und die sind jo denn meistens invasiv - d.h. hän au e abort-Risiko!
ich persönlich ha au em Arzt gseit, uffälligkeite vo de organ würd ich wölle wüsse...aber nid dass es konsequänz ka hät..aber denn hätti mi chönne druf vorbereite dass es nach dr Geburt allwäh chli anderst lauft als dass ichs mir gwünscht hätt (hahaha, isch jo jetzt au so gsi, au ohni organschäde ;-/ )
wennde no meh wotsch wüsse Gerbera kasch mr ruhig au privat schribe...wie gseit, kenn mi chli us mitem Thema pränataldiagnostik - eifach vom bruef här...

[Gini]

pränataldiagnostik: Din erschti Satz gfallt mir sehr guet fea! Wieni scho im Hibbeltread gschriebe han, ich bin eifach en Mönsch wo sich gern wett vorbereite. Mir Hend eifach welle wüsse, öb do öppis isch oder könnt si, damit mir öis scho vorher hätte chönne demit usenandersetze. Mis Alter (35i im Herbst) het aber nie en Rolle gspielt. En Schwangerschaftsabbruch wär für öis nid in Frog cho.

[Awe]

Hoi zäme

@gerbera: das freut mi sehr för dich dass du s'herzli hesch ghört schloh ond wäg de grössi wöri mer jetzt glaub au ned allzu grossi sorge mache. wenn hesch de nächschti termin?

@pränataltests: ebe wie die andere au scho gseit händ esch das vo frau zu frau bzw. paar zu paar individuell ond es chunt drufa was ehr wöred mache wenn es negativs ergäbnis usechunt. mer persönlich händ nackefaltemässig gmacht, de bluettest aber ned. mer hätted de schritt aber gmacht, wenn die wert ned guet gsi wäred.

@me: ich bin am fritig go babyshopping mache met mim mami. händ jetzt no alli fehlende sache ikauft plus en neue kinderwagen jetzt esch alles binenand. han aber gmerkt das mer das umelaufe, etc. rächt aghänkt hed, bin am obig todkabutt gsi. geschter nacht hani au no bitz es mulmigs gfühl becho. bim ischlofe hani regelmässig buchweh bzw. krämpf öbercho ond das ca. all 15 min. secher öber e stund lang. weiss ergendwie ned als was ich das jetzt sett/muess düte. due jetzt mol abwarte öb das die täg weder chunt und säges denn sicher am FA am fritig. susch gohts mer aber sehr guet