Frühlings-Kinderwünsche - wir haben's geschafft

[black_key]

@gerbera: ou ja ferie wäred super
muess glaub min GG überrede shades of grey im kino go luege, irgendwie hend all mini kolleginne de film scho gluegt

[Awe]

@black_key: jö danke jo das esch doof met dere arbetskollegin, velecht hed sie sälber au grad e schlächte tag verwütscht ond hed drum so reagiert. aber du, es goht nüme lang ond de hesches gschafft ond de esch weekend

@gerbera: danke jo er esch zwar scho rächt schwer zum träge, aber han glaubs scho eher en chliine buuch, för das es nume no 8 wochen goht, das sägid ämel ganz vell

@Vergesslichkeit: also bi mer esches ned schlimmer weder susch au aber das thema händ mer grad im geburtsvorbereitigskurs gha ond es get also es paar wo das au extrem händ ond das esch also ganz normal hoffe aber dass sich das för dich black_key ned wiiterhiin negativ uswürkt förd zämearbeit met de andere im büro.

@me: mer esch hött en riiiiese stei vom herze gfalle. mer händ jo öpper chöne istelle wo perfekt för die stell esch aber ersch uf 1. juni cha afange ond hött hed jetzt sie zuegseid womer agfrogt händ zum die ziit april/mai öberbrücke won ich ned im büro bi, bis die neu afangt. das esch jetzt e chnurz gsi aber es chunt
guet jetzt muessi die guete fraue nor no ischaffe nächscht monet ond de chani beruhigt i gebärsaal

[black_key]

@awe: ja du hesch rächt das chan sehr guet gsi. im moment bini halt au rächt empfindlich und mini emotione fahred achterbahn
ich hoffe au ned das sich mini vergesslichkeit negativ uswürkt, susch muessi halt alles ganz genau ufschribe.

super das ier so en gueti lösig gfunde hend! jetzt chasch die letschte wuche no gnüsse und denn hesch scho bald dis schätzeli i de arme

[Gini]

Finds grad mega schön und spannend, wies im Hibbeltread vorwärts goht. Es het sich nach mir so lang nüd meh do, ond de plötzlich uf ei Chlapf! Eifach mega schön ond i freue mi für alli Neu-Schwangere!!!!

@gerbera: I ha kein Beschwerde wäg de Blose, ebe au nie gha. Dorom beni grad chli unsicher gsi wo d Fä gseit het, d Wäre seige ned so top, si müessis ischicke. Aber wie d Kizank gschriebe het, het ihre Fä au öppe gmötzlet..isch eifach öppis gsi ond doch nüd. Ha nüd me ghört. De nöchschti Termin hani am 10.03. de gohts nome no 2 Monet ond s chline isch rif:-)

[gerbera]

@gini: i lerne drus, vorem fa-bsuech immer gnueg ds trinke
Schön geits bi dir so vorwärts, stimmt, nach dir isch öppe es halbs jahr gar nüt gsi mit ss... Freue mi ou, sis ize grad es paar, wo me sech cha ustuusche...


Gesendet von iPhone mit Tapatalk

[Talulah]

Morgä Mitenand.

@Awe: ja jetzt söttis also scho langsam ruhigä. Ha sitem Januar no 50% gschaffed und sit dere Wuchä bini ez 100% chrank gschribä. Es gaht mer sowit guet, aber d FÄ het xeit (woni nachem 50% Zügnis gfraget han) ez müessi SICHER NÜMMÄ go schaffä!! Söll mi ez nochli usrueh. [emoji18]
Oke, vo mier us! [emoji6]
Han ez aber dihei schono es paar Sachä woni no wett mache fürs Baby. Und ez hani ja d Zyt dezue. [emoji4]

Du hesch ja en Minibuuch Awe! Aber en schönä! [emoji2]
Mine chunt au immer in Wäg. Hoffe ez eifach nümme z lang! [emoji6] Foto folgt...
Du döfsch fragä! Bin aktuell bi +15kg [emoji85] (3kg sind no de Wiehnachtä z verdankä)
We xehts bi dir us? Dänk vill weniger, du bisch ja sones schlanks! [emoji2]

Das glaubi, dasses chum chasch erwartä d Wiegä z benutzä! [emoji7]
Wenn hesch de nächst Untersuech?

@all: We gahts de andernä so?

Guets Tägli wünschi! [emoji4]

[Awe]

@Talulah: Das esch aber cool vo dinere FA, wägem zügnis. mich nimmts wunder wies bi mer no usechunt.
Also ich muess jo unbedingt no mini verträtige ischaffe nächscht monet ond han au vor 100 % schaffe bis ändi märz, aber ebe, man weiss nie. Mol luege öb min FA ergendöppis seid, ich han de nächschti termin am 6. märz.

Das esch doch schön, jetzt hesch nochli ziit (also das hoffemer) zum no irichte ond die letzschte sache zmache förs baby. Wie gsehts met de geburtschärtli us bi der? Hesch öppis baschtlet?

Ich find au er esch chlii, aber vorallem uf dem foti. wenni öber de spiegel fötele, escher ergendwie grösser
ond er nimmt au jetzt schüüb dunkts mi, er wird emmer schwerer, glaube s'baby esch grad ächli am zuelegge. Han bis jetzt 8 kg zuegnoh. bin gspannt uf dini foti

@Mimi83: wie gohts met de übelkeit? esch bitz besser?

@gerbera ond black_key: wie gohts euch?

[black_key]

hallo ier liebe

schön z ghöre das euch allne guet gaht! hend ier euchi chinderzimmer scho igrichtet?? uf das freui mi scho sehr

mier gahts guet, übelkeit hani bis jetzt (zum glück!) no fascht kei. ich merke aber das i mim körper öpis vorgaht
was im moment chli müehsam isch isch dasi am abig am 8 scho chönnt schlafe, aber denn ide nacht verwachi und bin hellwach und cha länger nüm ischlafe oder nur sehr unruhig. aber ich glaub das isch normal

[Kizank]

Aso mues eifach mal dalah, dass min Bueb en riese Goldschatz isch. Ei mal macht er i de Nacht guet 7h Pause, so ab achti bis zähni aa. Da nimis gern uf mi, dass er tagsüber so aasträngend isch.

Wäge Urin: öpper hets scho gschribe ghaa, gnueg trinke vor em FA Bsuech! De sind d Wert meischtens au besser. Ich ha chli de Tick, dass i am Morge relativ wenig trinke, ersch ab em Mittag ordentli - wenn denn au 2-3 Liter pro Tag total. Aber bi de FA bim Check jedes mal am Morge en Rüffel becho, wäg de Urinwert

[gerbera]

@kizank <3 das tönt doch super! dir heit ja eue bueb scho 6 Wuche dahiem, wahnsinnig wi schnäu d zit vergeit!

@talulah: Hesch de du beschwärde gha, dass du chrank gschribe worde bisch? i bi mr das ou scho am überlege, wi das de gnau söu ga mitem Wächsel und dr Nachfolg bi mir, aber anderersits sägi mr ou geng, s cha ja ou si, dass me abem 6. Monat nümme cha schaffe, isch eifach nid würklech planbar, und me muesses haut näh wis chunnt…

@awe: Hoffe sehr dini Troumschwangerschaft geit no chli so witer

@black_key: dä mitem duurend müed si ou grad am früeche abe und när nid chönne schlafe ir nacht kenni auso ou… u i weiss genau was du meinsch mit däm gfüehl, s isch mr nid würklech schlächt, und i ha ou süsch nid grossi beschwärde wi uf ds wc müesse di ganz sit oder so, aber i merke eifach, dass i mim körper mega viel abgeit grad… wi wenner di drüfachi leischtig müesst bringe no wenni lige als normal…

@me: nid viel neus, ab morn bini ir 8. Wuche und am Fritig zum fa und hoffe i gseng de es schlagends härzli, das isch im momänt mini gröschti sorg… gloube ir ss konzentriert me sech am gschidschte immer uf das, wo grad asteit, macht ja ke sinn, wenni mi scho wäg dr nackefaltemässig wahnsinnig mache…

[black_key]

@gerbera: ja genau das triffts. mier gahts ned schlächter als vorher aber ich merke das es anderscht isch. und für eus ischs im moment halt no so abstrakt will mer no kei buuch hend usw
muesch dir kei sorge mache es isch sicher alles guet! um welli ziit hesch de termin? ich dänke denn fescht a dich

[Awe]

@gerbera: han am afang au mega gmerkt das en mega umstellig i mim körper passiert ohni würkli azeiche
oder beschwerde zha, esch no schräg.

jo gäll es esch halt nüt planbar, grad au was schaffe abelangt drum bini jetzt au froh hani chöne termine zum ischaffe abmache. was nochher passiert esch mer de glich

muesch luege es esch alles guet am fritig, freu mi uf din bricht, jetzt gohts jo nüme so lang. ich weiss ganz genau wies esch aber du gsehsch das absolut richtig ond es esch secher vo vorteil sich probiere nor uf das z'konzentriere wo grad aschtoht, susch klappets de metem schlof gar nüme. hei han ich am afang sache troimt, zum glück esch das verbii

[Kizank]

Da fallt mr gad no ii - Die wo chli es Unwohlsii merked gad am Morge: Ich han phasewiis (au am Aafang, denn mol wider nümme, denn mittedrin doch wider) gha, dass mr zwar ned 'richtig' schlächt gsii isch, aber eifach chli es komischs Gfühl im Buch gha han. Mir het amigs ghulfe, e Frucht z ässe - weiss ned, ebs mit Zucker im Zämehang isch. Vilich hilft das öpperem vo eu au

[Gini]

@Kizank: Schön vo dir z läse! Cool isch di chlini Maa so toll i de Nacht. Glaube das isch vill Wärt. De chasch du aus Mami wider Energie tanke!

aune mit Unwohlsi/schlächt si: Isch scho mini zwöiti SS mit Uebelkeit, ir erschte isches nach 12 Woche verbi gsi, dasmol hani z.Teil no i de 18/19 Woche müesse Erbräche am Morge. De ultimative Tip hani leider ned, i für mech ha eifach gmerkt, dass mir Milchprodukt am Morge z vill send ufem Mage, ond mängisch wenns würkli schlimm gsi isch hani chli Toastbrot knabbert oder Pancroc. Nachdem Mittag isch meistens de wider gange..

[black_key]

ooh fraue bruch grad euchi meinig... ha ide nacht rächt starchi schmerze gha, aber nur par minute. has gfühl gha es isch vom undere rugge cho, has au im UL gspürt. jetzt merkis nochli, aber schmerze dueds nüm. hend ier das au gha?

[Talulah]

Nur schnäll:

@Black key: ich känn das nüd. Aber Schmerze tönt nüd so guet.
Lüt rasch am FA ah!! Lieber einisch zvill als einisch zwenig!

[Awe]

@black_key: hmm nei känni so au ned. velecht heds der au nor doof öppis iklemmt wel falsch gläge bisch oder so, aber wenn der sorge machsch denn lütisch rasch a.

[black_key]

Ok denn lüüti nacher a. Danke euch!

[Tiare29]

@black key
und was hät d'FA gmeint??

[black_key]

sie hed gsäit das chas bi fraue geh will sich alles dehnt usw. ich söll mi hüt schone und dehei blibe. sobalds schlimmer wird sölli bscheid geh