Frühlings-Kinderwünsche - wir haben's geschafft

[black_key]

no en anderi frag, hend iers im gschäft scho öperem gsäit? ich wotts natürlich nonig säge, aber ich möcht doch au zuekunft chli plane. und i dere firma wo ich schaffe sind teilziit jobs überhaupt ned üblich. usserdem hed er mini arbetskollegin gsäit das sie im oktober/november gern möcht 2 mönet go reise. jetzt bini am überlegge öb ichs ihre fäng söll säge. ich verstah mich sehr guet mit ihre und ich weiss da sies au niemerem würd witer verzelle...

[gerbera]

@black_key: i has ere arbeitskollegin gseit, wo mit mr im hotel isch di wuche, wär süsch gloub rächt asträngend worde... U da si scho erwachsni chind het und ou mau e fg gha het, weiss si genau, wi gross ds risiko no isch, und het sicher dicht. Si het sech sehr gfreut für mi... I bi mr das im fau ou chli am überlege, wini de das wot löse... Aber da ig sicher mau zmingscht es halbs jahr oder jahr wot deheim blibe u när witer luege wirdi entweder chünde nachem mueterschaftsurloub oder je nach däm versueche lengere urloub ds becho... Isch aber rächt schwirig bi mim arbeitgäber wider teilzit idsstige, muess de wahrschinlech öppis neus sueche...


Gesendet von iPhone mit Tapatalk

[black_key]

@gerbera: ah ja das verstahni das de kollegin gsäit hesch. ich dänke ich wirds minere arbetskollegin au säge. denn weiss sie au bscheid falls öpis wär...
wie fühlsch du dich so??

[gerbera]

@black_key: i bi eifach wahnsinnig müed im momänt, chönnt grad nur schlafe... Süsch chani nid chlage... Ja di meischte reagiere ja guet uf das, und verstöh ou, dass sis nid söu witer säge...


Gesendet von iPhone mit Tapatalk

[Kizank]

Hoi zäme!

Sorry, dass i mi so lang nüm gmolde ha. Min chline Schatz forderet mi
zimli. Er schlaft uu wenig - eigentlich nur i de Nacht, ganz sälte mol es
halbs Stündli de Tag dur - und wott permanent Ufmerksamkeit

Umstandschleider: Ich han nur zwei paar Hose gchauft und jewils im turnus
gwächslet. Ha welli gno, wo so möglichscht zu allem passed, und dank
eigener Wäschmaschine nach Bedarf chönne wäsche. Obenume hani en Huufe
Sache gha, wo mer no lang au eifach so gange sind. Plus, wämmer mit eme
Riesebuuch umelauft, seit niemert öppis, wemmer sich chli bequemer aazieht
Also soo vill brucht me im Fall ned... Und wie Tiare gseit het, me
chunnts doch rächt günschtig über.

Gschlächt: Im Nochhinein würi mi glaub au überrasche lah Denn
passierts au ned, dass me sich 'vetschnäpft'. Plus, Chleidli hemmer im
Vorus sowieso alli halbwägs gschlächtsneutrali gchauft, drum chäms jetzt
gar nümm so drufaa.

Stille: Ich ha s voll Stille inzwüsche ufgäh... Egal eb i Stille oder ned,
er trinkt genau gliich vill Abpumpti Milch / Pulvermlich noh. Ich tuen
jetzt bis de ärgscht Winter verbii isch (hoffe ich schaffe das so
lang...) witerhin no 3mal am Tag aasetze, nach jedere Mahlziit pumpe und
nach Bedarf Pulvermilch zuefüetere. So het er wenigschtens biz Abwehrstoff
vo minere Milch...

SS-Symptom: Hey, mached eu ned verruckt! Ich han dozmol au mol panisch mim
Mami aaglütet, wili plötzlich nüt me gmerkt han. Si het jo erscht uu spaht
überhaupt realisiert, dass si mit mir schwanger isch - mängisch sind d
Symptom würkli komplett wägg! Das isch ganz normal! Und, gwöhned eu dra -
das wird no es paar mal passiere Au s Strample han ich z.b. aafangs
ned Täglich gspürt.

@Gini: Bi mir het d Fä au dauernd weg mine Urinwert reklamiert. Hoffe, s
isch bi dir au nüt wiiters...

@black_key: Hey, ganz, ganz herzlichi Gratulation!!! So schön! Jetzt gahts
aber ändlich mol fürschi!

@Mimi: Bi mir het me de Buuch erscht uu spaht gseh - und das, obwohl i
unschwanger rächt en flache Buch gha han. Aso kä Angscht, so schnäll gohts
ned los. Und sälbscht wenn du bemerksch, dass er gwachse isch, gsehts dis
Umfäld ersch spöter. Isch emel bi mir so gsii. Und gäll, probier di amigs
chli z beruhige, wenn die ängscht chömed. Das wird nach de Geburt nämli
au ned ufhöre.
Länk di mit andere Gedanke ab, red zu dim Baby, irgendöppis, wo di ablänkt


ässe: Ich glaub, i de schwiiz isches ned so es Problem. Ich ha trotzdem
chli gluegt, aber i de Ferie in Italie hani mi streng dra ghalte.

Jetzt schreit mis Schatzeli wider

Probiere, bi glegeheit mol de Startpost z aktualisiere

[Gini]

@ Kizank: Das tönt sträng mit em chline Maa. Ha au so es Exemplar deheime, be gespannt wie s zwöite wird!
Wäg de Blose hani nüd me ghört, isch jetzt scho über 1 Woche här. Also sett jo alles guet si. Bi froh!

Guetnacht zäme

Be im Moment mega dure. Die Grossi forderet mi use, teschtet Gränze, ond wemme ned so mag de neigt me dezue zum Nochegäh. Jetzt nützt sis schamlos us. hihi

[black_key]

@kizank: danke villmal
din chlii forderet di ja scho sehr, aber so wie du schribsch machsch du das super!

[gerbera]

@kizank: i steue mir das sehr asträngend vor, stille+abpumpe+schöppele... Schön heschs süsch guet mit dim chline ma! I gloube di erschte wuchene/monate nach dr geburt si wäuts e herusforderig, u i ha da scho no e gsunde respäkt dervor. Finde aber s klingt so als hättischs du mega im griff

@gini: ja bir erschte ss cha me sech ja no völlig uf das konzentriere, wo i eim vorgeit, steue mr scho wäg däm di zwöiti ss sehr asträngend vor. Süsch geits dr aber guet? Ou kener beschwärde wäg dr blase? Gloube da isch sicher alles guet gsi, süsch hättisch uf jede fall öppis ghört.

@mimi: wenn hesch di nächscht termin? Scho gli, gäu? Geits dr süsch guet?

@black_key: und wi geits dir?

@me: kener spezielle news, bi geng müed, freue mi de wenn ds erschte trimester düre isch, de söu ja das besser wärde... No e wuche, när darfi ou zum fa


Gesendet von iPhone mit Tapatalk

[black_key]

@gerbera: danke mier gahts sowit guet. langsam merki mini brüscht chli (so es stäche) und ich ha meischtens gäg de abig es zieh im UL/rugge. müedigkeit isch bis jetzt noni würkli meh als susch, da bini froh
ich ha mier no überleit das ich warschindlich par täg weniger wiit bin als mini apps usw. azeiged. die gönd ja meischtens vomene 28-tags-zyklus us, ich han min ES aber erscht ca. ZT19/20 gha.

bin gspannt wie din termin wird hend iers eigentli scho öperem gsäit, familie oder so?

[Talulah]

Hallo ier liebä

Ich mälde mich au wiedermal, chume eifach nüd zum schribä momentan… 

Schön z läse, dass da die eint und ander s Forum hed chönnä wächslä! ))


@Ffea: herzlichi Gratulation zum Töchterli!!! We gaz inzwüsche dir und de chlinä?

@Kizank: danke! Vo mier us chas öppe gli mal los gah. Obwohli „nur“ die übliche Beschwärde han, wetti nümme lang so si und äääääääändlich min Körper wieder für mich ha! Hihi okay, las mi nüd verwirrä wäg de Grösseagabe – han aber so oder so nüd mit me Finöggel grächnet.
Schad klappets nüd so schön mitem Stille, aber schön hesches probiert!
Irgendwie hani das voll verpasst: isch üches Hüüsli no fertig wordä?

@Awe: we gaz dier? Chunt de Buch langsam chli in wäg? we findsch de GVK?
Jööö we herzig isch den din GG mit de Wiegä?!
Min Untersuech letschmal isch guet gloffe, alles so wes sött und es git nach wie vor es Möckli! 

@Gerbera: dankä! Hoffe s gaht nümme zu lang we gaz der?

@Mimi: mega härzig we de GG reagiert hät!! Und hammer hesch möge bis zum Geburi warte mit verzellä!! 
Das mitem Müed hani vereinzelt au gha… han glaub so 2x e Sunntig Nami voll verpennt!

@Azeiche Meitli oder Bueb:
Han am Afang schlächti Huut gha, wo ja uf nes Meitli hidüütet.
Schlächt ischs mer nie würkli xi.
Soodbränne känni au nüd.
Min Buuch isch aber spitz nach vornä was für ne Bueb „üblich“ wär.

Es git aber es Meitli… vo dem her nüd würkli so besätitged!

@Umstandsmode:
Han vill vom H&M ah. Zwar eher Hose und Unterteili. Obe hani no vill „normali“ Sache ah, eifach jetzt im L statt im S
Zalando oder anderi Onlineshops hed au vill Sachä!

@Ernährig:
Ich isse alles ussert rohs Fleisch (Tartare, Carpaccio etc.) s Filet medium und Trochefleisch isch gmäss mim FA keis Problem, drum issi das au.
Grossi Umstellig isches also für mich nüd xi, isse sowieso eher gsund.
Mini Sis hingäge hed uf alles glueget, kei Rohmilch Produkt, kei Eier etc.
Ich find das muess jedi für sich sälber entscheide und nach Gutdünken handhabä! 

Wünsche allne nu es schöns Tägli! 

[Awe]

Hallo zäme

@Kizank: schön vo der z'läse. ich hoffe din chliine maa wett bald chli meh schlofe, aber du machsch das bestimmt ganz super.

@gerbera: schön, hoffe die woche goht ganz schnell ume för dich ond du eus denn chasch brichte vo
dim erste untersuech

@Talulah: Schön vo der zghöre Ich hoffe doch dass du glich nochli döfsch ruhige bevors denn los goht. besch no normal am schaffe oder wie gsehts us bi der?
Mer gohts beschtens Jo de buch chunt i wäg ond socke alegge am morge esch also langsam rächt asträngend Ond bi der? Duesch no es letschts foti ine? Bin gspannt wie din buuch usgseht
Wie gsehts eigentli metem gwicht us bi der wenni döf froge? Do mer nor 5 woche usenand send, chani amigs
chli met der vergliiche
De 1. GVK esch ganz guet gsi, händ eus zersch chli känneglernt ond denn chli öber beschwerde gred ond üebige gmacht zum chli de rugge entlaste, etc.
Jo d'wiege esch so herzig ond s'inneläbe esch au scho fertig ond s'schwiegermami hed mi öberrascht onds mer scho brocht, gseht super us ond chas gar ned erwarte mis knöpfli drizlegge

@me: Es goht zwar "no" 8 wochen aber ich bin doch au laaangsam in endspurt stimmig. Han jetzt de Geburtsvorbereitigskurs gstartet ond dehei esch sowiit alles parat. Die nächscht ziit esch aber no so vell los ond han no ganz vell termine, dänke die ziit goht wie im flug verbii. Morn dueni es aktuells buuchfoti ine

[Awe]

Guete Morge zäme

Soo das wär jetzt mis aktuelle Büüchli vo gester bi 32+0

[black_key]

@awe: hey mega schön, gseht ja richtig perfekt us

ou mann hüt isch en sch*** tag..

[Mimi83]

@black_key: wurum?

[black_key]

ich hett geschter im gschäft für de eint öpis müesse mache, er heds hüt welle anen sitzig mitneh. es isch aber nüt mega wichtigs gsi. has aber geschter eifach voll vergässe. hüt morge isch mini arbetskollegin rächt gnervt gsi will sies hed müesse mache unds denn no papierstau geh hed bim drucker...
wenn anderi öpis vergissed oder fehler mached isches keis thema, aber wäg dem macht mer jetzt es drama. d arbetskollegin weiss vo minere SS, logisch isch das kei entschuldigung das ich sache vergisse oder fehler mache. aber umgekehrt hett ichs für sie eifach gmacht und punkt.

[gerbera]

@awe: wow so e schöne buch, u no gar nid so gross, dünkt mi [emoji3]

@black_key: gäu me wird mega vergässlech? Aber reg di nid uf, cha jedem mau passiere, u de wird chli gmötzlet u när isch wider guet... Aber mi regt so züg ou geng mega uf...


Gesendet von iPhone mit Tapatalk

[black_key]

@gerbera: ich bin EXTREM vergässlich worde, würkli schlimm
mich nervt eifach das nie all glich behandlet werded, aber ja... sich ufrege bringt ja schlussändlich nüt

[gerbera]

@black_key: isch ja gloub überall echli so... Dass sägi mr geng, wenni mi über mini arbeitskollege ufrege, teu mönsche chöi eifach irgendwie besser ds füfi la grad si...




Gesendet von iPhone mit Tapatalk

[black_key]

@gerbera: genau so isch es bin froh isch bald wuchenänd, ich ha die wuche null komma null bock zum schaffe

[gerbera]

@black_key: wäm seisch das... I hät grad mega gärn chli ferie...


Gesendet von iPhone mit Tapatalk