Frühlings-Kinderwünsche - wir haben's geschafft

[Mimi83]

@gerbera: ned wirklich! S buchzwicke isch vill wehniger worde nur d brüscht sind am morge witer empfindlich. Ah jo und Mini Nippel sind irgendwie durhert. Mängisch Han ich au s gfühl das mich Geruch chli störten aber vilicht beobacht ich mich a eifach z fescht.

[Gini]

@sportyspice: schön gehts dir wider besser! Tönt jo mega heftig, was du do gha hesch!!

@awe: schön dass ihr das so chöned regle. E Papi Tag findi so öpis vo wertvoll ond fendes so toll, wenn das Familie chöne irichte. Ich höre nachdem 2te uf mit schaffe..Mini Eltere sind nüme die jüngste (ü70 aber fit) ond meistens luegt mis Mami Elleige.. mit 2 Chind möchti si ned allei loh, das Chani ned veribare mitem Gwüsse. Jo ond vo de Schwiegereltere hani leider kein Unterstützig.

Mimi: Bin mega gspannt wie din GG reagiert.

[sportyspice]

@Mimi: nimmt mi scho wunder wie di Maa reagiert... gitt jo wohl kei bessers Geburtstagsgeschenk.Bi mir het das mit dr Übelkeit sehr sehr früeh agfange. Mit em erbreche aber ca. ab dr 6-7 ssw. aber drfür nocher grad richtig. :-)aber nur die erschte 11 Wuche. d abneigig gege starki Grüch isch aber die ganz Schwangerschaft dure bliebe.

@Awe:
Jo es goht wirklich nümm so lang... juhu. Und weisch zu dem Zeitpunkt hani au denkt wow, nur no 10 Wuche dr Countdown läuft und es sind jo schlussendlich aber nur 6 Wuche no gange bis die chlini do gsi isch.
Schön, dass du dich so druf freusch, i glaub das sind eifach die beschte Vorussetzige. Das dänki au oft bi eus. Die chlini isch e riese Wunschkind gsi, mir hei eus vo afang a eifach riesig uf sie gefreut... d Schwangerschaft hani als sehr locker empfinde (obwohl i die erschte 11 Wuche täglich erbrochen ha, und ab dr Mitti sehr sehr viel wildi wehe.) Geburt selber hani jez au nid als Schlimm in Erinnerig... obwohls als schweri Geburt igstueft worde isch- i glaub meh nimmt alles viel besser wenn meh sich freut und meh het plötzlich Energie wo meh nie denkt het das meh die chönnt Mobilisiere. Und s Gefühl Mami zsi isch eifach s gröschti. E schöners Erlebniss gitts wohl nid... mis Lebe isch vorher scho super gsi und jez mit dr chline isch es eifach Perfekt. I freu mi mit dir... i glaub das gitt au e Glückskind bi dir. <3


Me: naja, es isch mir nid sooo lang so guet gange wie is Gfühl gha han wo i dr letschti Bricht gschriebe han.
Han nomol recht Fieber gha und sich mir wieder schlechter gange. Aber nümm ganz so schlimm. Gseh eifach schrecklich us... Was mir mehr sorge gmacht het- has Gefühl gha die chlini hebs au. sie het geschter plötzlich extrem viel gschlofe und isch bleich gis. Zobe het sie denn Zoo iskalti händli ghz und het fascht nid möge trinke. Temperatur isch immer in Ordnig gsi. I ha denn Znacht so ne verstopfti Nase ghz, dass i nid ha chönne schlofe, denn het mi Maa afo schnarchle näbe dra, dass i au nid ha chönne schlofe und schlussendlich hani denn wirklich Panik gha, will die chlini nid freiwillig ufgwache isch.I ha sie denn zweimol gweckt und zwunge zum trinke.sie het nid vill trunke aber immerhin.bi mol no go abpümpele, will i s Gfühl gha hab mini Brüscht platze suscht und e bruschtentzündig wär wohl jez nid au no nötig
Fieber het sie nach wie vor keis. Das hoffi bliebt au eso.
Bi froh isch mi Maa daheime-scho nur, will er chli entspannter isch als ich. Die Grippe isch wirklich dr blanki Horror. Aber jetzt hoffi mir heis wirklich langsam hinter eus und hoff die neui Wuche wird besser.

@Azeiche Meitli oder Bube:

Die wos Kind no erwarte: wer vo euch weiss was es Kitt? und wer lost sich loh überrasche?
Die wos scho hei? welli Mythen hei bi euch zuetroffe????

Bi mir: mir heis nid gwüsst was es git. Durch das mir grad sooo schnell nach absetze vo dr Pille schwanger worde sind, isches schwierig gsi zum eruiere wenn dr ES gsi sich.

-Also i ha sehr schlecht Huut gha, bis kurz gege ende so ca. 28.ssw isches merklich besser worde.
-Isch mir die erschte 11. Wuche am Morge immer sehr sehr schlecht gsi.
-Mi Buch isch sehr rund aber chli gsi- meh hets fascht eher vo hinde gseh als vo vorne... will i vorher eher schmal gsi bi in dr Taille, hets zerscht dört ufgfühlt.
- I ha sehr viel vo eusem Kind tröimt und wenn i konkreter tröimt han, denn immer vo euserer Tochter und mit ihrem jezige Name, nie vo eusem Sohn.
- Eusi engschte Fründe hei alli ufe Meitli tippt.
- Schiens gitts bi Fraue wo unter 54kg. sind eher Meitli ... tata.

Bin jo gspannt wies bi euch isch. schöns wucheend.

[Mimi83]

Schrib euch jetz de glich Text wie bi de andere! also ich ha s gschenk scho a 3 znacht Welle gä won ich verwachet bin. De hät er gmeint das ich doch bis am morge sell warte! Am 9 i han ich ihn de gweckt und gseit ob er jetz dis gschenk wett. Zerscht hält er's fascht ned uf brocht. Denn hät er s Papier usse gnoh und d nuggis id hànd gno. Mer isch det scho e träne usse kulleret. Er hät de e gfühlti Ewigkeit zwische mer und de nuggis hin und her gluegt bis er mit füechte Auge gfrogt hät : bisch du schwanger?! Und ich lueg was es dinne hät. De hät er langsam glaub gschnallt und mich küsst. Denn ich weder: lueg was dinne isch. Er nimmt de Test usse. Und frogt: was bedütet das? Ich: das jetz 2-3 wuche sit de Befruchtung her isch. Er: chunnt das änne mit em sex? Ich: ja schatz. Denn wider geknutsche. Ich: Schatz lüg was no dinne isch. Er hät de schnell s t Shirt a gluegt und das Blatt won i inne to ha.
Und de isch er ganz verwirrt gsi hät aber nur no gstrahlt und gmeint er chas ned glaube er isch so überrascht!

[Mimi83]

@sportyspice: ok ich chumm jetz de i di 5 wuche. Hoff schaff d Fasnacht ohni Übelkeit. Oh nei du armi! Ja hoff das di chli ned au no chrank wird! Das währ e seich! Also ich weiß jo no ned was es chönt gä! Aber so vill sex wie mer gha händ würd ich uf e Bueb tippe! denke das mers wend wüsse aber mol luege.

[Awe]

@Mimi83: jö das esch jo ganz herzig, dis päckli ond au wie din gg reagiert hed es bessers gschänk gets wörkli ned. freu mi fescht für euch ond ich wönsch eus ganz en schöne geburiobig, fiired schön zdritte
ich hoffe d'übelkeit chunt gar ned ersch bi der ond du chasch d'fasnacht au gnüsse

@Gini: bin au froh das mer das so chönd regle ond findes traumhaft dass min gg en tag dehei bliibt ond e papi-tag macht. mer händs wörkli ganz guet breicht. schwiegereltere wohned näbedra, min arbetsort esch 5 min. entfernt ond bi eus esches ebe so, dass ich meh verdiene als gg, drum esches finanziell intressanter wenn ich gange go schaffe. aber ebe, wies denn meteme 2. kind esch gsämmer denn, dänke das wird sich laufend ändere.

@gerbera: gäll ich dänk amigs au es esch alles so schön bi eus, ergendöppis muess doch mol schief go aber ich bin so glücklich ond dankbar för alles, wies mer goht met de schwangerschaft, etc. ond gnüsse ond schätze das wörkli sehr. schliesslich hani jetzt ebe no +/- 10 wochen vor mer ond gebore hani au noni ond wie denn s'chliine wird sii zum ha schtoht no alles i de sterne. tönt au guet bi der dass ev. no chasch en usbildig mache oder de in rueh öppis neus sueche, das esch doch schön. wäg de beschwerde han ich mer am afang au gedanke gmacht imfall, welli ebe fasch nüt gha han. aber ich geb der en tipp, gnüsses ond es heisst nüts schlächts

@sportyspice: jo gäll bi der send denn die 10 woche nor no 6 gsi, a das dänki au immer. ond en harte buch hani au vell so wie dus gha hesch. ich bin wörkli sehr positiv igstellt ond freu mi eifach so fescht ufs chliine, min gg au, er esch so herzig. ich han sehr respekt vor de geburt aber kei angst ond mängisch freu mi au uf das eifach an gedanke, dass wenn geburt chunt han ich de glii mis baby im arm
oje ich wünsche der wörkli dass die grippe ganz gli öberstande hesch ond du weder gsund i die neu woche chasch starte. aber esch doch es guets zeiche dass die chlii kei fieber hed, wär schön wenn sie ned au no chrank wird.

wäge meitli oder bueb schriibi do au no mini facts au no here also mis gfühl seid mer es meitli. de gedanke esch mer wie en blitzerschiinig so halbe i de nacht cho, öppe 2 oder 3 täg nochem positive sst ond ich ha mini meinig eigentli nie gänderet
-huut hani ganz am afang sgfühl gha sie seg chli unreiner im gsicht, esch denn aber bald weder ganz normal gsi.
-schlecht esch mer eigentli ned gsi.
-min buch esch au rund, also spitzig dunkt er mi jetzt gar ned. aber vo hinde gseht mer mer nüt a
-troimt hani au vell, aber eher ganz abstrakt vo ergendwelche geburtszenarie. vellfach ohni agab vom gschlächt usserd einisch weissi no esches e bueb gsi.
-bi mer hed eigentli no gar niemer ergend es gfühl bekannt geh wases get usserd mini bescht
fründin seid e bueb
-also ich bi genau met 54 kg gstartet sportyspice

[Gini]

@Mimi: Mega schön wie alles ablaufe isch. Das isch würkli sehr en emotionelle Moment!! Han ich das richtig mitbecho, hat din GG grad au no Geburi? Denn isches jo megamega perfekt würde säge. So es tolls Gschänk

Meitli/Bueb:

Mir wüsse jo, dases es zwöits Meitli git. Ond trotzdem isch die SS wider ganz andersch als die erschti.
Bi beidne SS aber immer das Erbräche. Ha mol gläse, mitemne Meitli heig mer mer HCG im Bluet..ond dorom erbräche anschinend Fraue wo es Meitli erwarte meh. Naja, bi de Kate vo England het das ämel i de erschte SS au ned gstumme. Si isch jo dert hospitalisiert gsi, wäge Hyperemesis gravidarum, ond s het en Bueb gäh..also, ich weiss ned...hihi

Süscht weiss i au ned vill z bricht, de Buch isch rund, mini Hut isch chli troch, das hani scho i de erste SS gha..

Schwiegermütter tippet ufenes Meitli, mis Mami ufene Bueb (ebe wäg de Facts, dass die SS andersch isch als die erschti)
Han dasmol chli meh zieperlein ond Beschwerde. Ha jedoch au bi de erschte SS es Startgwicht gha vo 55 kg, das mol vo 63..s Stille isch bi mir ned fördernd gsi fürs abnäh, sondern ha eher zuegnoh (ha so Hunger gha amigs ond alles inegfuetteret..) Hoffe dasmol hani meh Ehrgiz. Muess ned grad weder 55 kg si, aber 60 wär schön.

[Mimi83]

@awe: ja mer händ de ganz e schöne obig zämme dehei verbrocht! danke der! Ja das wär schön aber do mer a suscht schnell schlecht wird befürchti das i ned um die Übelkeit umme chumme! Und musch luege bi euch got das so perfekt witer! Bi überzügt!
@gini: ja danke! Es isch wirklich Mega emozional gsi! Ja genau. Durum Han i bis geschter Welle warte und ihm de das päckli uf de Geburtstag übergä!!

[Mimi83]

@gerbera: wie gots der eigendlich? Sind no Symptom dezue cho? Und wie fühlsch dich suscht. Was tipisch bi der? Es meitli oder e Bueb? Also ich fühl mich immerno glich! Bruschtschmerze und zwüschedürre s zwicke im Buch. Mol meh und mol wehniger! Und ich tippe uf e Bueb. Mer händ so oft sex gha um e es das i denke es git e Bueb. Mi maa tippt uf es meitli! Jetz händ mer e wett uf es Pizza esse abgschlosse! Hihihi mol luege!

[gerbera]

@mimi: Schön heis di gg und du so guet gha! I ha gmerkt es git relativ viel ds rede, findes aber ou schön, alles mit mim gg ds bespräche….
Mir tüe d Bei chli weh, das muess aber nid unbedingt vor ss si… dr Teschtstreife isch aber mittlerwile glich dick wi dr Kontrollstreife, und das scho jetzt, hätti ja ersch geschter nmt gha, vo däm här dänki es isch alles ir ornig und ds hcg stigt gloub rächt schnäu bi mir… Ja u d Bruschtschmärze halt… kennsch ja ou… ah no öppis, ha mega trochni lippe, aber das cha ou vor chälti cho...
Wenn hesch du eigentlech ET? mir müesse ja zimlech nöch si? mine isch am 14.10…
Auso i ha geng ds gfüehl gha, i bechöm sicher nur buebe, rein vor hüfigkeit vom härzle wärs ou e bueb, wenn hüfiger eher bueb bedütet. Dass ds hcg so schnäu stigt dütet gloub eher uf meitli häre, und mini beschti fründin het tröimt, i heig uf fb gschibe üses chind sig da u es sig es meitli gsi, sogar dr name heigi gschribe, aber dä het si blöderwis nümme gwüsst… Chas eigentlech nid säge, isch öppe 50/50, ah dr chinesisch geburtskaländer seit ou bueb…

Wäg dr übelkeit, bis ize merksch de no nüt? i gloube so ab dr 7. Wuche faht das amigs a… i ha ämu mire chinesin gseit, si söu scho mau gäg übelkeit nädele… bir rächt überzügt vo dere, wenns öpper schafft, dass mr nid schlächt wird, de die… Bi ja ize no e wuche da und när e wuche uf gschäftsreis, vor däm grauet mir no chli, hoffe es fangt de nid grad dert a mit beschwärde… so im hotelzimmer und ohni mini gwohnti umgäbig…

@awe: heit de dir ds gschlächt nid wöue wüsse?

[Mimi83]

@gerbera: am 12.10 han ich usgrechnet. Also amel wenn i vom es usgang. Suscht wärs früener so um de 5 aber Mini erscht ZH isch ja immer länger gsi! Ja trochni Lippe Han i a Mega! Vilicht chunnsch ja a zwilling über das dis hcg so schnell stiegt! glaub noch chinesischem kallender müstis bi mer es meitli gä! Aber ich ha um de es so vill <3 das glaub's di andere s renne gmacht händ. Wilsch du wüsse was es git? Ich glaub scho!

[gerbera]

@mimi: naja dini ss-teschts hei ja ou mega schnäu starch azeigt, oder? Findes mega kuhl, mir si würklech öppe glichzitig... Hesch du ize scho e fa gfunde, wo i untersuech chasch? U wi geits de witer mit dr schilddrüese?
Ja i wot zimlech sicher wüsse wases git, mi gg ou, d frag isch nur, ob mrs de ou verzelle...


Gesendet von iPhone mit Tapatalk

[Mimi83]

@gerbera: ja das scho. Aber so dunkel isch er jo erscht sit am fritig und NMT isch ja bi mer am mäntig gsi! Ja voll so chönd mer wirklich immer symtom vergliche! ja ha im Internet eine gfunde und am sa mol e Termin afrog gschickt. Min husarzt meldet sich jetz a no det und schickt im all mini Wert und d gschicht Wege de SD. Mol luege wenn i e Termin bechumme. Muss de al 4 wuche bluet näh zum d Wert überprüfe und de möched mer mit em zinti und so noch de geburt witer! ( das tönt immer no so unglaublich!!) ja ob mers verzelled weiß i a no ned!! Jetz grad Han i grad so öpis wei mensschmerze vom gfühl her! Häsch das a scho gha? Aber ha gläse das das a d Bänder sind. Ich finds so spannend das die sich jetz scho dehned obwohl s baby jo no winzig chli isch.

[gerbera]

@mimi: mega kuhl! Finde mir hei beidi rächt glück, dass mr so glichzitig si!
I ha di letschte täg geng no chli es mensartigs zieh gha, das isch aber ize besser, eigentlech füehli mi total normal...
Ja es isch scho krass, irgendwie chani mrs ou no nid so rächt vorstelle, dassi würklech söu schwanger si... Nach ere gfüehlte ewigkeit wos nid klappet het...
Aber ehrlech gseit wärs mr ou grad rächt, keni zwillinge ds ha, steue mr das ächt asträngend vor, u mir hei ou kener zwillinge ir familie, vo däm här dänki nid unbedingt, dasses so isch...


Gesendet von iPhone mit Tapatalk

[Mimi83]

@gerbera: ich bin zwar immer froh wenn i ned vill merk und hankerum wenn i öpis Merk Denk i immer ok es isch no do! Voll paranoid! wie lang händ ihr schoweder "güebt"? Bi üs sind's am 1. März es Johr und will i jo so unregelmässigi Zykle gha Han isch es de 8 ÜZ . D helfti sind ohni es gsi. Ja Zwilling find ich Mega härzig aber stell mer a recht astrengend vor. Mer händ a keini i de Familie! Freu mich scho wenn i de di erschte babysache chan go poschte. Denk aber das mer zerscht mol die erschte 12 wuche abwarted!

[gerbera]

@mimi: Ja mir geits genau glich, kes zieh meh im Buch und i dänke sofort: hallo? bisch no da? Mi beruhige di teschts am Morge immer mega… Ou dass dr Strich geng stercher wird. aber ize höri de evt. mau uf, bringt ja nüt immer glich dicki striche adsluege, u mache de nur no e tescht wenni mr sorge mache…
Mh, i dänke me cha bi üs öppe ab Mai rächne, und ds halbzit hei mr eh dr es verpasst, wüu eine vo beidne nid isch das gsi ume es ume… si haut viel gschäftlech unterwägs… i würd säge ou öppe 8. ÜZ wos hät chönne klappe…
I bi eifach fang chli uf Ricardo am luege wäg umstandschleider, wetti dert nid ds viel gäld usgä, aber freue mi ou scho, wenni de alles cha ga poschte, wot ou no paar Sache sälber mache und boue.

[Mimi83]

@gerbera: glaub mer hät ich no Tests, würd ich mich dumm und Däumling Teste! Hihihi ja das glaub ich der das dich das beruhigt! Ich ha denkt go de in h&m go chleider poschte. Mer händ i de nöchere umgebig eine wo umstandsmode hät Han i gmeint! Und wer weiß vilicht chumm i de no einiges über wenn's de oviziell isch! kenn jo einigi müettere! Aber will eifach e gueti regejagge die Bruch i de zum schaffe. Mol luege won ich e schöni und praktische finde! Und freu mi scho i ikea u go um s chinderzimmer i z richte! Det chönt i eh de ganz täg verbringe!

[Tiare29]

Aso h&m und c&a händ moderni und günstigi umstandsmode

[Awe]

@gerbera: nei mer wössed ned wases get, mer wänd eus öberrasche lo aber so langsam bini doch rächt gspannt ond wetts öppe wösse

@Mimi83 ond gerbera: schön euchi biiträg zläse, versetzt mi grad sälber weder an afang met mine gedanke hoffe fescht euch wird ned schlächt. mimi83 mer esch au no gern mol schlächt, trotzdem bini vo de ss-übelkeit verschont bliebe. wäge umstandskleider gebi de tiare29 rächt. ich han au nor ganz wenigi sache kauft ond das glaubs alles im h&m, wörkli günstig ond ganz schöni sache.

[Mimi83]

@tiare: danke! A de c&a han i Car ned denkt. De isch ja a no!
@awe: häsch demfal a öpe di gliche Gedanke gha!? Ja de Han i glich no e Chance, dass es mer ned schlecht wird! Danke! ja freu mich scho die chleider z poschte! Aber chleider (zumindest) Hose muss i immer probiere. Durum wird ich do ehnder wehniger bi ricardo poschte. Aber anders chauf i gärn det.