Frühlings-Kinderwünsche - wir haben's geschafft

[Kizank]

@wolke7: Ha dir jo im andere Thread scho gschribe au do nomol herzlichi Gratulation! De Folgethread gits noni soo lang, erscht, nachdem mol es paari immer wider in Hibbelthread zrugg cho sind, wills sich i de Monetsforene ned eso wohl gfühlt händ. Drum hani dänn de do mol eröffnet.
Edit: Gad im Hibbelforum nohgläse, sorry, han das vorher noni gseh gha. Lüt dim FA doch a, und frog wäg em Bluettescht. Ich drucke dr ganz fescht d Düüme, dass alles Tiptop isch!!!

@Awe: Stimm nummer 3 für s Linke mir gfalled d Härzli, das isch e super Idee!

@sporty: Ja, s hänkt langsam bizeli aa. Ha bim Laufe Schmerze i de Füess (ich froge morn dänn mini FÄ mol, eb das vilich vo de verschobene Gwichtsverteilig herchunnt...). Schlaf isch wider biz besser, aber am Morge hani hüfig en Chrampf ime Wädli (hüt gad i beidne). Derno Sitz sind au nüm bequem, wili wi z wenig Luft drin überchume (z.B. de neuscht Doppelstöcker vo de SBB, üses Sofa ) will me so halbe hindere lähnt. Immerhin hani kä (oder besser 'ned meh wie sust') Problem mit de Blase. Han au no e langi ToDo Lischte - näbem Huus... Chinderwage hämmer jetzt, en grosse Stubewage mit ere guete Matratze au wo mer die erschte Wuchene au als Bettli cha bruuche. Morn Nomi zottle ni mit mim Mami mol los, zum so chli Chliichram z chaufe wie Pflegeprodukt, Nuscheli, und no es warms Innefueter für in Chinderwage.

@Talulah: Chunnt chli drufa mit em Zuckertescht. Mini FÄ het gseit, d Chrankekasse bestöchi druff und si fändis eh sinnvoll bi mir, will s Baby so gross isch. Ich ha de voll müesse mache. Anderi schriibed, dass nur de churz händ mache müesse. Chunnt worschinli chli drufaa, woo dasds mache lohsch. Jau, bin am witischte vo eus, dicht gfolgt vo de Sporty. Cha scho sii, dass ihres früener chunnt, wänn sich miis no chli Ziit loht, und ihres biz früener will.

[sportyspice]

Hallo!

@awe: hoff du hesch e super Tag gha mit dim Mami trotz em Wetter. Ha dini Kärtli grad nomol gnau betrachtet... hesch du e zuefalls Name druf gnoh, oder isch das euche Favorit? I ha dr inhalt vo eusne Kärtli do gmacht, so dass mi Maa am Tag x nur no mit Name und Datum etc. Hesch scho überleid, wie du/dir das weid mache? I wett ebe, dass die Kärtli denn wirklich sehr bald los uf d poscht chömme... drum sind au scho alli Couvertli agschriebe und frankiert.

@Kizank: Jo gäll, es gitt no so vieles was meh chönnt und müesst...i ha amigs s Gfühl, wenn i wieder öbbis ab dr lischte cha striche, chunnt mir amigs s nöchte in sinn wo i unbedingt sett. Heid ihr viel Kleidli kauft???
Was macht euches Huus/Zügelprojekt? Bisch glasse oder stresst s dich?
I glaub imfall mittlerwile, dass euses chline eher spöter chunnt... also lueg i mol glasse wie du dich schlohsch und was es denn bi dir gitt.

@Talulah: es git für dr Zuckertescht glaub scho Risikiofaktore, aber mini Hebamme und FA hei beidi mir bestätigt, dass mir das müesse teschte. Aber wenn bi dir in dr familie Zucker nid so e Thema sich( niem Diabetiker, niem Schwangeschaftsdiabetes...) und du schlank bisch, dis chline eher chli oder zumindescht nid e riesli isch, denn bisch scho mol nid gföhrdet. Sie müesse sich halt eifach absichere, falls es denn glich e versteckti Zuckerkrankheit ume wär, dass meh au s optimum für mutter und Kind cha usehole.
I ha aber z.b nur müesse Nüchternzucker teschte, will euses chline e Mägerlimucki isch, i au schlank bin und niem wirklich Zucker krank isch in dr Familie, und i sportlich bin. De Wert isch denn scho sehr tief gsi, so dass mir dr Rescht erspart bliebe isch

Wie schlönd sich eigentlich euchi Männer? Min isch langsam e super Papi, er freut sich sehr. I glaub er isch irgendwie au scho biz kribbelig. Finds total schön... Baschtle etc. macht er zwar nid, aber er het immer e grossi freud, wenn denn wieder öbbis neus fürs chline ume isch. Am Wucheend sind mini Eltere do gsi und hei eus e chline Body fürs Chline brocht... er het sich sehr gfreut und de immer wieder betrachtet, und gseit muesch mol luege wie chli...


url=http://www.wunschkinder.net][/url]

[wolke7]

Hallo zäme

Ich han mich nor gschnäll weder welle bi euch verabschede- es het leider ned sölle si! Ich chome aber ganz bestemmt weder

Ich wönsche euch wieterhen en mega schöni ss- gnüsseds! Ond mer früelings freued eus emmer wenn öper vo euch chont go ineluege ond vire verteile!

Liebi grüess wolke7

[sportyspice]

@wolke: oh nei, so schad, das tuet mir sehr leid für dich. aber kopf hoch das chunnt bestimmt. freue eus, wenn du bald wieder unter eus bisch-- töi töi töi

[Awe]

Guete Morge zäme

@wolke7: Es dued mer vo herze leid dass es leider ned klappet hed. ich wönsche der ganz vell kraft ond zueversicht, dases scho bald weder ischloht ond sich damol euches schätzeli ganz fescht dued feschthebe bi der. wönsche der alles gueti, dänk a dich.

@Kärtli: danke eu vellmol för die liebe rückmeldige han jetzt eis nochli usgschmückt ond ev. gets no
en chliini veränderig bim grüene stöffli hinedra. nehme det ev. es anders material, wells so blöd zum schniide
esch ond ev. schriibi bi de herzli ned d'agabe drii sondern je unser-schatz-ist da. das chönti ebe scho vorbereite ond denn wär s'chärtli sowiit fertig.

@sportyspice: danke du besch u lieb ich muess ungefähr 50-70 kärtli mache wöri säge, aber han noni gnau metem gg besproche, wer alles eis öberchunt. eusi hochziitsadrässene send jo no ganz früsch ond denn chani vo dere liste us go ond striiche oder dezuedue hihi ha dänkt dass wägem name öpper frogt ufem herzli das esch de name vo mim gg aber abgseh devo wör mer de au sehr guet gfalle. ich maches au so dass ich de inhalt wirde vorbereite, das mer nor no name und datum chan ergänze, drucke ond als ilageblättli driidue. ich werde au alli couvert scho aschriibe ond frankiere ond de storchenstempel chunt jo det au no druf.

@Talulah: Jo das esch de dritti untersuech. ich weiss ned öbs organscreening scho chunt, ich glaube das chunt ersch bitz spöter. Gseit heder ämel nüt letschtmol. mol luege

@gg: Also min gg freut sich au riiiesig ond sit ers döf säge daser papi wird loht er kei glägeheit us zums
erwähne er chunt au a jede untersuech met ond esch jede donnschtig obig gspannt wenn weder de
wochen-newsletter vo swissmom chunt per mail do er es handwerklichs genie esch ond dezue no en
erfinder chönt sii, wirdi vo ideene öberhüüft, waser er alles wett boue. Metem babybett fangt er bereits a das wochenänd

@me: hött esch äntli de tag cho wo mer weder zum untersuech chönd go. zwar ersch zobig aber emmerhin
esch die warterei jetzt verbii, ond de tag schaffi au no met mim mami han ichs super gha geschter. mer send zersch go fein zmörgele ines kafi ond denn no ane märt, trotz räge

[Kizank]

Ich gahn jetzt de bald an Untersuech (viertelab Nüüni). Schribe eu dänn nachher nomol.
Hüt Namitag gahni mit mim Mami chli goge Zügs chaufe. Bi froh, öpper debi z ha, wo das scho mol gmacht het. Fühl mi biz überforderet, weni die ganze Sortimänt vo so Baby-Läde gsehne - was devo me tatsächli bruucht...

[Kizank]

Soo, Untersuch geschafft Alles paletti, Fruchtwasser guet, kei Kalk a de Plazenta, Baby genau richtig gross und s Chöpfli in Startposition. Gschätzts Gwicht 1600 Gramm. Frag mi ja scho, wo das Gwicht her chunnt - bin gliich schwer wie vor eme Monet...

Und bin mega stolz uf mi - han d Starrchrampf/Küchhueschteimpfing gmacht. Hani richtig Horror gha dervor (hani jo glaub scho verzellt).

@sporty und Talulah: händ si eu au d Grippeimpfig empfohle? Eifach will me s Baby ned cha impfe und damit me ned de Überträger sii chan... Mir sind ja no voll im Winter drin dra, drum isches scho no es Thema... Mached ihr d Impfig (respektive, händ ihr si gmacht)?

[Awe]

@Kizank: So schön das alles guet esch metem chliine du hesch allgemein ned vell zuegno gäll? döf mer wösse wievell?

ond gratuliere, dass d'impfig so guet gloffe esch, cha mer vorstelle dass der e grosse stei vom herz gfalle
esch, jetzt hesches gschafft.

[Kizank]

@Awe: Bin öppe bi +5/6 Kilo. Wär ned de Buuch würed mir d Hose no ganz normal passe - mini Problemzone sind d Oberschenkel und s Füdli, ned de Buch. Und die sind gliich blibe. D FÄ het aber gmeint, mir (ich & s Baby) mached das alles super. Es gäbi so um die Zit ume woni jetzt bi öppe mol chli äs Päuseli bi de Gwichtszuenahm. Das sigi absolut in Ordnig.
Wie isch diin Untersuech gsii? Hesch au gha, geschter, oder?

[Awe]

Hoi zäme

@Kizank: wow das esch aber ned schlächt. ich bin jetzt scho bi +2 kg, aber das jetzt scho länger
konstant.

@Untersuech: Jo genau mer händ geschter ultraschall gha. Es esch super gsi, metem baby esch alles
beschtens ond es esch sehr aktiv gsi Mer händ scho wirbelsüüli ond diversi organ ond hirni gseh,
sehr schön gsi ond das schätzli esch bereits 20 cm gross

[Talulah]

Guete Morge mini Liebe

@Wolke7: oh nei es tuet mer so leid für dich! ich hoffe du chasches guet verchrafte und bisch glii wieder mi üs im Folge-Thread!

@Zuckertest: Ide üsere Familä hed niemer Zucker. Also min Schwigervater, aber die Gen sind ja denn "nur" bim Baby und nüd bi mier. Ja demfall lahn ich mich eifach überreasche. Han ez amel immer Untersüech am Abig gha, da das wegem schaffe s eifachste isch. Für ne Zuckertest müessti ja ame Morge cho... De FA wirds mer ja wohl säge, wenni de au muess mache!

@Kizank: han natürlich gmeint wer ide "Theorie" am witischte isch. Da de effektifi Geburtstermin im um Total 4 Wuche (+/- 2 Wuche) chan schwanke und das au normal isch, isch mier au bewusst.
Schön isch alles guet! Gratuliere zur überstandene Starrchrampf/Küchhueschteimpfig!! ja du hesch vo dere Horrorgschicht bim letschte mal verzellt gha...!
Oh du hesch ja würkli nüd vill zuegnoh bis ez. ich bin bi 3.5kg +. han aber Gfühl das gört nüd alles zum Baby und dem ganze Züg rundume...

@Sporty: was macht din Nesttrieb?

@Awe: Freut mi hesches guet gha mit dim Mami!
Also bi mier hed de FA au nüt im Vorus xeit dass s Organscreening astaht. eifach de bim Untersuech sälber heder xeit, dasser jetzt eis Organ nachem Andere gnau aluegt.
schön, isch alles guet mitem Baby und hender sovill xeh: Wow scho 20 cm! also das isch Chopf bis Fuess nüd SSL oder?

@GG: Also mine schlaht sich au seeeehr guet. Streichlet mier immer de Buuch und redet mit mier vill in Mehrzahl. Er luegt amel au für Irichtigssache ume und brignt vill Ideeä waser alles wet sälber mache. Er treit mer z.B. au immer d Wöschchörb ume, also nur wenner diheime isch. Susch machis natürli selber!
ich find das uh härzig wenn sich d Manne au so freued!

@Grippeimpfig: Also mier hed de FA nüt eso erwähnt. De nächsti Untersuech isch Endi Nov. wer ja den eher die Grippezyt. Villicht seiter nu öppis. Aber ich wett eigentlich nüd , wenns nüd muess si. Bin ide Schuelzyt s letschtmal richtig chrank xi. Wenns rundume am Chränkle sind, bini amel höchstens chli stärcher Vercheltet für 1-3 Täg. Han zum Glück es guets Abwehsystem. Und wegem Baby: Termin hemmer ja "erst" Mitti März. Denn isch au nümme gad die volli Grippezyt, drum gangi devo us, dass das für üs keis Thema wird si.
Aber hed denn s Baby nüd ide erste 3 Mönet nu sone Muetterschutz?!

[Kizank]

Sali zäme!

GG und ich sind über s Weekend ja im Geburtsvorbereitigskurs gsii. Ich hans mega lässig gfunde - einersits sind alli ähnlich wiit gsi (Termine zwüsche 6. Januar und 4. Februar) und me het guet mol so diräkt chönne über alles mögliche rede. Anderersits hets au guet tue, sich vo de Hebammene wo de Kurs gmacht händ mol alles in Rue erkläre lah.

z.B. het di eini Hebamme (sit 20 Johr Hebamme) verzellt, dass d Geburt meischtens ime Moment aafoht, wo für s Mami au aagnehm isch. I dene 20 Johr sig genau ei mal ere Frau d Fruchtblase platzt, wo si underwegs gsii isch. Hani denn mol mis Mami no gfrooget. Bi mir hend ihre Kontraktione i de Nacht iigsetzt, und bi minere Schwöschter isch ihre d Fruchtblase platzt, gad nachdem min Papi vom Schaffe hei cho isch.
Händ vill Entspannigsüebige gmacht, will das sigi de Nummer 1 Grund für Schmerze, das me sich verspannt - us Angscht, oder wieso au immer. Das füeri zu immer meh Schmerze. D PDA isch darum au Geburtsfördernd - mä cha de gar nümm verspanne (Han fescht vor, ohni PDA - han mol e Lumbalpunktion gha, und extremscht verchrampft debii - eifach s Wüsse, dass me jetzt e Noodle is Rückemark schiebt... wuahhh).
Min GG het nachher au gseit, er sigi froh gsi, debii z sii. I eusem Kurs sind d GGs bis uf 1 Stund, wo no en Papi en Info gmacht het immer debii gsi. Er fühlt sich jetzt au besser parat.

Ich chan eu das würkli würkli empfehle! Gad bim erschte Chind.

Hoffe, ihr sind alli zwäg!

[Tiare29]

@kizank
sorry muess gschwind säge finds meeeeeeeeeeeeeeega toll das willsch ohni PDA vosueche!!!

[Awe]

Guete Morge zäme

@Kizank: schön hed eu de kurs so guet gfalle. ich han mich au grad geschter agmeldet i eusem
spital. Er fangt zwar ersch afangs januar a aber dos nor öppe 10 plätz hed händs mer empfohle so schnell
wie möglich amelde. de kurs goht 6 x ond 2 mol defo met partner.

Mitti Dezember gömmer no anen infoobig för werdendi eltere wo mer denn au gebärabteilig chan besichtige.

Leider bini do noni ganz im bild, PDA esch die sprütze wos eim i rugge mached oder? also mer grauts nor
scho vor dere vorstellig en sprütze i rugge zbecho ond wie gsehts det met de näbewörkige us?
also ich wett secher au ohni die z'schlag cho...

@me: mer gohts wonderbar ond ich gspüüre mis chliine sit am wochenänd s'erschtmol am fritig
obig heds mich paarmol gstupst, mer heds ganz guet gmerkt, de gg au geschter hani das stubse au gmerkt ond ich merke oft en druck ond wenni denn ufe buuch lange esches liecht härt ond mängisch sogar
es bitz erhöht ond wenni chli druck zruggebe, goht de widerstand retour, nehme also a das esch ergend e
körperteil vom baby wos denn weder zruggzieht wenns mami so blöd zruggdruckt

[Kizank]

@Jenny: Dankä Isch emel mis Ziil - am Ändi weiss mes jo ned, gäll, und als Erstgebärendi hani no lang guet rede... Glaube eifach ned, dass es guet chäm, so wieni mi dozmol verchrampft han bi de Anästhesie (bi de LP wird jo effektiv de Nerv aagstochä zum Hirnwasser entnäh, aber me tuets zersch rundume betäube). Ha en Knebel zwüsche d Zäh brucht, wills mr fasch d Zäh gspalte het, wili so krampft han, und de Luftschluch händs au scho gholt, wili nüm ha chönne iischnuufe (de hets denn zum Glück nümm brucht). Ich ganges ganz entspannt aa, und freu mi scho, wenn sich euses Schätzeli aakündigt

@Awe: Mir isch das im Spital ebe chli unpersönlich vorcho - drum bini in en Kurs vo ere Hebammegruppe. Sind de nur 6 Päärli gsii. Und s isch am Fritig Obig, de ganz Samstig und am Sunntig bis in früene Nomittag gange. Für eus ebe ziitlich au super. Ja, d PDA isch das in Rügge. Meinsch, s Baby cha scho so degägedrucke? Bi mir isch das erscht sit öppe de 28. Wuche so, dassis effektiv merke, dass einersits unde links aachunnt und rechts obe 'öppis' (Füessli, Chnüü?) gäg d Buchdecki stemmt.

[Tiare29]

@kizank
i han au voll panik vor de PDA drum 2x ohni.. und ich han sehr langi geburte gha (34h und 40h) aber wuuuuunderschön

[Awe]

@Kizank: Jo bin gspannt wie de kurs wird. also es sind allerhöchschtens 10 fraue schriibeds, damet mer ebe
individuell uf jedi einzeln cha igoh. bi eus esches emmer einisch i de woche (öber 6 woche hinweg) amene obig vo 8-10 ond das liid eus au ganz guet vo de ziit her.

Also ebe wenns druckt chani natürli gar ned säge wases esch, aber ich gange eifach devo us dases baby esch.
es esch denn wörkli erhärtet ond wenn ich druflange merki wies zrugg goht. s'stupse bini aber sicher dases
baby esch, es dued sich ganz guet vo mim pulsschlag oder susch bemerkige unterscheide. mis chliine esch
wörkli grad under de buuchwand hed de FA gmeint (also kei vorderwandplazenta) ond er hed au gseit es segi
also wörkli sehr es aktivs, so wie das do hed bim letschte untersuech

[Kizank]

@Awe: Mega cool! ja die ganz fiine Sache hani ebe leider net gmerkt (oder eml ned gwüsst, ebs s Baby isch, oder de Darm oder sowas wo gad zwackt). Aber glaub mr, wennd so wiit bisch wien ich jetzt, und richtig merksch, wie sich Körperteil a de Buuchwand nahbeweged, de Buuch umbüület - das isch au es Hammergfühl! Do truuri jetzt ned nah, dass is erscht spaht gspürt han. Dis Baby schwimmt jo no richtig, drum hani ebe dänkt, dass jo ned so vill Widerstand chan ume sii. Aber wenns würkli gad diräkt drunder isch, chas vilich scho sii - mega cool !

@Jenny: Ja, das isch d Hauptsach, dass schön gsii isch! Mis Mami het au en mega schöne Geburtsbricht gschribe vo minere Geburt. Und jede Satz strahlt uus, wie ruig und sicher si het chönne drahgo - obwohl ich au ihres erschte Baby gsi bin. So möcht ichs au machä. Si het keinerlei Mittel geg Schmerze gno - s einzige Mal wo si Schmerze gha heig isch gsi, wo gad s Chöpfli cho isch, sust nüt - ich lahns eifach mal offe mit de Schmerzmittel.

[sportyspice]

Guete Morge,

Geburt: Das mit de Schmerzmittel etc. nimm ich mir au so vor. Mis Mami het mir au immer versichert, dass d Geburt vo miner Schweschter und mir eigentlich die zwei idrücklichschte Moment in ihrem Lebe gsi sind. Und sies au als wunderschön empfunde het... klar i mach mir kei Illusion, es wird schmerzhaft- aber i denk immer mir freue eus so dermasse uf euses chline Wunder, dass es scho wird goh. I fühl mich mit miner Hebamme sehr guet unterstützt und au moralisch bereit. Bin gspannt wie das denn wird. I denk au, dass wenn meh bis am schluss schafft, dass es eher am obe oder am Wucheend los goht... glaub suscht cha meh wie nid abschalte und los loh... demnoch tipp ich bi eus au ufes Feriechind oder Wucheendbaby.
Bi eus beginnt dr Geburtsvorberitiskurs die Wuche, bin extrem gespannt. Mache de au bi miner Hebamme und mach de mit mim Maa zämme. immer am Dunnschtigobe.

Nestbau: Naja, i muess mi extrem zrugg neh momentan, dass i nid scho alles dreifach gwäsche han... und au suscht. Momentan bini amigs biz verunsicheret... hani alles... i vergiss sicher öbbis... mir sind jo scho sehr guet drin und hei jo alles bereit. ghört wahrschiens drzue.

gewicht: I ha bisher au 5kg zur gnoh. Mi Buch isch in de letschte 4 Wuche wie verrückt gwachse.

Gspühre: I HA euses chline au sehr sehr frühe gspührt... in dr 14 ssw. Mini Fa und Hebamme hei au beide gseit, es sigi will nur grad d huut drüber sigi. Jetzt gspühr i s chline recht Detail genau... weiss genau, wies liegt... und gspühr d Füessli sehr genau. Mängisch gseht mehs ganzi Füessli vo usse... momentan ca. 4cm gross.
Isch aber bi mir villicht au biz speziell... het au mini Hebamme gseit, will mehs chline wirklich fascht vo usse gseht. S Köpfli isch in Startposition.

[Tiare29]

@sportyspice
ich bi jo gad afangs 2. lehrjohr gsi woni min grosse becho han und do ich schuel nöd han könne ussetze (au im muetterschaftsurlaub nid hani mir immer denk hoffentli vopassi denn nid zvill (well jo so 2 söttsch jo scho nid all zu vill tue noch de Geburt).. d'wehe händ igsetzt wärend ich min letschte schueltag vor de herbstferie gha han und mini letscht prüefig am schriebe gsi und gebore punktgenau am fritig wo den ferie agfange händ somit hani schön 3 wuche locker ohni schlechts gwüsse könne dihai bliebe die Babys merked das scho