Winti Mamis Teil 87 *Neue Willkommen*

[Poly88]

Hallo Zäme

Ha soebe die Gruppe gfunde, tümple jetzt doch au scho es paar Mönet uf de SwissmomFohre ume aber Ihr hend eu würkli guet versteckt.

@Shorna
Musch der also ke Sorge mache went Name nensch, wenn all so "Schnellmerker" sind wie ich, chöntsch au din ganze Läbenslauf veröffendliche.

@Krambambuli
(cha mer vorstelle das langsam nervt, dass Di all druf a spräched sry)
Aber du hesch ja hüt ET bisch nid wie uf Nadle, isch es s erschte oder kennsch s Prozedere scho und nimmsch das alles ganz cool? Wo wetisch go entbinde?

Hmm sry viellicht na churtz öbis über mich bevor ich Eu da mit relativ private Frage zue texte.
Bin 26gi, wohne nümme direkt in Winti (bin es Käffli witer zog) bin aber da it Schuel, in Usgang ect. und ha letschti im Vögelipark ghürate. Also gfühlti Winterthurerin durch und durch. ET hani am 20.12.14,es git es Meiteli.
Isch mis erschte Chindli und ich bin bez. Chinderbetreuig nanig würkli Experte freu mi aber unglaublich und la vieles eifach mal uf mich zue cho.

[Shorna]

Hoi Poly
Schön häsch eus gfunde. D Winti Mamis händ e längeri "Durschstrecki" hinder sich. Aber jetzt schriebed grad wieder es paar werdendi Mami und das freut mich sehr! D mi deseo hät au im Dezember Termin, glaub es bitz früehner we du. Wie du gsesch, bisch i beschter Gsellschaft. Au mit em Meitli.

Wo häsch vor dim Wägzug gwohnt?

[Poly88]

Ja t'mi deseo kenni bereits vo de Dezämeberlis, het es paar us Winti bi de Dezembermamis. Ufgwachse bini in Brütte it Schuel den nachher z Winti, nachene hani es paar Jahr z Wülflinge gwohnt, Oberseen und Töss keni dur mini Netterhelfti, zimmli guet.

[Poly88]

Wenn isch denn bi Dir sowiit? Gits demfall au es Meiteli? Und us wellem Egge sind Ihr?

[Shorna]

In Wülflinge (Neuburg) bin ich ufgwachse. Jetzt wohn ich im Deutweg.

Töss und Oberseen, känn ich grad am wenigste.

Mir chömed endi Februar / afangs März namal eis über. Namal es Meitli.

[Krambambuli]

Shorna, es Meitli, wow

Also bi mir isch de MuMu 1cm offe und ha liechti Bluetige Vorwehe ziend immer mee....

....ui ui ui

Und ja, jetzt sitz i definitiv uf Nadle

[Shorna]

@ Krambambuli
D Geburt vom Dian hät au mit liechte bluetige agfange. I de Nacht Blasesprung und dänn isch es richtig los gange. Toi toi toi, alles Gueti.

[Krambambuli]

ha uf allfäll de Matratzeschutz installiert

bi gspannt we d'Nacht wird ui ui ui....

[Poly88]

Hey Krambambuli, wie hesch? Hoffe s gat der guet, wird sicher ke eifachi Nacht hüt went so Wehe hesch. Viellicht gats ja jetze au los. So oder so wünsch der ganz viel chraft und nerve für de Endspurt! Hesch bald chasch dini Chli im Arm hebe und entlich wieder ufm Buch oder Rugge schlafe! Denke fescht a Eu. Guet Nacht

Shorna den sind Eusi Wibli nu zwei Mnt. usenand. Im Dütweg kenn ich nur s Schwümmbi und die Chemischreinigung. Went grad det wohnsch bisch sicher oft im Geisi, ha eigendli scho sit Wuche welle go schwümme/bädele am Namittag aber bi irgendwie nie dezue cho welli eifach dauer müed bi im moment. Mal luege viellicht schaffis ja mal na ( hmmm öb echt s Bikini na passt )

[Shorna]

@ Krambambuli
Ich han sid em 1.00 am Morge nüm chöne schlafe. Jedi lag isc mer unbequem gsi. Mini Gedanke sind ganz oft bi dir gsi, ob ächt scho im Spital bisch?

@ Poly
Ja, genau a dem Egge wohn ich. Aber im Geisi bin ich sehr wenig, obwohl de Weg ja nöch wär... Jetzt zur Hallebad ziet find is u asträngend bis nach em Bade all ihri Haar wieder troche händ und all agleit sind. Mini 3jährig kännt gar nüt und haut immer wieder ab, die bini ständig am sueche. Im Summer gahn ich lieber uf Wülflinge id Badi. Det häts es lässigs Kinderplanschbecki. Au de gross chan ich springe la. Is Geisi gahn ich nur, wenn ich am Abig mit mim Maa und de Chind no schnäll für e Stund gahne.

Ja du, sie werdet öppe 2 Mönät Altersunterschied ha. Dauermüed bin ich scho sid afangs ss. Das wird ich au bis zur Geburt nüm los.

[Zwetschge]

Hallo

Poly ich wohne brütte respektiv strubikon und ha 2buebe Xavier 9i gat nüerinsdorf i schuel und de Julien 1s.

Kambuli da lauft öbis na da?

Shorna namal es meitli jö.

Bi eus isch de Julien krank gsi gat ihm aber besser ha nu gfühl es lit doch na öbis ide luft zäh entwickligschub. Er staht immer meh ellei undbemerkt. Ade hand lauft er mengisch wen er wet. So rüeft wieder muss

[Krambambuli]

Ohje Shorna, wend eze scho schlechd schlafsch hesch e astrengendi Ziit vor Dir, ohje....


Bi eus gits Babynews...

Sie isch da

4110g, 50cm, gebore am 04.11.2014, 19:40

Sind scho wieder dihei und es gaht eus supper, bis uf es paar chlini Riss a mim Intimbereich. Chunt schiins dadevo das sie "Salutierend" ufd Welt cho isch

24h Wehe, 6 devo mitere herrliche PDA

[Zwetschge]

Krambabuli Gradoliere und wie heisst sie? Het dir jetzt grad im whats na gschribe. Ui 24h wehe hilfe denfall es skotpion;-).

[Shorna]

Krambambuli, au da no, herzlichi Gratulation zum Töchterli! Es schöns Datum hät sie usgsuecht.

@ Zwetschge
Gueti besserig an Julien. Die Ziet vo de Zahnerei isch scho asträngend... Aber mir wüssed ja, es gat alles verbie.

[Poly88]

Hey Zwetschge wir müssten uns kennen, wohne auch in Brütten.

[Poly88]

Hey Krambambuli Gratuliere Euch von ganzem herzen! Ha die letschte Täg viel a Eu denkt, obwohl i Di gar nid würkli kenne hani voll mit bibberet. Wie heisst den Eui chli (gross)?
Schön das alles guet gange isch und alli gsund und munter sind! Wünsch Dir e erholsams Wuchebett.

[Zwetschge]

Poly ja eigendlich scho brütte isch ja nid so gross. Du bi ich nid brütte ufgwachse;-). Hesch mal zyt zum es kaffi trinke? Oder schaffsch du na? Ich 100% mami und huusfrau;-)

Krambambuli schöne name...

Shorna danke ja gat alles verbii.

[Shorna]

@ Kramabambuli
Wie gahts eu? Sind ihr scho chli im Alltag acho?

[Krambambuli]

guguuu (nu 1 hand frej drum mal rächtschriibreglefrej hihi)

es klappt super mit eusem meiteli, isch e uuu liebi!!!

mos aber säge, vermiss min fründ ebiz hehehehe......


we gahts dir??

[Shorna]

Das freut mich, dass es so guet klappt!

Mues din Schatz wieder schaffe?

Ich bin grad im Dauerstress... Ha wieder soooo viel Termine. Es nervt langsam so sehr. Ich han gar kei Ziet meh für mich. Ich hoffe, das hät bald mal es endi.