Obwaldnärinnä, dr nächsti Teil...

[elba]

Guete Tag

@Kuddy: ja ämel öppe en drittel isch dinne...mer machid nie alles ufs mal und es isch no nid so spot för üs do obe...und etz chunnt dänn scho gad de nägschti schon (hoffentli)
Bi üs isch im Pachtland chli öppis abgrutscht am Samstig vorere wuche...gseht scho no us...öppe 10 m breit und dänn abe bis anes strässli, ca. 100 m übers höche Gras drüber...aber äbe, gschäch nüt schlimmers...

@cedric: ach mer isch es noch es paar Tag schön glich, wieder chli abchüele, erhole...de wätterbricht isch jo guet

@impfe: hm, ha kei ahnig wäni snägscht mol sött...macht de Chinderarzt o erinnerige??? bi nämli unheimlich guet im so sache vergässe wo nid gad i ei bis zwei mönet fellig sind

@chäfer: o no schöni ferie wünsche...

@stritzi: ok, dänn bruchis dänn öppe för die chli zum spile (lit jo sus fasch nie öppis ume )

Liebi Grüess
Elba

[kuddy]

Elba
mi maa hed ezde e bagger fallser nu epper bruichid fir d ribi widr "uifeztue"


Wetter
ja s sett ja widr bessere.chunt gued

cedric
vil spass bim schnuppere am junior...hoffentli gfalltsm

impfe
mi mia seits alligs bide kontrolle

so muess go choche
gruess

[elba]

Guete morge

@kuddy: min kia häts glob scho o gseit (mer händ jo glob de glich?), aber irgendwie vergiss i so sache dänn wieder
allgemeini Kontrolle isch glob ersch mit vieri wieder, oder?
Wägem Baggere, müend nid mer organisiere, wils jo pachtland isch...der Verpächter hät scho mit em Omlin Ernst glueget, är macht do obe fasch alles...

@üs: geschter simmer z luzern gsi för d hüftkontrolle, es hät sich fescht bessered, isch no nid so wies normal wär, aber im moment mues me nüt mache...i 2 johr wieder röntge.
Am obed hät die chli dänn zmol so heiss ka, bim is bett goh a de stirne 38,2 (isch meischtens 1- 1,5 Grad tüfer als rekatl) und znacht am zwei 39,3 a de Stirne sie hät richtig glühet...aber sie hät duregschlofe und schloft etz o no ...am halbi sächsi hät sie wieder 38,2 ka...hoffe sgoht etz dänn abe, sus mues i dänn glich mol normal mässe und vilich es zäpfli geh tagus...

Hüt gönd no üseri Rinder äntlich z alp und mini Muetter chunt för es paar täg uf bsuech

Liebi grüess
Elba

[Cedric]

guete morge

elba
also mine Kia macht emmer ou no met 3 en Johres US. Segi secherer dass mer nüt verpassi.

gang etz denn grad go Schwemme met em chlinere. de gross hani scho i kindsgi gscheckt.
de esch ned grad de gärn früe ufsteher.

so allne es schöns tägli bes spöter

lg.

[kuddy]

Ja genau mit 3 isch anu en kontrolle bim kia

ja de omlin ernst kennimer ai.
Wo gö üchi rinder z alp?

Cedric
vil spass bim schwimmä

[chäfer83]

@elba
gids Dom meitli weder besser?

@cedric
Wahnsinn dass er scho id schuel chund! Wie gats der sein?

@me
mehr gniessed no die letschte täg Do i de Türkei, es isch wunderschön und de chli hed de plausch bim bädele. S schlafe klappt aber gar nid, vor de 10i wot er Nid is bett und vor de 7i weder uf... Janu, i hoffe deheime klappt's weder besser.

[elba]

Guete obig

@kuddy: üsi Rinder und Kälber sind z wolfetsmatt, scho sit johre eifach da johr öppe 14 Tag spöter als sus...isch halt scho viel weniger arbet nu mit de Chüe

@Chäfer: si isch eigentlich zwäg, me merkt aber scho, dass sie immer no chli Temperatur hät (so zwüsche 37,5 und 38, 5 schätzigswis...mässe nid so viel, merke aber guet a ihrere Stirn öbs wärmer seg...geschter obed hani gseit seg öppe 39 Grad und ha dänn gmässe, hät genau gstimmt ). Aber sie isch nu chli schnäller müed als sus...
Ui, jo das sind dänn churzi nächt för ferie, hoffe er chönds eifach sus gnüsse und dehei gohts dänn wieder normal witer...

@Cedric: hm, günd er nüd zum Senfft? Ha wägem Fieber schnäll aglüte die Wuche und dänn gad gfröget...d Frau senfft hät gmeint, mit 4i wieder e kontrolle...dänke me isch jo mit de chline e mol wieder bim Kia wäge sus öppisem...
Bi gspannt wie üsi chli dänn mol mit ufstoh isch...im moment cha si jo usschlofe wie sie will Usser mer muend furt...isch aber sälte am morge...

Liebi Grüess
Elba

[kuddy]

elba
öh? dier seitsi erst mit 4i wider kontrollä? mier sind au bim dr. senfft, und bi üs heds gheisse, mit 3 au bim gross. bija de gspannt, was si de bide chli sägid. hend im november ja erst 2-jahrekontrolle. aber ich bestah ufne 3jahreskontrollä fallsi segid erst mit 4i.

ich di chli am zahnä dassi fiäber hed?

wolfetsmat, hmm. seitmer grad nüd miär hend üsi rinder is waadtland gäh. isch au super

chäfer
gniässid nu üchi restlichä täg. druckdr duumä das de chli dihei durä schlaft

cedric
apropos früehufsteher (oder ebe nid). gahter nah gärn i chindsgi? ich hade reto letschdi bitzli knapp gweckt für id sg und es hed es riese theater gäh (hed ir sg 45min. brüellet und vorher nu nie theater gha).aso muesne mind. e stund vorher weckä. wenn nid 1.5

so, ich gah go pfusä.
griässli und guäd nacht

[elba]

@kuddy: wolfetsmatt isch Richtig Langis, dänn dervor aber richtig Steiwurf, a Steiwurf, Honegg und Ritzematt verbi no witer, vu üs mit em auto ca. 16 km...
Hm, wa chönt me dänn verpasse, wäme ersch wieder id 4 Jahreskontrolle goht? Üseri isch jo eh bi allem chli hine dri, is etz aber immer im Rahme...Ha s gfühl solang sie zwäg isch und immer fortschritt macht, isch es ok...
Fieber hät sie etz geschter obed keis meh ka, warte eigentlich scho lang uf die letschte Milchzähn hinne, aber me gseht nüt, sie nimmt zwor viel en finger is mul, aber nume vorne...vilich isch es o eifach en virus gsi..

lg Elba

[Cedric]

guets mörgeli zäme

elba
doch mer send ou bim senfft. Fr. Senfft hed aber grad vor 2 monet woni bi de 2 j. ktr. gsiben gseit jo genau met 3j. weder cho. hed evtl. öppis falsch glueget.


Ufstoh am morge jo das esch so en sach.
mängisch super guet wie hüt morge. er esch scho agleit gsi wone han welle go wecke.
sösch ame chom mach tue hopp......
eis züg aber er got denn nochher sehr gärn i kiga. no nie es problem gha.
höchschtens am afang met plogende grössere chind wosi im WC igschpert hend. hei das esch öppis gse. hed rächti uswörkig gha ufs verhalte vo ufs WC go. hed es ziitli brucht bes er weder eilei gange esch on ned vor angscht i dhose gmacht hed. so doofi goofe.

so mues gschnell i pass büro go pass mache för de chli dass mer ou chönt weg im sommer wenn mer wend.

lg.

[kuddy]

cedric
ou näi. aso chind chend mängisch scho fies si zunenand. de armi. s tuetmer grad weh....
das glaubi daser nah nimmä gern ellei ufs wc isch.

elba
schön gahts de chli wider besser. ja diä zänd..ich weiss alligs ai nid obs nu e zahn isch oder suscht eppis..

so, ich muäs go wäsch hänke, dr maa isch am mäihä, morn inätuä..
grässli

[Stritzi]

melde mich nur kurz wünsche euch warme sonnige Tage

[kuddy]

stritzi
dankä glichfalls

sinds alli am bädälä? s einzig richtig momentan

morä gahmer mitere kollegin und ihrne kids uf d frutt. mal luege wie warms dert obä isch

griässli

[kuddy]

hallo mitenand,
wie gahts eu afä? vil ide ferie?

mier sind diheime und gniessid de summer.alli gsund und zwwg;was wettmee numee...

griessli

[elba]

Sali kuddy

Nei kei Ferie Aber sus etz immer dusse unterwägs, ja und o alli gsund und zwäg

Liebi Grüess
Elba

[kuddy]

ja das isch doch schön.
bi dem wetter gell.

griessli

[chäfer83]

üs gids au no. Hans grad chlu streng gha.

Chli viel schuel, Training und lerne, mues irgendwie no en Rhythmus gfinnde. Finde grad chlii happig, mit familie, usbildig und schaffe.

Immerhin isch s'wetter genial.

Leider verzichtet de chli oft scho uf de Mittagsschlaf...

[kuddy]

chäfer
was machsch firne schuel?das glaubi dases streng isch.
schlaft de chli dure?wener scho am mittag nim wett schlafe?

us
vorm mittg isch di chli abm stuehl trolet.ez hedsi e riesigi bülä f dr stirn...
morn gemmer uf goldau i tierpark.hiffe s heig det chli schatte

[chäfer83]

@kuddy
Mache d usbildig zur Kinesiologie, also wenn öber mol wet cho, sueche immer lüt.

[kuddy]

chäfer
wau cool.
wo machsch d schuel?