Familie mit Handwerker-Papis im Züri Oberland ?

[Kaos]

So Ihr liebe Mamis,

Ich und min Fründ (beid 33J.) hend im Mai 18 euse Sohn becho und sit deht gaaaanz viel netti Mamis, Papis und Chind dörfe kennelerne.

Irgendwie het sich's aber ergäh, dass all eusi Fründe und Bekannte mit Chind im gliche Alter all chli Bürogummis sind (Ich selber au )

Min Fründ isch Zimmermann und ich glaub er wür sich freue sich au mal biz über handwerklichi Sache und de Arbeitsalltag i dere Branche z'unterhalte

Viellicht gits ja da die eint oder Familie im Züri Oberland, wo au en Papi miteme eher handwerkliche Bruef het?

Und wenn nöd, au egal... freued eus immer über neui Bekanntschafte

Freu mi vo eu z'ghöre

[Hope777]

Guete Morge
Bin uf din post gstosse ja also min schatz isch au zimmermann und mir erwartet euses Baby im September.

[Julimama]

Huhuu
Din post isch zwar scho älter aber han denkt ich meld mich mal no.
Min Ma isch zwar au glernte Zimmerma, jetzt aber au en Bürogummi wo aber no mitem bau ds tue het. Vilicht zehlt das ja au
Eusi Tochter isch 3 mönet und mir wohned in uster.
Würd mich freue vo dir ds ghöre
LG